প্রধান মন্ত্রী, শ্রী নরেন্দ্র মোদীনা ঙসি ভিদিও মেসেসকী থোংদা শ্রী খোদলধাম ত্রস্ত-কেন্সর হোস্পিতালগী উরেপ-উয়ুং তমখ্রে।

থৌরম অদুদা ৱা ঙাংলদুনা প্রধান মন্ত্রীনা শেংলবা খোদল ধামগী লমদম অমসুং খোদল মাগী ভক্তাশিংগা কন্নেক্ত তৌবা ফংবদা য়াম্না নুংঙাইবা ফোঙদোকখি। শ্রী মোদীনা হায়খি মদুদি শ্রী খোদলধাম ত্রস্তনা অমরেলিদা কেন্সর হোস্পিতাল অমসুং রিসর্চ সেন্তরগী উরেপ উয়ুং তম্বা লোয়ননা মীয়ামগী য়াইফনবা অমসুং শেবা তৌবগী লমদা মরু ওইবা খোঙথাং অমগা থাংজিনখ্রে। মহাক্না হায়খি শ্রী খোদলধাম ত্রস্ত-কগৱদনা লিংখৎখিবা চহি 14  মপুং ফাগদৌরিবা অসিদা মহাক্না য়াইফ মঙ্গোল পীখি।

প্রধান মন্ত্রীনা হায়খি মদুদি লৌবা পতিদার কম্ম্যুনিতীনা চহি 14গী মমাংদা শেবা, ভেল্যু অমসুং কত্থোকপদা য়ুম্ফম ওইবা ফিরেপকা লোয়ননা শ্রী খোদলধাম ত্রস্ত লিংখৎখি। মদুদগী হৌনা ত্রস্ত অসিনা মাখোয়গী সর্ভিসকী খুত্থাংদা মীওই করোর কয়াগী পুন্সিদা অওনবা পুরকখি। “মহৈ-মশিং, লৌউ-শিংউ নত্ত্রগা হকশেলগী লমদা ওইরবসু ত্রস্ত অসিনা মাইকৈ খুদিংমক্তা শীংথানীংঙাই ওইবা থবক তৌখি হায়না প্রধান মন্ত্রীনা ফোঙদোকখি। মহাক্না অমেলিদা শাখিবা কেন্সর হোস্পিতাল অসিনা শেবাগী ৱাখল্লোনগী অচৌবা খুদম অম ওইরগনি অমসুং অমরেলি য়াওনা সৌরস্ত্রাগী চাউরবা লমদমদা চাউনা কান্নবা পীরগনি।

কেন্সরগুম্বা অরুবা লাইনাশিং লায়েংবা অসি মীওই অমসুং ইমুং অমা হেক্তগী ওইনা অচৌবা শীংনবা অমা ওইরিবা অসিগী মতাংদা প্রধান মন্ত্রীনা হায়খি সরকারনা কেন্সর লায়েংদা পেসেন্ত অমত্তনা মখল অমতগী খুদোংচাদবা মায়োক্নদনবা হোৎনরি। ৱাখল্লোন অসিগা লোয়ননা হৌখিবা চহি 9দা লৈবাক অসিদা অনৌবা কেন্সর হোস্পিতাল 30 শাখি অমসুং অনৌবা কেন্সর হোস্পিতাল 10 শাবগী থবক পাইখৎলি হায়না প্রধান মন্ত্রীনা ফোঙদোকখি।

