பல்வேறு சர்வதேச புள்ளியியல் அமைப்புகளில் இந்தியா சார்பில் புள்ளியியல் மற்றும் திட்ட அமலாக்க அமைச்சகம் பங்கு வகித்துள்ளது. இந்திய புள்ளியியல் முறைக்கு சரியான அங்கீகாரமாக, ஐநா புள்ளியியல் ஆணையத்தின் உறுப்பினராக ஜனவரி 1, 2024 முதல் 4 ஆண்டுகளுக்கு இந்தியா தேர்வுசெய்யப்பட்டுள்ளது. ஐநா புள்ளியியல் ஆணையத்தின் மூலம், அலுவலக ரீதியான புள்ளியியல் விவரங்களுக்கான சர்வதேச தரநிலைகள் மற்றும் வழிமுறைகளை வரையறுப்பதில் புள்ளியியல் மற்றும் திட்ட அமலாக்கத் துறை முக்கிய பங்கு வகிக்க உள்ளது.

சில முக்கிய புள்ளியியல் அம்சங்களில் அளவுகோல்கள்

பிற தேசிய புள்ளியியல் அலுவலகங்களைத் தொடர்ந்து, சிறந்த நடைமுறைகளுடன் சில முக்கிய புள்ளியியல் தரவுகளுக்கான அளவுகோல்களை புள்ளியியல் அமைச்சகம் கொண்டுவந்துள்ளது.

கணினி உதவியுடனான தனிநபர் நேர்காணல்கள்

தரவுகளை உரிய காலத்தில் வெளியிடுவது மற்றும் கட்டமைப்பு ரீதியான மேம்பாட்டு விவகாரத்தில், தரவுகளைப் பெறவும், ஆய்வு செய்யவும், நவீன தகவல் தொழில்நுட்ப கட்டமைப்புகளை புள்ளியியல் அமைச்சகம் பின்பற்றுகிறது. இதன் ஓர் அம்சமாக, தற்போது மேற்கொள்ளப்படும் ஆய்வுகளில் கணினி உதவியுடனான தனிநபர் நேர்காணல்கள் மேற்கொள்ளப்படுகின்றன. இது ஆய்வு முடிவுகளை உரிய காலத்தில் வெளியிடவும், தரவுத் தரத்தை மேம்படுத்தவும் உதவுகிறது.

தரவுகளை காட்சிப்படுத்துதல்

பயன்பாட்டாளர்களின் பின்னூட்ட கருத்துக்கள் அடிப்படையில், தனது இணையதளத்தை மேம்படுத்த அமைச்சகம் முயற்சி மேற்கொண்டது. இதன்படி, முதல்முறையாக புள்ளியியல் மற்றும் திட்ட அமலாக்க அமைச்சகத்தின் வலைதளத்தில் தரவு காட்சிப்படுத்துதல் பிரிவு ஏற்படுத்தப்பட்டுள்ளது. இதில், ஒட்டுமொத்த உள்நாட்டு உற்பத்தி, நுகர்வோர் அடிப்படையில் விலைக் குறியீட்டு எண், குறிப்பிட்ட கால தொழிலாளர் எண்ணிக்கை குறித்த ஆய்வு, தொழில் துறை உற்பத்திக் குறியீடு ஆகிய 4 விதமான தரவுகளை காட்சிப்படுத்தியுள்ளது.  மற்ற அமைச்சகங்களுக்கும் இது விரிவுபடுத்தப்பட்டுள்ளது. வலைதளத்தில் உள்ள இந்த அம்சங்களுக்கு தரவு பயன்பாட்டாளர்கள் கருத்தரங்கில் கலந்துகொண்டவர்கள் வரவேற்பு தெரிவித்தனர்.

தரவு பயன்பாட்டாளர்கள் கருத்தரங்குகள்

2022-ஆம் ஆண்டு அக்டோபர் முதல் தனது பயன்பாட்டாளர்களுக்காக மூன்று தரவு பயன்பாட்டாளர்கள் கருத்தரங்குகளை புள்ளியியல் மற்றும் திட்ட அமலாக்கத் துறை ஏற்பாடு செய்தது. இதன் தொடக்கமாக, இந்தக் கருத்தரங்குகளில் தேசிய கணக்கு புள்ளியியல் விவரங்கள் சேர்க்கப்பட்டன. இதில், கல்வி, தொழில் துறை, ஊடகங்கள், ஆய்வாளர்கள் உள்ளிட்டவற்றைச் சேர்ந்த வல்லுநர்கள் கலந்துகொண்டனர்.

நாடாளுமன்ற உறுப்பினர் தொகுதி மேம்பாட்டுத் திட்டத்துக்கான திருத்தியமைக்கப்பட்ட வழிகாட்டுதல்கள் வெளியீடு மற்றும் புதிய வலைதளம் தொடக்கம்

நாடாளுமன்ற உறுப்பினர் தொகுதி மேம்பாட்டுத் திட்டத்தை புள்ளியியல் அமைச்சகம் நிர்வகித்து வருகிறது. இதன்மூலம், உள்ளூர் மக்களின் தேவை அடிப்படையில் வளர்ச்சிப் பணிகளை மேற்கொள்ள நாடாளுமன்ற உறுப்பினர்கள் பரிந்துரைக்க வழி ஏற்படுகிறது. குறிப்பிட்ட வழிகாட்டுதல்கள் அடிப்படையில் இந்தத் திட்டம் செயல்படுத்தப்படுகிறது. இது திருத்தியமைக்கப்பட்டு, 1.4.2023-ல் அமலுக்கு வந்தது.

நிதி பயன்பாட்டு வழிமுறையை பின்பற்றுவதற்காக வலைதளத்தை அமைச்சகம் தொடங்கியது.

பாலின புள்ளியியல்

கொள்கைகளை வகுப்பதில் பாலின புள்ளியியலின் பங்கு குறித்த கருத்தரங்கத்துக்கு மார்ச் 2023-ல் புள்ளியியல் அமைச்சகம் ஏற்பாடு செய்தது.

சுற்றுச்சூழல் புள்ளியியல்

"EnviStats India 2023 Vol. I: Environment Statistics" என்ற தொகுப்பு, 31.03.2023-ல் வெளியிடப்பட்டது. இது, காற்று மற்றும் நீரின் தரம், கழிவு உற்பத்தி மற்றும் மேலாண்மை, உயிரி பரவல் மற்றும் நிலப் பயன்பாடு, பசுமை இல்ல வாயு வெளியேற்றம், எரிசக்தி நுகர்வு உள்ளிட்ட பல்வேறு வகையான தலைப்புகளில் இடம்பெற்றது. "Envistats India Vol.II: Environment Accounts" என்ற தொகுப்பு செப்டம்பர் 29, 2023-ல் வெளியிடப்பட்டது.

************

PKV/SK/KV

(Release ID: 1987679)