আয়ুষ্মান ভাৰত প্ৰধানমন্ত্ৰী জন আৰোগ্য যোজনা (এবি পিএম-জেএৱাই)য়ে ১২ জানুৱাৰী, ২০২৪ তাৰিখে  ৩০ কোটি আয়ুষ্মান কাৰ্ড প্ৰস্তুত কৰি যথেষ্ট সফলতা অৰ্জন কৰিছে। এই ধ্বজাবাহী আঁচনিখন ৰাষ্ট্ৰীয় স্বাস্থ্য কৰ্তৃপক্ষই (এনএইচএ) ৰূপায়ণ কৰিছে। ইয়াৰ লক্ষ্য হৈছে ১২ কোটি হিতাধিকাৰী পৰিয়ালক মাধ্যমিক আৰু তৃতীয় স্তৰৰ যত্ন চিকিৎসালয়ত ভৰ্তি হোৱাৰ বাবে প্ৰতি বছৰে প্ৰতি পৰিয়ালৰ বাবে ৫ লাখ টকাৰ স্বাস্থ্য আৱৰণ প্ৰদান কৰা।

আয়ুষ্মান ভাৰত পিএম-জেৱাই (PM-JAY)ৰ অধীনত আয়ুষ্মান কাৰ্ড সৃষ্টি কৰাটো হৈছে আটাইতকৈ মৌলিক কাৰ্যকলাপ আৰু আঁচনিখনৰ অধীনত প্ৰতিজন হিতাধিকাৰীৰ ওচৰত আয়ুষ্মান কাৰ্ড থকাটো নিশ্চিত কৰাৰ বাবে নিৰন্তৰ প্ৰচেষ্টা চলি আছে। ধাৰাবাহিক প্ৰচেষ্টাৰ ফলস্বৰূপে, এই আঁচনিৰ অধীনত ৩০ কোটি আয়ুষ্মান কাৰ্ড প্ৰস্তুত কৰাৰ সাফল্য লাভ কৰিছে। কেৱল যোৱা দুটা বিত্তীয় বৰ্ষত ১৬.৭ কোটিতকৈও অধিক আয়ুষ্মান কাৰ্ড প্ৰস্তুত কৰা হৈছে। আজিৰ তাৰিখলৈকে, ২০২৩-২৪ বৰ্ষত ৭.৫ কোটিতকৈও অধিক আয়ুষ্মান কাৰ্ড প্ৰস্তুত কৰা হৈছে। ইয়াৰ অৰ্থ হৈছে যে প্ৰতি মিনিটত প্ৰায় ১৮১ খন আয়ুষ্মান কাৰ্ড প্ৰস্তুত কৰা হৈছে।

ভাৰত চৰকাৰৰ বিভিন্ন আঁচনি সকলোৰে ওচৰলৈ যোৱাটো নিশ্চিত কৰাৰ উদ্দেশ্যৰে ১৫ নৱেম্বৰ, ২০২৩ তাৰিখে আৰম্ভ কৰা বিকশিত ভাৰত সংকল্প যাত্ৰাৰ সময়ত আগবঢ়োৱা অন-স্পট সেৱাবোৰৰ ভিতৰত আছে আয়ুষ্মান কাৰ্ড প্ৰস্তুত। এই অভিযানে তৃণমূল পৰ্যায়ত কাৰ্ড প্ৰস্তুত ত্বৰান্বিত কৰাত যথেষ্ট সহায় কৰিছে। এই যাত্ৰাৰ সময়ত, ২.৪৩ কোটিতকৈও অধিক আয়ুষ্মান কাৰ্ড প্ৰস্তুত কৰা হৈছে। ইয়াৰ উপৰিও স্বাস্থ্য আৰু পৰিয়াল কল্যাণ মন্ত্ৰালয়ে সকলোকে বিভিন্ন স্বাস্থ্য আঁচনি প্ৰদান কৰাটো নিশ্চিত কৰিবলৈ আৰম্ভ কৰা আয়ুষ্মান ভৱ অভিযান (২০২৩ চনৰ ১৭ ছেপ্টেম্বৰত আৰম্ভ কৰা)ৰ সময়ত ৫.৬ কোটিতকৈ অধিক আয়ুষ্মান কাৰ্ড সৃষ্টি কৰা হৈছে।

বিত্তীয় বৰ্ষ অনুসৰি প্ৰস্তুত কৰা মুঠ আয়ুষ্মান কাৰ্ডবোৰ নিম্নলিখিত ধৰণৰ:

