প্রধানমন্ত্রীগী লোইশঙ
পি.এম.না জনুৱারী 22দা অয়োধ্যাদা নৌনা শাখিবা শ্রী রাম জন্মভুমি মন্দিরদা শ্রী রামলল্লাগী প্রান প্রতিস্থা থৌরমদা শরুক য়াগনি
পি.এম.না ভগৱান শিবকী অরিবা মন্দির নৌনা শেমজিনখিবা মফম ওইরিবা কুবের তিলাদা চৎকনি
প্রান প্রতিস্থা থৌরমদা লৈবাক্কী মরু ওইবা লাইনীং অমসুং ধর্মগী কাংলুপ পুম্নমক্কী মীহুৎশিংনা শরুক য়াগনি
प्रविष्टि तिथि:
21 JAN 2024 8:33PM by PIB Imphal
প্রধান মন্ত্রী শ্রী নরেন্দ্র মোদীনা জনুৱারী 22, 2024গী নুমিৎ য়ুংবা পুং 12 রোম তারকপদা অয়োধ্যাদা নৌনা শাখিবা শ্রী রাম জন্মভুমি মন্দিরদা শ্রী রামলল্লাগী প্রান প্রতিস্থা থৌরমদা শরুক য়াগনি। মমাংদা ওক্তোবর 2023দা প্রধান মন্ত্রীনা প্রান প্রতিস্থা থৌরমগীদমক শ্রী রাম জন্মভুমি ত্রস্ততগী চে-বাও ফংখিবা লৈখ্রে।
পুৱারী ওইরবা প্রান প্রতিস্থাগী থৌরমদা লৈবাক্কী মরু ওইবা লাইনীং অমদি ধর্মগী কাংলুপ পুম্নমক্কী মীহুৎশিংনা শরুক য়াগনি। তোঙান-তোঙানবা ত্রাইবেল ফুরুপশিংগী মীহুৎশিং য়াওনা পুন্সিগী লম পুম্নমক্তগী মীয়াম্না থৌরম অসিদা শরুক য়াগনি। প্রধান মন্ত্রীনা থৌরম অসিদা মশক নাইবা মীওইশিংগী মীতিন অসিদা ৱা ঙাংগনি।
প্রধান মন্ত্রীনা শ্রী রাম জন্মভুমি মন্দির শাবদা য়াওখিবা শ্রমজীবিশিংগা ৱারী শাগনি। প্রধান মন্ত্রীনা ভগৱান শিবকী অরিবা মন্দির নৌনা শেমজিনখিবা মফম ওইরিবা কুবের তিলাদা চৎকনি। মহাক্না নৌনা শেমগৎখিবা মন্দির অসিদা পুজা অমসুং দর্শনসু পাঙথোক্কনি।
মতিক ময়াই চেল্লবা শ্রী রাম জন্মভুমি মন্দির অসি অরিবা নাগর মওংদা শাখি। মসিগী ময়ুং (নোংপোক-নোংচুপ) অসি ফুত 380; মরাকনা ফুত 250 অমসুং অৱাংবনা ফুত 160 ওইরি; অমসুং মসিদা পুন্না য়ুম্বী 392 ঙাকলৌ পীরি অমসুং থোং 44 পাল্লি। মন্দিরগী য়ুম্বীশিং অমসুং ফকলাংশিং অসিনা হিন্দুগী ঈশ্বরশিংগী মরমদা নীংথিনা হকতুনা উৎলি। মরু ওইবা লাইশঙগী মফম ওইরিবা অসিগী গ্রাউন্দ ফ্লোরদা ভগৱান শ্রী রামগী অঙাং ওইরিঙৈ মতমগী মীতম (শ্রী রামলল্লাগী মীতম) খিনখি।
মন্দির অসিগী মপুং ওইবা চংফম (মেন এন্ত্রান্স) অসি নোংপোক থংবা মাইকৈদা লৈ, মসি সিংহ দ্বারগী খুত্থাংদা স্তিয়র 32 কাখৎতুনা চংবা য়াগনি। মন্দির অসিদা পুন্না মন্দির মঙা লৈ - নৃত্য মন্দপ, রঙ্গ মন্দপ, সভা মন্দপ, প্রার্থনা মন্দপ অমসুং কীর্তন মন্দপ। মন্দির অসিগী মনাক্তা অরিবা মতমদা লৈরম্বা পুৱারী ওইরবা গুহা (সীতা কুপ) লৈ। মন্দির কমপ্লেক্স অসিগী খা নোংচুপ থংবা শরুক, কুবর তিলাদা জতায়ুগী মীতম খিনখিবগা লোয়ননা অরিবা মতমগী ভগৱান শিবকী মন্দির নৌনা শেমজিনখি।
মন্দির অসিগী য়ুম্ফম অসি রোলর-কম্পক্তেদ কনক্রেত (RCC)গী মিতর 14 থাবা লেয়রগা লোয়ননা থোনখি, মসিনা খুৎশেমগী নুং মালহল্লি। মন্দির অসি শাবা য়োৎ অমত্তা শীজিন্নখিদে। লৈবাক্কী লৈনিলদগী ঙাকথোক্নবা গ্রেনাইৎ শীজিন্নদুনা ফুত 21 ৱাংবা প্লিন্থ অমা শাখি। মন্দির কমপ্লেক্স অসিদা সিবেজ ত্রীৎমেন্ত প্লান্ত, ৱাতর ত্রীৎমেন্ত প্লান্ত, মৈহৌ লাংপোক্কীদমক ৱাতর সপ্লাই অমসুং ইন্দিপেন্দেনত পাৱর স্তেসন লৈ। মন্দির অসি লৈবাক্কী অরিবা চৎনবী অমসুং লমদম অসিগী তেক্নোলোজী শীজিন্নদুনা শাখি।
***
(रिलीज़ आईडी: 1998512)
आगंतुक पटल : 151
इस विज्ञप्ति को इन भाषाओं में पढ़ें:
Kannada
,
Assamese
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam