নস্কার, রাম-রাম!

ঙসি, শ্রীরাম মন্দির প্রান-প্রতিস্থা অভিয়ানগা মরী লৈনবা নুংঙাইরবা থৌর অমগসু মরী লৈনবগী ঐহাক্না খুদোংচাবা ফংজরে। ঙসি, শ্রীরাম জন্মভুমী মন্দিরদা কত্থোক্লবা অখন্নবা স্তাম্প 6 ফোঙলগনি। প্রভু শ্রীরামগা মরী লৈনবা স্তাম্পশিং ঙসি মালেমগী তোঙান-তোঙানবা লৈবাকশিংদা চৎনবা হৌখ্রবনি, মসিগী মতাংদা এলবম অমসু ঙসি ফোঙলি। ঐহাক্না লৈবাক অমসুং মীরম লৈবাক্কী রাম ভক্ত অমসুং লৈবাক মীয়াম্বু থাগৎচরি।

মরুপশিং,

পোস্তেল স্তাম্পকী মথৌ অমদি ঐখোয়না খঙনরে...মখোয়শিং অসিবু ইনভেলপ্তা নপ্পা, মখোয়গী মতেংদগী ঐখোয়গী চিথীশিংবু থাবা অসিনি। অদুবু, পোস্তেল স্তাম্পনা অতোপ্পা অরুবা মথৌ অমসু পাংথোকই। পোস্তেল স্তাম্পনা ৱাখল্লোন, পুৱারী অমসুং পুৱারী ওইবা থৌদোকশিংবু মথংগী চারোন শুরোন্দা তাকপগী পাম্বৈ অমসু ওই। অদোম্না স্তাম্প অমা চৎনহনবা হৌবা মতমদা, অমসুং মসিবু কনা অমগী মফমদা থাবা মতমদা, মসিনা চিথী নত্ত্রগা পোৎ থাবা খক্কী মথৌ তৌদে। মসিনা পুৱারী অমবু অতোপ্পা মীওই অমদগী অতোপ্পা মীওই অমদা য়ৌহল্লি। মসিগী তিকেত অসি শুপ্নগী চেজেৎ অমা নত্তে। মসিদি শুপ্নগী আর্তৱর্ক অমখক নত্তে। মসিদি পুৱারী, চৎনবী অমসুং পুৱারী ওইবা মফমগী অপীকপা মওং-মতৌ অমনি। মসিদি অচৌবা থৌদোক, লৈবাক অমসুং ৱাখল্লোন কয়াগী অপীকপা মওং মতৌ অমনি হায়না ঐখোয়না হায়বসু য়াই। ঙসি ফোঙলিবা মেমোরিএল স্তাম্প অসিদগী ঐখোয়গী নহাশিংগী চারোন শুরোনশিংনা ৱাফম কয়া অমা তম্বা ফংগনি।

ঐহাকসু হৌজিক য়েংলম্বনি, স্তাম্প অসিদা রাম মন্দিরগী শক্তম য়াওরি, খুৎ-শা হৈশিংনা শেমদুনা রামভক্তিগী ৱাখল্লোনবুসু তাক্লি, অদুগা ‘মঙ্গল ভবন অমঙ্গল হারী’ হায়না ইরি, মসিগুম্বা মমিং লৈরবা চৌপাই অসিনা লৈবাক্কী য়াইফ য়ুম্বালগী পাউজেলসু পীরি। মসিদা শুর্য়বন্সী রামগী শক্তম য়াওরি, মসিনা লৈবাক অসিদা অনৌবা মঙাল অমসু পীরিবনি। মসিদা মতিক লৈরবা সর্য়ু তুরেলসু য়াওরি অমসুং মসিনা শ্রী রামগী থৌজালদগী লৈবাক অসিনা মতিক মগুন লৈগনি হায়না তাক্লি। লাইশঙ অসিগী মনুংগী নীংথিরবা শক্তমশিংবুসু পোস্তেজ স্তাম্পশিংদা অসিদা নীংথিনা উৎলি। প্রভু রামগী খুত্থাংদা ঐখোয়গী পোৎলম মঙাগী ৱাখল্লোন অসিবুসু অপীকপা মওং-মতৌদা উৎলি হায়না ঐহাক্কী ইফমদা পাউদম্লি। স্তাম্প অসিদা পাংথোক্লিবা থবকশিংগা মরী লৈননা, পোস্তেল বিভাগনা রাম জন্মভুমী তীর্থ খেত্র ত্রস্তশিংগা লোয়ননা সন্তশিংদগী পাউতাক ফংখি। ঐহাক্না থবকশিং অসিদা তেংবাংবগী মখোয় পুম্নমকপু থাগৎচরি।

