প্রধান মন্ত্রী, নরেন্দ্র মোদীনা ঙসি মধ্য প্রদেশকী ঝাবুৱাদা লুপা করোর 7500রোমগী চাউখৎ-থৌরাংগী প্রোজেক্ত কয়া জাতিদা কত্থোকখ্রে অমসুং উরেপ-উয়ুং তমখ্রে। ঙসিগী চাউখৎ-থৌরাংগী প্রোজেক্তশিং অসিনা লমদম অসিগী ত্রাইবেল মীয়ামদা চাউনা কান্নবা পীরগনি, ৱাতর সপ্লাই অমসুং থক্নবা ঈশিংগী প্রোবিজন মপাঙ্গল কনখৎহল্লগনি অমরোমদা মধ্য প্রদেশকী লম্বী-থোং, রেল. পাৱর অমসুং এজুকেসন সেক্তরশিংদা শাহৌসু পীরগনি। প্রধান মন্ত্রীনা কা হেন্না শোত্থরবা ত্রাইবশিংদগী নুপী বেনিফিসরী লাখ অনিরোমদা আহার অনুদানগী থাগী ইনস্তোলমেন্ত কাইথখ্রে, স্বামিত্ব স্কিমগী বেনিফিসরীশিংদা অধিকার অভিলেখ (রেকোর্দ ওফ রাইৎস) লাখ 1.75দা য়েন্থোকখ্রে অমসুং প্রধান মন্ত্রী অদার্শ গ্রাম য়োজনাগী মখাদা খুঙ্গং 559 হেনবগীদমক লুপা করোর 55.9 গী ফন্দশিং ত্রান্সফর তৌখ্রে।

প্রধান মন্ত্রীনা পাইখৎপা থৌশিলশিংগীদমক অন্ত্যোদয়গী বিজন অসিনা লমজিং মৈরা ওইরি। মরু ওইবা মীৎয়েং চংলিবা লমশিংগী মনুংদা ত্রাইবেল ফুরুপ্তা চাউখৎ-থৌরাংগী কান্নবশিং ফংহনবা অসি অমনি, মখোয়গী য়াম্লবা  শরুকশিংনা নীংতম্বা ফংলবা মতুং দিকেদ কয়া ফাওবদা কান্নবশিং অসি ফংবা ঙমদবা লাকখি। মসিগী পরিং মখাদা প্রধান মন্ত্রীনা রিজন অসিদা লৈরিবা ত্রাইবেল মীয়ামদা চাউনা কান্নবা ফংহনগদৌরিবা থৌশিল কয়ামরুম কত্থোকখ্রে অমসুং উরেপ-উয়ুং তমখ্রে।

প্রধান মন্ত্রীনা নুপী বেনিফিসরী লাখ অনিরোমদা আহার অনুদান য়োজনাগী মখাদা আহার অনুদানগী থাগী ইনস্তোলমেন্ত কাইথখ্রে। স্কিম অসিগী মখাদা মধ্য প্রদেশকী কা হেন্না শোত্থরবা ত্রাইব কয়াগী নুপীশিংদা মচি ওইবা চীঞ্জাকশিং ফংহন্নবগীদমক থা অমদা লুপা 1500 পীরি।

প্রধান মন্ত্রীনা স্বমিত্ব স্কিমগী বেনিফিসরীশিংদা অধিকার অভুলেখ (রেকোর্দ ওফ রাইৎস) লাখ 1.75 য়েন্থোকখ্রে। মসিনা মখোয়গী লমগী হক অদু তাক্নবা মীয়ামগী চে-চাং ওইরগনি।

মহাক্না প্রধান মন্ত্রী আদর্শ গ্রাম য়োজনাগী মখাদা খুঙ্গং 559গীদমক লুপা করোর 55.9সু ত্রান্সফর তৌখ্রে। শেনফম অসি অঙ্গনৱাদী ভৱনশিং, ফিয়র প্রাইস শোপশিং, হেল্থ সেন্তরশিং, স্কুলশিংগী অহেনবা কাশিং, ইন্তর্নেল রোদশিং য়াওনা কনস্ত্রক্সন এক্তিবিতী মখল কয়ামরুমগীদমক শীজিন্নগনি।

প্রধান মন্ত্রীনা ঝাবুৱাদা ‘সি.এম. রাইস স্কুল’গী উরেপ-উয়ুং তমখ্রে। স্কুল অসি স্মার্ত ক্লাসশিং, ই লাইব্রেরী অসিনচিংবা মতমগা চুনরবা খুদোংচাবশিং মহৈরোয়শিংদা ফংহন্নবা তেক্নোলোজী ইন্তিগ্রেৎ তৌগনি।

