নহারোল অমসুং শান্ন-খোৎনবগী মন্ত্রালয়

প্রধান মন্ত্রীনা জনুৱারী ১২দা মহারাস্ত্রগী নাসিকতা ২৭শুবা নেস্নেল য়ুথ ফেস্তিবেল হৌদোক্কনি


নেস্নেল য়ুথ দেদা প্রধান মন্ত্রীনা শরুক য়ারিবা নহা লাখ অমদা ৱা ঙাংগনি: শ্রী অনুরাগ সিংহ থাকুর

ভোলুন্তীয়রশিংনা সরকারগী স্কিমশিংগী মতাংদা ইনফোর্মেসন পাক শন্না শন্দোক্কনি

Posted On: 11 JAN 2024 8:31PM by PIB Imphal

প্রধান মন্ত্রী শ্রী নরেন্দ্র মোদীনা জনুৱারী ১২দা মহারাস্ত্রগী নাসিকতা ২৭শুবা নেস্নেল য়ুথ ফেস্তিবেল হৌদোক্কনি অমসুং জাতিগী নহাশিংদা ৱা ঙাংগনি।

কেন্দ্র মন্ত্রী শ্রী অনুরাগ সিংহ থাকুরনা হায়খি মদুদি স্বামি বিবেকানন্দ জী গী ১৬১শুবা থৌরমদা মহারাস্ত্রগী নাসিকতা ২৭শুবা নেস্নেল য়ুথ ফেস্তিবেল পাংথোক্লি। জনুৱারী ১২ অসি নেস্নেল য়ুথ দে হায়না পাংথোক্লি।

মহাক্না মখা তাখি মদুদি লৈবাক অসিগী রাজ্য অমসুং য়ুনিয়ন তেরিতোরী পুম্নমক্তগী নহা লিশিং কয়ানা কুম্ভগী শহর অসিদা পুল্লরি।

মহাক্না মসিমসু খংহনখি মদুদি প্রধান মন্ত্রী শ্রী নরেন্দ্র মোদীনা হয়েং মহারাস্ত্রগী মুখ্য মন্ত্রীনা শরুক য়াদুনা নেস্নেল য়ুথ ফেস্তিবেল হৌদোক্কনি। মহাক্না মখা তানা হায়খি মদুদি প্রধান মন্ত্রী শ্রী নরেন্দ্র মোদীনা শরুক য়ারিবা নহা লাখ অমরোম ৱা ঙাংগনি। মহাক্না হায়খি মদুদি থৌরম অসিনা লৈবাক অসিগী নহাশিংগী শক্তি উৎকনি অমসুং লৈবাক্কী নহাশিংনা ভারতনা নিংতম্বগী ১০০শুবা চহি ওইগদবা চহি ২০৪৭ ফাওবদা ভারতপু চাউখৎহন্নবা ৱাশক লৌগনি।

চহি অসিদা, নেস্নেল য়ুথ দে মশিং য়াম্লবা সরকারগী বিভাগশিংগী তেংবাংগা লোয়ননা ভারত পুম্বগী জিলাশিংদা য়ুথ এফিয়ার্স বিভাগকী ফিল্দ ওর্গনাইজেসন পুম্নমক্না পাংথোক্কনি। NSS য়ুনিৎশিং,  NYKS অমসুং এজুকেস্নেল ইন্সতিত্যুৎ কয়াগী তেংবাংগা লোয়ননা লৈবাক পুম্বদা ‘মাই ভারত’ ভোলুন্তীয়রশিংনা ভারতকীদমক ভোলুন্তীয়র এক্তিবিতীশিং পাংথোক্নবা মখোয়গী ইনর্জীশিং কোওর্দিনেত তৌগনি। য়ুথ ক্লবশিংসু সেলেব্রেসন অসিদা মখোয়গী লৈজবা শক্তিশিং পুথোক্কনি। কেম্পেন অসিদা ভোলুন্তীয়র ৮৮,০০০ হেনবনা শরুক য়াগনি।

