Ka Ophis jong u Myntri Rangbah duh ka ri

Hapoh ka Rozgar Mela, yn sam u Myntri Rangbah duh palat 1 lak tylli ki shithi thung kam sha kiba rung kam thymmai ha ki tnat sorkar bad ki kynhun ha ka 12 tarik Rymphang

U Myntri Rangbah duh un buh maw nongrim ruh ia ka Bynta I jong ka Integrated Complex “Karmayogi Bhavan” ha New Delhi

Ka Rozgar Mela kalong ka sienjam ban pynurlong ia ka jingkut jingmut jong u Myntri Rangbah duh na ka bynta ka jingpynmih lad ioh kam

Kiba rung kam thymmai ki ioh lad ruh ban hikai pyntbit ialade lyngba ka Karmayogi Prarambh

Posted On: 11 FEB 2024 3:15PM by PIB Shillong

U Myntri Rangbah duh, Narendra Modi un san palat 1 lak tylli ki shithi thung kam sha kiba dang rung kam thymmai ha ka 12 tarik Rymphang, 2024 ha ka por 10:30 mynstep lyngba ka video conferencing.

Ha kane ka jingialang, u Myntri Rangbah duh un buh ruh ia u maw nongrim jong ka Bynta I jong ka Integrated Complex “Karmayogi Bhavan” ha New Delhi. Kane ka complex kan kyntiew ia ka jingiatreilang hapdeng ki rishot bapher bapher jong ka Mission Karmayogi.

Ia ka Rozgar Mela yn pynlong ha 47 tylli ki jaka ha kylleng ka ri. Ki jingpynrung kam ki long ha ki tnat sorkar pdeng bad ki Sorkar Jylla/UT ki kyrshan ia kane ka sienjam. Kiba dang rung kam thymmai kin rung kam ha ki Tnat bapher bapher jong ka sorkar kiba kynthup ia ki Tnat Revenue, Home Affairs, Higher Education, Atomic Energy, Defence, Financial Services, Health & Family Welfare, Tribal Affairs bad Tnat Rel ha ki kyrdan bapher bapher.

Ka Rozgar Mela kalong ka sienjam na ka bynta ban pynurlong ia ka jingkut jingmut jong u Myntri Rangbah duh ban peit bniah tam ia ka jingpynmih lad ioh kam. Ka Rozgar Mela kan long kum ka jingplie lad ia ka jingioh kam bad ka jingplie lad ba bit ba biang ia ki samla na ka bynta ka jingpynkup bor ia ki bad ka jingiashim bynta ha ka roi ka par jong ka ri.

Kiba dang rung kam thymmai ki ioh lad ruh ban hikai pyntbit ialade lyngba ka Karmayogi Prarambh, ka online module ha ka rynsan iGOT Karmayogi, ha kaba la pynbiang palat 880 ki lad ioh jinghikai e-learning ha “kano kano ka tiar elektrik na kano kano ka jaka.”

 

***



(Release ID: 2005022) Visitor Counter : 44


Read this release in: Assamese , English , Urdu , Marathi , Hindi , Manipuri , Bengali , Bengali-TR , Punjabi , Gujarati , Odia , Tamil , Telugu , Kannada , Malayalam