প্রধান মন্ত্রীনা মধ্য প্রদেশতা ৱাতর সপ্লাই মপাঙ্গল কনখৎহন্নবা অমসুং থক্নবা ঈশিংগী প্রোবিজনশিং লৈহন্নবা প্রোজেক্ত কয়ামরুম জাতিদা কত্থোকখ্রে অমসুং উরেপ-উয়ুং তমখ্রে। উরেপ-উয়ুং তমগদবা প্রোজেক্তশিংদা ধার অমসুং রতলামগী খুঙ্গং লিশিং অমা হেনবদা থক্নবা ঈশিংগী সপ্লাই স্কিম অমা ওইরিবা ‘তালাবদা প্রোজেক্ত’; অমসুং মধ্য প্রদেশকী জিলা কয়ামরুমদা লৈবা সহরগী য়ুমথোং লিশিং 50 হেনবদা কান্নবা পীরিবা অতল মিসন ফোর রিজুবনেসন এন্দ অর্বান ত্রান্সফোর্মেসন (AMRUT) 2.0গী মখাদা অর্বান ৱাতর সপ্লাই স্কিম 14 য়াওগনি। প্রধান মন্ত্রীনা য়ুমথোং লিশিং 11রোমদা তোতি ঈশিং ফংহনদৌরিবা ঝাবুৱাগী গ্রাম পঞ্চায়ৎ 50গীদমক ‘নল জল য়োজনা’ জাতিদা কত্থোক্কনি।

প্রধান মন্ত্রীনা থৌরম অসিদা তোঙান-তোঙানবা রেল প্রোজেক্তশিং জাতিদা কত্থোকখ্রে অমসুং উরেপ-উয়ুং তমখ্রে। মসিদা রতলাম রেলৱে স্তেসন অমসুং মেঘনাগর রেলৱে স্তেসন নৌনা শেমগৎনবা উরেপ-উয়ুং তম্বা য়াওরি। স্তেসনশিং অসি অমৃত ভারত স্তেসন স্কিমগী মখাদা নৌনা শেমগৎকনি। জাতিদা কত্থোক্কদবা রেল প্রোজেক্তশিং অসিদা ইন্দোর –দেৱাস-উজ্জেন সি কেবিন রেলৱে লাইন দব্লিং তৌবা; য়ার্দ রিমোদেলিং য়াওবা ইতারসী-নোর্থ-সাউথ গ্রেদ সেওরেতর; অমসুং বরখেরা-বুদনী-ইতারসী শম্নরিবা থর্দ লাইনগী প্রোজেক্তশিং য়াওরি। প্রোজেক্তশিং অসিনা রেল ইনফ্রাস্ত্রকচর মপাঙ্গল কনখৎহনবদা মতেং পাংগনি পেসেঞ্জর অমসুং গুদস ত্রেন অনিমক্কী চৎথোক চৎশিন তৌবগী মতম হন্থহনগনি।

প্রধান মন্ত্রীনা NH-47গী হরদা-বেতুল (পেকেজ-I)দগী km 0.00 দগী km 30.00 (হরদা-তেমাগাও) ফোর লেন ওনখৎপা; NH-752Dগী উজ্জেন দেৱাস সেক্সন; NH-47গী ইন্দোর-গুজরাত MP বোর্দর সেক্সন লেন মরি ওনখৎপা (16 km) অমসুং NH-47গী চিচোলী-বেতুল (পেকেজ-III) হরদা-বেতুল ফোর লেন ওনখৎপা; অমসুং NH-552Gগী উজ্জেন ঝালাৱর সেক্সন য়াওনা মধ্য প্রদেশতা করোর 3275 হেনবগী চাউখৎ-থৌরাংগী প্রোজেক্ত কয়ামরুম জাতিদা কত্থোকখ্রে। প্রোজেক্তশিং অসিনা রিজন অসিগী রোদ কন্নেক্তিবিতী ফগৎহল্লগনি অমসুং ইকনোমিক দিবেলপমেন্তদসু মতেং পাংগনি।

মখা তানা মহাক্না ৱেস্ত দম্পসাইৎ রিমেদিএসন, ইলেক্ত্রিক সবস্তেসনগুম্বা অতৈ চাউখৎ-থৌরাংগী থৌশিলশিংসু কত্থোকখ্রে অমসুং উরেপ উয়ুং তমখ্রে।

থৌরম অসিদা প্রধান মন্ত্রীগা লোয়ননা মধ্য প্রদেশকী রাজ্যপাল, মঙ্গুভাই সি. পতেল. মধ্য প্রদেশকী মুখ্য মন্ত্রী, শ্রী মোহন য়াদব অমসুং ত্রাইবেল এফিয়র্সকী কেন্দ্র মন্ত্রী, শ্রী অর্জুন মুন্দানা শরুক য়াখি।

***