প্রধান মন্ত্রী শ্রী নরেন্দ্র মোদীনা ঙসি জম্মুদা ওল ইন্দিয়া ইন্সতিত্যুত ওফ মেদিকেল সাইন্স (AIIMS) শঙ্গাখ্রে। প্রধান মন্ত্রীনা লমদসিদা চাউখৎ থৌরাংগী অতোপ্পা থবক কয়াগী উরেপ উয়ুং তমখি, শঙ্গাখি অমসুং কেন্দ্রগী স্কিমগী বেনেফিশরীশিংগা ৱারীশু শাখি।

জম্মু অমসুং কশ্মিরগী লেফতেনেন্ত গবর্নর, শ্রী মনোজ সিনহা; পর্সোন্নেল, পব্লিক গ্রাইবেন্স অমসুং পেন্সন মন্ত্রালয়গী রাজ্য মন্ত্রী, শ্রী জিতেন্দ্র সিংহ; অমসুং জম্মুদগী কারকপা মেম্বর ওফ পার্লিয়ামেন্ত, শ্রী জুগল কিশোর শর্মসু ঙসিগী থৌরমদা শরুক য়াখি।

প্রধান মন্ত্রীনা ঙসি তিনখিবা মীয়ামদা ৱা ঙাঙবদা অসুম্না হায়খি, “হৌখিবা চহি ১০দা জম্মু অমসুং কশ্মিরগী মেদিকেল কোলেজ মশিংনা ৪দগী ১২তা হেনগৎখ্রে , চপ মান্নবা মতম অসিদা জম্মু অমসুং কশ্মিরগী MBBS সীত মশিংনা ৫০০তগী শরুক অনি হেন্দুনা ১৩০০ য়ৌখি”। “ইং ২০১৪গী মমাংদা J&Kদা PG মেদিকেল সীত অমত্তা লৈরমদে, অদুবু ঙসিদি, য়ুনিয়ন তেরিতোরী অসিদা PG মেদিকেল সীত ৬৫০ লৈরে”, হায়না মহাক্না মখা তাখি। লমদম অসিদা নর্সিং অমসুং পেরামেদিক কোলেজ অনৌবা ৩৫ অমসু লৈরগনি অমসুং মসিনা নর্সিং সীতকী মশিং য়াম্না হেনগৎহল্লগনি হায়না প্রধান মন্ত্রীনা মখা তানা পাউদমখি।

এমস জম্মু শঙ্গাবা মতমদা প্রধান মন্ত্রীনা অসুম্না হায়খি, “কেন্দ্র সরকারনা হৌখিবা চহি ১০দা অনৌবা এমস ১৫ হাপচিনখি, মসিগী মনুংদগী অনিদি জম্মু অমসুং কশ্মির খক্তদা লৈরি”। মহাক্না হায়খি, “এমস জম্মুনা মথৌ পাংথোকপা হৌরবা তুংদা, জম্মুগী মীয়াম্না অখন্নবা লাইয়েংগীদমক্তা দিল্লীদা চত্ত্রবসু য়ারগনি। মসিনা মখোয়গী মমল য়াম্লবা মতম অমসুং রিসোর্স অনিমক কনগনি”।

লৈবাক্কী সেক্তর খুদিংগী ইনফ্রাস্ত্রকচরদা খোঙজেল য়াঙনা অহোংবা লাক্লিবা অসিদা প্রধান মন্ত্রীনা মীয়ামগী পুক্নিং চীংশিনখি। ইং ২০৪৭ ফাওবদা বিকশিৎ ভারত ওইবগী মহাক্কী মঙলানবু মীয়ামদা অমুক হন্না নীংশিংলদুনা মীয়াম্না মসিগীদমক্তা কন্না হোৎনসি হায়না মহাক্না হায়খি। বিকশিৎ জম্মু অমসুং কশ্মির হায়বসি বিকশিৎ ভারত অমগী য়াম্না তঙাই ফদবা হীরম অমা ওইরি অমসুং কেন্দ্র সরকারনা J&Kদা পায়খৎলিবা চাউখৎ থৌরাংগী প্রোজেক্তশিং অসিনা মঙলান অসিবু মঙফাওনহনবগী পান্দম থম্লি, মহাক্না হায়খি।

