প্ৰধানমন্ত্ৰীৰ কাৰ্যালয়
আপুনি আপোনাৰ গাঁৱৰ মোদী, প্ৰধানমন্ত্ৰীয়ে মেঘালয়ৰ ৰিভয়ৰ ছিলমে মাৰাকক কয়
Posted On:
18 JAN 2024 3:47PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সিঙৰ জৰিয়তে বিকশিত ভাৰত সংকল্প যাত্ৰাৰ হিতাধিকাৰীসকলৰ সৈতে মত বিনিময় কৰে। এই কাৰ্যসূচীত দেশৰ বিভিন্ন প্ৰান্তৰ পৰা বিকশিত ভাৰত সংকল্প যাত্ৰাৰ হাজাৰ হাজাৰ হিতাধিকাৰীয়ে অংশগ্ৰহণ কৰে। কেন্দ্ৰীয় মন্ত্ৰী, সাংসদ, বিধায়ক আৰু স্থানীয় পৰ্যায়ৰ প্ৰতিনিধিয়েও এই কাৰ্যসূচীত অংশগ্ৰহণ কৰে।
মেঘালয়ৰ ৰি ভইৰ শ্ৰীমতী ছিলমে মাৰাকৰ জীৱনে তেতিয়া ইতিবাচক ৰূপ ধাৰণ কৰিলে যেতিয়া তেওঁৰ নিজৰ সৰু দোকানখন আত্মসহায়ক গোটলৈ ৰূপান্তৰিত হ’ল। এতিয়া তেওঁ স্থানীয় মহিলাসকলক আত্মসহায়ক গোটত সংগঠিত হোৱাত সহায় কৰি আছে আৰু ৫০টাতকৈও অধিক আত্মসহায়ক গোট গঠন কৰাত সহায় কৰিছে। তেওঁ প্ৰধানমন্ত্ৰী কিষাণ সন্মান নিধি, বীমা আদি আঁচনিৰ হিতাধিকাৰী।
শেহতীয়াকৈ শ্ৰীমতী ছিলমেই নিজৰ কাম সম্প্ৰসাৰণৰ বাবে এখন স্কুটাৰ ক্ৰয় কৰিছে। তেওঁৰ ব্লকত এটা গ্ৰাহক সেৱা কেন্দ্ৰও চলাইছে আৰু চৰকাৰী আঁচনিৰ সুবিধা লাভ কৰাত মানুহক সহায় কৰে। তেওঁৰ গোটটো খাদ্য প্ৰক্ৰিয়াকৰণ আৰু বেকাৰীত সক্ৰিয়। প্ৰধানমন্ত্ৰীয়ে তেওঁৰ আত্মবিশ্বাসৰ বাবে প্ৰশংসা কৰি তেওঁৰ সন্মানত হাত চাপৰি বজায়।
চৰকাৰী আঁচনিৰ সৈতে শ্ৰীমতী ছিলমেৰ ব্যৱহাৰিক অভিজ্ঞতা আৰু হিন্দী ভাষাৰ ওপৰত তেওঁৰ উৎকৃষ্ট দখলৰ কথা উল্লেখ কৰি প্ৰধানমন্ত্ৰীয়ে কয় যে, “আপুনি হিন্দী ভাষাত অতি সাৱলীল, হয়তো মোতকৈও ভাল।” প্ৰধানমন্ত্ৰীয়ে তেওঁলোকৰ সমাজসেৱাৰ প্ৰৱণতাক শলাগ লৈ কয়, "আপোনাৰ দৰে মানুহৰ সমৰ্পণেই হৈছে চৰকাৰী আঁচনিৰ সুবিধা প্ৰতিজন নাগৰিকলৈ সম্প্ৰসাৰণ কৰাৰ আমাৰ সংকল্পৰ আঁৰৰ শক্তি। আপোনাৰ দৰে মানুহে মোৰ কাম বহুত সহজ কৰি তোলে। আপুনিয়েই আপোনাৰ গাঁৱৰ মোদী - আপোনাৰ দৰে মানুহে মোৰ কাম বহুত সহজ কৰি তোলে। আপুনি নিজৰ গাঁৱৰ মোদী।”
**********
DS/SKS
(Release ID: 1997897)
Visitor Counter : 76
Read this release in:
Kannada
,
Malayalam
,
English
,
Urdu
,
Hindi
,
Marathi
,
Manipuri
,
Bengali-TR
,
Bengali
,
Punjabi
,
Gujarati
,
Odia
,
Tamil
,
Telugu