రక్షణ మంత్రిత్వ శాఖ (ఎం ఓ డీ) ప్రభుత్వ ఇ-మార్కెట్‌ప్లేస్ (జీ ఈ ఎం) పోర్టల్ ద్వారా స్థూల వాణిజ్య విలువ ( జీ ఎం వీ) అని కూడా పిలువబడే లావాదేవీల మొత్తం ఆర్డర్ విలువ పరంగా ₹1 లక్ష కోట్ల మార్కును అధిగమించడం ద్వారా అద్భుతమైన విజయాన్ని సాధించింది. ఇందులో, ప్రస్తుత ఆర్థిక సంవత్సరంలో సుమారు ₹ 45,800 కోట్ల విలువైన లావాదేవీలు జరిగాయి. గుడ్లు వంటి సాధారణ స్టోర్ వస్తువుల సేకరణ నుండి క్షిపణి వ్యవస్థలు మరియు క్లిష్టమైన రక్షణ కొనుగోళ్ల వరకు, 5.47 లక్షల కంటే ఎక్కువ ఆర్డర్‌లను అమలు చేయడంలో ఎం ఓ డీ కి జీ ఈ ఎం సహాయం చేసింది.

“రక్షణ రంగంలో ప్రభుత్వ వ్యయాన్ని సద్వినియోగం చేయడం పట్ల దాని దృఢ నిబద్ధతను ఉదహరిస్తూ, ఈ అద్భుతమైన సంఖ్యను దాటిన మొదటి కేంద్ర ప్రభుత్వ సంస్థ మంత్రిత్వ శాఖ. ఈ మైలురాయి సాధించడంలో రక్షణ మంత్రిత్వ శాఖ యొక్క కృషి మరియు నిబద్ధతను నొక్కి చెబుతుంది.  ప్రధాన మంత్రి శ్రీ నరేంద్ర మోదీ దార్శనికతకు కీలకమైన స్వావలంబన భారతదేశం లో కీలకం గా నిలిచింది, ”అని సీ ఈ ఓ, జీ ఈ ఎం, శ్రీ పీ . కే. సింగ్ అన్నారు.

జీ ఈ ఎం యొక్క ప్రధాన విలువకు అనుగుణంగా సామాజిక చేరికను పెంచడానికి ఎం ఓ డీ కొనుగోలుదారులనుంచి  మైక్రో మరియు స్మాల్ ఎంటర్‌ప్రైజెస్ (ఎం ఎస్ ఈ లు) లకు మొత్తం ఆర్డర్‌లలో 50.7%, ₹60,593 కోట్లు అందించబడ్డాయి. ఇది భారతదేశ ఆర్థిక వ్యవస్థను స్వయం విశ్వాసానికి దగ్గరగా చేస్తుంది.

జీ ఈ ఎం ప్రారంభమైనప్పటి నుండి, ఎం ఓ డీ  ప్రారంభ స్వీకర్త. ఈశాన్య రాష్ట్రాలు, లేహ్-లడఖ్ మరియు వివిధ ద్వీప ప్రాంతాల వంటి సుదూర ప్రాంతాలతో సహా దేశవ్యాప్తంగా దాదాపు 19,800 ఎం ఓ డీ కొనుగోలుదారులు పోర్టల్‌పై ఉంచిన అపారమైన విశ్వాసం ఈ అద్భుతమైన విజయాన్ని సాధించడానికి వీలు కల్పించింది.

ఇంకా, జీ ఈ ఎం ప్లాట్‌ఫారమ్‌లో ప్రభుత్వ రక్షణ రంగ సంస్థల అనుబంధం సేకరణను సులభతరం చేయడమే కాకుండా విక్రయాలను కూడా సులభతరం చేసింది. ఇది సేకరణ కొనుగోళ్ల వ్యవస్థ లో ఒక నమూనా మార్పును సూచిస్తుంది.

డిమాండ్ కేంద్రీకరణ మాడ్యూల్స్ వంటి కార్యక్రమాల ద్వారా, జీ ఈ ఎం ప్రభుత్వ లావాదేవీలలో ఖర్చు-సమర్థత మరియు సామర్థ్యాన్ని అందించడం కొనసాగిస్తోంది. వివిధ సంస్థలలో సారూప్య ఉత్పత్తుల కోసం అవసరాలను ఏకీకృతం చేయడం ద్వారా, రక్షణ మంత్రిత్వ శాఖ కొనుగోలుదారుల కోసం భారీ-పరిమాణం సేకరణ ప్రయోజనాలను జీ ఈ ఎం గరిష్టంగా పెంచుతోంది. ప్రభుత్వ సేకరణ పద్ధతుల్లో పరివర్తనాత్మక మార్పును తీసుకురావడానికి దాని నిబద్ధతను ప్రదర్శిస్తుంది.

***