ପୋଷ୍ଟ କରାଯିବା ଦିନାଙ୍କ:
22 JAN 2024 5:31PM by PIB Bhubaneswar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାନୁଆରୀ ୨୩ ତାରିଖ ସନ୍ଧ୍ୟା ସାଢେ ୬ ଟାରେ ଲାଲକିଲ୍ଲାଠାରେ ପରାକ୍ରମ ଦିବସ ସମାରୋହରେ ଯୋଗଦେବେ ।
ସ୍ୱାଧୀନତା ସଂଗ୍ରାମରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ବିଶିଷ୍ଟ ବ୍ୟକ୍ତିବିଶେଷଙ୍କ ଅବଦାନକୁ ସମ୍ମାନ ଦେବା ପାଇଁ ପଦକ୍ଷେପ ନେବା ପାଇଁ ପ୍ରଧାନମନ୍ତ୍ରୀଙ୍କ ସ୍ବପ୍ନ ଅନୁଯାୟୀ ୨୦୨୧ରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀକୁ ପରାକ୍ରମ ଦିବସ ଭାବେ ପାଳନ କରାଯାଉଥିଲା। ଚଳିତବର୍ଷ ଲାଲକିଲ୍ଲାଠାରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମ ଐତିହାସିକ ପ୍ରତିଫଳନ ଏବଂ ଜୀବନ୍ତ ସାଂସ୍କୃତିକ ଅଭିବ୍ୟକ୍ତିକୁ ଏକତ୍ରିତ କରି ଏକ ବହୁମୁଖୀ ଉତ୍ସବ ହେବ। ଏହି କାର୍ଯ୍ୟକଳାପ ନେତାଜୀ ସୁଭାଷ ଚନ୍ଦ୍ର ବୋଷ ଏବଂ ଆଜାଦ ହିନ୍ଦ ଫୌଜର ଗଭୀର ପରମ୍ପରାକୁ ଅନୁଧ୍ୟାନ କରିବ। ନେତାଜୀ ଏବଂ ଆଜାଦ ହିନ୍ଦ ଫୌଜଙ୍କ ଉଲ୍ଲେଖନୀୟ ଯାତ୍ରାକୁ ବର୍ଣ୍ଣନା କରୁଥିବା ବିରଳ ଫଟୋ ଏବଂ ଦସ୍ତାବିଜ ପ୍ରଦର୍ଶନ କରି ଅଭିଲେଖାଗାର ପ୍ରଦର୍ଶନ ମାଧ୍ୟମରେ ପର୍ଯ୍ୟଟକମାନେ ଏକ ଆକର୍ଷଣୀୟ ଅନୁଭୂତି ସହିତ ଜଡ଼ିତ ହେବାର ସୁଯୋଗ ପାଇବେ । ଜାନୁଆରି ୩୧ ତାରିଖ ପର୍ଯ୍ୟନ୍ତ ଏହି ଉତ୍ସବ ଚାଲିବ।
ଏହି କାର୍ଯ୍ୟକ୍ରମ ରେ ପ୍ରଧାନମନ୍ତ୍ରୀ ଜାନୁଆରୀ ୨୩ରୁ ୩୧ ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଭାରତ ପର୍ବର ଶୁଭାରମ୍ଭ କରିବେ । ସାଧାରଣତନ୍ତ୍ର ଦିବସ ଟାବେଲକ୍ସ ଏବଂ ସାଂସ୍କୃତିକ ପ୍ରଦର୍ଶନୀ ସହିତ ଦେଶର ସମୃଦ୍ଧ ବିବିଧତାକୁ ପ୍ରଦର୍ଶିତ କରିବ, ଯେଉଁଥିରେ ୨୬ଟି ମନ୍ତ୍ରଣାଳୟ ଏବଂ ବିଭାଗର ପ୍ରୟାସ, ନାଗରିକ କେନ୍ଦ୍ରୀତ ପଦକ୍ଷେପ ଉପରେ ଆଲୋକପାତ କରାଯିବ, ସ୍ଥାନୀୟ, ବିଭିନ୍ନ ପର୍ଯ୍ୟଟନ ଆକର୍ଷଣ ଉପରେ ଗୁରୁତ୍ବ ପ୍ରଦାନ କରାଯିବ। ଏହା ଲାଲକିଲ୍ଲା ସମ୍ମୁଖରେ ରାମଲୀଳା ମୈଦାନ ଏବଂ ମାଧବ ଦାସ ପାର୍କରେ ଅନୁଷ୍ଠିତ ହେବ।
BS