প্রধানমন্ত্রীগী লোইশঙ
পি.এম.না ভাইব্রেন্ত গুজরাত গ্লোবেল সম্মিৎকী 10শুবা ইদিসন হৌদোকখ্রে
“হৌজিক্কী মতম অসিদি অনৌবা মঙলান, অনৌবা ৱারেপ অমসুং লেপ্তনা মায় পাকপগী মতম্নি”
“’ৱান ৱর্ল্দ, ৱান ফেমিলী, ৱান ফ্যুচর’গী ৱাখল্লোন্না হৌজিক্তি মালেমগী য়াইফ য়ুম্বালগী তঙাই ফদবা মচং অমা ওইরে”
“ভারতনা খোঙজেল য়াঙনা হোংবা নাইবা মালেমসিদা ‘বিশ্ব মিত্র’গী থৌদাং লৌদুনা তুংলমচত্তা চঙশিল্লি”
“মালেমগী ইন্সতিত্যুসন কয়ানা ভারতকী শেন্মিৎলোনগী শাহৌদা থাজবা থম্লি”
“মমাংগী চহি 10দা পাংথোকপা স্ত্রকচরেল রিফোর্ম্না লৈবাক অসিগী শেন্মিৎলোনগী মতিক, তৌবা ঙম্বগী মতৌ অমসুং অতোপ্পগা চাংয়েংনবা ঙম্বগী মতিকপু হেনগৎহনখি”
Posted On:
10 JAN 2024 2:02PM by PIB Imphal
প্রধান মন্ত্রী শ্রী নরেন্দ্র মোদীনা ঙসি গান্ধীনগরগী মহাত্মা মন্দিরদা ভাইব্রেন্ত গুজরাত গ্লোবেল সম্মিৎকী 10শুবা ইদিসন হৌদোকখ্রে। হন্দক্কী চহিগী সম্মিৎকী থীম্না “গেতৱে তু দি ফ্যুচর” হায়বসিনা ওইখি অমসুং মসিদা পার্ত্নর লৈবাক 34 অমসুং পার্ত্নর ওর্গনাইজেসন 16না শরুক য়াখি। দোনর মন্ত্রালয়না প্লেতফোর্ম অসিবু অৱাং নোংপোক লমদমদা ইনভেস্তমেন্ত তৌবা ফংগদবা কান্নবা কয়া উৎনবা শিজিন্নখি।
ইন্দস্ত্রীগী কেপ্তেন কয়ানা থৌরম অসিদা শরুক য়াখি। আর্সেলর মিত্তলগী চেয়র্মেন, শ্রী লক্ষমী মিত্তল, জাপানগী সুজুকী মোতোর কোর্পোরেসনগী প্রসিদেন্ত, শ্রী তোশিহিরো সুজুকী, রিলাইএন্স গ্রুপকী শ্রী মুকেশ অম্বানী, USAগী মাইক্রোন তেক্নোলোজীগী CEO, শ্রী সঞ্জয় মেহরোত্রা, অদানী গ্রুপকী চেয়র্মেন, গৌতম অদানী, সাউথ কোরিয়াগী সিমতেক্কী CEO, শ্রী জেফ্রী চুন, তাতা সন্স লিমিতেদকী চেয়র্মেন, শ্রী এন চন্দ্রসেকরন, দি.পি. ৱর্ল্দগী চেয়র্মেন, শ্রী সুলতান অহমদ বিন সুলায়েম, নিভিদিয়াগী সেনিয়র VP, শ্রী শঙ্কর ত্রিবেদী, জেরোধাগী ফাউন্দর অমসুং CEO, নিখিল কামতনা থৌরমসিদা শরুক য়াদুনা মখোয়গী থৌরাংশিং ফোংদোক্নখি। কারবারগী লুচিংবশিংনা প্রধান মন্ত্রীগী মিৎয়েং অমসুং মঙলানবু থাগৎনখি।
জাপানগী ইন্তর্নেস্নেল এফিয়র্সকী ভাইস মিনিস্তর। শ্রী শিন হোসাকা; সাউদী অরাবিয়াগী ইনভেস্তমেন্তকী এসিস্তেন্ত মিনিস্তর, শ্রী ইব্রাহীম ইয়ুসীফ অল মুবারক; য়ু.কে.গী মিদ্দল ইস্ত, নোর্থ অফ্রিকা, সাউথ এসিয়া, কম্মনৱেল্থ অমসুং য়ুনাইতেদ নেসন্সকী স্তেত মিনিস্তর, শ্রী তারিক অহমদ; অর্মেনিয়াগী মিনিস্তর ওফ ইকোনোমী, শ্রী ভাহন কেরোব্যান; ইকোনোমিক এফিয়র্স অমসুং ইনফোর্মেসন তেক্নোলোজী মন্ত্রী, শ্রী তিত রিসালো; মোরোক্কোগী ইন্দস্ত্রী অমসুং কম্মর্স মন্ত্রী, শ্রী রয়াদ মেজোর; নেপালগী শেল-থুম মন্ত্রী, শ্রী প্রকাশ শরন মহাত; ভিএৎনামগী উপ-প্রধান মন্ত্রী, শ্রী ত্রান লু ক্বাং; জেক রিপব্লিক্কী প্রধান মন্ত্রী, শ্রী পেতর ফ্যালা অমসুং মোজাম্বিক্কী রাস্ত্রপতি, শ্রী ফিলিপ ন্যুসী; তিমোর লেস্তেগী রাস্ত্রপতি, শ্রী হোজে রামোস-হোর্তানা ভাইব্রেন্ত গুজরাত গ্লোবেল সম্মিৎঅসিদা ৱা ঙাঙখি। অবু ধাবীগী লৈঙাকপা অমসুং য়ুনাইতেদ অরাব ইমিরেৎসকী রাস্ত্রপতি, ঐচ.আর.ঐচ. শৈখ মোহম্মদ বিন জায়েদ অল নাহ্যান্না সম্মিৎ অসিগী অহৌবদা মশাগী ওইবা ৱারোলসু থমখি।
প্রধান মন্ত্রীনা ইং 2024গী য়াইফ পাউজেল পীরদুনা থৌরম অসিদা তিনখিবা মীয়ামদা ৱা ঙাঙখি। মহাক্না লৈবাক অসিগী অমৃত কালগী মথংগী চহি 25, ইং 2047 ফাওবদা বিকশিৎ ভারত অমা ওইহনবগী ৱাশক অসিবু অমুক্কা হন্না নীংশিংখি। “হৌজিক্কী মতম অসিদি অনৌবা মঙলান, অনৌবা ৱারেপ অমসুং লেপ্তনা মায় পাকপগী মতম্নি”, মহাক্না হায়খি। ‘অমৃত কাল’গী খ্বাইদগী অহানবা ভাইব্রেন্ত গুজরাত সম্মিৎকী মরু ওইবদা মহাক্না নৌহৌননা মিৎয়েং চঙখি।
অবু ধাবীগী লৈঙাকপা অমসুং য়ুনাইতেদ অরাব ইমিরেৎসকী রাস্ত্রপতি, ঐচ.আর.ঐচ. শৈখ মোহম্মদ বিন জায়েদ অল নাহ্যান্না সম্মিৎ অসিদা থৌরম মপু ওইনা শরুক য়াবসিনা ভারত অমসুং UAEগী মরী চেৎশিনবা হৌরক্লিবা অসি য়েংলুরগদি য়াম্না অখন্নবা থৌওং অমা ওইরিবনি হায়না প্রধান মন্ত্রীনা হায়খি। মহাক্না ভারতকীদমক্তা খল্লিবা ৱাখল্লোন অমসুং শৌগৎলিবা অসি থম্মোই শেংবনি হায়না পি.এম. মোদীনা হায়রদুনা ভাইব্রেন্ত গুজরাত গ্লোবেল সম্মিৎ অসিনা মালেমগী শেন্মিৎলোনগী চাউখৎ থৌরাং অমসুং ইনভেস্তমেন্তকা মরী লৈনবা ৱারী-ৱাতাইগী মালেমগী ফম্বাক অমসু ওইরক্লি হায়খি। ভারত-UAEগী পার্ত্নরশিপ অসিনা রিন্যুএবল ইনর্জী সেক্তর, ইন্নোভেতিব হেল্থকেয়র, অমসুং ভারতকী পোর্ত ইনফ্রাস্ত্রকচরদা বিলিয়ন দোল্লর কয়া তেংবাংদুনা শৌগৎখিবশিংদা মিৎয়েং চঙখি। UAEগী সোভরেন ৱেল্থ ফন্দনা গিফ সিতী; অমসুং ত্রান্সৱর্ল্দ কম্পেনীশিংনা এয়র্ক্রাফ অমসুং জহাজ লীজ তৌবগী থবকশিংদা শেল থাদদুনা তেংবাংনবগী থবক পায়খৎলিবশিংসু মহাক্না পনখি। ভারত অমসুং UAEগী মরী ফগৎলক্লিবা অসিদি ঐচ.আর.ঐচ. শৈখ মোহম্মদ বিন জায়েদ অল নাহ্যানগী হোৎনজমন্ননি হায়না প্রধান মন্ত্রীনা পাউদমখি।
IIM অহমেদবাদকী এলুম্নাই ওইরিবা মোজাম্বিক্কী রাস্ত্রপতি, শ্রী ফিলিপ ন্যুসিনা থৌরমসিদা শরুক য়ারিবা অসিগী মতাংদা পল্লদুনা প্রধান মন্ত্রীনা ভারতকী প্রসিদেন্সী মনুংদা অফ্রিকান য়ুনিয়ন্না G20গী পর্মানেন্ত মেম্বর ওইখিবদা চাউথোকচবা ফাওই হায়না প্রধান মন্ত্রীনা পাউদমখি। রাস্ত্রপতি ন্যুসীনা থৌরমসিদা শরুক য়াবনা ভারত অফ্রিকাগা লোয়ননা ভারত-মোজাম্বিক্কী মরীবুসু হেন্না চেৎশিনহল্লে হায়না ফোংদোকখি।
পি.এম. মোদীনা মখা তাবা ওইনা হায়খিবদা, জেক রিপব্লিক্কী প্রধান মন্ত্রী শ্রী পেতর ফ্যালানা লৈবাক অসিদা প্রধান মন্ত্রী ওইনা লাকপা অহানবা খোঙচৎ অসিনা জেক রিপব্লিক্কা ভারতকা লোয়ননা গুজরাতকা লৈনরিবা অরিবা মরীবুসু শক্তাক্লি হায়খি। পি.এম. মোদীনা ওতোমোবিল, তেক্নোলোজী অমসুং মেন্যুফেকচরিং সেক্তরদা তেংবাংনরিবা অসিগী মতাংদসু পনখি।
প্রধান মন্ত্রীনা নোবেল ফংলবা অমসুং তিমোর লেস্তেগী রাস্ত্রপতি, শ্রী হোজে রামোসপু তরাম্না ওকখি অমসুং মহাক্কী লৈবাক্কী নিংতম ইহৌদা মহাক্না মহাত্মা গান্ধীগী হিংশা তৌদবা হায়বা ৱাখল্লোনবু খুৎলায় ওইনা শিজিন্নখিবগী মতাংদসু পাউদমখি।
ভাইব্রেন্ত গুজরাত সম্মিৎকী 20শুবা কুমওনগী মতাংদা পল্লদুনা, প্রধান মন্ত্রীনা সম্মিৎ অসিনা অনৌবা ৱাখল্লোন কয়া পুথোক্লি অমসুং ইনভেস্তমেন্ত অমসুং রিতর্ন্সকী অনৌবা থোঙ কয়াসু হাংগনি। হন্দক্কী চহিগী সম্মিৎ অসিগী থীম ওইরিবা “গেতৱে তু দি ফ্যুচর” হায়বসিদা মিৎয়েং চঙলদুনা, প্রধান মন্ত্রীনা 21শুবা চহি-চাগী মতমসিদি পুন্না হোৎনমিন্নবা থৌওংশিংনা হেন্না য়াইফহনগনি হায়খি। ভারতকী G20 প্রসিদেন্সী মনুংদা, তুংগী মতমগী থৌরাং অমা লান্থোকখ্রবনি অমসুং মসিবু ভাইব্রেন্ত গুজরাত গ্লোবেল সম্মিৎকী পান্দম্না অমুক্কা হন্না শাফু পীরি হায়না প্রধান মন্ত্রীনা হায়খি। মালেমগী য়াইফ য়ুম্বালগী তঙাই ফদবা মচং অমা হৌজিক ওইরবা ‘ৱান ৱর্ল্দ, ৱান ফেমিলী, ৱান ফ্যুচর’গী ৱাখল্লোনগা লোয়ননা I2U2 অমসুং অতোপ্পা মলতিলেতরেল ওর্গনাইজেসনশিংগী মরক্কী মরী হেন্না চেৎশিনহল্লে হায়না মহাক্না পনখি।
“ভারতনা খোঙজেল য়াঙনা হোংবা নাইবা মালেমসিদা ‘বিশ্ব মিত্র’গী থৌদাং লৌদুনা তুংলমচত্তা চঙশিল্লি। ঙসিদি, অপাম্বা মান্নবা পান্দমশিং ফংবদা ভারতনা মালেমদা থাজবা ফাওহল্লে। ভারতনা মালেমগী য়াইফ য়ুম্বালগীদমক্তা খোঙফম চেৎপা অমসুং কন্না হোৎনবা অসিনা মালেম্বু তেক কায়দবা অমসুং নুংঙাই য়াইফবা অমা ওইহল্লে। মালেম্না ভারতপু তংদু লৈতানা লৈবগী মরু ওইবা য়ুম্বী অমগুম্বা য়েংলি। থাজবা য়াবা মরুপ অমা, মীয়ামদা য়ুম্ফম ওইবা চাউখৎ থৌরাং পুরকপদা থাজবা থম্বা মরুপ অমা, মালেমগী য়াইফ য়ুম্বালদা থাজবা থম্বা খোঞ্জেল অমা, মালেমগী শেন্মিৎলোনগী শাহৌ লৌনবা ইঞ্জিন অমা, ৱারোইশিন কয়া পুরকপা ঙম্বা তেক্নোলোজী হব অমা, তেলেন্ত লৈবা নহাশিংগী পাৱরহাউস অমা অমসুং মীয়ামগী অপাম্বা পীবা ঙম্বা গনতন্ত্রা অমা ওইনা মালেম্না ঐখোয়বু উরি”, প্রধান মন্ত্রীনা হায়খি।
“ভারতকী মীওই বিলিয়ন 1.4গী প্রাইওরিতী অমসুং মঙলান অমসুং মখোয়না মীওইবদা য়ুম্ফম ওইদুনা চাউখৎ থৌরাং পাংথোকপগী থৌওংদা থাজবা অমসুং ইনক্লুসিব অমসুং মান্নবা থাক্তা সরকারনা খোঙফম চেৎলিবা মতৌ অসিগা লোয়নদুনা মসিনা মালেমগী নুংঙাই য়াইফ অমসুং চাউখৎ থৌরাংগী মরু ওইবা ৱাফম অমা ওইরি”, প্রধান মন্ত্রীনা হায়খি। ঙসিদি, ভারতনা মালেমগী খ্বাইদগী মঙাশুবা চাউবা শেন্মিৎলোন অমা ওইরে, অদুবু চহি 11গী মমাংদা ঐখয়না তরাশুবা থাক্তা লৈরম্বনি হায়না মহাক্না হায়খি। মথংগী চহি খরদা ঐখোয়না মালেমগী খ্বাইদগী অহুমশুবা চাউবা শেন্মিৎলোন অমা ওইরগনি, মসিমক মালেমগী এজেন্সী কয়া অমনসু শোইদবা ৱাফম অমনি হায়না হায়নরিবনি হায়না মহাক্না মিৎয়েং চঙখি। “অখঙ-অহৈশিংনা ৱাফম অসিবু নৈনবীবা য়াগনি। অদুবু, ঐখোয়না মালেমদা খ্বাইদগী অহুমশুবা চাউবা শেন্মিৎলোন অমা ওইগনি হায়বসিদি শুংশোই শোইদ্রবা ৱাফম অমনি”, পি.এম. মোদীনা হকচিন্না হায়খি। মালেমগী তংদু লৈতাদবা ফিভম কয়া থোকপা মতমদা, মালেম্না ভারতপু থাজবগী মঙাল অমা ওইনা উনখিবনি হায়না মহাক্না মখা তাখি। ভাইব্রেন্ত গুজরাত গ্লোবেল সম্মিৎ অসিদা উবা ফংলিবা ভারতকী পারিওরিতীশিংদা মীয়ামগী পুক্নিং চীংশিল্লদুনা প্রধান মন্ত্রীনা সস্তেনেবল ইন্দস্ত্রী, মেন্যুফেকচরিং অমসুং ইনফ্রাস্ত্রকচর, ন্যু এজ স্কিল, ফ্যুচরিস্তিক তেক্নোলোজী, AI অমসুং ইন্নোভেসন, গ্রীন হাইদ্রোজেন, রিন্যুএবল ইনর্জী অমসুং সেমিকন্দক্তরগী মতাংদা পনখি। পি.এম. মোদীনা মীয়াম খুদিংনা, স্কুল অমসুং কোলেজকী মহৈরোইশিংনা মরু ওইনা গুজরাত্তা পাংথোক্লিবা ত্রেদ শো অসিবু য়েংবীয়ু হায়খি। ত্রেদ শো অসিদা ঙরাং হিস এক্সেলেন্সী ন্যুসী অমসুং হিস এক্সলেন্সী রামোস হোর্তাগা লেনমিন্নখিবা মতমগী মতাংদা পাউদম্লদুনা, প্রধান মন্ত্রীনা ত্রেদ শো অসিদা ই-মোবিলিতী, স্তার্তঅপ, ব্লু ইকোনোমী, গ্রীন ইনর্জী অমসুং স্মার্ত ইনফ্রাস্ত্রকচরগুম্বা সেক্তর কয়াদা মালেমগী অৱাংবা থাক্কী তেক্নোলোজী শিজিন্নদুনা পুথোকপা পোত্থোক কয়া অমা উৎলি হায়খি। সেক্তরশিং অসিদা অনৌবা খুদোংচাবা কয়া অমা লেপ্তনা শেমগৎলি হায়না মহাক্না হায়খি।
ভারতকী শেন্মিৎলোনগী নীংহন্নবা লৈতবা মতৌ অমসুং শাহৌ লৌবগী থৌওং অসিদি সরকারনা স্ত্রকচরেল রিফোর্মশিংদা মিৎয়েং চঙবগী থৌওংদা য়ুম্ফম ওইরিবনি অমসুং মসিগী রিফোর্মশিংনা অসিনা ভারতকী শেন্মিৎলোনগী মতিক, তৌবা ঙম্বগী মতৌ অমসুং চাংয়েংনবগী মতৌবুসু হেনগৎহল্লে হায়না প্রধান মন্ত্রীনা হায়খি। রিকেপিতেলাইজেসন অমসুং IBCনা বেঙ্কিং সীস্তেম্বু হেন্না চাওখৎহল্লে, কমপ্লাইএন্স লিশিং 40 লৌথোক্তুনা কারবার তৌবদা লাইথোকহল্লে, GSTনা তেক্সেসনগী অৱাবা কয়া কোকহল্লে, গ্লোবাই সপ্লাই চেনবু মখল য়ামহনবগী অফবা ফিভম অমা শেম্লে, UAEগা হন্দক্তা খুৎয়েক পীনখিবা য়াওনা FTA 3গী হন্দক্তা খুৎয়েক পীনখিবা, ওতোমেতিক FDIগীদমক্তা সেক্তর কয়া অমা হাংদোকপা, ইনফাস্ত্রকচরদা রেকোর্দ ওইরবা ইনভেস্তমেন্ত তৌখিবা অমসুং কেপেক্সতা শরুক 5 হেনগৎখিবগী মতাংদসু মহাক্না পনখি। হায়রিবশিং অসিগা লোয়ননা, গ্রীন অমসুং ইনর্জীগী অতোপ্পা মহুৎ শিনবা য়াবা থৌওংশিংগী মতাংদা মমাংদা অমুক্তা পাংথোকখিবা মওংদা চাউখৎলকখিবা, রিন্যুএবল ইনর্জী কেপাসিতীদা শরুক