প্রধানমন্ত্রীগী লোইশঙ
পি.এম.না গোৱাদা পাংথোকপা বিকশিৎ ভারত, বিকশিৎ গোৱা 2047গী থৌরমদা লুপা করোর 1330 হেনবগী চাউখৎ থৌরাংগী প্রোজেক্ত কয়া শঙ্গাবগা লোয়ননা উরেপ উয়ুং তমখ্রে
গোৱা, নেস্নেল ইন্সতিত্যুত ওফ তেক্নোলোজীগী পর্মানেন্ত কেম্পন শঙ্গাখ্রে
নেস্নেল ইন্সতিত্যুত ওফ ৱাতরস্পোর্তকী অনৌবা কেম্পন মীয়ামদা খুৎশিন্নখ্রে
পেসেঞ্জর রোপৱেগা লোয়ননা মরী লৈনবা তুরিজমগী থবকশিং অমদি 100 MLD ৱাতর ত্রিতমেন্ত প্লান্তকী উরেপ উয়ুং তমখ্রে
100 TPD ইন্তিগ্রেতেদ ৱেস্ত মেনেজমেন্ত ফেসিলিতী শঙ্গাখ্রে
রোজগার মেলাগী মখাদা সরকারগী তোঙান-তোঙানবা বিভাগশিংদা থবক নৌনা খল্লবা মীওই 1930দা থবক খনবগী চিথী য়েন্থোকখ্রে
য়াইফ য়ুম্বালগী তোঙান-তোঙানবা স্কিমগী বেনেফিশরীশিংদা সেঙ্কসন লেত্তর য়েন্থোকখ্রে
“এক ভারত শ্রেস্থ ভারত অসি গোৱাদা কুমজা অমা হেক্তদা থেংনবা ফংগনি”
“দবল ইঞ্জিন সরকার লৈবদগী গোৱাগী চাউখৎ থৌরাংগী থবকশিং খোঙজেল য়াঙনা খুমাং চাউশিনলি”
“সেচ্যুরেসন হয়বসি তসেংবা সেক্যুলারিজম্নি, সেচ্যুরেসন অসিদি তসেংবা সোসিএল জস্তিসনি অমসুং সেচ্যুরেসন হায়বসি মোদীনা গোৱা অমসুং লৈবাক্তা পীবা গেরেন্তীনি”
“দবল ইঞ্জিন সরকারনা ইনফ্রাস্ত্রকচরদা রেকোর্দ ওইরবা ইনভেস্তমেন্ত তৌবগা লোয়ননা লাইরবশিংগী য়াইফ য়ুম্বালগীদমক্তা চাউরবা স্কিম কয়া চলায়রি”
“ঐখোয়গী সরকারনা গোৱাগী কন্নেক্তিবিতী ফগৎহন্নবা
Posted On:
06 FEB 2024 4:12PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি গোৱাদা পাংথোকপা বিকশিৎ ভারত, বিকশিৎ গোৱা 2047গী থৌরমদা লুপা করোর 1330 হেনবগী চাউখৎ থৌরাংগী প্রোজেক্ত কয়া শঙ্গাবগা লোয়ননা উরেপ উয়ুং তমখ্রে। ঙসিগী থৌরমসিদা উৎখিবা একজিবিসন অমবুসু শ্রী মোদীনা চত্তুনা য়েংখি। ঙসিগী চাউখৎ থৌরাংগী প্রোজেক্তশিংগী মনুংদা এজুকেসন, শান্ন-খোৎনবা, ৱাতর ত্রিতমেন্ত, ৱেস্ত মেনেজমেন্ত অমসুং তুরিজ সেক্তর চাউখৎহনবগী প্রোজেক্তশিং য়াওরি। প্রধান মন্ত্রীনা রোজগার মেলাগী মখাদা সরকারগী তোঙান-তোঙানবা বিভাগশিংদা থবক নৌনা খল্লবা মীওই 1930দা থবক খনবগী চিথী য়েন্থোকপগা লোয়ননা য়াইফ য়ুম্বালগী তোঙান-তোঙানবা স্কিমগী বেনেফিশরীশিংদা সেঙ্কসন লেত্তরশিংসু য়েন্থোকখ্রে।
