ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଫେବୃଆରୀ ୧୬, ୨୦୨୪ ପୂର୍ବାହ୍ନ ୧୧ଟାରେ ଭିଡିଓ କନଫରେନ୍ସିଂ ମାଧ୍ୟମରେ 'ବିକଶିତ ଭାରତ ବିକଶିତ ରାଜସ୍ଥାନ' କାର୍ଯ୍ୟକ୍ରମକୁ ସମ୍ବୋଧିତ କରିବେ । ଏହି କାର୍ଯ୍ୟକ୍ରମ ରେ ପ୍ରଧାନମନ୍ତ୍ରୀ ୧୭,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଏକାଧିକ ଉନ୍ନୟନ ମୂଳକ ପ୍ରକଳ୍ପର ଉଦଘାଟନ, ରାଷ୍ଟ୍ର ଉଦ୍ଦେଶ୍ୟରେ ଲୋକାର୍ପଣ ଓ ଶିଳାନ୍ୟାସ କରିବେ । ଏହି ପ୍ରକଳ୍ପଗୁଡ଼ିକ ସଡ଼କ, ରେଳ, ସୌର ଶକ୍ତି, ଶକ୍ତି ପ୍ରସାରଣ, ପାନୀୟ ଜଳ ଏବଂ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ସମେତ ଅନେକ ଗୁରୁତ୍ୱପୂର୍ଣ୍ଣ କ୍ଷେତ୍ରର ଆବଶ୍ୟକତା ପୂରଣ କରୁଛି ।

ପ୍ରଧାନମନ୍ତ୍ରୀ ରାଜସ୍ଥାନରେ ୫୦୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ଜାତୀୟ ରାଜପଥ ପ୍ରକଳ୍ପର ଉଦଘାଟନ କରିବେ। ପ୍ରଧାନମନ୍ତ୍ରୀ ୮-ଲେନ୍ ବିଶିଷ୍ଟ ଦିଲ୍ଲୀର ତିନୋଟି ପ୍ୟାକେଜ୍ - ମୁମ୍ବାଇ ଗ୍ରୀନ୍ ଫିଲ୍ଡ ଆଲାଇନମେଣ୍ଟ (ଏନଇ-୪) ଯଥା ବାଓନ୍ଲି-ଝାଲାଇ ରାସ୍ତାରୁ ମୁଇ ଗ୍ରାମ ସେକ୍ସନକୁ ଉଦଘାଟନ କରିବେ। ହରଦେଓଗଞ୍ଜ ଗ୍ରାମରୁ ମେଜ ନଦୀ ସେକ୍ସନ; ଏବଂ ଟାକଲିରୁ ରାଜସ୍ଥାନ/ ଏମପି ସୀମା ପର୍ଯ୍ୟନ୍ତ ସେକ୍ସନ ଏଥିରେ ରହିଛି । ଏହି ବିଭାଗଗୁଡିକ ଏହି ଅଞ୍ଚଳରେ ଦ୍ରୁତ ଏବଂ ଉନ୍ନତ ସଂଯୋଗ ପ୍ରଦାନ କରିବ। ବନ୍ୟଜନ୍ତୁଙ୍କ ନିରବଚ୍ଛିନ୍ନ ଗମନାଗମନକୁ ସୁଗମ କରିବା ପାଇଁ ଏହି ବିଭାଗ ଗୁଡ଼ିକରେ ଆନିମଲ ଅଣ୍ଡରପାସ୍ ଏବଂ ଆନିମଲ ଓଭରପାସ୍ ସହିତ ପ୍ରସ୍ତୁତ କରାଯାଇଛି। ଏହାବ୍ୟତୀତ ବନ୍ୟଜନ୍ତୁଙ୍କ ଉପରେ ଏହାର ପ୍ରଭାବକୁ କମ୍ କରିବା ପାଇଁ ଶବ୍ଦ ପ୍ରତିବନ୍ଧକ ମଧ୍ୟ ବ୍ୟବସ୍ଥା କରାଯାଇଛି। ପ୍ରଧାନମନ୍ତ୍ରୀ ଡେବାରୀଠାରେ ଜାତୀୟ ରାଜପଥ-୪୮ର ଚିତ୍ତୋରଗଡ଼-ଉଦୟପୁର ବାଇପାସ୍ କୁ ସଂଯୋଗ କରୁଥିବା ୬-ଲେନ୍ ଗ୍ରୀନଫିଲ୍ଡ ଉଦୟପୁର ବାଇପାସ୍ ଏବଂ ୪୮ ନମ୍ବର ଜାତୀୟ ରାଜପଥର ଉଦୟପୁର-ଶାମଲାଜୀ ସେକ୍ସନକୁ କାୟା ଗ୍ରାମରେ ଉଦଘାଟନ କରିବେ । ଏହି ବାଇପାସ୍ ଉଦୟପୁର ସହରର ଭିଡ଼ କମାଇବାରେ ସହାୟକ ହେବ। ରାଜସ୍ଥାନର ଝୁନଝୁନୁ, ଆବୁରୋଡ୍ ଏବଂ ଟଙ୍କ ଜିଲ୍ଲାରେ ସଡ଼କ ଭିତ୍ତିଭୂମିରେ ଉନ୍ନତି ଆଣିବା ପାଇଁ ପ୍ରଧାନମନ୍ତ୍ରୀ ବିଭିନ୍ନ ପ୍ରକଳ୍ପର ଉଦଘାଟନ କରିବେ । 