মরুপশিং,

ভগ্বান শ্রীরাম, ইমা সিতা অমসুং রমায়নগী ৱারীশিংগা মতম, খুন্নাই, জাতী, লাইনীং অমসুং ঙমখৈদা লৈবা মীপুম খুদিংদা মরী লৈনৈ। খ্বাইদগী ৱাবা মতমদা কত্থোকপা ঙম্বা, অমত্তা ওইবা ঙম্বা অমসুং থৌনা উৎপা ঙম্বা রমায়ন অসিনা অরুবা তাঞ্জা কয়াদা মীনুংশিনা মায় পাকপা ঙম্মি তাকপীরিবা রমায়ন্না মীওইবা খুন্নাইগা মরী লৈনরি। রমায়ন্না মালেম পুম্বদা মমিং চৎলিবসি মসিগী মরমদগীনি। মালেমহী তোঙান-তোঙানবা সংস্কৃতী, লৈবাকশিংদা রমায়নগী মতাংদা থৱাই য়াওবগী মতৌ লোইনা লৈনৈ। মালেম পুম্বনা ভগ্বান রাম, ইমা সিতা অমসুং রমায়নবু কয়া য়াম্না ইকায় খুম্ননা লৌনবগে হায়বসি ঙসি ফোঙলিবা লাইরিক অসিনা তাক্লি। মালেমগী লৈবাক কয়ানা শ্রীরামদা য়ুম্ফম ওইবা স্তাম্প করিগীদমক্তা শিজিন্নরিবনো হায়বসি থীবদা ঙসিগী চারোন শুরোনশিংনা য়াম্না নুংঙাইবা অমা ফাওগনি। অমেরিকা, ওস্ত্রেলিয়া, কম্বোদিয়া, কনাদা, জেক রিপব্লিক, ফিজি, ইন্দোনেসিয়া, শ্রী লঙ্কা, ন্যু জিলেন্দ, থাইলেন্দ, গুয়ানা, সিঙ্গাপোর...মখোয়গুম্বা লৈবাক কয়ানা ভগ্বান রামগী পুন্সিগী হীরম কয়াবু ইকায় খুম্নদুনা পোস্তেল স্তাম্প চৎনহল্লি। রাম্না ভারতখক্তা ত্তনা ভারতকী মপান্দা কয়া য়াম্না চাউবা ইথিল অমা ওইবগে, রমায়ন্না মখোয়দা কয়া য়াম্না লুবা পাউতাক পীবগে, হৌজিক্কী মতমসিদা শ্রীরাম্না মখোয়গী লিচৎ শাজত্তা ইথিল কয়া য়াম্না পীবগে হায়বসি এলবম অসিনা য়াম্না কুপা তাক্লি অমসুং প্রভু শ্রীরাম অমসুং ইমা জানকীগী ৱারী কয়াগী শম্লপ্পা শক্তম অমসু উহনগনি। অথোইবা বালমিকীগী ৱারোল অমদি ঙসিসি অদুমক হিংলিবনি। মহাক্না হায়রম্মি,

য়াৱত সথাস্যন্তী গিরয়:,

সরিতচ্ব মহিতলে।

তাৱত রমায়নকথা,

লোকেশু প্রচরিশ্যতী।।

মসিনা হায়বদি, মালেমদা চিং লৈরিবমখৈ, তুরেল লৈরিবমখৈ, রমায়নগী ৱারী, শ্রীরামগী মওং-মতৌবু মীয়াম্না খঙনগনি। ঐহাক্না ঙসিগী থৌরম অসিগীদমক্তা মীয়াম্বু অমুক্কা হন্না থাগৎচরি।

থাগৎচরি! রাম-রাম।

***