মাই ভারত দিজিতেল প্লেতফোর্ম (https://mybharat.gov.in) গী খুত্থাংদা থৌরমশিং অসিগীদমক ভোলুন্তীয়রশিং রেজিস্তার তৌরে। জনুৱারী ১২দা মরুওইবা শহরশিং অমসুং লৈবাক্কী দিস্ত্রিক্ত হেদক্বাতর ৭৫০দা রোদ সেফতী এৱার্নেস থৌরমশিং পাংথোক্কনি। ত্রেন তৌরবা রোদ সেফতী ভোলুন্তীয়রশিং কেন্দ্র/রাজ্য মন্ত্রীশিং, লোকেল এম.পি.শিং নত্রগা এম.এল.এ.শিংনা লমথাগনি। ভোলুন্তীয়রশিং অসি ত্রাফিক চোক পোইন্তশিংদা ত্রাফিক হেন্দল তৌবদা মতেং পাংনবা দিপ্লোই তৌগনি অমসুং রোদ সেফতী এৱার্নেস এক্তিবিতীশিংসু পাংথোক্কনি।

অঙাংশিংদা ৱারী লিবগী সেসনশিংগীদমক ভোলুন্তীয়রশিংনা অঙ্গনৱাদি সেন্তরশিংদসু চৎকনি অমসুং সরকারগী স্কিমশিংগী মতাংদা ইনফোর্মেসন পাক শন্না শন্দোক্কনি।

২০২৪গী জনুৱারী ১২দা স্বামি বিবেকানন্দগী মপোক কমওন ওইরি, অমসুং নেস্নেল য়ুথ দে হায়না পাংথোক্লি। য়ুথ এফিয়ার্স বিভাগনা লৈবাক্কী য়ং দেমোগ্রাফিক্কী কাচিন খুদিংমকপু এঙ্গেজ অমসুং এম্পৱার তৌনবা তোপ তোপ্পা অমসুং এক্সপান্সিব এপ্রোচ অমগা লোয়ননা নেস্নেল য়ুথ দেগীদমক থৌরাং তৌরি।

লৈবাক্কী জিলা ৭৬৩দা স্বামি বিবেকানন্দগী মফমদা লৈ কৎতুনা সদ্ধাঞ্জলি কৎপগা লোয়ননা নেস্নেল য়ুথ দে ২০২৪দা জিলাগী থাক্তা মেগা প্রোগ্রাম অমা পাংথোক্কনি।

থৌরমগী লোইরকপদা য়ুবা উত্সবকী ৱিনরশিংগা লোয়ননা হোস্ত ইন্সতিত্যুসনশিংদগী তীমশিং/ইন্দিবিজুয়েলশিংনা শরুক য়াবগা লোয়ননা জিলাগী দাইবর্স কলচরেল হেরিতেজ অমসুং নহাশিংগী তেলেন্তশিং উৎপা কলচরেল প্রোগ্রাম অমসু লান্থোক্কনি।

পার্তনর মিনিস্ত্রীশিং অমসুং মখোয়গী জিলা থাক্কী ওফিসশিংনা ২০২৪গী জনুৱারী ১২দা ত্রাফিক এৱার্নেস, ন্যুত্রিসন & দাইত, KVIC স্তার্তঅপশিং পুথোকপা, PMEGP বেনেফিসরীশিং অসিনচিংবদা মীৎয়েং থম্বা থোইদোক হেন্দোকপা থৌরমশিংগা লোয়ননা তোঙান তোঙানবা একজিবিসনশিং/এক্তিবিতীশিং/এনরোলমেন্ত/এৱার্নেস দ্রাইবশিংগা লোয়ননা স্তোলশিং হাংগনি।

ভারত পুম্বগী নহাশিংনা মখোয়গা নক্নবা এক্তিবিতীশিংদা শরুক য়াবদা অপাম্বা ফোংদোকপা য়াই। মখোয়না মাই ভারত প্লেৎফোর্মদা মখোয়না শরুক য়াবগী ফোতোশিং অমসুং মেদিয়া অপলোদ তৌবসু য়াই।  

****



(Release ID: 1996761) Visitor Counter : 54