প্রধান মন্ত্রীনা গোৱাগী মহৌশাগী ফজবা অমসুং পুক্নিং হুনবা ফজরবা সমুদ্র তোর্বানশিংগী মতাংদা পাউদম্লদুনা মহাক্কী ৱারোল হৌদোকখি অমসুং লমদম অসিদি ভারত অমসুং মীরম লৈবাক্কী লমকোয়বা লাক্ষ কয়াগী পাম্নরবা পন্থুংফম অমা ওইরিবনি হায়না ফোংদোকখি। “এক ভারত শ্রেস্থ ভারত অসি গোৱাদা কুমজা অমা হেক্তদা থেংনবা ফংগনি”, মহাক্না হায়খি। গোৱাদা পোকখিবা শক্নাইরবা সন্ত, আর্তিস্ত অমসুং স্কোলর কয়াগী মতাংদা মহাক্না মীয়ামগী পুক্নিং চীংশিনখিবগা লোয়ননা সন্ত সোহিরোবনাথ অম্বিয়ে, দ্রামা ইবা কৃষ্ণ ভত বন্দকার, শৈশকপা কেসর্বাই কের্কর, অচার্য়া ধর্মানন্দ কোসম্বী অমসুং রঘুনাথ অনন্ত মশেলকরগী মিংলেনসু পনখি। পি.এম. মোদীনা ভারত রত্না লতা মঙ্গেস্করগী লৈখিদবগী কুমওন্দা মহাক্কী মফমদা ইকায়খুম্নবা উৎখি অমসুং মনাক নকপদা লৈবা মঙ্গুইসী লাইশঙ্গা লতাজীগা নক্নবা মরী লৈনবগী মতাংদসু পনখি। “স্বামী বিবেকানন্দনা মার্গাওদা লৈবা দামোদার সলদগী ইথিল ফংখিবনি”, মহাক্না মখা তাখি। পি.এম. মোদীনা লোহিয়া মৈদান অমসুং কঙ্কোলিমদা লৈবা চীফতেন মেমোরিএলগী মতাংদসু পনখি।
হন্দক্কী চহিসিদা পাংথোক্কদৌরিবা মীয়াম্না য়াম্না মমিং চৎপা ওইনা “গোইকো সাইব” হায়না খঙনবা সেন্ত ফ্রান্সিস জেবিয়রগী শেংলবা রেলিক অসিগী মতাংদা মীয়ামদা মমুৎ তানা খঙহনবগী থৌরমগী মতাংদা প্রধান মন্ত্রীনা পাউদমখি। থৌরম অসিবু শান্তি অমসুং অমত্তা ওইবগী খুদম অমনি হায়না পল্লদুনা, প্রধান মন্ত্রীনা জিওরজিয়াগী সন্ত মহারানী কেতেবানবু নীংশিংখি অমসুং মহাক্কী শেংলবা রেলিক অসিবুসু এক্সতর্নেল এফিয়র্স মন্ত্রীনা জিওজিয়াদা পুখি হায়না ফোংদোকখি। “খৃস্তিয়ন অমসুং অতোপ্পা খুন্নাইশিংনা শান্তি লৈনা লৈমিন্নবা অসিদি এক ভারত শ্রেস্থ ভারতকী খুদম অমনি”, মহাক্না মখা তাখি।