অহুম হেনগৎপা, সোলর ইনর্জী কেপাসিতীদা শরুক কুন হেনগৎপা, দেতা মমল হোঙবদগী দিজিতেল ইনক্লুজন লাকহনখিবা, খুঙ্গংশিংদা ওপ্তিকেল ফাইবর য়ৌখিবা, 5G থাদোকপা, রেজিস্তর তৌরবা স্তার্তঅপ লাক্ষ 1.15 লৈদুনা খ্বাইদগী অহুমশুবা স্তার্তঅপ ইকোসীস্তেম ওইখিবগী মতাংদসু মহাক্না পনখি। মহাক্না এক্সপোর্তকী লমদা রেকোর্দ ওইবা মওংদা হেনগৎখিবগী মতাংদসু মিৎয়েং চঙখি।
ভারত্তা লাক্লিবা অহোংবশিংনা পুন্সি মহিংবু হেন্না লাইহল্লি অমসুং মীয়ামদা অনৌবা মপাঙ্গল অমা হাপ্লি হায়না পি.এম. মোদীনা অমুক্কা হন্না পনখি। হৌখিবা চহি 5তা, মীওই করোর 13.5 হেনবনা লাইরবগী খয়াত্তগী মপান থোক্লকখি অদুগা মিদ্দল ক্লাসশিংগী চাগাগী চাংচৎসু লেপ্তনা হেনগৎলক্লি হায়না মহাক্না ফোংদোকখি। নুপীগী ৱর্কফোর্স্না চাউখৎ থৌরাংগী লমদা শরুক য়াবগী মশিংনা রেকোর্দ ওইনা হেনগৎলক্লিবা অসিনা ভারতকী তুংগী মতমগী অফবা খুদম অমা ওইরিবা অসিবুসু মহাক্না পনখি। “মসিগুম্বা ইথিল অসিগা লোয়ননা, ঐহাক্না অদোম খুদিংনা ভারতকী ইনভেস্তমেন্ত খোঙচৎ অসিগী শরুক ওইবীনবা হায়জরি”, প্রধান মন্ত্রীনা হায়খি।
লোজিস্তিক্স অমসুং ত্রান্সপোর্তেসন লাইহনবগী মতাংদা লৈরিবা থৌশিল থৌরাং কয়াদা মতমগা চুননবা শেমদোক্লিবা অসিদা মিৎয়েং চঙলদুনা, প্রধান মন্ত্রীনা এয়রপোর্ত মশিংনা দিকেদ অমগী মনুংদা 74দগী 149দা হেনগৎখিবা, ভারতকী ন্সেনল হাইৱে নেতৱর্ক অসিনা শরুক অনি থোক্না চাওখৎখিবা, মেত্রো নেতৱর্ক্তা শরুক অহুম হেনগৎলকপা, দেদিকেতেদ ফ্রৈত কোরিদোর, নেস্নেল ৱাতরৱেজ লৈরকপা, পোর্ত তর্নঅরাওন্দ তাইম হেনগৎলকপা অমসুং G20গী মনুংদা লাউথোকখিবা ভারত-মিদ্দল ইস্ত য়ুরোপ ইকোনোমিক কোরিদোরগী মতাংদসু মীয়ামদা পাউদমখি।
প্রধান মন্ত্রীনা মহাক্কী ৱারোল লোইশিনবা ওইনা, ভারতকী কাচিন কোয়া খুদিংদা ইনভেস্তমেন্তকী অনৌবা খুদোংচাবা কয়া লৈরে অমসুং ভাইব্রেন্ত গুজরাত সম্মিৎ অসিনা মসিগী থোঙনি, তুংগী মতমদা চঙশিন্নবা থোঙনি হায়না হায়খি। “অদোম্না ভারত্তা ইনভেস্ত তৌবখক নত্তে, অদোম্না নহা ওইরিবা ক্রিএতর অমসুং কঞ্জ্যুমর কয়াগী তুংগী চারোন শুরোন অমসু শেম্লিবনি। অদোমগা ভারতকী মিৎয়েং শানবা নহা ওইরিবা চারোন শুরোনশিংগা তেংবাংনবনা অদোম্না খল্লুদবা মহৈ কয়া অমা ফংবা ঙমগনি”, মসি হায়রদুনা প্রধান মন্ত্রীনা মহাক্কী ৱারোল লোইশিনখি।
