হকশেল অমসুং য়াইফ-য়ুম্বাল মন্ত্রালয়
আয়ুশ্মান ভারত প্রধান মন্ত্রী জন আরোগ্যা য়োজনাগী মখাদা আয়ুশ্মান কার্দ করোর 30 শাখ্রে
স্কিম অসিগী মখাদা লেম্না হোস্পিতাল এদমিসন করোর 6.2 তৌবনা লায়রবা অমসুং শোত্থরবা মীওই করোর লাখ 1.25 হেন্না ফুরিৎ খাওদগী চাদিং তৌবদগী কনবা ঙমখি
আয়ুশ্মান এপ শীজিন্নদুনা বেনিফিসরীশিংনা মখোয়গী মোবাইল ফোনদগী আয়ুশ্মান কার্দ শাবা য়াই, হায়রিবা অসি সেপ্তেম্বর 13, 2023দা হৌদোকখিবদগী হৌনা লাখ 52রক দাউনলোদ তৌখ্রে
Posted On:
14 JAN 2024 5:20PM by PIB Imphal
জনুৱারী 12, 2024দা আয়ুশ্মান ভারত প্রধান মন্ত্রী – জন আরোগ্যা য়োজনা (AB PM-JAY) অসিনা আয়ুশ্মান কার্দ পীবা করোর 30গী পন্দুপ হেনখ্রে। নেস্নেল হেল্থ ওথোরিতী (NHA) না ইমপ্লিমেন্ত তৌখিবা ফ্লেগশিপ স্কিমনা বেনিফিসরী ইমুং করোর 12দা সেকেন্দরী অমসুং তর্সরী কিয়র হোস্পিতেলাইজেসন তৌনবগীদমক চহি অমদা ইমুং অমদা লুপা লাখ 5গী হেল্থ কবর পীনবা পান্দম থমখি।
আয়ুশ্মান কার্দ শেমখিবা অসি আয়ুশ্মান ভারত PM-JAYগী খ্বাইদগী মরু ওইবা এক্তিবিতী ওইরি অমসুং স্কিম অসিগী মখাদা বেনিফিসরী খুদিংমক্তা আয়ুশ্মান কার্দ পাইহন্নবা লেপ্পা লৈতনা অকনবা থবকশিং পাইখৎলি। লেপ্পা লৈতনা খোঙথাংশিংগী ফল ওইনা স্কিম অসিনা আয়ুশ্মান কার্দ করোর 30 শেম্বা ঙমখ্রে। আয়ুশ্মান কাআর্দ করোর 16.7 হেন্না হৌখিবা শেনবা চহি অনি অসি খক্তদা শেম্বা ঙমখি। হৌজিক ফাওবদা 2023-24গী আয়ুশ্মান কার্দ করোর 7.5 শেমখ্রে। মসিনা তাকপদি মিনিৎ খুদিংগী আয়ুশ্মান কার্দ 181 শেমখি হায়বনি।
ভারত সরকারগী তোঙান-তোঙানবা স্কিমশিংগী সেচুরেসন ঙম্নবা পান্দমগা লোয়ননা নবেম্বর 15, 2023দা হৌদোকখিবা ভিকসিৎ ভারত সঙ্কল্প য়াত্রাগী ওন-স্পোৎ সর্ভিসশিংদা আয়ুশ্মান কার্দ শেম্বা য়াবগী খুদোংচাবা য়াওরি। কেম্পেন অসিনা গ্রাসরুৎ লেবেলদা কার্দ শেম্বা হেনগৎহনবদা চাউনা মতেং পাংখি। য়াত্রা মনুংদা আয়ুশ্মান কার্দ করোর 2.43 হেন্না শাখি। মখা তানা তোঙান-তোঙানবা হকশেলগী স্কিমশিংগী সেচুরেসন ফংনবা হকশেল অমসুং য়াইফ-য়ুম্বাল মন্ত্রালয়না হৌদোকখিবা আয়ুশ্মান ভাবা কেম্পেন মনুংদা আয়ুশ্মান কার্দ করোর 5.6 হেন্না শাখি ( সেপ্তেম্বর 17, 2023দা হৌদোকখিবা)।
শেনবা চহিগী মতুং ইন্না শাখিবা অপুনবা আয়ুশ্মান কার্দশিংগী মশিং মখাদা পীরি:
জনুৱারী 12.01.2023 ফাওবগী দেতা
লাস্ত মাইল য়ৌবা ঙম্নবা NHAনা আয়ুশ্মান কার্দ শানবগীদমক ‘আয়ুশ্মান এপ’ লোঞ্চ তৌখি। এপ অসিদা সেল্ফ-ভেরিফিকেসনগী অখন্নবা ফীচর অমা য়াওরি। অচম্বা স্তেপ 4দা ফীচর অসিনা এন্দ্রোইদ মোবাইল ফোন অমা শীজিন্নদুনা য়ুজরশিংনা আয়ুশ্মান কার্দ শেম্বা য়াহল্লি। মখা তানা কনাগুম্বা মীওই অমনা আয়ুশ্মান কার্দশিং শেম্নবা বেনিফিসরীশিংদা মতেং পাংগনি। অসুম্না আয়ুশ্মান এপনা জন ভাগিদারি ঙমহল্লি। এপ্লিকেসনগী মাইপাকপা অসি এপ অসিবু সেপ্তেম্বর 13, 2023দা হৌদোকখিবদগী হৌনা লাখ 52 হেন্না দাউনলোদ তৌখিবা অসিনা তাক্লি।