অন্তিমজন হিতাধিকাৰীৰ কাষ চাপিবলৈ, এন.এইচ.এ.-য়ে আয়ুষ্মান কাৰ্ড সৃষ্টি কৰিবলৈ 'আয়ুষ্মান এপ' মুকলি কৰিছে। এই এপটোত স্ব-প্ৰমাণীকৰণৰ এক অনন্য বৈশিষ্ট্য আছে। ৪ টা সৰল পদক্ষেপত, এই সুবিধাটোৱে ব্যৱহাৰকাৰীক এণ্ড্ৰইড ম'বাইল ফোন ব্যৱহাৰ কৰি আয়ুষ্মান কাৰ্ড এখন সৃষ্টি কৰিবলৈ অনুমতি দিয়ে। ইয়াৰ বাহিৰেও, যিকোনো ব্যক্তিয়ে হিতাধিকাৰীসকলক আয়ুষ্মান কাৰ্ড প্ৰস্তুত কৰাত সহায় কৰিব পাৰে। সেয়েহে, আয়ুষ্মান এপে জনসাধাৰণৰ অংশগ্ৰহণৰ মনোভাৱ শক্তিশালী কৰে। এই এপ্লিকেশ্বনৰ সফলতা এই কথাৰ পৰা অনুমান কৰিব পাৰি যে ১৩ ছেপ্টেম্বৰ ২০২৩ তাৰিখে মুকলি হোৱাৰ পিছত, এই এপটো ৫২ লাখতকৈও অধিক বাৰ ডাউনলোড কৰা হৈছে।

৪.৮৩ কোটি আয়ুষ্মান কাৰ্ডৰ সৈতে, উত্তৰ প্ৰদেশ সৰ্বাধিক সংখ্যক আয়ুষ্মান কাৰ্ড প্ৰস্তুত কৰা ৰাজ্যৰ তালিকাত শীৰ্ষত আছে। মধ্য প্ৰদেশ আৰু মহাৰাষ্ট্ৰ ক্ৰমান্বয়ে ৩.৭৮ কোটি আৰু ২.৩৯ কোটি আয়ুষ্মান কাৰ্ডৰ সৈতে দ্বিতীয় আৰু তৃতীয় স্থানত আছে। ১১ খন ৰাজ্যত ১ কোটিতকৈও অধিক আয়ুষ্মান কাৰ্ড ব্যৱহাৰকাৰী লোক আছে। সৰ্বাধিক সংখ্যক আয়ুষ্মান কাৰ্ড থকা শীৰ্ষ দহখন ৰাজ্য নিম্নলিখিত ধৰণৰ:

ইয়াৰ উপৰিও আজিলৈকে, মহিলাসকলৰ বাবে প্ৰায় ১৪.৬ কোটি আয়ুষ্মান কাৰ্ড প্ৰস্তুত কৰা হৈছে। আঁচনিখনে মহিলা হিতাধিকাৰীসকলক জাৰী কৰা ৪৯ শতাংশ আয়ুষ্মান কাৰ্ডৰ সৈতে স্বাস্থ্য সেৱাৰ প্ৰৱেশাধিকাৰ আৰু উপাৰ্জনৰ সমতাৰ সৈতে আঞ্চলিক সমতাৰ সৈতে লিংগ সমতা লাভ কৰিবলৈ চেষ্টা কৰি আছে। লগতে, এই আঁচনিৰ অধীনত প্ৰদান কৰা চিকিৎসাৰ ৪৮ শতাংশ মহিলাই লাভ কৰিছে। সেয়েহে, লিংগ সমতা হৈছে এই আঁচনিৰ মৌলিক ডিজাইনৰ অংশ।

আজি আয়ুষ্মান কাৰ্ড- সমতা, অধিকাৰ আৰু সৱলীকৰণৰ প্ৰতীক হৈ পৰিছে। ই দৰিদ্ৰ আৰু দুখীয়া পৰিয়ালবোৰক আশ্বাস দিয়ে যে তেওঁলোকক ৰোগৰ দুগুণ বোজা আৰু চিকিৎসাৰ সময়ত হোৱা বৃহৎ ব্যয়ৰ প্ৰতিকূল প্ৰভাৱৰ পৰা সুৰক্ষিত কৰা হ'ব। এই সত্যৰ ওপৰত গুৰুত্ব প্ৰদান কৰি, চৰকাৰে সকলো যোগ্য হিতাধিকাৰীৰ ওচৰত আয়ুষ্মান কাৰ্ড থকাটো নিশ্চিত কৰিবলৈ সকলো প্ৰচেষ্টা চলাই আছে।

ইয়াৰ উপৰিও, আয়ুষ্মান ভাৰত পিএম-জেএৱাইৰ অধীনত চিকিৎসালয়ত ভৰ্তি হোৱাৰ বাবে ৬.২ কোটিৰো অধিক লোকক সুবিধা প্ৰদান কৰা হৈছে। যাৰ ওপৰত ৭৯,১৫৭ কোটিতকৈ অধিক ব্যয় কৰা হৈছিল। যদিহে হিতাধিকাৰীসকলে এ বি পি এম-জেৱাইৰ পৰিসৰৰ বাহিৰত নিজাববীয়াকৈ একে চিকিৎসাৰ সুবিধা ল'লেহেঁতেন, তেন্তে চিকিৎসাৰ মুঠ খৰচ প্ৰায় ২ গুণ বেছি হ'লহেঁতেন। সেয়েহে, দৰিদ্ৰ আৰু বঞ্চিত পৰিয়ালবোৰৰ ব্যয়ৰ পৰা ১.২৫ লাখ কোটি টকাৰ অধিক ৰাহি হৈছিল।

আঁচনিখনৰ বিষয়ে অধিক জানিবলৈ ইয়াত ক্লিক কৰক: https://dashboard.pmjay.gov.in/pmj/#/ 

********

MV/RDJ/AR