وزارت دفاع (ایم اوڈی) نے گورنمنٹ ای-مارکیٹ پلیس (جی ای ایم) پورٹل کےذریعہ، جسے جی ایم وی بھی کہا جاتا ہے،  لین دین کی گئی کل آرڈر ویلیو کے لحاظ سے ایک لاکھ کروڑروپے کے نشان کو عبور کرکے ایک حیران کن کامیابی حاصل کی ہے۔ اس میں سے، رواں  مالی سال میں تقریباً  45,800 کروڑ روپےکا لین دین  کیا  گیا ہے۔ جنرل اسٹور کی اشیاء جیسے انڈے کی خریداری سے لے کر میزائل سسٹم اور اہم دفاعی حصول تک، جی ای ایم نے ایم او ڈی کو 5.47 لاکھ سے زیادہ آرڈرز پر عمل درآمد میں مدد کی ہے۔

‘‘وزارت اس حیران کن اعداد و شمار کو عبور کرنے والی پہلی مرکزی حکومت کا ادارہ ہے، جو دفاعی شعبے میں عوامی اخراجات کو بہتر بنانے کے لیے اپنے پختہ عزم کی مثال دیتا ہے۔ جناب پی کے سنگھ نے کہا کہ سنگ میل  کی حیثیت رکھنے والے اس قدم سے وزارت دفاع کی، یکسر تبدیلی کو قبول کرنے کی کوشش اور عزم کی اہمیت اجاگر ہوتی ہے اور وزیر اعظم جناب نریندر مودی کے خود کفیل ہندوستان کے نظریہ کےعین مطابق ہے۔

سماجی شمولیت کو زیادہ سے زیادہ  توسیع دینے کی جی ای ایم  کی بنیادی قدر کے مطابق، 60,593 کروڑ روپےکے کل آرڈرز کا 50.7فیصد، ایم اوڈی خریداروں کے ذریعے مائیکرو اور سمال انٹرپرائزز (ایم ایس ای) کو دیا گیا ہے، جس سے ہندوستان کی معیشت خود انحصاری کے اور زیادہ  قریب آگئی ہے۔

اپنے قیام کے بعد سے، ایم او ڈی جی ای ایم  کا ابتدائی اختیار کرنے والا ادارہ رہا ہے۔ ملک بھر میں تقریباً 19,800 ایم او ڈی  خریداروں کے ذریعے پورٹل پر بے پناہ اعتماد، بشمول شمال مشرقی ریاستوں، لیہہ-لداخ، اور مختلف جزیرے کے علاقوں جیسے دور دراز علاقوں، نے اسے یہ کامیابی حاصل کرنے کے قابل بنایا ہے۔

اس کے علاوہ ، جی ای ایم پلیٹ فارم پر دفاعی  پی ایس یو کی مصروفیت نے نہ صرف خریداری میں سہولت فراہم کی ہے بلکہ فروخت میں بھی سہولت فراہم کی ہے، جس سے خریداری کے منظر نامے میں ایک مثالی تبدیلی آئی ہے۔

ڈیمانڈ ایگریگیشن ماڈیولز جیسے اقدامات کے ذریعے،  جی ای ایم سرکاری لین دین میں لاگت کی تاثیر اور کارکردگی کو جاری رکھے ہوئے ہے۔ مختلف تنظیموں میں ملتی جلتی مصنوعات کی ضروریات کو یکجا کرکے، جی ای ایم وزارت دفاع جیسے خریداروں کے لیے بڑے حجم کی خریداری کے فوائد کو زیادہ سے زیادہ بڑھا رہا ہے، اور حکومتی خریداری کے طریقوں میں تبدیلی لانے کے لیے اپنی وابستگی کا مظاہرہ کر رہا ہے۔

********

  ش ح۔اس ۔رم

U-4941