অবু ধাবীগী লৈঙাকপা অমসুং য়ুনাইতেদ অরাব ইমিরেৎসকী রাস্ত্রপতি, ঐচ.আর.ঐচ. শৈখ মোহম্মদ বিন জায়েদ অল নাহ্যান, মোজাম্বিক্কী রাস্ত্রপতি, শ্রী ফিলিপ ন্যুসী, তিমোর লেস্তেগী রাস্ত্রপতি, শ্রী হোজে রামোস হোর্তা, জেক রিপব্লিক্কী প্রধান মন্ত্রী, শ্রী পেতর ফ্যালা, ভিএৎনামগী উপ-প্রধান মন্ত্রী, শ্রী ত্রান লু ক্বাং, গুজরাতকী রাজ্যপাল শ্রী অচার্য়া দেবব্রত, গুজরাতকী মুখ্য মন্ত্রী, শ্রী ভুপেন্দ্র পতেলসু ঙসিগী থৌরম অসিদা অতোপ্পা মীথুংলেন কয়া অমগা লোয়ননা শরুক য়াখি।
বেকগ্রাউন্দ
মিৎয়েং শানবা মুখ্য মন্ত্রী, শ্রী নরেন্দ্র মোদীগী লুচিং মখাদা ইং 2003দা ৱাহৌদোক থমখিবা ভাইব্রেন্ত গুজরাত গ্লোবেল সম্মিৎ অসিনা ঙসিদি কারবারগী মতাংদা তেংবাংনবা, ইনক্লুসিব ওইবা গ্রোথ অমসুং সস্তেনেবল ওইবা চাউখৎ থৌরাংগী মতাংদা লৌশিং লান্নবা অমসুং স্ত্রেতজিক পার্তনরশিপকী খাইদগী মমিং লৈবা মালেমগী ফোরম অমা ওইরে। ভাইব্রেন্ত গুজরাত গ্লোবেল সম্মিৎকী তরাশুবা ইদিসন অসি গুজরাতকী গান্ধীনগরদা জনুৱারী 2024গী 10-12 ফাওবা পাংথোক্কনি। মসিগী থীম্না “গেতৱে তু দি ফ্যুচর” ওইরি। মসিগী তরাশুবা সম্মিৎ অসিনা “ভাইব্রেন্ত গুজরাতনা মায় পাকপগী সম্মিৎ ওইরকপা চহি 20” হায়বগী হীরম অসিগী নুংঙাইবা ফোংদোক্কনি।
হন্দক্কী চহিগী সম্মিৎ অসিদা পার্ত্নর লৈবাক 34 অমসুং পার্ত্নর ওর্গনাইজেসন 16না শরুক য়াগনি। মখা তারকপদা, দোনর মন্ত্রালয়না ভাইব্রেন্ত গুজরাত প্লেতফোর্ম অসিবু শিজিন্নদুনা অৱাং-নোংপোক লমদমদা শেল থাদবদা ফংগদবা খুদোংচাবশিং উৎকনি।
সম্মিৎ অসিদা হৌজিক্কী মতমগা চুনবা হীরম, খুদম ওইনা হায়রবদা, ইন্দস্ত্রী 4.0, তেক্নোলোজী অমসুং ইন্নোভেসন, সস্তেনেবল মেন্যুফেকচরিং, গ্রীন হাইদ্রোজেন, ইলেক্ত্রিক মোবিলিতী অমসুং রিন্যুএবল ইনর্জী অমসুং সস্তেনেবিলিতীগী মাইকৈদা চঙশিনবগী সেমিনার অমসুং কনফরেন্স কয়া য়াওনা অতোপ্পা থৌরম কয়া অমা পাংথোক্কনি।
***
(Release ID: 1994997)
Visitor Counter : 71
Read this release in:
Kannada
,
Tamil
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Telugu
,
Malayalam