থৌরম অসিদা নুংঙাইবা ফাওবগী মতৌ ফোংদোক্লদুনা, কেন্দ্রগী হকশেল অমসুং য়াইফ য়ুম্বাল মন্ত্রী, দাঃ মনশুখ মন্দাবিয়ানা উরেপ উয়ুং তম্বদগী শঙ্গাবা ফাওবদা শুপ্নগী চহি ৫ খক্তমক চঙখিবা এমস জম্মুগীদমক্তা কেন্দ্র সরকারনা খোঙফম চেৎখিববু মীয়ামদা খঙহনখি।

চাউখৎ থৌরাং পুরকপা অমসুং কেন্দ্রগী স্কিমশিংবু শোত্থরবা খুন্নাইগী মফমদা য়ৌহনবা অমসুং লমদম অসিদা এমস অনি লৈহনবা ওইরো, জম্মু অমসুং কশ্মিরগী মীয়ামগী মতম শাংবদগী লৈরক্লবা অনীংবা অপাম্বশিংবু মঙফাওনহনবীবগীদমক্তা শ্রী মনোজ সিনহানা কেন্দ্র সরকারবু থাগৎপা ফোংদোকখি। “হৌখিবা চহি ৫তা J&Kনা অওনবা কয়া উখি, অখন্নবা ওইনা, লমদমসিগী হকশেল, এজুকেসন, সেক্যুরিতী অমসুং ইনফ্রাস্ত্রকচরগী ফিভম ফগৎখি। মসিনা মরম ওইরগা, তেরোরিজমগী থৌওংদা ৭৫% হন্থখি অমসুং ইনভেস্তমেন্ত অমসুং থবক্কী অনৌবা খুদোংচাবা কয়া লৈরকখি”। শ্রী নরেন্দ্র মোদীগী লুচিং মখাদা, J&Kনা এমস, IIT, IIM অমসুং অতোপ্পা মমিং লৈরবা ইন্সতিত্যুত পুম্নমক লৈবা অমত্তা ঙাইবা রাজ্য ওইরে হায়নসু মহাক্না মীয়ামগী পুক্নিং চীংশিনখি।

সরকারনা লৈবাক্কী, মরু ওইনা J&Kগী, ইনফ্রাস্ত্রকচর চাউখৎহনবদা চঙলিবা অখন্নবা মিৎয়েংগী মরু ওইবশিং দাঃ জিতেন্দ্র সিংহনা হায়খি। মসিগুম্বা চাউখৎ থৌরাংগী প্রোজেক্ত কয়া অমদি হৌবদগী হৌনা মিৎয়েং শানখি অমসুং প্রধান মন্ত্রীনা চাউখৎ থৌরাংগী খুদোংচাবা পুম্নমক লাস্ত মাইলদা য়ৌগদবনি হায়না কন্না হোৎনরিবা অসিনা পুম্নমক অসি ওইথোকহনবনি হায়না মহাক্না মখা তাখি।

বেকগ্রাউন্দ

জম্মু অমসুং কশ্মিরগী মীয়ামদা মগুন লৈবা অমসুং মপুং ওইবা তর্সিএরী কেয়র হেল্থকেয়র সর্ভিস পাক শন্না পীগদবা খোঙথাং অমা ওইনা, প্রধান মন্ত্রীনা জম্মুগী বিজয়পুর (সম্বা)দা ওল ইন্দিয়া ইন্সতিত্যুত ওফ মেদিকেল সাইন্স অমা শঙ্গাখ্রে। প্রধান মন্ত্রীনা ফেব্রুভ্বারী 2019দা উরেপ উয়ুং তমখিবা ইন্সতিত্যুত অসি প্রধান মন্ত্রী স্বস্থ্য সুরক্ষা য়োজনা হায়রিবা সেন্ত্রেল সেক্তর স্কিম অসিগী মখাদা শাবনি।