ঙসি শঙ্গাখিবা অমসুং উরেপ উয়ুং তমখিবা লুপা করোর 1300কী প্রোজেক্তশিংগী মতাংদা শন্দোক্না পাউদম্লদুনা, পি.এম. মোদীনা মহৈ-মশিং, হকশেল অমসুং তুরিজমগা মরী লৈনবা প্রোজেক্তশিং অসিনা গোৱাগী চাউখৎ থৌরাংদা অনৌবা শাফু অমা পীরগনি হায়খি। “নেস্নেল ইন্সতিত্যুত ওফ তেক্নোলোজী অমসুং নেস্নেল ইন্সতিত্যুত ওফ ৱাতরস্পোর্তকী পর্মানেন্ত কেম্পস অমসুং ইন্তিগ্রেতেদ ৱেস্ত মেনেজমেন্ত ফেসিলিতীগা লোয়ননা থবক খনবগী চিথী 1930 য়েন্থোক্লিবা অসিনা রাজ্য অসিবু চাউখৎপগী অনৌবা থাক্তা পুরগনি”, মহাক্না হায়খি।
“গোৱা অসি লম্মিৎ তুম্মিৎকী মতাংদা অপীকপা অমসুং মীশিং য়ামদবা রাজ্য ওইজরবসু, মসিগী দাইভর্স ওইবা খুন্নাই অমসুং তোঙান-তোঙনবা ধর্ম চৎপা মীওইশিংনা চারোন শুরোন কয়াদগী নুংশি চান্ননা শান্তি ওইনা হিংমিন্নদুনা লাক্লি”, প্রধান মন্ত্রীনা হায়খি। মহাক্না সবকা সাথ সবকা বিকাসকী মন্ত্রাদা মিৎয়েং চঙলদুনা রাজ্যসিগী নুংশি চান্ননা লৈবগী মতৌদা অকায়বা পীনবা হোৎনবশিংগী মাইয়োক্তা মতম পুম্বদা মতিক চাবা পাউখুম পীদুনা লাকখিবা গোৱা মীয়ামগী ইথিলবু থাগৎপা ফোংদোকখি।
স্বয়ম্পুর্না গোৱাগী মতাংদা পি.এম. মোদীনা পল্লদুনা, মহাক্না গোৱা সরকারগী লৈঙাকপগী নীংথিরবা মোদেলবু থাগৎখি অমসুং নুংঙাই য়াইফনা হিংবগী পেরামীতরদা মসিনা গোৱাগী মীয়াম্বু খ্বাইদগী অৱাংবা থাক্তা লৈহনবা ঙম্লিবনি হায়না মখা তাখি। “দবল ইঞ্জিন সরকারনা মরম ওইরগা গোৱাগী চাউখৎ থৌরাংনা খোঙজেল য়াঙশিনবা ঙম্লিবনি”, মহাক্না হায়খি। প্রধান মন্ত্রীনা হর ঘর নল সে জল, ইলেক্ত্রিসিতী কন্নেক্সন, LPG কবরেজ, কেরোসীন ফ্রী ওইবা, ওপন দিফিকেসন ফ্রীগী স্কিমগা লোয়ননা কেন্দ্র সরকারগী স্কিম অয়াম্বনা সেচ্যুরেসন ফংবগী থৌওংবুস পনখি। “সেচ্যুরেসন্না মীচঙ মীখায় নাইবগী থৌওং লৈহন্দে, বেনেফিশরীশিংদা কান্নবা খুদিংমক মপুং ফানা য়ৌহল্লি। মসিনা মরম ওইরগা সেচ্যুরেসন হয়বসি তসেংবা সেক্যুলারিজম্নি, সেচ্যুরেসন অসিদি তসেংবা সোসিএল জস্তিসনি অমসুং সেচ্যুরেসন হায়বসি মোদীনা গোৱা অমসুং লৈবাক্তা পীবা গেরেন্তীনি হায়না ঐহাক্না হায়রিবনি”, প্রধান মন্ত্রীনা হায়খি। গোৱাগী মীওই লিশিং 30না তোঙান-তোঙানবা কান্নবা কয়া ফংখিবা বিকশিৎ ভারত সঙ্কল্প য়াত্রাগী মতাংদা প্রধান মন্ত্রীনা মখা তানা পনখি।
