پنچایتی راج کی وزارت نے اختراعی سینڈ باکس پرزنٹیشن میں حصہ لیا اور سوامتو اسکیم کے توسط سے لینڈ گورنینس میں ڈجیٹل تغیر سے متعلق پہل قدمیوں‘‘ کو پیش کیا، اس کے تحت شفافیت اور اثرانگیزی کے ساتھ آراضی حکمرانی کے نظام   کو ڈجیٹل شکل دینے کے لیے ریاستوں کے ذریعہ اپنائے جانے والے ضوابط کی تفصیلات بیان کی گئیںَ۔ پنچایتی راج کی وزارت کو 3 جنوری سے 5 جنوری 2024 کے دوران حیدرآباد میں واقع انڈین اسکول آف بزنس (آئی ایس بی) میں بھارتی انسٹی ٹیوٹ آف پبلک پالیسی کے دوسرے سالانہ سہ روزہ ’’عوامی پالیسی مکالمے‘‘ کے دوران ’’سوامتو اسکیم کے توسط آراضی حکمرانی میں ڈجیٹل تغیر سے متعلق پہل قدمیوں‘‘ کے لیے اختراعی سینڈ باکس پرزنٹیشن  میں مقتدر اولین انعام تفویض کیا گیا۔

سوامتو اسکیم کے نفاذ میں افادیت اور جوابدہی میں اضافے کی غرض سے تکنالوجی کو بروئے کار لانے میں پنچایتی راج کی وزارت کی اختراعی کوششوں  کو اس سے پہلے مختلف مواقع پر شاندار اور تغیراتی کوششوں کے طور پر تسلیم کیا گیا۔ سوامتو اسکیم نے اکتوبر 2023 میں مدھیہ پردیش کے اندور شہر میں، عملہ، عوامی شکایات اور پنشن کی وزارت کے تحت انتظامی اصلاحات اور عوامی شکایات کے  محکمے  (ڈی اے آر پی جی) کے زیر اہتمام ’’عوام پر مرتکز خدمات کی فراہمی کے لیے ابھرتی ہوئی تکنالوجی کے استعمال‘‘ کے زمرے میں ای۔گورنینس 2023 کے لیے قومی ایوارڈ حاصل کیا تھا۔

سوامتو اسکیم کو اگست 2023 میں گوا میں منعقدہ ڈجی ٹیک کانکلیو 2023 کے دوران ’’ڈجیٹل تغیر کے لیے ای۔حکمرانی میں تکنالوجی کا اختراعی استعمال‘‘ زمرے کے لیے گولڈ ایوارڈ سے بھی نوازا گیا تھا۔

پس منظر:

پنچایتی راج کی وزارت کی سوامتو اسکیم ایک مرکزی شعبے کی اسکیم ہے  جس نے بھارت میں دیہی برادریوں کی اختیار کاری کے لیے غیر معمولی تعاون دیا ہے۔ جدید ترین تکنالوجی سے لیس ڈرون سروے اور جی آئی ایس میپنگ تکنالوجی کو بروئے کار لاتے ہوئے، یہ اسکیم قطعہ آراضی کی ٹھیک ٹھیک حد بندی کو یقینی بناتی ہے، اور اس طرح تنازعات کو کم کرنے، اور لوگوں کو حقوق ِ املاک کے ریکارڈ یعنی  سوامتو پراپرٹی کارڈس کی فراہمی میں تعاون دیتی ہے، ساتھ ہی املاک سے آمدنی حاصل کرنے ، بینک سے قرض حاصل کرنے ، گاؤں کی سطح کی جامع منصوبہ بندی کے لیے مدد فراہم کرتی ہے۔ تکنالوجی کا یہ انضمام نہ صرف دستاویزات کے عمل کو ہموار کرتا ہے بلکہ دیہی علاقوں میں سماجی و اقتصادی ترقی کو فروغ دینے والے، زیادہ شفاف اور موثر زمینی انتظامی نظام کی طرف ایک اہم قدم کی نشاندہی کرتا ہے۔

سوامتو اسکیم (https://svamitva.nic.in) ایک ڈگر سے ہٹ کر پہل قدمی ثابت ہوئی ہے، جو  دیہی بھارت میں آراضی کی ملکیت کے منظرنامے کو تبدیل کرنے کے لیے اختراع اور نئی تکنالوجیوں کو بروئے کار لاتی ہے۔ اس اسکیم کو 24 اپریل 2020 میں وزیر اعظم نریندر مودی کے ذریعہ اس کے آغاز کے بعد سے لے کر اب تک مختلف پلیٹ فارموں پر تسلیم کیا گیا ہے اور مختلف ایوارڈس سے نوازا گیا ہے۔

یہ اسکیم، جس کا ہدف 2024-25 میں نفاذ کی تکمیل تک پہنچنا ہے، متعدد سنگ میل حاصل کر چکی ہے۔ 2.90 لاکھ مواضعات میں ڈرون سروے کا کام مکمل ہو چکا ہے اور اب تک 1.06 لاکھ مواضعات کے لیے 1.66 کروڑ پراپرٹی کارڈس تیار کیے جا چکے ہیں۔ یہ اسکیم ہریانہ، اتراکھنڈ، پڈوچیری، انڈمان اور نکوبار جزائر اور گوا کے تمام تر آباد مواضعات کے پراپرٹی کارڈس کی تیاری کے ساتھ اپنے منتہائے عروج تک پہنچ چکی ہے۔

**********

(ش ح –ا ب ن۔ م ف)

U.No:3327