প্রধানমন্ত্রীগী লোইশঙ
অদোম অদোমগী খুঙ্গংগী মোদীনি হায়না প্রধান মন্ত্রীনা মেঘালয়গী রি বোইগী সিলমে মরাকতা ফোঙদোকখ্রে
Posted On:
18 JAN 2024 3:47PM by PIB Imphal
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।
মহাক্কী অপীকপা দুকান অদু সেল্ফ হেল্প গ্রুপ অমা ওনখৎপদগী মেঘালয়গী রি বোইদগী সিলমে মরাক্কী পুন্সিদা অফবা অহোংবা অমা লাকখি। হৌজিক মহাক্না লৈকায়গী নুপীশিং সেল্ফ হেল্প গ্রুপশিং শরুক য়াহনবদা মতেং পাংলি অমসুং সেল্ফ হেল্প গ্রুপ ৫০ হেন্না শেম্বদা মতেং পাংখি। মহাক পি.এম কিষান সম্মান নিধি, বিমা অমসুং অতোপ্পা স্কিমশিংগী বেনিফিসরি অমনি।
মহাক্কী থবক পাকথোক-চাউথোক্নবা হন্দক সিলমেনা স্কুতি অমা লৈরে। মহাক্না মহাক্কী ব্লোক্তা কস্তমর সর্বিস পোইন্ত অমসু থবক তৌখি অমসুং সরকারগী স্কিমশিং ফংহনবদা মতেং পাংখি। মহাক্কী গ্রুপ অসি চীঞ্জাক শেম-শাবা অমসুং বেকরিদা থৱায় য়াওনা শরুক য়ারি। মহাক্কী থাজবগীদমক প্রধান মন্ত্রীনা মহাক থাগৎপা ফোঙদোকখি অমসুং মহাক ইকায়খুম্নবা উত্তুনা খুবাক খুখি।
সরকারগী স্কিমশিংগী মরমদা খঙবা অমসুং হিন্দী লোল ফজনা খঙবদা মহাক থাগৎপা ফোঙদোক্লদুনা, প্রধান মন্ত্রীনা হায়খি অদোম লোল ফজনা খঙলে, ঐঙোন্দগী হেন্না খঙলে। মহাক্না মীয়ামগীদমক পাংথোক্লিবা থবকশিং থাগৎলদুনা প্রধান মন্ত্রীনা হায়খি সরকারগী স্কিমশিংগী কান্নবশিং মীওই খুদিংমক্তা য়ৌহন্নবা ঐখোয়গী ৱাশক অসিগী মতুংদা অদোমগুম্বা মীওইগী কৎথোকপা অসিনা থৌনা হাপ্লে। অদোমগুম্বা মীওইনা ঐগী থবক য়াম্না লাইহল্লে। অদোম অদোমগী খুঙ্গংগী মোদীনি।
******
(Release ID: 1997453)
Visitor Counter : 38
Read this release in:
Kannada
,
Malayalam
,
English
,
Urdu
,
Hindi
,
Marathi
,
Assamese
,
Bengali-TR
,
Bengali
,
Punjabi
,
Gujarati
,
Odia
,
Tamil
,
Telugu