হন্দক্কী চহিগী বজেৎকী মতাংদা পল্লদুনা, প্রধান মন্ত্রীনা মসিনা সরকারনা স্কিমশিং সেচ্যুরেসন তৌহনগনি হায়রিবা অসিদা অনৌবা শাফু অমসু পীরি হায়খি। সরকার অসিনা লাইরবশিংগী য়ুম করোর অনি শাগনি হায়বগী থাজবা পীরি, থাজবা অসি পক্কা য়ুম করোর 4 শাবগী পান্দম ফংখ্রবা মতুংদনি হায়না মহাক্না পাউদমখি। পক্কা য়ুম শাবগী খুদোংচাবা ফংহৌদ্রবা মীওইশিংগী মরক্তা গোৱাগী মীয়াম্না মরী লৈনবা ই-পাউ খঙহনবীয়ু হায়না মহাক্না হায়খি। হন্দক্কী চহিগী বজেৎ অসিদা, পি.এম. অৱস য়োজনা অমসুং অয়ুশমান য়োজনা অসি হান্নদগী হেন্না পাকথোক চাউথোক্লগনি হায়না মহাক্না পাউদমখি।
প্রধান মন্ত্রীনা হন্দক্কী চহিগী বজেত্তা মতস্যা সম্পদা য়োজনাগী মতাংদা পল্লিবা অসিগী মতাংদা পাউদম্লদুনা মসিনা ঙামী খুন্নাইদা তেংবাং অমসুং রিসোর্স পীবা হেনগৎলগনি, মতৌ অসুম্না, সীফুদ এক্সপোর্ত হেনগৎহনগনি অমসুং ঙামীশিংগী চাগাসু হেনগৎহনগনি হায়না মহাক্না হায়খি। মসিগুম্বা হোৎনজমন কয়া অসিনা ফিশরী সেক্তরদা থবক লাক্ষ কয়াগী খুদোংচাবা লৈহনগনি হায়না মহাক্না মখা তাখি।
ঙা মচা পুথোক্লিবা মীওইশিংগী য়াইফ য়ুম্বালগীদমক্তা সরকারনা হোৎনরিবা কয়াগী মতাংদা মীয়ামগী পুক্নিং চীংশিল্লদুনা, প্রধান মন্ত্রীনা ফিশরীগী ওইবা খোঙফম চেৎপা মন্ত্রালয় অমা শেমখিবা, পি.এম. কিসান ক্রেদিত কার্দ পীবা, ইন্স্যুরেন্সকী শেনফম্বু লুপা লাক্ষ 5তা হেনগৎপা অমসুং হিশিংবু মতমগা চুনহন্নবা সবসিদী পীবগী থৌওংশিং পনখি।
“দবল ইঞ্জিন সরকারনা ইনফ্রাস্ত্রকচরদা রেকোর্দ ওইরবা ইনভেস্তমেন্ত তৌবগা লোয়ননা লাইরবশিংগী য়াইফ য়ুম্বালগীদমক্তা চাউরবা স্কিম কয়া চলায়রি”, প্রধান মন্ত্রীনা লৈবাক অসিদা শোরোক, রেলৱেজ অমসুং এয়রপোর্ত কয়া খোঙজেল য়াঙনা শেমগৎলিবা অসিদা মিৎয়েং চঙলদুনা পনখি। হৌখিবা চহি 10গী মমাংদা কাইথোক্লম্বা লুপা করোর 2গা চাংদম্নবদা, হন্দক্কী চহিগী বজেত্তা ইনফ্রাস্ত্রকচর চাউখৎহনবগীদমক্তা লুপা করোর লাক্ষ 11 কাইথখি হায়না মহাক্না পাউদমখি। চাউখৎ থৌরাংগী প্রোজেক্ত পায়খৎপা মফমশিংদা থবক্কী অনৌবা খুদোংচাবা অমসুং চাগা তানবগী চাং হেনগৎলি হায়না মহাক্না হায়খি।