ଏହି ଅଞ୍ଚଳରେ ରେଳ ଭିତ୍ତିଭୂମିକୁ ସୁଦୃଢ଼ କରିବା ପାଇଁ ପ୍ରଧାନମନ୍ତ୍ରୀ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିବେ ଏବଂ ରାଜସ୍ଥାନର ପ୍ରାୟ ୨୩୦୦ କୋଟି ଟଙ୍କାର ୮ଟି  ଗୁରୁତ୍ୱପୂର୍ଣ୍ଣ ରେଳ ପ୍ରକଳ୍ପର ଶିଳାନ୍ୟାସ କରିବେ  । ଦେଶ ଉଦ୍ଦେଶ୍ୟରେ ସମର୍ପିତ ହେବାକୁ ଥିବା ରେଳ ପ୍ରକଳ୍ପଗୁଡ଼ିକ ମଧ୍ୟରେ ଯୋଧପୁର-ରାଇ କା ବାଗ-ମେର୍ଟା ରୋଡ୍-ବିକାନେର ସେକ୍ସନ୍ (୨୭୭ କିଲୋମିଟର) ସମେତ ରେଳ ପଥର ବିଦ୍ୟୁତୀକରଣ ପାଇଁ ବିଭିନ୍ନ ପ୍ରକଳ୍ପ ଅନ୍ତର୍ଭୁକ୍ତ; ଯୋଧପୁର-ଫାଲୋଡି ସେକ୍ସନ (୧୩୬ କିଲୋମିଟର); ଏବଂ ବିକାନେର-ରତନଗଡ଼-ସାଦୁଲପୁର-ରେୱାରୀ ସେକ୍ସନ (୩୭୫ କିଲୋମିଟର)। ପ୍ରଧାନମନ୍ତ୍ରୀ 'ଖଟିପୁରା ରେଳ ଷ୍ଟେସନ'କୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ। ଏହି  ରେଳ ଷ୍ଟେସନ ଜୟପୁର ପାଇଁ ଏକ ସାଟେଲାଇଟ୍ ଷ୍ଟେସନ ଭାବରେ ବିକଶିତ ହୋଇଛି ଏବଂ ଏଥିରେ  'ଟର୍ମିନାଲ ସୁବିଧା' ରହିଛି ଯେଉଁଠାରେ ଟ୍ରେନ୍ ଚଳାଚଳ ଆରମ୍ଭ ଏବଂ ଶେଷ ହୋଇପାରିବ । ଯେଉଁ ରେଳ ପ୍ରକଳ୍ପଗୁଡ଼ିକର ଶିଳାନ୍ୟାସ ପ୍ରଧାନମନ୍ତ୍ରୀ କରିବେ, ସେଥିରେ ଭଗତ କି କୋଠି (ଯୋଧପୁର) ରେ ବନ୍ଦେ ଭାରତ ସ୍ଲିପର ଟ୍ରେନ୍ର ରକ୍ଷଣାବେକ୍ଷଣ ସୁବିଧା ରହିଛି। ଖଟିପୁରା (ଜୟପୁର)ରେ ବନ୍ଦେ ଭାରତ, ଏଲଏଚବି ଇତ୍ୟାଦି ସମସ୍ତ ପ୍ରକାର ରେକର ରକ୍ଷଣାବେକ୍ଷଣ; ହନୁମାନଗଡ଼ରେ ଟ୍ରେନର ରକ୍ଷଣାବେକ୍ଷଣ ପାଇଁ କୋଚ୍ କେୟାର କମ୍ପ୍ଲେକ୍ସ ନିର୍ମାଣ; ଏବଂ ବାନ୍ଦିକୁଇରୁ ଆଗ୍ରା କିଲ୍ଲା ରେଳ ଲାଇନ ଦୋହରୀକରଣ ଅନ୍ତର୍ଭୁକ୍ତ ରହିଛି । ରେଳ ଭିତ୍ତିଭୂମିର ଆଧୁନିକୀକରଣ, ନିରାପତ୍ତା ବ୍ୟବସ୍ଥା ବୃଦ୍ଧି, ଯୋଗାଯୋଗରେ ଉନ୍ନତି ଆଣିବା ଏବଂ ସାମଗ୍ରୀ ଓ ଲୋକଙ୍କ ପରିବହନକୁ ଅଧିକ ଦକ୍ଷତାର ସହ ସୁଗମ କରିବା ରେଳ କ୍ଷେତ୍ରର ପ୍ରକଳ୍ପଗୁଡ଼ିକର ଉଦ୍ଦେଶ୍ୟ।