“হীলিং মীৎস হোপ” হায়বা মোত্তোগা লোয়ননা এমস জম্মুনা শোত্থরবা খুন্নাইদা অখন্নবা অমসুং অফবা মেদিকেল কেয়র পীদুনা মখোয়গী মফমদগী শেলগী পোৎলুম হন্থহনবা অমসুং লাইয়েংবগী অথাপ্পা শহরদা চৎপদা চঙবা মতম কনবা অমসুং লমদমসিগী হকশেল শেন্নবগী ফিভমদা অচৌবা অওনবা পুরকপগী পান্দমগা লোয়ননা মীয়ামগীদমক্তা খোঙফম চেৎনা লৈগনি। ইন্সতিত্যুত অসিগী লোগোনা জম্মু লমদমগী সোসিও-কলচরেল অমসুং স্পিরিচুএল ইথোসশিংগী শক্তমসু উৎলি।

একর 277 হেনবা মফমদা লুপা করোর 1660 হেন্না চঙনা শাবা হোস্পিতাল অসিদা ফমুং 720, সীত 125 লৈবা মেদিকেল কোলেজ, সীত 60 লৈবা নর্সিং কোলেজ, ফমুং 30 লৈবা আয়ুশ ব্লোক, ফেকলতী অমদি স্তাফশিংগী রেসিদেন্সিএল একোমোদেসন, UG অমসুং PG মহৈরোইশিংগী হোস্তেল, নাইত শেলতর গেস্ত হাউস, ওদিতোরিয়ম, শোপ্পিং কমপ্লেক্সনচিংবা খুদোংচাবা কয়া লৈরি। স্তেত-ওফ-দি-আর্ত হোস্পিতাল অসিনা কার্দিওলোজী, গেস্ত্রো-এন্তেরোলোজী, নেফ্রোলোজী, য়ুরোলোজী, ন্যুরোলোজী, ন্যুরোসর্জরী, মেদিকেল ওঙ্কোলোজী, সর্জিকেল ওঙ্কোলোজী, ইন্দাইক্রোনোলোজী, বর্ন অমসুং প্লাস্তিক সর্জরী য়াওনা স্পিসিএলিতী 18 অমসুং সুপর স্পিসিএলিতী 17দা মগুন লৈবা পেসেন্ত কেয়র সর্ভিস পীগনি। ইন্সতিত্যুত অসিদা ইন্তেন্সিব কেয়র য়ুনিৎ, ইমর্জেন্সী অমসুং ত্রোমা য়ুনিৎ, মোদ্যুলর ওপরেসন থীএতর 20, দাইগ্নোস্তিক লেবোরেতরী, ব্লদ বেঙ্ক, ফার্মাসীনচিংবসু লৈগনি। হোস্পিতাল অসিনা লমদমসিগী মনুং হঞ্জিনবা অমসুং অথাপ্পা মফমশিংদা য়ৌনবগীদমক্তা দিজিতেল হেল্থ ইনফ্রাস্ত্রকচরগী খুদোংচাবা লৌগনি।

প্রধান মন্ত্রীগী দিজিতেল ইন্দিয়াগী পান্দমগা মরী লৈননা, এমস জম্মুনা হেল্থকেয়র ইকোসীস্তেমগী সীম্লেস ইন্তিগ্রেসনগীদমক্তা কম্মিসন তৌরবা মতুংগী চহি ১গী মনুংদা মাইলস্তোন মরিদা হেল্থকেয়রবু ১০০% দিজিতাইজ তৌবগী অচৌবা অওনবা অমা পুরক্নবা থবক পায়খৎকনি। এমস জম্মুনা IIT, IIM, IIIM অমসুং অতোপ্পা প্রিমিয়র ইন্সতিত্যুতশিংগা খুৎশম্নদুনা থৌদাং হেন্না খঙবা, চুনবা তঙাই ফদবগী মখা পোন্না শিজিন্নবা য়াবা অমসুং মালেম পুম্বগী হেল্থকেয়রগা মরী লৈনবা ইকোসীস্তেম অমা শেমগনি।

কেদ্রগী হকশেল মন্ত্রালয়, জম্মু অমসুং কশ্মির য়ুনিয়ন তেরিতোরী সরকারগী সেনিয়র ওফিসিএলশিংগা লোয়ননা ইমপ্লিমেন্তিং এজেন্সীশিংগী মীহুৎ কয়ানা ঙসিগী থৌরম অসিদা শরুক য়াখি।

***