ইনফোর্মেসন অমসুং ব্রোদকাস্তিং মন্ত্রালয়
অয়োধ্যাদা অওনবা পুরক্লে: ময়োল্লমসিগী লাইনীংগী খোঙচৎ মতমগা চুনবা কন্নেক্তিবিতীগা লোয়ননা পাইদুনা চৎলি
Posted On:
19 JAN 2024 2:20PM by PIB Imphal
পুৱারীনা লাইনিংগা মপনবা লৈতনা তোৎশিন্নরিবা অয়োধ্যাগী ময়ায়দা, রাম মন্দিরগী শেংলবা মফমদগী য়াম্না হেন্না লাপ্না শন্দোকখিদুনা, মশক থোকপা অওনবা অমা লাক্লি। চীং লেম্লবা লাইশঙ অসিগী মশক মওং লেপ্লক্তুনা, মীৎয়েঙ শানবা খোঙকাপ চাউরেন হুন্দুনা, ভারত লৈঙাক্না অয়োধ্যাগী কন্নেক্তিবিতীদা মপুং ফানা অওনবা পুরক্তুনা অরিবা মতমগী ময়োল্লম অসিবু এসেসিবিলিতীগী অনৌবা চক অমদা থৌদুনা পুরক্লি।
পি.এম.না অয়োধ্যাদা অনৌবা অমৃৎ ভারত ত্রেনশিং অমদি বন্দে ভারত ত্রেনশিং লমথাবা
অয়োধ্যাগী নৌনা শঙ্গাখ্রবা অমদি অমুক হন্না শেমগৎলপা, হৌজিক্না অয়োধ্যা ধাম রেলৱে স্তেসন হায়না মমিং হোংলবা, রেলৱে স্তেসন অসিনা অওনবা পুম্নমক অসিগী মাঙজিল থানা লেপ্লি। লুপা করোর ২৪০ চঙনা শেমগৎখিবা রেলৱে স্তেসন অসিনা কন্নেক্তিবিতীবু মতমগা চুনহন্নবা লৈঙাক্না লেপ্লিবা খোঙফমবু উৎলি। মথোল অহুমগী নীংথিরবা শঙ অসিদা লিফ্ত, এস্কেলেতর, ফুদ প্লাজা, অমদি পুজাগী মথৌ তাবশিং ফংহল্লিবা দুকানশিং লৈদুনা লাইনিংগা মতমগী খুদোংচাবশিংগা পুনশিন্ননা চৎলি। মথৌ কয়াসিগী ৱাংমদা, মসিনা ক্লোকরুম, অঙাং শেন্নফম কা, অমদি ঙাইফম হোলনচিংবা ফেসিলিতীশিংগা লোয়ননা পুম্নমক শুপ্পা হায়বা ৱাফমদা অহেনবা মীৎয়েঙ থমদুনা ‘এসেসিবল ফোর ওল’ অমদি ‘আই.জি.বি.সি. সর্তিফাইদ গ্রীন স্তেসন বিল্দিং’গী মমিং ফংদুনা মখৌ পোঙনা লেপ্লি। প্রধান মন্ত্রী মশামক্না অয়োধ্যাদা মশামক লাক্তুনা, অথোইবা চাওখৎ থৌরাংগী পোৎশক অমা ওইরিবা লৈবাকসিগী সুপরফাস্ত পেসেঞ্জর ত্রেনগী অনৌবা কাঙলুপ্তা চল্লিবা অমৃৎ ভারত এক্সপ্রেস অমা লমথাদুনা পুরক্লিবা অওনবা অসিগী মরুওইববু ফোঙদোকখি। মসিগী মথক্তা, থৌরম অদুদা, প্রধান মন্ত্রীনা অয়োধ্যা-অনন্দ বিহার তর্মিনেল বন্দে ভারত এক্সপ্রেসসু শঙ্গাখি।
অয়োধ্যাদা পুরক্লিবা অওনবা অসি, দিসেম্বর ২০২৩দা মহারিসি বাল্মিকী ইন্তরনেস্নেল এয়রপোর্ত শঙ্গাদুনা রেলৱেদগী হেন্না শন্দোক্লি। লুপা করোর ১৪৫০ চঙনা শেমগৎখিবা ফেজ ১না স্ক্বার মিতর ৬৫০০ পাক চাউবা স্তেত-ওফ-দি-আর্ত তর্মিনেল অমা শেমগত্তুনা চহিদা পেসেঞ্জর লাখ ১০গীদা সর্ভিস পীগদৌরি। নৌনা শঙ্গাগদৌরিবা শ্রী রাম মন্দিরগী মমি তারিবা তর্মিনেল অসি মপান্দনা লাইশঙগী শক্তম লৌবা আর্কিতেকচর, অদুগা মনুংদনা লমদমসিগী কলা অমদি লাইয়েকশিংনা ময়োল্লম অসিগী নাৎকী লনবু উৎলি। অনিসুবা ফেজতা, এয়রপোর্ত অসিনা চহিদা খোঙচৎলোয় লাখ ৬০দা সর্ভিস পীদুনা, লম কোয়বা পুক্নিং থৌগৎকদবা, লল্লোন ইতিক্কী থবক থৌওংদা ইনোৎ হাপকদবা, অমদি লমদমসিদা থবক পীবগী খুদোংচাবা হেন্না থোকহল্লক্কদবা হেন্না ফবা কন্নেক্তিবিতী পুরক্নবা পান্দম থম্লি।
প্রধান মন্ত্রীনা অয়োধ্যাদা মহারিসি বাল্মিকী ইন্তরনেস্নেল এয়রপোর্ত শঙ্গাবা
অয়োধ্যাদা পুরক্লিবা অওনবা অসি ত্রান্সপোর্তেসনগী ইনফ্রাস্ত্রকচরনা লোইবা নত্তে অমদি অয়োধ্যাগী মপুং ওইবা চাওখৎ থৌরাংদসু শন্দোক্লি। কুইদ্রিঙৈদা প্রধান মন্ত্রীগী খোঙচৎ অমদা নৌনা শেমগৎলবা, পাকথোক্লবা, অমদি হেন্না মশক ফজহল্লবা লম্বী মরি – রামপথ, ভক্তিপথ, ধরমপথ অমদি শ্রী রাম জন্মভুমি পথ – শঙ্গাদুনা লাই খুরুম্বা অমদি লম কোয়বা লাকপশিংগী এসেসিবিলিতী হেনগৎহল্লি।
অয়োধ্যাগী ইনফ্রাস্ত্রকচর অমুক হন্না শেমগৎপা অমদি তুরিজম সেক্তরদা শেল থাদরিবা অসিনা ময়োল্লম অসিগী অওনবা পুরকপগী পুম্নমক কোনশিল্লবা মচৎ অমা উৎলি। কেন্নেক্তিবিতী ফগৎহন্দুনা, মফমসিদা লাকপশিংগী এক্সপিরিএন্স হেনগৎহন্দুনা, অমদি নাৎকী লনশিং ঙাক শেন্দুনা থম্বনা, অয়োধ্যানা লাই খুরুম্ফম, লম কোয়ফম, অমদি শেন্মিৎলোনগী নুংঙাই য়াইফবগী লৈহাউ ফরবা লমদম অমা ওইহল্লক্কদৌরি।
মচাকশিং:
***
(Release ID: 1997794)
Visitor Counter : 58