প্ৰধানমন্ত্ৰী শ্ৰী নৰেন্দ্ৰ মোদীয়ে আজি শ্ৰী ৰাম জন্মভূমি মন্দিৰলৈ উৎসৰ্গিত ছয়টা বিশেষ স্মাৰক ডাক টিকট মুকলি কৰাৰ লগতে বিশ্বৰ বিভিন্ন দেশত পূৰ্বতে জাৰি কৰা ভগৱান ৰাম সম্পৰ্কীয় একে ধৰণৰ ডাক টিকটৰ এটা এলবামও মুকলি কৰে। তেওঁ এই উপলক্ষে ভাৰত আৰু বিদেশত থকা ভগৱান ৰামৰ সকলো ভক্তক অভিনন্দন জনায়।

প্ৰধানমন্ত্ৰীয়ে কয় যে আমি সকলোৱে জানো যে পত্ৰ বা গুৰুত্বপূৰ্ণ নথিপত্ৰ প্ৰেৰণ কৰাৰ বাবে এই ডাক টিকটবোৰ লেফাফাত লগোৱা হয়। কিন্তু এইবোৰে আন এক উদ্দেশ্যও পূৰণ কৰে। ডাক টিকটবোৰে ঐতিহাসিক ঘটনাবোৰ ভৱিষ্যত প্ৰজন্মলৈ নিয়াৰ মাধ্যম হিচাপেও কাম কৰে। গতিকে যেতিয়াই আপুনি ডাক টিকট থকা কাৰোবাক এখন পত্ৰ বা সামগ্ৰী প্ৰেৰণ কৰে, আপুনি তেওঁলোকক ইতিহাসৰ এটা টুকুৰাও প্ৰেৰণ কৰে। এই টিকটবোৰ কেৱল কাগজৰ টুকুৰা নহয়, ই ইতিহাসৰ কিতাপ, শিল্পকলা আৰু ঐতিহাসিক স্থানৰ আটাইতকৈ সৰু ৰূপ।

প্ৰধানমন্ত্ৰীয়ে কয় যে এই স্মাৰক ডাক টিকটে আমাৰ যুৱ প্ৰজন্মক ভগৱান ৰাম আৰু তেওঁৰ জীৱনৰ বিষয়ে শিকাত সহায় কৰিব। তেওঁ কয় যে ভগৱান ৰামৰ প্ৰতি ভক্তি এই ডাক টিকটসমূহৰ ওপৰত কলাত্মক অভিব্যক্তিৰ জৰিয়তে প্ৰকাশ কৰা হৈছে আৰু জনপ্ৰিয় স্তৱক: 'मंगल भवन अमंगल हारी'ৰ উল্লেখৰ জৰিয়তে ৰাষ্ট্ৰৰ উন্নয়নৰ  কামনা কৰা হৈছে। এই ডাক টিকটবোৰত সূৰ্য, 'সূৰ্যবংশী' ৰামৰ প্ৰতীক, 'সৰয়ু' নদী  আৰু মন্দিৰৰ আভ্যন্তৰীণ স্থাপত্যৰ প্ৰতীকো চিত্ৰিত হৈছে। সূৰ্যই যেতিয়া দেশত নতুন আলোকৰ বাৰ্তা প্ৰদান কৰে, তেতিয়া সৰয়ু ছবিয়ে ইংগিত দিয়ে যে ৰামৰ আশীৰ্বাদত দেশ সদায় গতিশীল হৈ থাকিব।

প্ৰধানমন্ত্ৰীয়ে ৰাম জন্মভূমি তীৰ্থ ক্ষেত্ৰ ন্যাসৰ সৈতে মিলি ডাক বিভাগক স্মাৰক ডাক টিকট প্ৰদানৰ বাবে পথ প্ৰদৰ্শন কৰা সাধুসকলকো প্ৰশংসা কৰে।

প্ৰধানমন্ত্ৰীয়ে কয় যে ভগৱান ৰাম, মা সীতা আৰু ৰামায়ণ সম্পৰ্কীয় শিক্ষাই সময়, সমাজ আৰু জাতিৰ সীমা অতিক্ৰম কৰে আৰু প্ৰতিজন ব্যক্তিৰ সৈতে সংযুক্ত হৈ আছে। তেওঁ কয় যে ৰামায়ণে অতি কঠিন সময়তো প্ৰেম, ত্যাগ, একতা আৰু সাহসৰ বিষয়ে শিকায়, সমগ্ৰ মানৱজাতিক সংযোগ কৰে। এই কাৰণে ৰামায়ণ সদায় পৃথিৱীৰ আকৰ্ষণৰ কেন্দ্ৰবিন্দু হৈ আহিছে। তেওঁ কয় যে ভগৱান ৰাম, মা সীতা আৰু ৰামায়ণক বিশ্বজুৰি কিমান গৰ্বৰ চকুৰে চোৱা হয় তাৰেই প্ৰতিফলন আজি মুকলি কৰা কিতাপসমূহ।

প্ৰধানমন্ত্ৰীয়ে কয় যে আমেৰিকা, অষ্ট্ৰেলিয়া, কম্বোডিয়া, কানাডা, চেক গণৰাজ্য, ফিজি, ইণ্ডোনেছিয়া, শ্ৰীলংকা, নিউজিলেণ্ড, থাইলেণ্ড, গুয়েনা, ছিংগাপুৰৰ দৰে দেশসমূহ  হৈছে এনে ৰাষ্ট্ৰ যিয়ে ভগৱান ৰামৰ জীৱনৰ ঘটনাৰ প্ৰতি অতি আগ্ৰহ প্ৰকাশেৰে ডাক টিকট জাৰি কৰিছে। তেওঁ কয় যে ভগৱান শ্ৰী ৰামৰ বিষয়ে সকলো তথ্য আৰু মাতৃ জানকীৰ কাহিনীৰ সৈতে নতুনকৈ মুকলি কৰা এলবামটোৱে আমাক তেওঁলোকৰ জীৱন সম্পৰ্কে এক অন্তৰ্দৃষ্টি প্ৰদান কৰিব। ই আমাক এইটোও জানিবলৈ দিব যে ভগৱান ৰাম কেনেকৈ ভাৰতৰ বাহিৰতো সমানে মহান আদৰ্শ আৰু আধুনিক যুগৰ ৰাষ্ট্ৰসমূহতো তেওঁৰ চৰিত্ৰক কেনেদৰে প্ৰশংসা কৰা হয়।

প্ৰধানমন্ত্ৰীয়ে কয় যে মহৰ্ষি বাল্মীকিৰ আহ্বান আজিও অমৰ হৈ আছে য'ত তেওঁ কৈছিলঃ यावत् स्थास्यंति गिरयः, सरितश्च महीतले। तावत् रामायणकथा, लोकेषु प्रचरिष्यति॥ ইয়াৰ অৰ্থ হৈছে যে যেতিয়ালৈকে পৃথিৱীত পৰ্বত আৰু নদী থাকিব তেতিয়ালৈকে ৰামায়ণৰ কাহিনী, ভগৱান ৰামৰ ব্যক্তিত্ব মানুহৰ মাজত বিৰাজ কৰিব।

************* 

DS/RT/KG