امور داخلہ اور امدادِ باہمی کے مرکزی وزیر جناب امت شاہ نے کہا ، 'پریکشا پہ چرچا' پروگرام کے دوران وزیر اعظم جناب نریندر مودی جی کی طلباء کے ساتھ بات چیت ہماری نوجوان نسل کو امتحانات کے دوران درپیش چنوتیوں سے نمٹنے کے بارے میں ایک بصیرت انگیز سبق کی حامل تھی۔

ایکس پلیٹ فارم پر کی گئی ایک پوسٹ میں، جناب امت شاہ نے کہا کہ ’’ پریکشا پے چرچا پروگرام کے دوران طلباء کے ساتھ وزیر اعظم جناب نریندر مودی کی بات چیت سے ہماری نوجوان نسل کو امتحان کے دوران درپیش چنوتیوں کا سامنا کرنے میں مدد ملے گی۔ مودی جی کے الفاظ نے نہ صرف طلبا کو آگے بڑھنے کے لیے ترغیب فراہم کی، بلکہ اس سے انہیں تناؤ کا سامنا کرنے میں بھی مدد حاصل ہوئی۔ یہ الفاظ اساتذہ اور والدین کے ساتھ ساتھ ہماری آنے والی نسلوں کو بہتر طریقے سے سکھانے اور پروان چڑھانے کے لیے رہنمائی کا باعث ثابت ہو سکتے ہیں۔ ‘‘

**********

 (ش ح –ا ب ن۔ م ف)

U.No:4131