ଏହି ଅଞ୍ଚଳରେ ଅକ୍ଷୟ ଶକ୍ତି ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ରାଜସ୍ଥାନରେ ପାଖାପାଖି ୫୩୦୦ କୋଟି ଟଙ୍କାର ଗୁରୁତ୍ୱପୂର୍ଣ୍ଣ ସୌର ପ୍ରକଳ୍ପର ଶିଳାନ୍ୟାସ ଏବଂ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ । ପ୍ରଧାନମନ୍ତ୍ରୀ ରାଜସ୍ଥାନର ବିକାନେର ଜିଲ୍ଲାର ବାରସିଙ୍ଗସାର ଥର୍ମାଲ ପାୱାର ଷ୍ଟେସନ ଆଖପାଖ ଅଞ୍ଚଳରେ ପ୍ରତିଷ୍ଠା ହେବାକୁ ଥିବା ୩୦୦  ମେଗାୱାଟ ସୌର ଶକ୍ତି ପ୍ରକଳ୍ପ ଏନଏଲସିଆଇଏଲ ବରସିଙ୍ଗସାର ସୌର ପ୍ରକଳ୍ପର ଶିଳାନ୍ୟାସ କରିବେ । ଆତ୍ମନିର୍ଭର ଭାରତ ଅନୁଯାୟୀ ଭାରତରେ ନିର୍ମିତ ଉଚ୍ଚ ଦକ୍ଷତା ସମ୍ପନ୍ନ ଅତ୍ୟାଧୁନିକ ଜ୍ଞାନକୌଶଳ ସହ ଏହି ସୌର ପ୍ରକଳ୍ପ ସ୍ଥାପନ କରାଯିବ। ଏହାବ୍ୟତୀତ ବିକାନେର ରାଜସ୍ଥାନରେ ବିକଶିତ ହେବାକୁ ଥିବା ସିପିଏସ୍ୟୁ ସ୍କିମ୍ ଫେଜ୍ -୨ (ଟ୍ରାନଚେ -୩) ଅଧୀନରେ ଏନଏଚପିସି ଲିମିଟେଡର ୩୦୦ ମେଗାୱାଟ ସୌର ଶକ୍ତି ପ୍ରକଳ୍ପର ଶିଳାନ୍ୟାସ କରିବେ । ପ୍ରଧାନମନ୍ତ୍ରୀ ବିକାନେର ରାଜସ୍ଥାନରେ ବିକଶିତ ୩୦୦ ମେଗାୱାଟ ଏନଟିପିସି ଗ୍ରୀନ ଏନର୍ଜି ଲିମିଟେଡ ନୋଖରା ସୋଲାର ପିଭି ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ । ଏହି ସୌର ପ୍ରକଳ୍ପଗୁଡ଼ିକ ସବୁଜ ଶକ୍ତି ଉତ୍ପାଦନ କରିବ, କାର୍ବନ ଡାଇଅକ୍ସାଇଡ୍ ନିର୍ଗମନକୁ ହ୍ରାସ କରିବାରେ ସାହାଯ୍ୟ କରିବ ଏବଂ ଏହି ଅଞ୍ଚଳର ଅର୍ଥନୈତିକ ବିକାଶ କରିବ ।

