প্রধানমন্ত্রীগী লোইশঙ
এল.কে অদভানিদা ভারত রত্ন পীদুনা ইকায়খুম্নবা উৎলগনি হায়না প্রধান মন্ত্রী শ্রী নরেন্দ্র মোদীনা লাউথোকখ্রে
Posted On:
03 FEB 2024 2:28PM by PIB Imphal
অহল ওইরবা লুচিংবা এল.কে অদভানিদা লৈবাক অসিগী খ্বাইদগী ৱাংবা সিভিলিয়ন এৱার্দ ভারত রত্ন পীদুনা ইকায়খুম্নবা উৎলগনি হায়না প্রধান মন্ত্রী শ্রী নরেন্দ্র মোদীনা মহাক্কী এক্স পোস্ততা লাউথোকখ্রে।
শ্রী মোদীনা শ্রী এল.কে অদবানিগশু ৱারি শানখি অমসুং ইকায়খুম্নবা অসি পীবদা মহাক্কী মফমদা নুংঙাইবা ফোঙদোকখি।
প্রধান মন্ত্রীনা এক্সতা হায়খি;
“এল.কে অদভানি জিদা ভারত রত্ন পীগদবা অসিদা ঐ য়াম্না হরাওই। ঐ মহাক্কা ৱারি শান্নরে অমসুং ইকায়খুম্নবা অসি পীবদা মহাক্কী মফমদা নুংঙাইবা ফোঙদোকখি। ঐখোয়গী মতমগী খ্বাইদগী ইকায়খুম্নবা রাজনিতিৱালা অমা ওইনা, ভারত চাউখৎনবা মহাক্না পাংথোকখিবা থবক শিংথানিঙাইনি। ঐখোয়গী দিপুতি প্রাইম মিনিস্তর ওইনা মহাক্না লৈবাক অসিগী থবক তৌবা হৌরকখি। মহাক মশামক ঐখোয়গী হোম মিনিস্তর অমসুং আই অমসুং বি মিনিস্তর ওইনা শক খঙখি। মহাক্না সংসদতা ঙাংখিবশিং মতম পুম্নমক্তা তমজনফম্নি অমসুং ৱাখল-লৌশিং ঙাক্তনি”।
“অদভানি জিনা চহি কয়া মীয়ামগী থবক তৌরকপা অসিদা অমকপা অমতা লৈখিদে, রাজনিতিগী চৎন-কাংলোনশিংগী তমজনফম ওইবা খুদম অমা থমখি। লৈবাক্কী অপুনবা শক্তম শাগৎনবা অমসুং অমুক হন্না নাৎ অমসুং চৎনবীশিং হিঙ্গৎহন্নবা মহাক্না লাম্বা লৈতনা হোৎনখি। মহাক্কী মফমদা ভারত রত্ন পীবা অসি ঐগী ওইনা পুক্নিং য়াম্না নুংশিবা মিকুপ অমনি। মহাক্কা উনবগী অমসুং মঙোন্দগী তম্নবগী মশিং থিঙমদ্রবা খুদোংচাবা কয়া ঐনা ফংখিবা অসি মতম চুপ্পদা ঐগী খুদোংচাবনি হায়না ঐনা খল্লগনি”।
****
(Release ID: 2002214)
Visitor Counter : 63
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam