ബഹുമുഖ ഏജന്‍സിയുമായുള്ള അന്താരാഷ്ട്ര സഹകരണവും ഏകോപനവും

സ്റ്റാറ്റിസ്റ്റിക്‌സ് ആന്റ് പ്രോഗ്രാം ഇംപ്ലിമെന്റേഷന്‍ മന്ത്രാലയം (MoSPI) ഇന്ത്യയെ പ്രതിനിധീകരിക്കുന്നു. ഇന്ത്യന്‍ സ്റ്റാറ്റിസ്റ്റിക്കല്‍ സിസ്റ്റത്തിന്റെ യോജിച്ച അംഗീകാരമെന്ന നിലയില്‍, 2024 ജനുവരി 1 മുതല്‍ (രണ്ട് പതിറ്റാണ്ടുകളുടെ ഇടവേളയ്ക്ക് ശേഷം) നാല് വര്‍ഷത്തേക്ക് ഇന്ത്യയെ ഐക്യരാഷ്ട്ര സ്റ്റാറ്റിസ്റ്റിക്കല്‍ കമ്മീഷനില്‍ (UNSC) അംഗമായി തിരഞ്ഞെടുത്തു. UNSC മുഖേന, ഔദ്യോഗിക സ്ഥിതിവിവരക്കണക്കുകളിലെ അന്തര്‍ദേശീയ മാനദണ്ഡങ്ങള്‍, ആശയങ്ങള്‍, രീതിശാസ്ത്രങ്ങള്‍ എന്നിവ നിര്‍വചിക്കുന്നതില്‍ MoSPI യ്ക്ക് നിര്‍ണായക പങ്കുണ്ട്.

കൂടാതെ, (എ) യുഎന്‍ ESCAP കമ്മിറ്റി ഓണ്‍ സ്റ്റാറ്റിസ്റ്റിക്‌സിന്റെ (സിഎസ്ടി) ബ്യൂറോയുടെ മൂന്ന് വൈസ് ചെയര്‍മാരില്‍ ഒരാളായും (ബി) ഗവേണിംഗ് കൗണ്‍സില്‍ ഓഫ് സ്റ്റാറ്റിസ്റ്റിക്കല്‍ ഇന്‍സ്റ്റിറ്റ്യൂട്ട് ഫോര്‍ ഏഷ്യ ആന്‍ഡ് പസഫിക്കിലേക്കും (എസ്‌ഐഎപി) 2022-2024 കാലയളവിലേക്ക് ഇന്ത്യ വീണ്ടും തിരഞ്ഞെടുക്കപ്പെട്ടു. 

പ്രധാനപ്പെട്ട ചില സ്റ്റാറ്റിസ്റ്റിക്കല്‍ ഉല്‍പ്പന്നങ്ങളുടെ ബെഞ്ച്മാര്‍ക്കിംഗ്

മറ്റ് നാഷണല്‍ സ്റ്റാറ്റിസ്റ്റിക്കല്‍ ഓഫീസുകള്‍ (NSOs) പിന്തുടരുന്ന മികച്ച രീതികളോടെ, MoSPI കുറച്ച് പ്രധാനപ്പെട്ട സ്റ്റാറ്റിസ്റ്റിക്കല്‍ ഉല്‍പ്പന്നങ്ങളുടെ ബെഞ്ച്മാര്‍ക്കിംഗ് നടത്തി. സിപിഐ, ഐഐപി പോലുള്ള വിവിധ പ്രതിമാസ ഡാറ്റ/സ്റ്റാറ്റിസ്റ്റിക്കല്‍ സൂചകങ്ങള്‍ മോസ്പിഐ പ്രസിദ്ധീകരിക്കുന്നു, സാധ്യമായ ഏറ്റവും കുറഞ്ഞ സമയ കാലതാമസത്തോടെ നടപ്പാക്കപ്പെടുന്ന ഇതിന്റെ സമയപരിധി മികച്ച അന്താരാഷ്ട്ര നിലവാരത്തിന് തുല്യമാണ്. NAS/GDP ത്രൈമാസ വാര്‍ഷിക എസ്റ്റിമേറ്റിനും ഇത് ബാധകമാണ്.

കമ്പ്യൂട്ടര്‍ എയ്ഡഡ് വ്യക്തിഗത അഭിമുഖം (CAPI)

വ്യവസ്ഥാപരമായ മെച്ചപ്പെടുത്തലും ഡാറ്റയുടെ സമയബന്ധിതമായ പ്രസിദ്ധീകരണവും സംബന്ധിച്ച്, MoSPI മെച്ചപ്പെടുത്തിയ ഡാറ്റ ക്യാപ്ചറിംഗിനും പ്രോസസ്സിംഗിനുമായി ആധുനിക ഐടി ടൂളുകള്‍ സ്വീകരിക്കുന്നു. ഇതിന്റെ ഭാഗമായി, ഇപ്പോള്‍ നടന്നുകൊണ്ടിരിക്കുന്ന എല്ലാ സര്‍വേകളും CAPI (കമ്പ്യൂട്ടര്‍ അസിസ്റ്റഡ് പേഴ്‌സണല്‍ ഇന്റര്‍വ്യൂ), ഇന്‍-ബില്‍റ്റ് കമ്പ്യൂട്ടര്‍ സ്ക്രൂട്ടിനി പോയിന്റുകള്‍ (CSP) ഉപയോഗിച്ച്, ഡാറ്റ ക്യാപ്ചറിംഗിന്റെ വിവിധ ഘട്ടങ്ങളിലെ ഡാറ്റ മൂല്യനിര്‍ണ്ണയം നടത്തുന്നു. ഒരേസമയം ഡാറ്റ പ്രോസസ്സിംഗ് ഉറപ്പാക്കുന്ന ഡിജിറ്റല്‍ പ്ലാറ്റ്ഫോമായ ഇത് ക്ലൗഡ് അധിഷ്ഠിതമായാണ് പ്രവർത്തിക്കുന്നത്. ഇത് സര്‍വേ ഫലം പ്രസിദ്ധീകരിക്കുന്ന സമയചക്രം മെച്ചപ്പെടുത്തുന്നു, വേഗത്തിലുള്ള മൂല്യനിര്‍ണ്ണയവും മെച്ചപ്പെട്ട ഡാറ്റ നിലവാരവും പ്രാപ്തമാക്കുന്നു.

ഈ സാങ്കേതിക മെച്ചപ്പെടുത്തല്‍, ആനുകാലിക ലേബര്‍ ഫോഴ്‌സ് സര്‍വേയുടെ (PLFS) ത്രൈമാസ ബുള്ളറ്റിനുകള്‍ (QB) ഉള്‍പ്പെടെയുള്ള സര്‍വേ ഫലങ്ങളുടെ പ്രകാശന സമയത്തിന്റെ കാലതാമസം ഫീല്‍ഡ് ജോലികള്‍ പൂര്‍ത്തീകരിച്ച് 9 മാസത്തില്‍ നിന്ന് 2-3 മാസത്തേക്ക് ഗണ്യമായി കുറയ്ക്കാന്‍ കാരണമായി. PLFS വാര്‍ഷിക റിപ്പോര്‍ട്ട് 2022-23 പുറത്തിറക്കുന്നതിലെ കാലതാമസവും PLFS വാര്‍ഷിക റിപ്പോര്‍ട്ട് 2021-22 പുറത്തിറക്കിയ 8 മാസത്തില്‍ നിന്ന് 3 മാസമായി കുറച്ചിരിക്കുന്നു.

ഡാറ്റ ദൃശ്യവല്‍ക്കരണം

വിവിധ ഉപയോക്താക്കളില്‍ നിന്നുള്ള ഫീഡ്ബാക്ക് അടിസ്ഥാനമാക്കി മന്ത്രാലയം അതിന്റെ വെബ്‌സൈറ്റ് നവീകരിക്കാന്‍ ശ്രമിച്ചു, MoSPI-യുടെ വെബ്‌സൈറ്റില്‍ ആദ്യമായി ഒരു ഡാറ്റ വിഷ്വലൈസേഷന്‍ വിഭാഗം ചേര്‍ത്തു. ഈ വിഭാഗത്തില്‍ ആരംഭിക്കുന്നതിന്, MoSPI-യുടെ നാല് ഡാറ്റാബേസുകളുമായി ബന്ധപ്പെട്ട ദൃശ്യവല്‍ക്കരണങ്ങള്‍ അടങ്ങിയിരിക്കുന്നു. NAS / GDP, CPI (റൂറല്‍, അര്‍ബന്‍, കമ്പൈന്‍ഡ്), PLFS, IIP എന്നിവയാണത്. ഈ അനുഭവം ഉപയോഗിച്ച്, മറ്റ് ലൈന്‍ മന്ത്രാലയങ്ങളുടെ/വകുപ്പുകളുടെ ഡാറ്റ സംയോജിപ്പിക്കുന്നതിനുള്ള വ്യാപ്തിയും കവറേജും ഞങ്ങള്‍ വികസിപ്പിക്കുന്നു. ഡാറ്റ ഉപയോക്താക്കളുടെ കോണ്‍ഫറന്‍സില്‍ പങ്കെടുത്തവര്‍ വെബ്‌സൈറ്റിന് കീഴിലുള്ള ഈ സവിശേഷതകളെ അഭിനന്ദിച്ചു.

ഡാറ്റ ഉപയോക്താക്കളുടെ കോണ്‍ഫറന്‍സുകള്‍:

2022 ഒക്ടോബര്‍ മുതല്‍, MoSPI ഉപയോക്താക്കള്‍ക്കും ഓഹരി ഉടമകള്‍ക്കുമായി മൂന്ന് ഡാറ്റ ഉപയോക്താക്കളുടെ കോണ്‍ഫറന്‍സുകള്‍ സംഘടിപ്പിച്ചു. അക്കാദമിക്, വ്യവസായങ്ങള്‍, മാധ്യമങ്ങള്‍, ഗവേഷണങ്ങള്‍ തുടങ്ങിയവയില്‍ നിന്നുള്ള വിദഗ്ധര്‍ പങ്കെടുത്ത ഈ കോണ്‍ഫറന്‍സുകളില്‍ MoSPI ദേശീയ അക്കൗണ്ട് സ്ഥിതിവിവരക്കണക്കുകള്‍ (NAS) ഉള്‍പ്പെടുത്തി. 

MPLADS-ലെ പുതുക്കിയ മാര്‍ഗ്ഗനിര്‍ദ്ദേശങ്ങളുടെ പ്രകാശനവും പുതിയ വെബ് പോര്‍ട്ടലിന്റെ സമാരംഭവും 

പ്രാദേശികമായി തോന്നുന്ന ആവശ്യങ്ങളെ അടിസ്ഥാനമാക്കി മോടിയുള്ള കമ്മ്യൂണിറ്റി ആസ്തികള്‍ സൃഷ്ടിക്കുന്നതിന് ഊന്നല്‍ നല്‍കിക്കൊണ്ട് വികസന സ്വഭാവമുള്ള പ്രവൃത്തികള്‍ ശുപാര്‍ശ ചെയ്യാന്‍ പാര്‍ലമെന്റ് അംഗങ്ങളെ (എംപിമാരെ) പ്രാപ്തരാക്കുന്ന പാര്‍ലമെന്റ് ലോക്കല്‍ ഏരിയ ഡെവലപ്മെന്റ് സ്‌കീം (എംപിഎല്‍എഡിഎസ്) MoSPI നിയന്ത്രിക്കുന്നു. സ്‌കീം നിയന്ത്രിക്കുന്നത് ഒരു കൂട്ടം മാര്‍ഗ്ഗനിര്‍ദ്ദേശങ്ങളാണ്. പരിഷ്കരിച്ച മാനദണ്ഡങ്ങൾ 01.04.2023 മുതല്‍ പ്രാബല്യത്തില്‍ വന്നു.

ഫണ്ട് ഫ്‌ളോ നടപടിക്രമങ്ങള്‍ നടപ്പിലാക്കുന്നതിനായി മന്ത്രാലയം ഒരു വെബ് പോര്‍ട്ടല്‍ ആരംഭിച്ചിട്ടുണ്ട്. എംപിഎല്‍എഡിഎസ് വികസന പദ്ധതിയുടെ മുഴുവന്‍ ജീവിതചക്രവും ഉള്‍ക്കൊള്ളുന്ന നിരവധി സാങ്കേതികവിദ്യ പ്രവര്‍ത്തനങ്ങളും ഓണ്‍ലൈന്‍ വര്‍ക്ക് ശുപാര്‍ശ, ഓണ്‍ലൈന്‍ അനുമതി/നിരസിക്കല്‍, ഡാഷ്‌ബോര്‍ഡുകള്‍, അലേര്‍ട്ട് ജനറേഷന്‍, വിനിയോഗത്തിന്റെ സ്വയമേവയുള്ള ജനറേഷന്‍/പൂര്‍ത്തിയാക്കല്‍ സര്‍ട്ടിഫിക്കറ്റ്, വെണ്ടര്‍മാരുടെ പേയ്‌മെന്റ് തുടങ്ങിയ ഓണ്‍ലൈന്‍ നിരീക്ഷണ സംവിധാനവും പുതിയ വെബ് പോര്‍ട്ടലില്‍ ഉള്‍ക്കൊള്ളുന്നു. ഡിജിറ്റല്‍ ഇന്ത്യയ്ക്ക് അനുസൃതമായി MPLAD പദ്ധതിയുടെ പ്രവര്‍ത്തനത്തിലും നിര്‍വഹണത്തിലും നിരീക്ഷണത്തിലും പുതിയ സംവിധാനം കൂടുതല്‍ മെച്ചപ്പെടുത്തിയിട്ടുണ്ട്.

NITI ആയോഗിന്റെ ഡാറ്റാ ഗവേണന്‍സ് ക്വാളിറ്റി ഇന്‍ഡക്സ് (DGQI)

MoSPI-യുടെ സ്‌കോര്‍ മുന്‍ പതിപ്പിന്റെ (2021-22/Q4) 4.08ല്‍ നിന്ന് നിലവിലെ പതിപ്പില്‍ (2022-23/Q4) 4.27 ആയി ഉയര്‍ന്നു. MoSPI സ്ഥാപിച്ചിട്ടുള്ള തന്ത്രപ്രധാന മന്ത്രാലയങ്ങള്‍/വകുപ്പുകള്‍ക്കിടയില്‍, അത് രണ്ടാം സ്ഥാനമാണ്.

സ്വച്ഛത പഖ്വാഡ
2023 ജൂലൈ 1 മുതല്‍ ജൂലൈ 15 വരെ MoSPI പ്രത്യേക സ്വച്ഛത പഖ്വാഡ ആഘോഷിച്ചു. ഈ രണ്ടാഴ്ചയ്ക്കിടെ, ശില്‍പശാലകള്‍, കുട്ടികള്‍ക്കായി വിവിധ തരം മത്സരങ്ങള്‍, ആരോഗ്യ ക്യാമ്പുകള്‍, തെരുവ് നാടകങ്ങള്‍, റാലികള്‍, സ്വച്ഛത ബോധവല്‍ക്കരണ ഡ്രൈവുകള്‍ തുടങ്ങി നിരവധി സ്വച്ഛതയുമായി ബന്ധപ്പെട്ട പ്രവര്‍ത്തനങ്ങള്‍ നടത്തി. മന്ത്രാലയത്തിന്റെ ഓഫീസുകള്‍ക്ക് പുറമെ രാജ്യത്തുടനീളമുള്ള സ്‌കൂളുകള്‍, ആശുപത്രികള്‍, അനാഥാലയങ്ങള്‍, മാര്‍ക്കറ്റുകള്‍, വ്യവസായ മേഖലകള്‍, ഗ്രാമങ്ങളിലും സ്വച്ഛതാ പ്രവര്‍ത്തനങ്ങള്‍ നടത്തി. 

ലിംഗ സ്ഥിതിവിവരക്കണക്കുകള്‍

2023 മാര്‍ച്ചില്‍ 'നയ രൂപീകരണത്തില്‍ ലിംഗ സ്ഥിതിവിവരക്കണക്കുകളുടെ പങ്ക്' എന്ന വിഷയത്തില്‍ മന്ത്രാലയം ഒരു സെമിനാര്‍ സംഘടിപ്പിച്ചു. അന്താരാഷ്ട്ര വനിതാ ദിനത്തോടനുബന്ധിച്ച് 15.03.2023 ന് 'ഇന്ത്യയിലെ സ്ത്രീകളും പുരുഷന്മാരും 2022' എന്ന പ്രസിദ്ധീകരണത്തിന്റെ 24-ാമത് ലക്കം പുറത്തിറക്കി.

സമഗ്രവും ഉള്‍ക്കാഴ്ചയുള്ളതുമായ ഈ പ്രസിദ്ധീകരണം സ്ത്രീകളുടെയും പുരുഷന്മാരുടെയും വ്യത്യസ്ത ഗ്രൂപ്പുകള്‍ക്കിടയില്‍ നിലനില്‍ക്കുന്ന അസമത്വങ്ങള്‍ മനസ്സിലാക്കാന്‍ ഞങ്ങളെ സഹായിക്കുന്നു. 

പരിസ്ഥിതി സ്ഥിതിവിവരക്കണക്കുകള്‍

വായു, ജലം എന്നിവയുടെ ഗുണനിലവാരം, മാലിന്യ ഉല്‍പാദനവും നിര്‍മാര്‍ജനവും, ജൈവവൈവിധ്യവും ഭൂവിനിയോഗവും, ഹരിതഗൃഹ വാതക ഉദ്വമനം, ഊര്‍ജം എന്നിവയുള്‍പ്പെടെ വിപുലമായ വിഷയങ്ങള്‍ ഉള്‍ക്കൊള്ളുന്ന 'എൻവിസ്റ്റാറ്റ്സ് ഇന്ത്യ 2023 വോള്യം I: എൻവിറോണ്മെന്റൽ സ്റ്റാറ്റിസ്റ്റിക്സ്' എന്ന പ്രസിദ്ധീകരണം 31.03.2023-ന് പുറത്തിറങ്ങി. 'എന്‍വിസ്റ്റാറ്റ്സ് ഇന്ത്യ വോള്യം II: എന്‍വയോണ്‍മെന്റ് അക്കൗണ്ടുകള്‍' 2023 സെപ്റ്റംബര്‍ 29-ന് പുറത്തിറങ്ങി.

സുസ്ഥിര വികസന ലക്ഷ്യങ്ങള്‍ ദേശീയ സൂചക ഫ്രെയിംവർക്ക് (NIF)

മന്ത്രാലയം 2023 ഫെബ്രുവരി 22-ന് 'SDG ദേശീയ സൂചകങ്ങള്‍ക്കായുള്ള നാഴികക്കല്ല് ക്രമീകരണത്തെക്കുറിച്ചുള്ള കണ്‍സള്‍ട്ടേഷന്‍, ഇനിയും പരിഗണിക്കാത്ത SDG ടാര്‍ഗെറ്റുകള്‍ക്കായുള്ള ദേശീയ സൂചകങ്ങളുടെ തിരിച്ചറിയല്‍' എന്ന വിഷയത്തില്‍ ഒരു ഏകദിന ശില്‍പശാല സംഘടിപ്പിച്ചു. ലക്ഷ്യങ്ങള്‍ കൈവരിക്കുന്നതില്‍ ഉണ്ടായ പുരോഗതിയുടെ മികച്ച നിരീക്ഷണം നടത്തുന്നതിന് ഇടക്കാല നാഴികക്കല്ലുകള്‍ സ്ഥാപിക്കാന്‍ ബന്ധപ്പെട്ട മന്ത്രാലയങ്ങളോടും വകുപ്പുകളോടും അഭ്യര്‍ത്ഥിച്ചു. കൂടാതെ, 169 ലക്ഷ്യങ്ങള്‍ക്കെതിരെ, ഏതാനും ലക്ഷ്യങ്ങള്‍ക്കായി ദേശീയ സൂചകങ്ങള്‍ ഇനിയും തിരിച്ചറിയാനായിട്ടില്ല. ബന്ധപ്പെട്ട ഡാറ്റ സോഴ്‌സ് ഏജന്‍സികള്‍/ലൈന്‍ മന്ത്രാലയങ്ങള്‍, NITI ആയോഗ്, MoSPI എന്നിവയില്‍ നിന്നുള്ള 75 ഓളം ഉദ്യോഗസ്ഥര്‍ ശില്‍പശാലയില്‍ പങ്കെടുത്തു. 

പുറത്തിറക്കിയ പ്രസിദ്ധീകരണങ്ങള്‍: 

സുസ്ഥിര വികസന ലക്ഷ്യങ്ങള്‍ ദേശീയ സൂചക ഫ്രെയിംവർക്ക് (NIF) പുരോഗതി റിപ്പോര്‍ട്ട് 2023.

https://www.mospi.gov.in/sites/default/files/publication_reports/SDGs_NIF_Progress_Report_2023N_0.pdf?download=1

സുസ്ഥിര വികസന ലക്ഷ്യങ്ങളെക്കുറിച്ചുള്ള ഡാറ്റ സ്നാപ്പ്ഷോട്ട് ദേശീയ സൂചക ഫ്രെയിംവർക്ക് 2023.

https://www.mospi.gov.in/sites/default/files/publication_reports/DataSnapshot_on_SDGs_NIF_2023.pdf?download=1

സുസ്ഥിര വികസന ലക്ഷ്യങ്ങള്‍ ദേശീയ സൂചക ഫ്രെയിംവർക്ക് 2023. (2022-ന്റെ പുതുക്കിയ പതിപ്പ്)

https://www.mospi.gov.in/sites/default/files/publication_reports/SDGs_NIF_Progress_Report_2023N_0.pdf

SK