ପ୍ରଧାନମନ୍ତ୍ରୀ ରାଜସ୍ଥାନରେ ୨୧୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଦ୍ୟୁତ ଟ୍ରାନ୍ସମିସନ୍ କ୍ଷେତ୍ର ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ। ଏହି ପ୍ରକଳ୍ପଗୁଡ଼ିକ ରାଜସ୍ଥାନର ସୌର ଶକ୍ତି ଜୋନ୍ ରୁ ବିଦ୍ୟୁତ୍ ହଟାଇବା ପାଇଁ ଉଦ୍ଦିଷ୍ଟ ଯାହା ଦ୍ୱାରା ଏହି ଜୋନ୍ ଗୁଡ଼ିକରେ ଉତ୍ପାଦିତ ସୌର ଶକ୍ତି ହିତାଧିକାରୀଙ୍କ ନିକଟକୁ ପଠାଯାଇପାରିବ । ଏହି ପ୍ରକଳ୍ପଗୁଡ଼ିକ ମଧ୍ୟରେ ଦ୍ୱିତୀୟ ପର୍ଯ୍ୟାୟ ଭାଗ ଏ ଅଧୀନରେ ରାଜସ୍ଥାନର ସୌର ଶକ୍ତି ଜୋନ୍ (୮.୧ ଗିଗାୱାଟ୍) ରୁ  ବିଦ୍ୟୁତ୍ ନିଷ୍କାସନ ପାଇଁ ଟ୍ରାନ୍ସମିସନ୍ ସିଷ୍ଟମ୍ ସୁଦୃଢ଼ୀକରଣ ଯୋଜନା ଅନ୍ତର୍ଭୁକ୍ତ; ଦ୍ୱିତୀୟ ପର୍ଯ୍ୟାୟ ପାର୍ଟ-ବି୧ ଅଧୀନରେ ରାଜସ୍ଥାନର ସୌର ଶକ୍ତି ଜୋନ୍ (୮.୧ ଗିଗାୱାଟ୍) ରୁ ବିଦ୍ୟୁତ୍ ଉତ୍ତୋଳନ ପାଇଁ ଟ୍ରାନ୍ସମିସନ୍ ସିଷ୍ଟମ୍ ସୁଦୃଢ଼ୀକରଣ ଯୋଜନା;   ଏବଂ ବିକାନେର (ପିଜି), ଫତେଗଡ଼ -୨ ଏବଂ ଭଦଲା -୨ ରେ ଆରଇ ପ୍ରକଳ୍ପଗୁଡିକୁ ସଂଯୋଗ ପ୍ରଦାନ କରିବା ପାଇଁ ଟ୍ରାନ୍ସମିସନ ସିଷ୍ଟମ ଅନ୍ତର୍ଭୁକ୍ତ ।

