U Myntri Sorkar Pdeng ba dei khmih ia ka Tnat Civil Aviation & Steel, Jyotiraditya M. Scindia u la pyllait ia ka jingpyniar jong ka Airbus ha ka sienjam “Make-in-India” jong ka ha ka jingialang ba la long mynta ka sngi. Ka Airbus bad ka Dynamatic Technologies ki la iasnohkti lang ban shna ia baroh ki jingkhang na ka bynta ka liengsuin single-aisle A220 ha India.

Haba kren shaphang ka jaka shna mar ba thymmai, u Scindia u la ong, “Ka India ka la kiew sted ban long ka jaka na ka bynta ka jingshna aerospace ha kylleng ka pyrthei, ka order kaba heh tam na ka bynta ki jingkhang liengsuin kaba wan sha ka Dynamatic technologies kaba la iatreilang bad ka Airbus kalong ka por kaba khraw ha ka jingkut jingmut jong u Myntri Rangbah duh na ka bynta ka make in India.”

Haba kren shaphang ka jingnohsynniang jong ka Airbus ha ka thong Make in India, u la ong, “Ka kompani ka la shalan ia ki tiar ba shna ha India ba shongdor $750 million bad ka thmu ban kyntiew arshah ha u snem ban wan ne hadien kane. Na ka management centre kaba ju long ka India Information Management Centre, ka Airbus India Innovation Center sha ka jaka ai jinghikai ia ki nongpynher liengsuin, ka la don ka jingbei tyngka kaba heh ha ka jingpynpoi ia ka teknoloji kumjuh ruh ka jingkyntiew ia ki sap ha India da ka Airbus. Nga ai khublei ia ka Airbus na ka bynta ka jingpynkhlain ia ki jingiadei hapdeng ka India bad ka France.”

Ha ka jingbatai bniah ia ki sienjam jong ka sorkar shaphang ki kam liengsuin, u Scindia u la ong, “Ngi la poi sha ka ka jingbun haduh 1100 ki license pynher liengsuin na ka bynta ki paidbah kiba ngi la ai bad ngi ieng skhem ha kane ka lynti ban kyntiew ia ki sap jong ki briew hapoh India.”

Ka A220 ka iahap bha bad ka UDAN jong ka India

• Lyngba ka jinglah her haduh 3,600 nautical mile (6,700 kilometer) bad ka jingdon ki jaka shong kalong naduh 100 haduh 160 ngut ki briew, ka A220 ka iahap bha bad ka skhim UDAN (Ude Desh ka Aam Nagrik) jong ka India, kaba thmu ban kyntiew ia ka leit ka wan ha ka thain bad kyntiew ia ka ioh ka kot ha kylleng ka ri.
• Ka jaka shna mar Dynamic Technologies na ka bynta baroh ki jingkhang jong ka liengsuin single-aisle A220 kan plie ia ka lad kaba heh ia ki kam shimet ha India ba kin rung ha ki kam kiba iadei bad ki liengsuin kiba long ki kam kiba bun bha ka teknoloji bad kiba bun ki jingiakhun. Shuh shuh, kan kyntiew ia ka bor pynmih mar ha ka ri ka ban wanrah ia ka jing duna ka jingshaniah ha ka jingshalan mar nabar ri bad ka jingkyntiew ia ka jingshalan mar shabar ri. Ka India ka dang sakhi ia ka jingkylla sha ka jaka pdeng jong ka jingpynmih mar kaba la kyrshan da ka jingkiew ki lad pynbha shuh shuh ia ki mar hapoh ka Aatmanirbhar Bharat Mission.

Ka jingban jur halor ka Make in India Mission

• Kane kalong ka kontrak kaba ar na ka bynta ki jingkhang, ba la ai da ka Airbus sha ka nongpynbiang tiar na India. Ha ka sien ba nyngkong ka kompani na India kan trei ia ki kam pyniasoh ia ki system na ka bynta ki liengsuin Airbus. Kham mynshuwa ha u 2023, ka Airbus ka la ai kontrak ban shna ia ki jingkhang na ka bynta ka liengsuin A320 sha ka Tata Advanced Systems Ltd. ban iatreilang ban bujli ia ki liengsuin Avro-748 jong ka Indian Air Force da ki liengsuin Airbus C295. Ka projek ka shongdor kumba $ 3 billion, kynthup ka jingpynpoi 56 tylli ki liengsuin sha ka Indian Air Force.

• Ki Polisi jong ka sorkar kiba kyntiew ia ki kam khaii pateng ki la iarap ia ka India ban paw shuh shuh ha ki kam shna tiar na ka bynta ki liengsuin. U Jyotiraditya Scindia u la leit jngoh ia ka jaka pyndep ia ki liengsuin A220 ha Mirabel ha u Jymmang, 2022.

Mynta, man ka liengsuin kit passenjar jong ka Airbus bad man ka helicopter jong ka Airbus ki don ia ki teknoloji ba kongsan bad ki jingsaindur, ba la shna bad pynbit pynbiang ha India. Ka Airbus ha ka jingiatreilang bad ki nongshna tiar na ka ri ka kyrshan ia jan 10,000 tylli ki lad kamai jakpoh ha India. Hashuwa u 2025, kane kan nang kiew sha ka 15,000. Lyngba kane bad ha ki por ban wan, ka Airbus kan kyntiew arshah ka jingthied jong ka na India na ka UD$750 million sha ka UD$1.5 billion.

Ka jingkyntiew ia ka thong ‘AatmaNirbharBharat’ jong ka Sorkar India

• Mynshuwa, ka Airbus ka la iasoi ia ki kontrak bad ka Aequs, Dynamatic, Gardner bad Mahindra Aerospace ban pynpoi ia ka airframe bad ki bynta jong ki thapniang jong ki liengsuin A320neo, A330neo bad A350 jong ka Airbus.

Ha u 2022, la buh maw nongrim ia ka jaka pynmih ia ka liengsuin C-295 ha Vadodara, u Myntri Rangbah duh, Narendra Modi u la ong ba ka India ka la iaid shaphrang da ka jingngeit ha ka ‘Make in India, Make for the World.’

• Kane ka jingiatreilang kan wanrah ia ka jingmyntoi na ka bynta ki nongshna tiar ha India kiba shna ia ki mar ba donkam ha kane ka kam. Kane ka rai kaba kyrpang ka dei kawei na ki kontrak shalan mar kaba heh tam na ka bynta ka kompani shna mar liengsuin jong ka ri haduh mynta.

***