লৌউ-শিংউ সেক্তরদা তেংবাংবা অমসুং লৈবাক শিনবা থুংবগী লৌমীশিংগী য়াইফ য়ুম্বাল লৈহনবগী মশক থোক্লবা ৱারেপ অমদা, ভারত সরকার (GoI)না ফুদ কোর্পোরেসন ওফ ইন্দিয়া (FCI)গী ওথোরাইজ কেপিতেলবু লুপা করোর ১০,০০০দগী লুপা করোর ২১,০০০ ফাওবদা হেনগৎলগনি হায়না লাউথোকখ্রে। মসিগী স্ত্রেতজিক ওইরবা খোঙথাং অসিনা সরকারনা লৌমীশিংদা তেংবাংনবা অমসুং ভারতকী এগ্রারিয়ন ইকোনোমীবু ঙাক শেনবগী খোঙফম চেৎলি হায়বা উৎলি।

ভারতকী ফুদ সেক্যুরিতী আর্কিতেকচরগী য়ুম্বী ওইরিবা FCIনা মিনিমম সপ্পোর্ত প্রাইস (MSP)দা হৱাই চেংৱাই লৈবা, স্ত্রেতজিক ফুদ গ্রেন স্তোক শেন্নবা, রাজ্য অমসুং য়ুনিয়ন তেরিতোরী (UT)শিংদা য়েন্থোকপা অমসুং হৱাই চেংৱাইগী মমলবু কৈথেলদা লেঙহন্দনা থম্বগী মতৌ য়াওনা মরী লৈনবা থৌওং কয়াদা মরু ওইবা থৌদাং য়ারি।

ওথোরাইজ কেপিতেল হেনগৎলিবা অসিদি FCIনা মশাগী থৌদাংশিং নীংথিনা পাংথোকপা ঙম্নবা মখোয়গী থবক তৌবা ঙম্বগী মতিক হেনগৎহন্নবা পায়খৎপা মশক থোকপা খোঙথাং অমনি। FCIনা ফন্দগী তঙাই ফদবশিংদা লৈরিবা অহাঙবশিং মেনশিনবা ঙম্নবগীদমক্তা কেশ ক্রেদিত, শোর্ত তর্ম লোন, অমদি অতোপ্পা পাম্বৈ কয়াগী খুদোংচাবা লৌরি। ওথোরাইজ কেপিতেল হেনগৎপা অমসুং মখা তানা শেল হাপচিনবনা ইন্তরেস্তকী পোৎলুম হন্থহনগনি, ইকোনোমিক কোস্ত হন্থহনগনি অমসুং GOIগী সবসিদীদা অফবা শাফু পীগনি। কেপিতেল হাপচিনবগী মসিগুম্বা থৌওং অসিদগী, FCIনা মখোয়গী স্তোরেজ ফেসিলিতীশিংবু মতমগা চুনহনবা, ত্রান্সপোর্তেসন নেতৱর্ক ফগৎহনবা অমসুং থাক ৱাংনা ফবা তেক্নোলোজী শিজিন্নবা হৌরে। হায়রিবা থবকশিং অসি মহৈ-মরোং লোক্লবা মতুংদা মাইয়োক্নবা অমাঙবশিং হন্থহনবখক নত্তনা কঞ্জ্যুমরশিংদা হৱাই চেংৱাই নীংথিনা য়েন্থোকপসু ঙমহল্লি।

GoIনা FCIগী মফমদা ৱর্কিং কেপিতেলগী মথৌ তাবা অমসুং কেপিতেল এসেত শেম্বগী ইকুইতীসু পীরি। FCIনা মপুং ওইবা IT সীস্তেম অমা শেম্নবা, হৌজিক লৈরিবা ইন্তর্নেল সীস্তেম (FAP, HRMS) অমসুং এক্সতর্নেল সীস্তেম (রাজ্যশিংগী প্রোক্যুর্মেন্ত পোর্তেল, CWC/SWC) শিজিন্ননবা পাক চাউরবা খোঙথাং অমা পায়খৎলি। ই-ওফিস থবক্তা ওন্থোকপনা FCIবু চে শিজিন্নদবা লুপ অমা হান্ননা ওইহনখ্রবনি। মসিগুম্বা মপুং ওইবা IT সোল্যুসনগী খোঙথাংশিংনা FCIগী কোর ওপরেস্নেল সোফৱেয়র ওইনা মথৌ তৌরি, অমসুং মসিনা কম্মন দিজিতেল বেকবোন অমগা লোয়ননা মথৌ-মমেনশিং মওং মরিল তাহনবগা লোয়ননা ই-পাউগী সোর্স অমখক লৈহনগনি।

FCIনা থবক তৌবগী মতৌ হেন্না ফগৎহনবগী শরুক অমা ওইনা, লুপ অসিনা সিমেন্তকী শোরোক, রুফ মেন্তেনেন্স, মৈ থানবা অমসুং ৱেৎব্রিজ অপগ্রেদ, ফুদ সেক্যুরিতী হেনগৎহনবগুম্বা থবকশিং নীংথিনা পাংথোক্লি। লেবকী খুৎলায় লৈবা, অমসুং QC লেবকী সোফৱেয়র প্লেতফোর্ম শাবগী থৌওংশিংনা ক্বালিতী চেক্কিং হেন্না ফগৎহনবগী পান্দম থম্লি। “আউত তর্ন রেসিও”, “শেল লাইফ” অমসুং “পেস্ত মেনেজমেন্ত ফোর ফোর্তিফাইদ রাইস”কী হীরমদা পাংথোকপা স্তদীশিংনা FCIনা মথৌ নীংথিনা পাংথোকপা ফুদ সেক্যুরিতী মেনেজমেন্ত সীস্তেম অমা শাবগী খোঙফম চেৎলিবা অসিদা তেংবাংগনি। FCIগী পান্দমশিং অসিদা তেংবাংবা ওইনা ওতোমেতেদ দিজিতেল ইকুইপমেন্ত পুনশিনবনা নুং-পান ফাওনা উবা প্রোক্যুর্মেন্ত মেকানিজম অমা লৈহন্নবা হ্যুমেন ইন্তর্ভেন্সন লৈহন্দবা অমসুং ইমপ্লোয়ীশিংগী ইনফ্রাস্ত্রকচর ফগৎহনবা, ভারা হন্থহনবা অমসুং FCIগী এসেত শেমগৎপগী পান্দম থম্লি।

MSPদা য়ুম্ফম ওইদুনা পাংথোকপা প্রোক্যুর্মেন্ত অমসুং FCIগী মথৌ তৌবা ঙম্বগী মতিক্তা ইনভেস্ত তৌবগী হীরম অনিদা সরকারনা খোঙফম চেৎলিবা অসিনা লৌমীশিংবু মপাঙ্গল হাপ্পা, লৌউ-শিংউগী সেক্তরবু চেকশিন্না থম্বা অমসুং লৈবাক্কী ফুদ সেক্যুরিতী শোইহন্দবগী মায়কৈদা পুন্না হোৎনমিন্নবগী থৌওং অমা উৎলি। হায়রিবা খোঙথাংশিং অসিনা খুমাং চাউশিনলকপগা লোয়ননা, ভারতনা মশাগী লৌউ-শিংউগী সেক্তরগী নীংহন্নবা লৈতবা অমসুং নুংঙাই য়াইফবা তুংগী মতম অমা লৈহনগনি হায়বগী থাজবা থম্লি। থৌওং পুম্নমক অসিদা লৌমীশিংগীদমক্তা খনবগী মতৌনা ময়োলদা থম্লি।

ভারত সরকারনা FCIনা ফুদ সেক্যুরিতী ঙাক্তুনা চৎপগী মরু ওইবা থৌদাং লৌরিবা অসিবু শকখঙলদুনা FCI অমসুং দেজিগনেতেদ সেন্ত্রেল পুল (DCP) রাজ্যশিংনা মতম-মতমগী  মতুং ইন্না ঙাক্না চৎকদবা হৱাই চেংৱাইগী স্ত্রেতজিক ওইবা থাকপুসু খঙহল্লি। FCIনা কাঙলোনশিং অসিবু নীংথিনা ইন্দুনা চত্তুনা তুংগী মতমদা লাক্কদবা পামদবা থৌদোকশিং মাইয়োক্নবা ঙম্নবা শেম শাদুনা লৈরি অমসুং চিঞ্জাক্কী মরী লৈনবা শিংনবশিংগী মতাংদা লৈবাক অসিবু রেজিলিএন্ত ওইহল্লি।

***