ରାଜସ୍ଥାନରେ ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ଭିତ୍ତିଭୂମି ସୁଦୃଢ଼ କରିବା ଉଦ୍ଦେଶ୍ୟରେ ଜଳ ଜୀବନ ମିଶନ ଅଧୀନରେ ଥିବା ପ୍ରକଳ୍ପ ସମେତ ପ୍ରଧାନମନ୍ତ୍ରୀ ପାଖାପାଖି ୨୪୦୦ କୋଟି ଟଙ୍କାର ଏକାଧିକ ପ୍ରକଳ୍ପର ଶିଳାନ୍ୟାସ  କରିବେ । ଏହି ପ୍ରକଳ୍ପଗୁଡ଼ିକ ସମଗ୍ର ଦେଶରେ ବ୍ୟକ୍ତିଗତ ଘରୋଇ ଟ୍ୟାପ୍ ସଂଯୋଗ ମାଧ୍ୟମରେ ସ୍ୱଚ୍ଛ ପାନୀୟ ଜଳ ଯୋଗାଇବା ପାଇଁ ପ୍ରଧାନମନ୍ତ୍ରୀଙ୍କ ପ୍ରତିଶ୍ରୁତିବଦ୍ଧତାକୁ ସୂଚିତ କରେ ।

ପ୍ରଧାନମନ୍ତ୍ରୀ ଯୋଧପୁରଠାରେ ଇଣ୍ଡିଆନ ଅଏଲର ଏଲପିଜି ବଟଲିଂ ପ୍ଲାଣ୍ଟକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିବେ । ପରିଚାଳନା ଓ ନିରାପତ୍ତା ପାଇଁ ଅତ୍ୟାଧୁନିକ ଭିତ୍ତିଭୂମି ଏବଂ ଅଟୋମେସନ୍ ବ୍ୟବସ୍ଥା ଥିବା ଏହି ବଟଲିଂ ପ୍ଲାଣ୍ଟ ନିଯୁକ୍ତି ସୃଷ୍ଟି କରିବ ଏବଂ ଏହି ଅଞ୍ଚଳର ଲକ୍ଷ ଲକ୍ଷ ଗ୍ରାହକଙ୍କ ଏଲ୍ପିଜି ଆବଶ୍ୟକତା ପୂରଣ କରିବ।

ରାଜସ୍ଥାନରେ ଏହି ଉନ୍ନୟନ ମୂଳକ ପ୍ରକଳ୍ପଗୁଡ଼ିକର ଶୁଭାରମ୍ଭ ରାଜସ୍ଥାନର ଭିତ୍ତିଭୂମି କ୍ଷେତ୍ରରେ ପରିବର୍ତ୍ତନ ଆଣିବା ଏବଂ ଅଭିବୃଦ୍ଧି ଏବଂ ବିକାଶ ପାଇଁ ସୁଯୋଗ ସୃଷ୍ଟି କରିବା ପାଇଁ ପ୍ରଧାନମନ୍ତ୍ରୀଙ୍କ ନିରନ୍ତର ପ୍ରୟାସକୁ ସୂଚାଇଛି ।

ରାଜସ୍ଥାନର ସମସ୍ତ ଜିଲ୍ଲାର ପ୍ରାୟ ୨୦୦ ଟି ସ୍ଥାନରେ ଏହି କାର୍ଯ୍ୟକ୍ରମ ଆୟୋଜନ କରାଯିବ ଏବଂ ମୁଖ୍ୟ କାର୍ଯ୍ୟକ୍ରମ ଜୟପୁରରେ ଅନୁଷ୍ଠିତ ହେବ । ରାଜ୍ୟବ୍ୟାପୀ ଏହି କାର୍ଯ୍ୟକ୍ରମରେ ବିଭିନ୍ନ ସରକାରୀ ଯୋଜନାର ଲକ୍ଷ ଲକ୍ଷ ହିତାଧିକାରୀ ଅଂଶଗ୍ରହଣ କରିବେ। ଏହି କାର୍ଯ୍ୟକ୍ରମରେ ରାଜସ୍ଥାନ ମୁଖ୍ୟମନ୍ତ୍ରୀ, ରାଜସ୍ଥାନ ସରକାରଙ୍କ ଅନ୍ୟ ମନ୍ତ୍ରୀ, ସାଂସଦ, ବିଧାୟକ ଏବଂ ସ୍ଥାନୀୟ ସ୍ତରର ପ୍ରତିନିଧିମାନେ ଯୋଗ ଦେବେ।

BS