কেন্দ্রগী য়ুথ এফিয়ার্স অমসুং স্পোর্তস মন্ত্রী শ্রী অনুরাগ সিংহ থাকুর ফেব্রুৱারী ১৯দা গুৱাহাতিদা খেলো ইন্দিয়া য়ুনিবর্সিতী গেম্স ২০২৩ হৌদোকপগী থৌরমদা শরুক য়াগনি।

মমিং চৎলবা শৈশকপা অমসুং শৈরাংবা পাপোন ফেব্রুৱারী ১৯দা সারুসজাই স্পোর্তস কমপ্লেক্স, গুৱাহাতিদা পরফোর্ম তৌগনি।

নোর্থ-ইস্তকী রাজ্য তরেৎতা গেম্সশিং শান্নগনি অমসুং ফেব্রুৱারী ২৯দা লোইশিনগনি।

কেন্দ্রগী স্পোর্তস অমসুং য়ুথ এফিয়ার্স মন্ত্রী শ্রী অনুরাগ সিংহ থাকুরনা অসামগী মুখ্য মন্ত্রী শ্রী হিমতা বিস্ব সর্মগা লোয়ননা খেলো ইন্দিয়া য়ুনিবর্সিতী গেম্সদা শরুক য়াগনি। প্রধান মন্ত্রী শ্রী নরেন্দ্র মোদীনা এথলেৎশিংবু ভিদিও মেসেজ অমগী থোংদা পুক্নিং থৌগৎকনি। মসি গেম্স অসিগী মরিশুবা এদিসন্নি। কে.আই.য়ু.জি. ২০২৩দা য়ুনিবর্সিতী ২০০দগী এথলেৎ ৪৫০০না শরুক য়ারি।

মীয়াম্না পাপোন হায়রগা খংনবা অঙ্গরাগ মহন্তনা কে.আই.য়ু.জি. ২০২৩ – অশ্তলক্ষমী শুমহৎনিংঙাই ওইনা হৌদোক্লবা য়াই।

অসামগী স্পোর্তস অমসুং য়ুথ ৱেলফেয়র মন্ত্রী শ্রীমতি নন্দিতা গার্লোসানা হায়খি মদুদি পাপোননা শরুক য়াবনা হৌদোকপগী থৌরমদা গ্লেমর পুরক্কনি। শ্রীমতি নন্দিতা গার্লোসানা হায়খি “পাপোন ভারতকী য়ুথ আইকোন অমনি অমদি গুৱাহাতিনা মহাকপু লাইব তাবা ফংলগনি। ঐখোয়গী নাক্তা ভুপেন হজারিকাগুম্বা থোইদোক হেন্দোকপা ম্যুজিসিয়ান লৈরি অদুবু অফবা ম্যুজিক্তি জেনরেসন অমা হেক্তনা খংবা ঙম্মি। হজারিকা অমসুং পাপোন অনিমক মখোয় মশাগী তোপ তোপ্পা লৈজৈ অমসুং জুবিন গর্গপু কাউরোইদবনি।”

গেম্সকী গ্রান্দ ওপনিংদা শরুক য়াবা পুম্নমক মমল লৌদনা তরাম্না ওক্কনি, লোয়ননা য়ুনিতী, দাইবর্সিতী, অমসুং স্পোর্তসমেনশিপকী স্পিরিৎকী ভেল্যুশিংদা হায়লাইত তৌবা থেমেতিক শোকেসসু উৎকনি। মসিদসু নত্তনা, অসামগী ভাইব্রেন্ত কলচরনা ইন্দেজেনস আর্তকী কেপ্তিবেতিং দিসপ্লেশিংগা লোয়ননা সেন্তর স্তেজ লৌগনি, মদুনা থৌরমদা কলচরেল ইমর্সনগী অহেনবা লেয়র অমা হাপচিল্লগনি।

মরুওইনা, খেলো ইন্দিয়া য়ুনিবর্সিতী গেম্স ২০২৩ অশ্তলক্ষমী থাংজ নুমিৎতা সারুসজাই স্তেদিয়মদা কবদ্দী মেচকা লোয়ননা হৌখি। তিম নিপালনা পুল অনি খায়দোক্তুনা মায় পাক্নবগীদমক চাংদম্নরি।

কে.আই.য়ু.জি. অসি ২০১৬দা হৌদোকখিবা ভারত সরকারগী খেলো ইন্দিয়া ইনিসিয়েতিবকী শরুক অমনি। খেলো ইন্দিয়া মিসন্না গ্রাসরুতস স্পোর্তস প্রমোত তৌবা অমসুং লৈবাক পুম্বদগী নহাওইরিবা তেলেন্তশিং মশক খংদোকপদা মীৎয়েং থমলি।

গুৱাহাতিদা লৈরিবা সারুসজাই স্পোর্তস কমপ্লেক্স ফেব্রুৱারী ১৯দা খেলো ইন্দিয়া য়ুনিবর্সিতী গেম্স ২০২৩ অশ্তলক্ষমী ওপনিং সেরেমোনীগীদমক থৌরাংতৌরে।  

****