কেন্সর অসি মাগী লায়েংগীদমক ঙল্লিঙৈ স্তেজতা খঙদোকপা মরু ওই হায়না প্রধান মন্ত্রীনা ফোঙদোকখি। মহাক্না হায় কেন্সর অসি খুঙ্গংশিংগী মীয়ামশিং দাইগনোস তৌবা মতমদা শন্দোকপা লোইরম্মে। অসিগুম্বা ফীভম অসি ওইহনদনবা কেন্দ্র সরকারনা খুঙ্গংগী থাক্তা আয়ুশ্মান আরোগ্যা মন্দির লাখ 1.5 হেন্না শাখি, মসিনা কেন্সর য়াওনা অরুবা লাইনা কয়া ঙন্না খঙদোকপদা মীৎয়েং থমখি। “কেন্সর অসি ঙন্না খঙদোকপা তারবদি দোক্তরশিংনা মাগী লায়েংবদা কান্নবা য়াম্না ফংই”, হায়না মহাক্না মখা তাখি। শ্রী মোদীনা আয়ুশ্মান আরোগ্যা মন্দিরনা সর্ভাইকেল কেন্সর নত্ত্রগা ব্রেস্ত কেন্সর অসিগুম্বা লাইনাশিং অসি ঙন্না খঙদোকপদা মরু ওইবা থৌদাং লৌরি হায়রদুনা নুপীশিংনা কেন্দ্র সরকারগী খোঙথাংশিংদগী চাউনা কান্নবসু ফংলে হায়খি।

প্রধান মন্ত্রীনা হায়খি গুজরাতনা হৌখিবা চহি 20দা হেল্থ সেক্তদা অমুক্তা ওইখিদ্রিবা মওংদা চাউখৎপা ঙমখি অমসুং মসিনা ভারতকী অচৌবা মেদিকেল হব অমা ওইরগনি। মহাক্না হায়খি 2002 ফাওবদা গুজরাত্তা মেদিকেল কোলেজ 11 খক্তা লৈরমখি ঙসিদি মশিং অসি 40দা হেনগৎলকখি। মহাক্না মখা তারদুনা হায়খি MBBS সীতশিংগী মশিং অসি হৌখিবা চহি 20দা শরুক 5রোম হেনগৎলকখি অমসুং PG সীতশিংগী মশিং অসি শরুক 3রোম হেনগৎলকখি। “হৌজিক রাজকোত্তা ফাওবা AIIMS লৈরে” হায়না মহাক্না ফোঙদোকখি। মহাক্না হায়খি 2002 ফাওবদা গুজরাত্তা ফার্মাসী কোলেজ 13 খক্তা লৈরমখি অমরোমদা মখোয়গী মশিং অসি ঙসিদি 100 রোম ওইরে অমসুং দিপ্লোমা ফার্মাসী কোলেজশিংগী মশিং অসি হৌখিবা চহি 20দা 6তগী 30দা হেনগৎলকখি। পি.এম. মোদীনা হায়খি গুজরাতনা খুঙ্গং খুদিংমক্তা কম্ম্যুনিতী হেল্থ সেন্তরশিং হাংদোকপগা লোয়ননা হেল্থ সেক্তদা অচৌবা রিফোর্মগী মোদেল অমা ওইখি অসুম তৌবনা ত্রাইবেল অমসুং লায়রবশিংগী মফমশিংদা হকশেলগী খুদোংচাবা ফংবা হেনগৎহল্লি। “মীয়াম্না গুজরাত্তা 108 এম্ব্যুলেন্সকী খুদোংচাবদা থাজবা থম্বা মখা তানা মপাঙ্গল কনখৎহনখি” হায়না মহাক্না মখা তাখি।

শ্রী মোদীনা হায়খি লৈবাক অমা হেক্তা চাউখৎহনবদা হকচাং ফবা অমসুং শক্তি লৈবা মীয়ামগী মথৌ তাই। “খোদল মাগী থৌজালশিংগা লোয়ননা ঐখোয়গী সরকারনা ঙসি মসিগী ৱাখল্লোন অসি ঙাক্নাচৎলি” হায়না প্রধান মন্ত্রীনা ফোঙদোক্লদুনা আয়ুশ্মান ভারত য়োজনানা মশিং য়াম্লবা কেন্সর পেসেন্ত য়াওনা ঙসি মীওই করোর 6 হেনবগী লায়েংদা তেংবাং পীখি অমসুং মখোয়গী লুপা করোর লাখ অমা তুংশিনবদা মতেং পাংখি। মহাক্না হীদাকশিং চাদা 80 দিস্কাউন্ত তৌদুনা ফংলিবা জন ঔশাধি কেন্দ্র 10,000 হাংদোকখিবগী মরমদা ফোঙদোকখি। প্রধান মন্ত্রীনা PM জন ঔশাধি সেন্তরশিং 25,000দা হেনগৎহনখ্রে হায়নসু ফোঙদোকখি। মহাক্না হায় পেসেন্তশিংনা লুপা করোর 30,000 চাদিং তৌগদবদগী তুংশিনবা ঙমহনখি। “সরকারনা কেন্সর হীদাকশিংগী মমল কন্ত্রোল তৌবনা কেন্সর পেসেন্ত কয়াদা কান্নবা ফংহনখি” হায়না মহাক্না মখা তাখি।

