প্রধান মন্ত্রী, শ্রী নরেন্দ্র মোদীনা ঙসি জনুৱারী 28দা দিল্লীগী সুপ্রিম কোর্ত ওদিতোরিয়মদা ভারতকী সুপ্রিম কোর্তকী দাইমন্দ জুবিলী সেলেব্রেসন হৌদোকখ্রে। মহাক্না দিজিতেল সুপ্রিম কোর্ত রিপোর্তস (দিজি SCR), দিজিতেল কোর্তস 2.0 অমসুং সুপ্রিম কোর্তকী অনৌবা ৱেবসাইৎ য়াওনা সিতিজেন-সেন্ত্রিক ইনফোর্মেসন এন্দ তেক্নোলোজী ইনিসিএতিবশিংসু লোঞ্চ তৌখি।

থৌরম অসিদা ৱা ঙাংলদুনা প্রধান মন্ত্রীনা ঙসি ভারতকী সুপ্রিম কোর্তনা মাগী চহি 75শুবগী অহৌবা নুমিৎতা শরুক য়াবীবগীদমক মীপুম খুদিংমক্তা নুংঙাইবা অমদি তৌবীমল খঙবা ফোঙদোকখি অমসুং ভারতকী সম্বিধান্না নুমিৎ নিনিগী মমাংদা মাগী 75শুবা চহি ফাখি হায়নসু ফোঙদোকখি।

প্রধান মন্ত্রীনা হায়খি মদুদি ভারতকী সম্বিধান শেমখিবা মীওইশিংনা নীংতম্বা, থোং মান্নবা অমসুং ৱায়েল লৈবদা য়ুম্ফম ওইবা নীংতম্বা ভারত অমগী মঙলান মঙলমখি অমসুং সুপ্রিম কোর্তনা প্রিন্সিপলশিং অসি ঙাকশেন্দুনা থম্নবা লেপ্পা লৈতনা হোৎনখি। প্রধান মন্ত্রীনা হায়খি মদুদি, “ফ্রিদম ওফ এক্সপ্রেসন, পর্সনেল ফ্রীদম নত্ত্রগা সোসিএল জস্তিস ওইরবসু সুপ্রিম কোর্তনা ভারতকী অচৌবা দেমোক্রেসী অসি মপাঙ্গল কনখৎহনখি”। প্রধান মন্ত্রীনা মীওইবগী হকশিং অমসুং ফ্রীদম ওফ স্পীচকী মরু ওইবা ৱায়েলশিংনা লৈবাক্কী সোসিও-পোলিতিকেল এনভাইর্নমেন্তদা অনৌবা মাইকৈ তাকখি হায়না ফোঙদোকখি।

পি.এম. মোদীনা সরকারগী ব্রাঞ্চ খুদিংমক্কীদমক মথংগী চহি 25 অসিগী পান্দমশিংগী পেরামিতরশিং নৌহৌনা ফোঙদোকখি  অমসুং হায়খি মদুদি ঙসিগী ইকনোমিক পোলিসীশিংনা হয়েংগী ভারতকী য়ুম্ফম ওইগনি। “ঙসি শেমখিবা লোশিং অসিনা ভারতকী অফবা তুংলমচৎকী য়ুম্ফম থোল্লি” হায়না পি.এম. মোদীনা ফোঙদোকখি।

গ্লোবেল জিওপোলিতিক্সকী হোংলক্লিবা লেন্দস্কেপ অসিগী মরক্তা প্রধান মন্ত্রীনা মালেমনা ভারত্তা মীৎয়েং থম্নরি অমসুং মঙোন্দা থাজবা লেপ্পা লৈতনা হেনগৎলক্লি হায়না ফোঙদোকখি। মহাক্না ঐখোয়গী লম্বিদা লাক্লিবা খুদোংচাবা পুম্নমক্তা কেপিতেলাইজ তৌবা মথৌ তাই হায়খি অমসুং ইজ ওফ লিবিং, ইজ ওফ দুইং বিজিনেস, ত্রেবেল, কম্ম্যুনিকেসন অমসুং ইজ ওফ জস্তিস অসি লৈবাক্কী খ্বাইদগী মরু ওইবশিংনি হায়না ফোঙদোকখি। “ইজ ওফ জস্তিস অসি ভারতকী প্রজা খুদিংমক্কী হকনি অমসুং ভারতকী সুপ্রিম কোর্তকী মেদিয়মনি”, হায়না পি.এম. মোদীনা ফোঙদোকখি।