আয়ুশ্মান কার্দ করোর 4.83গা লোয়ননা উত্তর প্রদেশনা আয়ুশ্মান কার্দশিং মশিং খ্বাইদগী য়াম্না শাবদা রাজ্যশিংগী লিস্ততা মকোক্তা লৈখি। মধ্য প্রদেশ অমসুং মহারাস্ত্রনা মথং শিৎনা করোর 3.78 অমসুং করোর 2.39গা লোয়ননা অনিশুবদা অমসুং অহুমশুবদা লৈরি। রাজ্য 11দনা আয়ুশ্মান কার্দ পাইবা মীওই করোর 1 হেন্না লৈ। আয়ুশ্মান কার্দশিং মশিং খ্বাইদগী ৱাংবা মকোক থোংবা রাজ্য তরা মখাদা পীরি:
|
রাজ্য
|
আয়ুশ্মান কার্দ শাখিবগী মশিং
|
|
উত্তর প্রদেশ
|
করোর 4.8
|
|
মধ্য প্রদেশ
|
করোর 3.8
|
|
মহারাস্ত্র
|
করোর 2.4
|
|
গুজরাত
|
করোর 2.3
|
|
ছত্তিসগর
|
করোর 2.1
|
|
অসাম
|
করোর 1.6
|
|
রাজস্থান
|
করোর 1.6
|
|
কর্নাতকা
|
করোর 1.5
|
|
অন্ধ্র প্রদেশ
|
করোর 1.5
|
|
ঝারখন্দ
|
করোর 1.2
|
মখা তানা ঙসি ফাওবদা নুপীশিংগীদমক আয়ুশ্মান কার্দ করোর 14.6রোম শাখি। নুপী বেনিফিসরীশিংদা আয়ুশ্মান কার্দ 49% হেন্না পীখিবগা লোয়ননা হেল্থকিয়র সর্ভিসশিং এক্সেস ফংহন্নবা রিজনেল পেরিতী অমসুং ইনকম পেরিতীগা লোয়ননা জেন্দর পেরিতী ফংনবা হোৎনরি। অমসুং স্কিম অসিগী মখাদা নুপীশিংদা লায়েং 48% ফংহনখ্রে; অসুম্না স্কিম অসিদা জেন্দর ইক্বেলিতী অসিনা মরু ওইবা দিজাইনগী শরুক ওইখি।
ঙসি আয়ুস্মান কার্দনা ইক্বিতী, এন্তাইতলমেন্ত অমসুং এম্পাৱরমেন্তগী খুদম অমা ওইখি। মসিনা লায়রবা অমসুং শোত্থরবা ইমুংশিংদা লাইনাগী পোৎলুম অমসুং লায়রবদগী চংবা অচৌবা চাদিংগী পোৎলমুদগী ঙাকথোক্নবা থাজবা পীরি। ৱাফম অসি খঙনা সরকারনা ইলিজিবল ওইবা আয়ুশ্মান কার্দ পাইহন্নবা খোঙথাং পুম্নমক লৌখৎখি।
মখা তানা আয়ুশ্মান ভারত PM-JAYনা লুপা করোর 79,157 হেনবগী শেনফম চাদিং তৌদুনা হোস্পিতাল এদমিসন করোর 6.2 হেন্না মাইপাক্না শাখি। করিগুম্বা বেনিফিসরীনা AB PM-JAYগী ৱাংমদা মখোয় মশানা চপ মান্নবা লায়েং অসি চত্থবা তারবদি লায়েংবদা চংলিবা অপুনবা শেনফমদগী শরুক অনি হেন্না ৱাংগনি মসিনা লায়রবা অমসুং শোত্থরবা ইমুংশিংনা ফুরিৎ খাওদগী চাদিং তৌগদবা লুপা করোর লাখ 1.25 হেন্না তুংশিনবা ঙমহনখি।
মসিদা স্কিম অসিগী মরমদা অহেনবা অকুপ্পা ৱারোকশিং য়াওরি: https://dashboard.pmjay.gov.in/pmj/#/
|
আয়ুশ্মান কার্দ শানবগী আয়ুশ্মান এপ দাউনলোদ তৌনবা স্কেন তৌবীয়ু
|
আয়ুশ্মান কার্দ শানবগী প্রোসেস য়েংনবা স্কেন তৌবীয়ু
|
****
(Release ID: 1996196)
Visitor Counter : 46