ত্রস্ত অসিগা মতম শাংনা লোইনরকপগী মতাংদা পল্লদুনা প্রধান মন্ত্রী মোদীনা রিক্বেস্ত 9 থমখি। অহানবদা ঈশিং মরিক খুদিংমক মাংহনদবা অমসুং ঈশিং য়োকশিনবগী মতাংদা এৱের্নেস শন্দোকপা। অনিশুবদা – খুঙ্গংগী থাক্তা দিজিতেল ত্রাঞ্জেক্সনশিং তৌবগী মতাংদা এৱের্নেস পীবা। অহুমশূবদা – অদোমগী খুঙ্গং, লৈকাই, অমসুং সহরবু স্বচ্ছতা মকোক্তা লৈহন্নবা থবক তৌবা। মরিশুবদা – লোকেল প্রদক্তশিং প্রমোৎ তৌবা অমসুং মেক ইন ইন্দিয়া প্রদক্তশিং য়ারিবা মখৈ শীজিন্নবা। মঙাশুবদা – লৈবাক মনুংদা ত্রেবেল তৌদুনা দোমেস্তিক তুরিজম প্রমোৎ তৌবা। তরুকশুবদা – মহৌশাগী লৌউ পথাপকী মতাংদা লৌমীশিংদা এৱের্নেস পীবা। তরেৎশুবদা – নোংমগী চীঞ্জাক্তা শ্রী অন্না য়াওহনবা। নিপালশুবদা – হকচাং ফনা থম্বা, য়োগ নত্ত্রগা স্পোর্তস তৌবা অমসুং মসি পুন্সিগী মরু ওইবা শরুক অমা ওইহনবা। অমসুং মপালশুবদা - নিশা মখল খুদিংমক্তগী লাপনা লৈবা।

ত্রস্ত অসিনা মখা তানা মপুং ফানা কত্থোকপগা লোয়ননা মাগী থৌদাংশিং থুংহনগনি অমসুং অমরেলিদা শারিবা কেন্সর হোস্পিতাল অসিনা খুন্নাই পুম্বগী য়াইফনবা খুদম অমা ওইরগনি হায়না প্রধান মন্ত্রীনা থাজবা ফোঙদোকখি। মহাক্না লৌবা পতিদার সমাজ অমসুং শ্রী খোদলধাম ত্রস্ততা মহাক্কী য়াইফ মঙ্গোল পীখি। “ইমা খোদলগী থৌজালদগী নখোয়না মখা তানা সোসিএল সর্ভিস তৌবা ঙম্বা ওইরসনু”, হায়না মহাক্না মখা তাখি।

থৌরম অসিদা লোইশিনবদা প্রধান মন্ত্রীনা ইনাক-কৈরাক খুনবা কাংলুপশিংদা লৈবাক অসিদা লুহোংবগী থৌরমশিং পাঙথোক্নবা অমসুং মীরৈবাক্তা চৎতুনা লুহোংবগী থৌরম পাঙথোক্তনবা হায়খি। “মেক ইন ইন্দিয়াগুম্না হৌজিক ৱেদ ইন ইন্দিয়া” তৌবীয়ু হায়না প্রধান মন্ত্রীনা ৱা ঙাংবা লোইশিনখি।

Sharing my remarks at foundation stone laying ceremony of Khodaldham Trust Cancer Hospital in Gujarat. https://t.co/ouPCMUpNgt

— Narendra Modi (@narendramodi) January 21, 2024

*****