লৈবাক অসিগী অপুনবা জস্তিস সিস্তেম অসি ভারতকী সুপ্রিম কোর্তনা এদমিনিস্তর তৌই অমসুং লমজিং লমতাক্লি হায়না ফোঙদোক্লদুনা প্রধান মন্ত্রীনা সরকারনা সুপ্রিম কোর্তপু মনুং হঞ্জিনবা শরুকশিংদা এক্সেসিবল ওইহন্নবা মাইকৈদা সরকারগী খোঙথাংশিংগী মতাংদা ফোঙদোকখি অমসুং ই-কোর্তস মিসন প্রোজেক্তকী অহুমশুবা ফেসকী অয়াবা পীখ্রে হায়খি। মহাক্না হায়খি মদুদি অহুমশুবা ফেসকী ফন্দ এল্লোকেসন অসি অনিশুবা ফেস্তগী শরুক মরি হেনগৎলকখি। পি.এম. মোদীনা লৈবাক অসিদা কোর্ত পুম্নমক দিজিতাইজেসন তৌবা অসি ভারতকী চীফ জস্তিস মশামক্না মোনিতর তৌবা অসিদা নুংঙাইবা ফোঙদোকখি অমসুং মহাক্কী খোঙথাংশিংগীদমক থাগৎপা ফোঙদোকখি।

কোর্তশিংগী ফিজিকেল ইনফ্রাস্ত্রকচর ফগৎহন্নবা সরকারগী ফিরেপ অদু নৌহৌনা নীংশিংলদুনা প্রধান মন্ত্রীনা হায়খি মদুদি 2014গী মতুংদা হীরম অসিগীদমক লুপা করোর 7000 হেন্না য়েন্থোকখ্রে। হৌজিক লৈরিবা সুপ্রিম কোর্তকী বিল্দিংগী সমস্যাশিং অসি খঙলদুনা পি.এম. মোদীনা মীফম অসিদা সুপ্রিম কোর্ত বিল্দিং কম্প্লেক্স পাকথোক চাউথোক্নবগীদমক লুপা করোর 800 মমাং চয়োলদা অয়াবা পীখি হায়না ফোঙদোকখি।

ঙসি লোঞ্চ তৌখিবা সুপ্রিম কোর্তকী দিজিতেল ইনিসিএতিবশিংগী মতাংদা ফোঙদোক্লদুনা প্রধান মন্ত্রীনা দিজিতেল ফোর্মেৎ অমদা ৱায়েলশিং ফংহনবা অমসুং লোকেল লোলদা সুপ্রিম কোর্তকী ৱায়েল হন্দোক্নবগী প্রোজেক্ত হৌখিবদা নুংঙাইবা ফোঙদোকখি। মহাক্না লৈবাক্কী অতৈ কোর্তশিংদা মান্নবা এরেঞ্জমেন্তশিং তৌনবা আশা তৌখি।

ঙসিগী থৌরম অসি ইজ ওফ জস্তিস্তা তেক্নোলোজীনা মতেং পাংবগী ফজরবা খুদমনি হায়রদুনা প্রধান মন্ত্রীনা মহাক্কী স্পীচ অসি AIগী মতেংগা লোয়ননা রিএল তাইমদা ইংলিশতা হন্দোক্লি অমসুং মসি ভাশিনী এপকী থোংদা তাবসু য়াগনি হায়খি। মহাক্না হায়খি মদুদি অহৌবদা ইস্যু খরা থেংনবা য়াই অদুবু মসিনা তেক্নোলোজী শীজিন্নবগী হোরিজনশিংসু পাকথোক চাউথোকহনগনি। ঐখোয়গী কোর্তশিংদসু মীচম মীয়ামগীদমক পুন্সি লাইথোকহন্নবা মান্নবা তেক্নোলোজী ইমপ্লিমেন্ত তৌবা য়াগনি হায়না প্রধান মন্ত্রীনা ফোঙদোকখি। মীয়াম্না হেন্না খঙবা ঙম্নবগীদমক অচম্বা লোলদা লোশিং দ্রাফ তৌনবগী মহাক্কী সজেসনশিং অদু নীংশিংলদুনা শ্রী মোদীনা কোর্তকী ৱায়েলশিং অমসুং ওর্দরশিং দ্রাফ তৌনবা মান্নবা এপ্রোচসু সজেস্ত তৌখি।

