ঙসি প্রধান মন্ত্রী শ্রী নরেন্দ্র মোদীনা শ্রী রাম জন্মভুমি লাইশঙদা কৎথোক্লবা কম্মেমোরেতিপ পোস্তেচ স্তাম্প তরুক ফোঙখ্রে অমসুং মালেমগী তোঙান-তোঙানবা লৈবাকশিংদা মমাঙদা ফোঙখ্রবা ভাগবান রামগা মরী লৈনবা মান্নবা স্তাম্পশিংগী এলবুম অমসু ফোঙখি। মহাক্না থৌরম অদুদা ভারত অমসুং মপান লৈবাকশিংদা লৈরিবা ভাগবান রামগী ভক্ত পুম্নমক থাগৎপা ফোঙদোকখি।

থৌরম অদুদা প্রধান মন্ত্রীনা হায়খি হায়রিবা স্তাম্পশিং অসি চিথিশিং নত্ত্রগা মরুওইবা চে-চাংশিং থানবা ইনভলবশিংদা নপ্পী হায়বা ঐখোয় খুদিংমক্না খঙলে। অদুবু মখোয়না অতোপ্পা মথৌশিংশু পাংথোক্লি। পুৱারিগী থৌদোকশিং তুংগী মীরোলশিংদা খঙহন্নবা পাম্বৈ অমা ওইনা পোস্তেচ স্তাম্পশিংনা থবক তৌরি। মরম অদুনা, অদোম্না চিথি অমা নত্ত্রগা পোৎশক অমা মদুদা পোস্তেচ স্তাম্প অমা নপ্লগা থাবা মতমদা, অদোম্না পুৱারিগী মচেৎ অমা মখোয়দা থারিবনি। হায়রিবা তিক্কেতশিং অসি শুপ্নগী চে মচেৎ অমা খক নত্তে, মসি খ্বাইদগী পীকপা মওংগী পুৱারিগী লাইরিকশিং, কলাগী পোৎলমশিং অমসুং পুৱারিগী মফমশিংনি।

প্রধান মন্ত্রীনা হায়খি ঐখোয়গী নহারোলশিংনা ভাগবান রামগী মরমদা অমসুং মহাক্কী পুন্সিগী মরমদা তম্বদা হায়রিবা কম্মেমোরেতিপ পোস্তেচ স্তাম্পশিং অসিনা মতেং পাংগনি। ভাগবান রামদা চঙজবা কলাগী মতেংগা লোয়ননা হায়রিবা স্তাম্পশিংদা ফোঙদোক্লে অমসুং মমিং চৎলবা ৱাহৈ মরি : 'मंगल भवन अमंगल हारी', লৈবাক চাউখৎনবা অপাম্বা অমা লৈরে। ‘সুর্য়াবন্সি’ রামগী খুদম ওইরিবা নুমিৎ, ‘সার্য়ু’ তুরেল অমসুং লাইশঙগী মনুংগী য়ুমশারোল হায়রিবা স্তাম্পশিং অসিদা উৎলে। নুমিৎনা লৈবাক অসিদা অনৌবা মঙালগী পাউজেল পীবা মতমদা, রামগী থৌজালগা লোয়ননা লৈবাক অসি মতম পুম্নমক্তা লৈখিগনি হায়বা সার্য়ুগী শক্তম্না উৎলে।

কম্মেমোরেতিপ স্তাম্পশিং পুথোক্নবা পোস্তেল দিপার্তমেন্ত লমজিংখিবা রাম জন্মভুমি তীর্থ ক্ষেত্রা ত্রস্তকা লোয়ননা সাধুশিং প্রধান মন্ত্রীনা থাগৎপা ফোঙদোকখি।

প্রধান মন্ত্রীনা হায়খি ভাগবান রাম, মা সিতা অমসুং রমায়নগা মরী লৈনবা পাউতাকশিং মতম, খুন্নাই অমসুং কাংলুপকী ৱাংমদা লৈরি অমসুং মফম অসিগী মীওই অমগা অমগা অমসুং মীওই খুদিংমক শম্নরে। রমায়ন্না ঐখোয়দা খ্বাইদগী খুদোংথিবা থেংনবা মতমদা নুংশিবা, কৎথোকপা, অপুনবা অমসুং থৌনাগী মরমদা তম্বীরে। মরম অদুনা রমায়ন অসি মতম পুম্নমক্তা মালেমগী পুক্নিং চিংশিনফম ওইরিবনি। মালেম শীনবা থুংনা ভাগবান রাম, মা সিতা অমসুং রমায়ন কমদৌনা উবগে হায়বগী মমি অমা ঙসি ফোঙলিবা লাইরিকশিং অসিদা মমি তারে।

প্রধান মন্ত্রীনা হায়খি অস্ত্রেলিয়া, কম্বোদিয়া, অমেরিকা, কনাদা, জেক রিপব্লিক, ফিজি, ইন্দোনেসিয়া, শ্রী লঙ্কা, নিউ জিলেন্দ, থাইলেন্দ, গুয়ানা, শিঙ্গাপুর য়াওনা মালেম লৈবাক কয়া ভাগবান রামগী পুন্সিগী থৌদোকশিংদা য়াম্না থৱায় য়াওবগা লোয়ননা পোস্তেল স্তাম্পশিং ফোঙলে। ভাগবান রাম অমসুং ইমা জনাকিগী ৱারিশিং য়াওরবা নৌনা ফোঙবা এলবুম অসিনা মখোয়গী পুন্সিগী মরমদা ঐখোয়দা খঙহনগনি। ভারতকী মপান্দা কমদৌনা ভাগবান রাম অচৌবা মীওই অমা ওইবগে অমসুং কমদৌনা অনৌবা যুগকী লৈবাকশিংদা মহাক্কী চরিত্র পাম্নবগে হায়বা মসিনা ঐখোয়দা তাক্লে।

প্রধান মন্ত্রীনা হায়কি মহার্ষি বালমিকিনা হায়রম্বা ঙসি ফাওবা মুৎপা নাইদ্রি, মহাক্না হায়খি: यावत् स्थास्यंति गिरयः, सरितश्च महीतले। तावत् रामायणकथा, लोकेषु प्रचरिष्यति॥ মসিনা হায়রি মদুদি চীঙজাউশিং অমসুং তুরেলশিংদা মালেম অসিদা লৈরিবমখৈ মীয়াম মরক্তা রমায়নগী ৱারি লৈহৌরগনি। মরম অদুনা, ভাগবান রামগী গুন ওইগনি।

****