প্রধানমন্ত্রীগী লোইশঙ

প্রধান মন্ত্রীনা রোজগার মেলাগী মখাদা, ফেব্রুৱারি ১২দা সরকারগী বিভাগশিং অমসুং ওর্গনাইজেসনশিংদা নৌনা থবক চঙলবা মীওইশিংদা এপ্পোইন্তমেন্ত লেত্তর লাখ ১ হেন্না য়েন্থোক্কনি


প্রধান মন্ত্রীনা নিউ দিল্লিদা ইন্তেগ্রেতেদ কমপ্লেক্স “কর্মায়োগী ভাবন”গী উরেপ-উয়ুং তমগনি

রোজগার মেলা অসি থবক ফংহন্নবা মরুওইনা লৌরিবা প্রধান মন্ত্রীগী থাজবা থবক ওইনা পাংথোক্নবা মাইকৈদা থাংজিনা খোঙথাং অমনি

নৌনা থবক চঙলবশিং ওনলাইন মোদুল কর্মায়োগী প্রারম্ভগী খুৎথাংদা মখোয় মশামক ত্রেনিং তৌজগনি

Posted On: 11 FEB 2024 3:15PM by PIB Imphal

প্রধান মন্ত্রী শ্রী নরেন্দ্র মোদীনা ফেব্রুৱারি ১২,২০২৪ গী অয়ুক পুং ১০:৩০ তাবদা ভিদিও কনফরেন্সকী খুৎথাংদা সরকারগী বিভাগশিং অমসুং ওর্গনাইজেসনশিংদা নৌনা থবক চঙলবা মীওইশিংদা এপ্পোইন্তমেন্ত লেত্তর লাখ ১ হেন্না য়েন্থোক্কনি। থৌরম অসিদা প্রধান মন্ত্রীনা নিউ দিল্লিদা ইন্তেগ্রেতেদ কমপ্লেক্স “কর্মায়োগী ভাবন”গী উরেপ-উয়ুং তমগনি। কমপ্লেক্স অসিনা মিসন কর্মায়োগীগী তোঙান-তোঙানবা য়ুম্বীশিংগী মরক্তা মতেং পীনবা অমসুং পুন্না থবক তৌমিন্নবা হেনগৎহনগনি।

রোজগার মেলা অসি লৈবাক্কী তোঙান-তোঙানবা মফমশিংদা পাংথোক্কনি। থৌরাং অসি শৌগৎতুনা কেন্দ্র সরকারগী দিপার্তমেন্তশিং অমসুং রাজ্য সরকারশিং অমসুং য়ু.তিশিংনা থবকশিং হাপ্লি। নৌনা থবক খল্লবশিংনা সরকারগী তোঙান-তোঙানবা মিনিস্ত্রিশিং/দিপার্তমেন্তশিং হায়বদি রেভিনিয়ু দিপার্তমেন্ত, হোম এফেয়ার্স মিনিস্ত্রি, হয়ার ইজুকেসন দিপার্তমেন্ত, এতোমিক ইনর্জি দিপার্তমেন্ত, ফাইনান্সিএল সর্বিসসেস দিপার্তমেন্ত, হেল্থ অমসুং ফেমিলি ৱেলফিয়ার মিনিস্ত্রি, ত্রাইবেল এফেয়ার্স মিনিস্ত্রি অমসুং রেলৱে মিনিস্ত্রিদা তোঙান-তোঙানবা ফমশিংদা চঙগনি।

রোজগার মেলা অসি লৈবাক অসিদা থবক ফংহন্নবা মরুওইনা লৌরিবা প্রধান মন্ত্রীগী থাজবা থবক ওইনা পাংথোক্নবা মাইকৈদা থাংজিনা খোঙথাং অমনি। রোজগার মেলানা মখা তানা থবক ফংবা হেনগৎহনগনি হায়বগী থাজবা থম্লি অমসুং মখোয় শক্তি ফংনবা অমসুং লৈবাক চাউখৎপগী থবকশিংদা হকথেংননা শরুক য়ানবগী খুদোংচাবা অমা নহারোলশিংদা পীগনি।

নৌনা থবক চঙলবশিং ওনলাইন মোদুল কর্মায়ো পোর্তেল iGOT, কর্মায়োগী প্রারম্ভগী খুৎথাংদা মখোয় মশামক ত্রেনিং তৌজনবগী খুদোংচাবা ফংলে অমসুং মফম অমদগী দিভাইস অমদগী হেক্তা তম্বা য়ারবা ফোর্মেত অসিদা ই-লার্নিং কোর্স ৮৮০ হেন্না ফংলি।

 

****



(Release ID: 2005232) Visitor Counter : 38


Read this release in: Assamese , Khasi , English , Urdu , Marathi , Hindi , Bengali , Bengali-TR , Punjabi , Gujarati , Odia , Tamil , Telugu , Kannada , Malayalam