সরকারনা গোৱাগী কন্নেক্তিবিতী ফগৎহন্দুনা রাজ্য অসিবু লোজিস্তিক্স হব অমা ওইহন্নবা সরকারনা হোৎনরিবশিং অসিদা মিৎয়েং চঙলদুনা, প্রধান মন্ত্রীনা হায়খি, “ঐখোয়গী সরকারনা গোৱাগী কন্নেক্তিবিতী ফগৎহন্নবা হোৎনবগা লোয়ননা লমদম অসিবু লোজিস্তিক্সকী হব অমসু ওইহন্নবা হোৎনরি। গোৱাদা মনোহর পরিকর ইন্তর্নেস্নেল এয়রপোর্ত শঙ্গাখিবা অসিনা দোমেস্তিক অমসুং ইন্তর্নেস্নেল ফ্লাইত কয়া লেপ্তনা পাইহল্লি”। লৈবাক মীয়ামদা মমাংগী চহিদা খুৎশিন্নখিবা লৈবাক্কী খ্বাইদগী অনিশুবা শাংবা কেবল ব্রিজ, ন্যু জুৱারী ব্রিজকী মতাংদসু মহাক্না পনখি। অনৌবা শোরোক, রেল লম্বী, থোং অমসুং মহৈ-মশিংগী ইন্সতিত্যুসন কয়া য়াওনা গোৱাদা ইনফ্রাস্ত্রকচর চাউখৎলক্লিবা অসিদা মীয়ামগী পুক্নিং চীংশিল্লদুনা প্রধান মন্ত্রীনা অসুম্না হায়খি, “মসিগুম্বা চাউখৎ থৌরাং কয়া অসিনা গোৱাবু অনৌবা অৱাংবা থাক্তা পুখৎলি”।
প্রধান মন্ত্রীনা ভারতকী ইনাক খুল্লবা নাৎ অমসুং হেরিতেজ লৈরিবা অসিনা মরম ওইরগা, সরকারনা লৈবাক অসিবু তুরিস্তকী মপুং ওইবা পন্থুংফম অমা ওইহন্নবা অহেনবা মিৎয়েং চঙলি হায়না ফোংদোকখি। মহাক্না হায়খি, “ঐখোয়গী লৈবাক অসিদা শুপ্নগী ভিজা অমগী মখাদা তুরিজমগী মখল খুদিংমক লৈ। লমকোয়বশিংগী পন্থুংফম, সমুদ্র তোর্বান অমসুং ইথৎশিং চাউখৎহনবগী মিৎয়েং অসি মমাংগী সরকারদা লৈরমদে”। গোৱাগী খুঙ্গংগী মফমশিংদা লৈরিবা ইকো-তুরিজমগী মতিক অসিবু শকখঙলদুনা, প্রধান মন্ত্রীনা সরকার অসিনা গোৱাগী মনুং হঞ্জিনবা মফমশিংদা তুরিজম্বু খুমাং চাউশিলহন্দুনা লমদম অসিগী মীয়ামদা কান্নবা পীনবা মিৎয়েং চঙলিবা অসিগী মতাংদা পাউদমখি। গোৱাবু হেন্না নীংথিজবা পন্থুংফম অমা ওইহন্নবগীদমক্তা ফুদ কোর্ত, রেস্তোরেন্ত, অমসুং ৱেতিং রুমগুম্বা মতমগা চুনবা খুদোংচাবা কয়া শেমগত্তুনা গোৱাগী তুরিজম ইনফ্রাস্ত্রকচর ফগৎহন্নবা পায়খৎপা খোঙথাং কয়াগী পরিং অমসু প্রধান মন্ত্রীনা মীয়ামদা খঙহনখি।
