مرکزی وزیر داخلہ اور تعاون کے وزیر جناب امت شاہ نے، سابق وزیر اعظم چودھری چرن سنگھ کو بھارت رتن تفویض کئے  جانے پر اظہار مسرت کیا ہے۔

ایکس (سابقہ ٹویٹر) پر اپنی پوسٹ میں، جناب امت شاہ نے، چودھری صاحب کو اعزاز دے کر ملک کے کروڑوں کسانوں اور محنت کش لوگوں کو عزت دینے کے لیے، وزیر اعظم جناب نریندر مودی کا شکریہ ادا کیا۔ انہوں نے کہا کہ چودھری چرن سنگھ جی نے، جنہوں نے  اپنی پوری زندگی کسانوں کے لیے وقف کی، کسانوں کی فلاح و بہبود کے لیے بہت سے کام کیے ہیں۔ جناب شاہ نے کہا کہ چودھری صاحب زندگی بھر جمہوری اقدار کے تحفظ کے لیے وقف رہے اور انھوں نے  ایمرجنسی کا بہادری  کے ساتھ مقابلہ کیا۔ انہوں نے مزید کہا کہ چودھری چرن سنگھ جی نے اپنے فیصلوں کے ذریعے پورے ملک کو دکھادیا کہ ایک کسان کا بیٹا ملک کی روزی روٹی سے لے کر پالیسی معاملات تک کے فیصلے کر سکتا ہے۔

*****

U.No.4748

(ش ح –ا ع  - ر ا)