آیوش اور بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے آج یہاں مستقبل کے آیوش پیشہ ور افراد کے لیے انسانی وسائل کی ترقی کے لیے اپنی نوعیت کے پہلے مرکز ’آیوش دیکشا‘کا سنگ بنیاد رکھا۔ یہ جدید ترین مرکز سینٹرل آیوروید ریسرچ انسٹی ٹیوٹ، بھوبنیشور کے کیمپس میں تیار کیا جائے گا۔

مجمع سے خطاب کرتے ہوئے جناب سربانند سونووال نے کہا کہ آیوش تحریک نے گزشتہ 10 سالوں میں بہت اہمیت حاصل کی ہے اور ہم ایک مربوط طب کے نقطہ نظر کی طرف بڑھ رہے ہیں جہاں جدید طب کے نظام کے ساتھ ساتھ ایک بااختیار آیوش نظام طب کا بھی استعمال کیا جائے گا۔ انھوں نے کہا کہ آج یہاں آیوش دیکشا مرکز کے سفر کا آغاز کرتے ہوئے یہ مرکز آیوش پیشہ ور افراد کو اپنی صلاحیتوں کو نکھارنے اور ملک کے لوگوں کو عالمی معیار کی مریضوں کی دیکھ بھال کی خدمات فراہم کرنے میں اپنی مہارت کو بڑھانے کے قابل بنائے گا۔ انھوں نے یہ بھی کہا کہ یہ طاقتور آیوش تحریک اور صحت مند اور خوشگوار زندگی کے تجربے کی طرف عالمی تحریک کی اس کی کوشش کے لیے ایک محرک ثابت ہوگا۔

وزیر موصوف نے مزید کہا کہ وزیر اعظم جناب نریندر مودی جی کی متاثر کن قیادت میں آیوش تحریک نے اپنی طاقت دوبارہ حاصل کرلی ہے۔ ہم جانتے ہیں کہ کس طرح یوگا نے صحت مند زندگی کی تحریک کی طرف دنیا میں انقلاب برپا کیا ہے۔ بھارت کی دیگر روایتی دواؤں کو قابل بنانے اور بااختیار بنانے پر توجہ مرکوز کرنے کے ساتھ ، ہمیں یقین ہے کہ مودی جی کے سوستھ بھارت کے وژن کو حاصل کیا جائے گا۔ مربوط ادویاتی نقطہ نظر ملک کے لوگوں کے لیے ایک نعمت ثابت ہوگا کیونکہ وہ اپنی بیماریوں کو ٹھیک کرنے کے ساتھ ساتھ اپنی جسمانی اور ذہنی صحت کو بااختیار بنا کر اپنے معیار زندگی کو بہتر بنانے کی طرف بڑھ سکتے ہیں۔

یہ ادارہ آیوش پیشہ ور افراد، خاص طور پر آیوروید کے پیشہ ور افراد کے لیے تربیتی پروگرام پیش کرے گا، کیونکہ اس کا مقصد صلاحیت کی ترقی، انسانی وسائل کو مضبوط بنانے، تحقیق اور ترقی میں سہولت فراہم کرنے، آمدنی پیدا کرنے کے مقصد کے ساتھ خود انحصاری حاصل کرنے کے لیے قومی اداروں کے ساتھ تعاون کرنا ہے۔ آیوش دیکشا مرکز 30 کروڑ روپے کے بجٹ سے تعمیر کیا جارہا ہے۔ یہ جدید ترین سہولیات سے آراستہ ہوگا جس میں دو آڈیٹوریم، تمام سہولیات کے ساتھ 40 جدید کمرے، وی آئی پیز کے لیے سویٹس، قدرتی لائبریری کے لیے مخصوص جگہ، ڈسکشن رومز، ماڈیولر باورچی خانہ، ڈائننگ لاؤنج اور دیگر سہولیات شامل ہیں۔

اس تقریب میں بھوبنیشور سے رکن پارلیمنٹ (لوک سبھا)، اپراجیتا سارنگی، سی سی آر اے ایس کے ڈائرکٹر جنرل پروفیسر ویدیا ربی نارائن آچاریہ کے علاوہ وزارت کے دیگر سینئر افسران، طلبا اور آیوش پیشہ ور افراد نے بھی شرکت کی۔ سی اے آر آئی، بھوبنیشور سینٹرل کونسل فار ریسرچ ان آیورویدک سائنسز (سی سی آر اے ایس) کے تحت ایک اکائی ہے، جو حکومت ہند کی وزارت آیوش کے تحت ایک خود مختار ادارہ ہے۔ یہ سنگ بنیاد اقدام سائنسی خطوط پر آیوروید میں تحقیق کو فروغ دینے اور آگے بڑھانے کی سمت میں ایک اہم قدم ہے۔

***

(ش ح – ع ا – ع ر)

U. No. 3838