مرکزی وزیر داخلہ اور تعاون کے وزیر جناب امت شاہ نے کہا ہے کہ آفات سے بچنے والے ہندوستان کی تعمیر کے لیے وزیر اعظم جناب نریندر مودی جی نے ایک کثیر جہتی ڈیزاسٹر مینجمنٹ پلان متعارف کرایا ہے۔

'ایکس' پلیٹ فارم پر ڈیزاسٹر مینجمنٹ سے متعلق سلسلے وار پوسٹوں کے تحت ، جناب امت شاہ نے کہا، "وزیر اعظم جناب نریندر مودی جی نے ایک کثیر جہتی ڈیزاسٹر مینجمنٹ پلان متعارف کرایا۔ اس وژن کے تحت، مودی حکومت نے فوری جوابی قوتیں تیار کیں اور چوکس شروعاتی انتباہی نظام تیار کیا جس کی وجہ سے لاکھوں جانیں بچائی گئیں۔

مرکزی وزیر داخلہ اور تعاون کے وزیر نے کہا، "آفتوں سے بچنے والے بھارت کی تعمیر کے لیے وزیر اعظم جناب نریندر مودی جی نے آفات کے جواب میں صفر جانی نقصان کا طریقہ اپنایا ہے۔ آج ہماری ڈیزاسٹر ریسپانس ٹیمیں مکمل طور پر پیشہ ورانہ قوتوں کے طور پر کام کرتی ہیں جو ہر زندگی کو محفوظ بنانے کے ہدف سے تقویت  یافتہ ہیں۔

جناب امت شاہ نے کہا، ’’وزیراعظم جناب نریندر مودی جی کی دور اندیش قیادت سے تقویت یافتہ بھارت آج کسی بھی آفت سے نمٹ سکتا ہے۔ مودی حکومت کے مشن زیرو کیزولٹی کی وجہ سے، بپرجوئے طوفان کی تباہ کن قوت بھی ہمیں جانی نقصان نہیں پہنچا سکی۔‘‘

مرکزی وزیر داخلہ نے مزید کہا کہ "وزیر اعظم جناب نریندر مودی جی نے آفات سے بچنے والے ملک کی تعمیر کے لیے بھارت کے نوجوانوں کی طاقت کا استعمال کیا۔ مودی حکومت نے لاکھوں لوگوں کو ڈیزاسٹر مینجمنٹ کی تربیت دی، جس سے ہماری افواج کا حوصلہ بلند ہوا اور ہمارے معاشرے  کو آفات سے لڑنے کے قابل بنایا۔

قابل ذکر ہے کہ وزارت داخلہ نے 8000 کروڑ روپے کی ڈیزاسٹر مینجمنٹ اسکیم کو لاگو کیا ہے جس میں ریاستوں میں آگ بجھانے کی خدمات کو وسعت دی گئی ہے، جس سے سات بڑے شہروں میں سیلاب اور 17 ریاستوں میں زمین کھسکنے کے خطرات کو کم کیا گیا ہے۔ مزید برآں، آگ بجھانے کی خدمات کی توسیع اور جدید کاری کے لیے 5,000 کروڑ روپے کا منصوبہ جون 2023 میں شروع کیا گیا ہے۔

2021 میں، نیشنل ڈیزاسٹر مٹیگیشن فنڈ نے 'اسٹیٹ ڈیزاسٹر مٹیگیشن فنڈ' کے تحت این ڈی آر ایف کو 13,693 کروڑ روپے اور ایس ڈی آر ایف کو 32,031 کروڑ مختص کیے ہیں۔ ایس ڈی آر ایف اور این ڈی آر ایف کے لیے فنڈنگ 2014-2023 کے دوران 2005-2014 کے مقابلے تین گنا بڑھ گئی ہے۔

آفات سے متاثرہ 350 اضلاع میں 369 کروڑ روپے کے بجٹ کے ساتھ آپدا متر اسکیم کا مقصد 1,00,000 نوجوان رضاکاروں کو تربیت فراہم کرنا ہے۔ 83,000 سے زیادہ کو پہلے ہی تربیت دی جا چکی ہے، آفات سے نمٹنے کے لیے ان کی تیاری کے لیے لائف انشورنس فراہم کی گئی ہے۔

ڈایزاسٹر مینجمنٹ : جامع نقطہ نظر کا جائزہ ملاحظہ کرنے کے لیے یہاں کلک کریں۔

**********

 (ش ح –ا ب ن۔ م ف)

U.No:5137