প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত চৰকাৰে চাৰিটা প্ৰধান শ্ৰেণীৰ উন্নয়নত গুৰুত্ব দিয়াত বিশ্বাস কৰে– 'গৰিব', 'মহিলা', 'যুৱ' আৰু 'অন্নদাতা'। আজি লোকসভাত ২০২৪-২৫ বৰ্ষৰ অন্তৱৰ্তীকালীন বাজেট উপস্থাপন কৰাৰ সময়ত বিত্ত আৰু কৰ্পোৰেট পৰিক্ৰমা মন্ত্ৰী শ্ৰীমতী নিৰ্মলা সীতাৰমণে এই কথা কয়। তেওঁ কয় যে তেওঁলোকৰ প্ৰয়োজনীয়তা, তেওঁলোকৰ আকাংক্ষা আৰু তেওঁলোকৰ কল্যাণ হৈছে চৰকাৰৰ সৰ্বোচ্চ অগ্ৰাধিকাৰ। তেওঁ কয়যে দেশৰ প্ৰগতি তেতিয়া হয় যেতিয়া এই চাৰিটা জাতিৰ লোকৰ উন্নতি হয়। এই চাৰিটা শ্ৰেণীৰলোকসকলক তেওঁলোকৰ জীৱন উন্নত কৰাৰ প্ৰচেষ্টাত চৰকাৰী সহায়ৰ প্ৰয়োজন আৰু তেওঁলোকে চৰকাৰী সমৰ্থন লাভ কৰিছে। তেওঁ লগতে কয় যে দেশখন তেওঁলোকৰ সৱলীকৰণ আৰু তেওঁলোকৰ কল্যাণৰ সৈতে আগবাঢ়িব।

বিত্ত মন্ত্ৰী নিৰ্মলা সীতাৰমণে কয়যে সামাজিক ন্যায় আমাৰ চৰকাৰৰ বাবে এক কাৰ্যকৰী আৰু অত্যাৱশ্যকীয় শাসন ব্যৱস্থা। তেওঁ আৰু জনাইছিল যে দুৰ্নীতি হ্ৰাস হোৱাৰ ফলত স্বচ্ছতা আহিছে আৰু সকলো যোগ্য লোকে চৰকাৰী আঁচনিৰ লাভালাভ লাভ কৰিছে। তেওঁ বৰ্ণনা কৰে যে প্ৰত্যক্ষ লাভালাভ স্থানান্তৰ কেনেদৰে সফল হৈছে। তেওঁ কয়যে তেওঁৰ চৰকাৰে ব্যয়ৰ বিষয়ে চিন্তা নকৰে কিন্তু ফলাফলৰ ওপৰত গুৰুত্ব দিয়ে।

শ্ৰীমতী নিৰ্মলা সীতাৰমণে কয় যে চৰকাৰে ২০৪৭ চনৰ ভিতৰত ভাৰতক সৰ্বাত্মক, সৰ্ব-দিশৰ আৰু সৰ্বসামগ্ৰিক উন্নয়নৰ দৃষ্টিভংগীৰে 'বিকশিত ভাৰত' হিচাপে গঢ়ি তুলিবলৈ কাম কৰি আছে। তেওঁ কয় যে এই লক্ষ্য লাভ কৰিবলৈ আমি জনসাধাৰণৰ ক্ষমতা বৃদ্ধি কৰিব লাগিব আৰু তেওঁলোকক সৱল কৰিব লাগিব।

*****

YKB/NB/MV/VC/SJ/AA