“গোৱাবু কনফরেন্স তুরিজমগী তুরিস্ত দেস্তিনেসন অমা ওইহন্নবা সরকারনা খোঙফম চেৎলি”, প্রধান মন্ত্রীনা হায়খিবগা লোয়ননা মহাক্না ঙসি নুমিৎকী অঙনবদা পাংথোকখিবা ইন্দিয়া ইনর্জী ৱিক 2024দা চৎখিবগী ৱাফম নীংশিংখি। মমাংগী চহিদা গোৱাদা পাংথোকখিবা G20গী মীফম অমসুং দিপ্লোমেতিক ওইবা অচৌবা মীফম কয়া পাংথোকখিববুসু মহাক্না নীংশিংখি। গোৱাদা পাংথোকখিবা অমসুং মসিনা মরম ওইরগা রাজ্য অসিবু মালেমদা শক্তাকখিবা ৱর্ল্দ তেবল তেন্নিস চেম্পিয়নশিপ, ৱর্ল্দ বীচ ভোলীবোল তুর, FIFA অন্দর 17 ৱিমেন্স ফুতবোল ৱর্ল্দ কপ অমসুং 37শুবা নেস্নেল গেম্সকুম্বা তুর্নামেন্ত কয়াগী খুদম প্রধান মন্ত্রীনা পীখি। লাক্কদৌরিবা চহিশিং অসিদা মসিগুম্বা থৌরমশিং অসিগী চাউরবা মফম অমা গোৱানা ওইরক্কনি হায়বগী প্রধান মন্ত্রীনা মীয়ামদা থআজবা পীখি।
গোৱাদা ফুতবোলনা তম্লিবা শরুকপু প্রধান মন্ত্রীনা শকখঙলদুনা মশান্না অসিদা মমল নাইদ্রবা শরুক তম্বগীদমক্তা পদ্মা এৱার্দ পীখ্রবা ব্রহ্মানন্দ শংখ্বালকরবু ইকায়খুম্নবা উৎখি। রাজ্যসিদা নেস্নেল গেম্সকীদমক্তা শেমগৎখিবা ইনফ্রাস্ত্রকচরশিং অসিনা রাজ্যসিগী শান্নরোইশিংনা মখোয়গী মঙলান মঙফাওনবা হোৎনবদা মতেং পাংগনি হায়না প্রধান মন্ত্রীনা হায়খি।
সরকারনা মহৈ-মশিংদা চৎলিবা মিৎয়েংদা মরু ওইবা পীরদুনা, প্রধান মন্ত্রীনা গোৱাদা ইন্সতিত্যুসন কয়া লিংখৎখিবগী মতাংদা পাউদমখি অমসুং ইন্সতিত্যুসনশিং অসিনা গোৱাবু এজুকেসনগী হব অমা ওইহল্লবনি হায়না ফোংদোকখি। তেক্নোলোজী হেন্না চাউখৎহন্নবা অমসুং মসিনা নহা অমসুং ইন্দস্ত্রীশিংদা মতেং পাংবা ঙমহন্নবগীদমক্তা হন্দক্কী বজেৎ অসিদা লুপা করোর লাক্ষ 1বু রিসর্চ অমসুং ইন্নোভেসনগীদমক্তা কাইথোক্লে হায়না বজেত্তা লাউথোকখিবা অদুবুসু প্রধান মন্ত্রীনা মীয়ামদা অমুক্কা হন্না নীংশিংহনখি।
প্রধান মন্ত্রীনা মহাক্কী ৱারোল লোইশিনবা ওইনা, গোৱাবু চাউখৎহনবদা মীপুম খুদিংনা অমত্তা ওইনা তেংবাংমিন্নবগী মথৌ তাই হায়রদুনা রাজ্যসিগী চাউখৎ থৌরাং মীপুম খুদিংনা মশাগী থৌদাং য়াবীনবা হায়জখি।
গোৱাগী রাজ্যপাল, শ্রী পি.এস. শ্রীধরন পিল্লাই, মুখ্য মন্ত্রী, শ্রী প্রমোদ সাৱন্ত, তুরিজম অমসুং হিথাংফম, শিপ্পিং অমসুং ৱাতরৱেজকী কেন্দ্রগী রাজ্য মন্ত্রী, শ্রী শ্রীপদ য়েসো নাইকসু অতোপ্পা মীথুংলেন কয়াগা লোয়ননা ঙসিগী থৌরম অসিদা শরুক য়াখি।
বেকগ্রাউন্দ
প্রধান মন্ত্রীনা এন.আই.তি গৱাগী লেংদ্রবা কেম্পস লৈবাক মীয়ামদা কৎথোকখ্রে। নৌনা শেমগৎলিবা কেম্পস অসিদা তোঙান তোঙানবা খুদোংচাবশিং হায়বদি ত্যুতোরিএল কমপ্লেক্স, দিপার্তমেন্তেল কমপ্লেক্স, সেমিনার কমপ্লেক্স, এদমিনিস্ত্রেতিপ কমপ্লেক্স, হোস্তেল, হেল্থ সেন্তর, স্তাফ ক্বাতরশিং, এমেনিতি সেন্তর, শান্নবুং অমসুং মহৈরোয়শিং, ওজাশিং অমসুং ইন্সতিতুৎকী স্তাফশিংগী অতোপ্পা দরকার ওইবশিং য়াওরে।
প্রধান মন্ত্রীনা নেসনেল ইন্সতিতুৎ ওফ ৱাতরস্পোর্তসকী অনৌবা কেম্পস মীয়ামদা কৎথোকখ্রে। ৱাতরস্পোর্তসশিং চাউখৎনবা অমসুং মীয়াম অমসুং আর্মদ ফোর্স অনিমক্তা ঈশিংদগী মী কনবগী থবকশিং ফগৎহন্নবা ইন্সতিতুৎ অসিদা কোর্স 28 হৌদোক্কনি। প্রধান মন্ত্রীনা সাউথ গৱাদা 100 তি.পি.দিগী ইন্তেগ্রেতেদ ৱেস্ত মেনেজমেন্ত ফেসিলিতি অমা শঙ্গাখ্রে। মসি 60 তি.পি.দি ৱেত ৱেস্ত অমসুং 40 তি.পি.দি দ্রাই ৱেস্ত সাইন্তিফিক ওইনা লোইশিন্নবা অমসুং কিলোৱাত 500কী অহেনবা মৈ পুথোক্নবা পান্দম অমগী মখাদা দিজাইন তৌবনি।
প্রধান মন্ত্রীনা পানাজি অমসুং রৈস মাগোস অনি শম্নবা পেসেঞ্জর রোপৱে শানবা উরেপ-উয়ুং তমখ্রে। সাউথ গৱাদা 100 এম.এল.দিগী ঈশিং শেংদোক্নবা প্লান্ত অমা শানবা প্রধান মন্ত্রীনা উরেপ-উয়ুং তমখ্রে।
মহাক্না মখা তারকপদা, রোজগার মেলাগী মখাদা তোঙান-তোঙানবা বিভাগশিংদা নৌনা থবক হাপ্লবা মীওই 1930 দা এপোইন্তমেন্ত লেত্তরশিং য়েন্থোকখ্রে অমসুং তোঙান-তোঙানবা য়াইফ-থৌরাংগী স্কিমশিংগী বেনিফিসরশিংদা সেঙ্কসন লেত্তরশিংশু য়েন্থোকখ্রে।
***
(Release ID: 2003212)
Visitor Counter : 45
Read this release in:
Telugu
,
English
,
Urdu
,
Marathi
,
Hindi
,
Bengali-TR
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam