কেন্দ্রগী গৃহ মন্ত্রী অমসুং কোওপরেসনগী মন্ত্রী, শ্রী অমিত শাহনা ঙসি অসামগী তেজপুরদা পাঙথোকপা 13শুবা ত্রাইএনিএল বাথৌ মহাসভা কনফরেন্সতা ৱা ঙাংখ্রে।

থৌরম অসিদা ৱারোল পীবদা শ্রী অমিত শাহনা হায়খি মদুদি ভারত অসি থাজবা মখল কয়া লৈবাক অমনি অমসুং বাথৌ ধর্মনা সনাতন ধর্মগী চৎনবীগা লোয়ননা খুমাং চাউশিনমিন্নখি অমসুং মসি ভারতকী য়াম্না মরু ওইবা শরুক অমনি। মহাক্না হায়খি অনৌবা ৱাখল্লোনশিং অমসুং প্রধান মন্ত্রী নরেন্দ্র মোদীগী খোঙথাংশিংনা মরম ওইরগা অৱাং নোংপোক্তা বোরোলেন্দগী সমস্যা অসি লোইশিনবা ঙমখি অমসুং রিজন অসি ঙসিদি হিংশাগী লম্বী থাদোক্তুনা চাউখৎপগী লম্বেলদা মাংদা চংশিল্লি। মহাক্না হায়খি দুলারাই বাথৌ গৌথুম অসি 1962দা গুৱাহাতিদা লিংখৎখি অমসুং মদুদগী হৌনা বোরো ফুরুপ অমসুং বাথৌ ধর্মগী য়াইফনবা থবক তৌদুনা লাকখি। শ্রী শাহনা হায়খি মদুদি মসিগী মহাসভা অসিনা প্রেক্তিকেল অমসুং সাইন্তিফিক এনালাইসিসজা লোয়না বোরো ফুরুপকী পুন্সি মহিংদা বাথৌ ধর্মগী মমি তাহন্নবা থবক তৌখি। মহাক্না হায়খি অসাম সরকারনা মাঘ থাগী অনিশুবা লৈপাকপোকপা অসি বাথৌ পুজা হায়না ছুতি লাউথোকখি।

কেন্দ্রগী গৃহ মন্ত্রীনা হায়খি মদুদি মহাক্না মালেম পুম্বগী অমসুং মরু ওইনা অৱাং নোংপোক লমদমগী শান্তিগীদমক বাথৌ মহাসভাগী স্পিরিচুএল বিজন হায়বদি ধর্ম, অহিংশা, শান্তি, ঙাকপী হৈবা অমসুং মীনুংশিং চাউবা অসিগী খুত্থাংদা থৌনিখি। মহাক্না হায়খি মদুদি বাথৌ ধর্মগী ৱাহন্থোক খঙবা মীওইশিং খক্তনা বাথৌ ফুরুপকী মরমদা খঙগনি। মহাক্না হায়খি বা হায়বদি মঙা হায়বনি অমসুং থৌ হায়বনা মরু ওইবা হায়বদি মদুদি ইলিমেন্ত মঙাগী বিজ্ঞান অমসুং মখোয়গী মরু ওইবা অরোনবা অদু খঙবগী থৌওং হায়নি। মহাক্না হায়খি বোরো ফুরুপকী বাথৌ ধর্মগী মরু ওইবা প্রিন্সিপল অসি ইলিমেন্ত মঙাগী অপুনবগী পাউজেল পীবনি। মহাক্না হায়খি বাথৌ ধর্মগী ফিলোসোফী মতুং ইন্না বোরাই বাথৌনা তাইবংপালগী মরমদা মফম খুদিংদা শন্দোকখি। শ্রী  শাহনা হায়খি মদুদি ইলিমেন্ত মঙাগী ফিলোসোফী অসি মহৌশাবু থৌনিজবগী ফিলোসোফী অদুনি অমসুং বাথৌ ধর্মগী ফিরালদা মসিগী মমিসু তারি। শ্রী শাহনা হায়খি মদুদি বাথৌ ফিরাল অমসুং ধর্মনা ইলিমেন্ত মঙা থৌনিবগী পাউজেল পীরি।

শ্রী অমিত শাহনা হায়খি মদুদি বাথৌয়িজমগী মোরেল মেসেস মঙানা লৈবাক পুম্বা অমসুং মালেমদা লমজিং লমতাকপীরি। মহাক্না হায়খি বাথৌ ধর্ম অসিনা শেংলবা এক্সপরিয়েন্স, শেংলবা প্রেক্তিস, মীনুংশিং হৈবা, অচুম্বা অমসুং নুশিদবগী ৱাখল্লোন থাদোকপা হায়বা মরু ওইবা পাউজেল মঙাদা য়ুম্ফম ওইরগা মাংদা চংশিল্লি। মহাক্না হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকার অমসুং অসাম সরকারনা ধর্ম পুম্নমক মপাঙ্গল কনখৎহন্নবা হোৎনখি। মহাক্না হায়খি ঐখোয়গী থাজনবীগী মতুং ইন্না মহৌশাদগী হেন্না অথোইবা অমা লৈতে অমসুং পি.এম. নরেন্দ্র মোদীগী কেন্দ্রদা লৈরিবা সরকারনা মহৌশাবু থৌনিরিবা মরু ওইনা অৱাং নোংপোক্তা লৈরিবা ঐখোয়গী ধর্মশিং য়োকখৎনবা অমসুং চাউখৎহন্নবা হোৎনবা য়াবা হোৎনগনি। মহাক্না হায়খি মদুদি ঐখোয়না ধর্ম পুম্নমক ঙাকশেন্দুনা থম্নবা মথৌ তাবা খুদিংমক পাঙথোক্কনি।

কেন্দ্রগী গৃহ মন্ত্রীনা হায়খি মদুদি বোরো ইহৌ অসিগী শাংলবা পুৱারী লৈ অমসুং বোরো মীয়াম্না মখোয়গী কলচর কন্নবা হোৎনবদা অৱাবা কয়া মায়োক্নখি। মহাক্না হায়খি মমাংগী সরকারশিংগী পোলিসী অসি মরু ওইবা ইস্যুশিং নাথৈদুনা থমলগা শক্তি পাইবগী নুংঙাইথোকপা ওইরমখি অমসুং পোলিসী অসিনা মরম ওইদুনা মীওই লিশিং কয়ানা মখোয়গী পুন্সি মাংখি। মহাক্না হায়খি হৌজিক প্রধান মন্ত্রী মোদীগী লুচিং মখাদা বোরো এগ্রীমেন্ত খুৎয়েক পীনখ্রে অমসুং ঙসি বোরোলেন্দ পুম্বদা শান্তি অমসুং তংদু লৈতাবগী ফীভম লৈহনবা ঙম্লে। শ্রী শাহনা হায়খি মদুদি বোরোলেন্দ অসিনা হৌখিবা চহি 3দা হিংশাগী থৌদোক অমত্তা থেংনখিদে অমসুং বোরোলেন্দনা চাউখৎপগী লম্বেলদা হৌজিক চংশিল্লি। মহাক্না হায়খি মফম অসিদা চাউখৎপগী অনৌবা পন্দুপ অমা হৌখ্রে। প্রধান মন্ত্রী মোদীগী অৱাং নোংপোক পুম্বদা চাউখৎপা পুরকপা অমসুং শান্তি লৈহনবগী মিসন অসি ঙসি মাইপাক্লে।

শ্রী অমিত শাহনা হায়খি প্রধান মন্ত্রী মোদীগী তেনর মনুংদা অপুনবা অৱাং নোংপোক্তা হিংশাগী থৌদোক্তা চাদা 73 হন্থরকপা উবা ফংখি, সেক্যুরিতী ফোর্সকী পর্সনেল শীবা চাদা 71 হন্থখি অমসুং মীচম শীবা চাদা 86 হন্থখি। মহাক্না হায়খি মোদী সরকারনা হৌখিবা চহি 10দা শান্তিগী য়ান্না-ৱারোল মাপন খুৎয়েক পীনখি অমসুং নহারোল 9000 রোমনা খুৎলাই থাদোক্তুনা মেনস্ত্রীমদা চংলকখি। মহাক্না হায়খি মোদী সরকারনা জনুৱারী 27, 2020দা ফাইনেলাইজ তৌখিবা এগ্রীমেন্তনা  মরম ওইরগা নহারোল 1600না মেনস্ত্রীমদা চংলকখি। মহাক্না হায়খি মদুদি কেন্দ্র অমসুং অসাম সরকারনা পুন্না মফম অসিগী চাউখৎ থৌরাংগীদমক লুপা করোর 1500গী পেকেজ থাদখি। মহাক্না হায়খি ঙসি অসামগী মুখ্য মন্ত্রী শ্রী হিমন্তা বিস্বা শর্মাগী লুচিং মখাদা অসাম পুম্বনা শান্তিগা লোয়ননা চাউখৎপগী লম্বেলদা চংশিল্লি। মহাক্না হায়খি সরকারনা বোরো কছরি ৱেল্ফিয়র ওতোনোমস কাউন্সিল শেমখি অমসুং হৌজিক রাজ্য সরকারনা লোকেল বোরো লোলবু অসামগী এসোসিএৎ ওফিসিএল লেংগ্বেজ অমা ওইনা শকখঙনবা থবকসু পাইখৎলি। বোরোলেন্দ তেরিতোরিএল রিজনগী কোলেজ 10 লোকেলাইজ তৌখ্রে অমসুং NDFB হায়না মমাংদা খঙনরম্বা অদুগী কেদর 4,200দা লুপা লাখ 4গী কম্পেন্সেসনসু পীখ্রে

*****