ভারতকী ভেল্যুশিং অমসুং মোদর্নিতী য়াওহনবগী মতাংদা পল্লদুনা প্রধান মন্ত্রী নরেন্দ্র মোদীনা ঐখোয়গী লোশিংদা ভারতকী চৎনবীশিং অমসুং কন্তেম্পোররী প্রেক্তিস অনিমক্কী মমি তাহনবা মথৌ তাই হায়খি। মহাক্না হায়, “ভারতকী ভেল্যুশিং অমসিং মোদর্নিতী পুনশিনবা হায়বা অসি ঐখোয়গী লেগেল স্তেতসশিংদা চপ মান্ননা মরু ওই”। প্রধান মন্ত্রী মোদীনা মখা তারদুনা হায়খি, “সরকারনা হৌজিক ওইরিবা ফীভম অমসুং খ্বাইদগী ফবা প্রেক্তিশিংগা চুনবা মওংদা লোশিং মোদর্নাইজ তৌনবা কন্না হোৎনরি”।

প্রধান মন্ত্রীনা অরিবা কোলোনিএল ক্রিমিনেল লোশিং মুথৎনবা অমসুং ভারতীয় নাগ্রিক সুরক্ষা সমহিতা, ভারতীয় ন্যায় সমহিতা, অমসুং ভারতীয় সক্ষিয়া অধিনিয়মগুম্বা অনৌবা লেজিস্লেসন পুথোক্নবা সরকারগী খোঙথাংশিংগী মতাংদা পনখি। মহাক্না হায়খি, “অহোংবশিং অসিগী খু্ত্থাংদা ঐখোয়গী লিগেল, পোলিসিং, অমসুং ইনভেস্তিগেসন সিস্তেমশিংনা অনৌবা চহিচা অমদা চংলকখি”। চহিচা কয়া শুরবা লোশিংনা অনৌবা স্তেতুতশিংদা ওন্থোরকপগী মরু ওইবা অদু থমলদুনা প্রধান মন্ত্রী মোদীনা হায়খি, “অরিবা লোশিংদগী অনৌবদা ওল্লকপা অসি অপনবা লৈহল্লোইদবনি, মসি য়াম্না মরু ওইবনি”। হীরম অসিদা মহাক্না অওনবা পুরক্নবা সরকারগী ওফিসিএলশিংগীদমক ত্রেনিং অমসুং কেপাসিতী-বিল্দিং ইনিসিএতিবশিং হৌখ্রে হায়খি। প্রধান মন্ত্রীনা সুপ্রিম কোর্ত্তা  স্তেকহোল্দর পুম্নমক্কীদমক কেপাসিতী বিল্দিং তৌনবসু হায়খি।

প্রধান মন্ত্রী মোদীনা ভিকসিৎ ভারতকীদমক মপাঙ্গল কনবা জস্তিস সিস্তেম অমগী মরু ওইবা থৌদাং অদু ফোঙদোকখি। মহাক্না রিলাইএবল লিগেল ফ্রেমৱার্ক শেম্নবা লেপ্পা লৈতনা পাইখৎলিবা সরকারগী খোঙথাংশিংগী মতাংদা ফোঙদোক্লদুনা হায় মাইকৈ অসিদা চংশিল্লিবা খোঙথাং ওইনা জন বিশ্বাস বিল ইনেক্ত তৌখি অমরোমদা পন্দুনা লৈবা কেসশিংগী মশিংসু হন্থহন্দুনা জুদিসিয়রীদগী মথৌ তাদবা প্রেসর লৌথোকপা ঙমহনখি। প্রধান মন্ত্রীনা মেদিএসনগী খুত্থাংদা অলতর্নেতিব দিস্প্যুৎ রিজোল্যুসনগী প্রোবিজন শেমখিবা, মসিনা মরু ওইনা সবওর্দিনেৎ জুদিসিয়রীদা পোৎলুম হন্থহনবদা শরুক তমখিবগী মতাংদসু ফোঙদোকখি।

প্রধান মন্ত্রী মোদীনা 2047 ফাওবদা ভিকসিৎ ভারত অমা ওইনবা ভারতকী বিজন অদু থুংহন্নবা মাইকৈদা প্রজা পুম্নমক্কী অপুনবা থৌদাংগী মতাংদসু নৌহৌনা ফোঙদোকখি মহাক্না মথংগী চহি 25 অসিদা লৈবাক্কী তুংলমচৎ শেম্বদা সুপ্রিম কোর্তনা লৌরিবা মরু ওইবা থৌদাং অদু থাগৎলদুনা অমসুং মানা চহি 75 শুরকপগী নুংঙাইবা ফোঙদোক্লদুনা ৱারোল পীবা লোইশিনখি। প্রধান মন্ত্রীনা পোস্থুমস ওইনা এম. ফতিমা বীভিদা পদ্ম ভুশন পীখিবগী মতাংদা ফোঙদোকখি অমসুং খুদোংচাব অসিগীদমক চাউথোকচবা পোকই হায়খি।

থৌরম অসিদা ভারতকী চীফ জস্তিস, দা. দি ৱাই চন্দ্রচুদ, লো অমসুং জস্তিসকী কেন্দ্র মন্ত্রী, শ্রী অর্জুন রাম মেঘৱল, সুপ্রিম কোর্তকী জদজ, জস্তিস সঞ্জিব খান্না  অমসুং জস্তিস ভুশন রামকৃষ্ণ গবাই, এতোর্নী জেনরেল ওফ ইন্দিয়া, শ্রী আর বেঙ্কাতরামনি, সুপ্রিম কোর্ত বার এসোসিএসনগী প্রসিদেন্ত, দা, অদিস সি অগর্ৱাল, অমসুং বার কাউন্সিল ওফ ইন্দিয়াগী চিয়বরমেন, শ্রী মনন কুমার মিশ্রানা থৌরম অসিদা শরুক য়াখি।

বেকগ্রাউন্দ

সুপ্রীম কোর্তকী 75শুবা চহি হৌদোক্লদুনা, প্রধান মন্ত্রীনা মীয়ামদা অহেনবা মিৎয়েং চঙবা ইনফোর্মেসন অমসুং তেক্নোলোজীগী খোঙথাং কয়া হৌদোকখ্রে। মসিদা দিজিতেল সুপ্রীম কোর্ত রিপোর্ত (দিজি SCR), দিজিতেল কোর্ত 2.0 অমসুং সুপ্রীম কোর্তকী অনৌবা ৱেবসাইত য়াওরি। মহাক্না থৌরম অসিদা তিনবা মীয়ামগী মফমদসু মশাগী ৱারোল খরা থমখ্রে।

দিজিতেল সুপ্রীম কোর্ত রিপোর্ত (SCR) অসিনা সুপ্রীম কোর্তকী ৱায়েলশিংবু লৈবাক্কী নাগ্রিকশিংদা ইলেক্ত্রোনিক্কী ফোর্মেত্তা লেম্না ফংহনগনি। দিজিতেল SCR অসিগী মরু ওইবা হীরম অমদি ইং 1950দগী হৌদুনা কেস 36,308 কোনবা সুপ্রীম কোর্তকী ভোল্যুম 519 খুদিংমকপু দিজিতেল ফোর্মেত্তা, বুকমার্ক তৌদুনা, য়জর ফ্রেনলী ওইবা মওংদা ওপন এক্সেসকা লোয়ননা ফংহনগদবা অসিনি।

দিজিতেল কোর্ত 2.0 অসিদি ই-কোর্ত প্রোজেক্তকী মখাদা খ্বাইদগী অনৌবা খোঙথাং ওইনা পায়খৎপা দিস্ত্রিক্ত কোর্তকী জজশিংগী মফমদা ইলেক্ত্রোনিক ফোর্মেত্তা রেকোর্দশিংবু ফংহনবগী খোঙথাং অমনি। স্পীচপু তেক্সতা রিএল তাইমদা হন্দোক্নবা আর্তিফিসিএল ইন্তেল্লিজেন্স (AI) শিজিন্নবগী থৌওংসু মসিগী মনুং চনগনি।

প্রধান মন্ত্রীনা সুপ্রীম কোর্তকী অনৌবা ৱেবসাইত অমসু হৌদোক্কনি। অনৌবা ৱেবসাইত অসি ইংলিশ অমসুং হিন্দি লোলদা ফংগনি অমসুং য়ুজর ফ্রেনলী ওইবা ইন্তর্ফেস অমগা লোয়ননা নৌনা দিজাইন তৌবনি।

Addressing a programme marking 75 years of the Supreme Court. https://t.co/tEtQeA8MRd

— Narendra Modi (@narendramodi) January 28, 2024

The Supreme Court has strengthened India's vibrant democracy. pic.twitter.com/hbxJ5pKKeh

— PMO India (@PMOIndia) January 28, 2024

भारत की आज की आर्थिक नीतियां, कल के उज्ज्वल भारत का आधार बनेंगी।

भारत में आज बनाए जा रहे कानून, कल के उज्ज्वल भारत को और मजबूत करेंगे: PM @narendramodi pic.twitter.com/t3KYEWJq98

— PMO India (@PMOIndia) January 28, 2024

एक सशक्त न्याय व्यवस्था, विकसित भारत का प्रमुख आधार है। pic.twitter.com/dHwrcybquV

— PMO India (@PMOIndia) January 28, 2024

***