সেনিয়র ওফিসিএলশিং অমসুং ঐগী ইমুং-মনুংগী মীওইশিং !

খুরুমজরি !

লক্ষদ্বিপ খুদোংচাবা কয়া পীক থন্না লৈরি। অদুবু নিংতম্বা ফংবদগী লক্ষদ্বিপকী ইনফ্রাস্ত্রকচরদা মীৎয়েং চঙখিদে। জহাজ চৎথোক-চৎশিন অসি লমদম অসিগী থৱায় ওইরবসু হিথাংফমগী ইনফ্রাস্ত্রকচর য়াম্না শোৎথরি। লাইরিক-লাইশু, হকশেল, পেত্রোল অমসুং দিজলগী খুদোংচাবা নিংথিনা ফংদ্রি। হৌজিক কেন্দ্র সরকারনা রাজ্য অসিগী চাউখৎ-থৌরাংগী থবক পায়খৎপা হৌরে। হায়রিবা খুদোংচাদবা খুদিংমক ঐখোয়গী সরকারনা কোকহনগনি। কবারাত্তি অমসুং মিনিকোই ইথৎতা লক্ষদ্বিপকী অহানবা পি.ও.এল ব্লক স্তোরেজ ফেসিলিতি শেমগৎলে। হৌজিক মফম অসিদা হিরম কয়াদা অনৌবা থবক ফংনবগী খুদোংচাবা কয়া পীরে।

ইন্দে কুদুম্বা-অঙ্গান্দে,

হৌখিবা চহি ১০দা অগাত্তিদা চাউখৎ-থৌরাংগী প্রোজেক কয়া লোইশিল্লে অমসুং মরুওইনা ঙামীশিংগী মতমগা চুনবা খুদোংচাবা কয়া শেমগৎলে। হৌজিক অগাত্তিদা এয়রপোর্ত অমা অমসুং আইস প্লান্ত অমা লৈরে। মসিনা মরম ওইদুনা, সিফুদ মপান্দা থাদোকপা অমসুং   সিফুদ শেম-শাবগা মরী লৈনবা হিরমদা খুদোংচাবা কয়া ফংলে। লক্ষদ্বিপতগী তুনা মপান্দা থাদোকপা হৌরকপা অসিনা লক্ষদ্বিপকী ঙামীশিংগী শেন্থোক হেনগৎহন্নবা লম্বী শেম্লে।

ইন্দে কুদুম্বা-অঙ্গান্দে,

প্রধান মন্ত্রীনা হায়খি লক্ষদ্বিপ দরকার ওইবা ইলেক্ত্রিসিতি অমসুং অতোপ্পা ইনর্জি ফংবা ঙম্নবা সোলার প্লান্ত অমা অমসুং এভিএসন ফুয়েল দিপো অমা মফম অসিদা শেমগৎলে। অগাত্তি ইথৎ শীনবা থুংনা চাদা ১০০ তোতি ঈশিং ফংলে হায়বা ঐ খঙলে অমসুং লায়রবশিংদা য়ুম, তোইলেত, মৈ অমসুং চাক থোংনা গ্যাস ফংহন্নবা সরকারনা থবক পায়খৎলে। কনাগুম্বা মীওই অমতা অসিগুম্বা খুদোংচাবশিং ফংদবা তৌরোইদবনি। অগাত্তি য়াওনা লক্ষদ্বিপ শীনবা থুংনা চাউখৎনবা ভারত সরকারনা থবক পায়খৎলে। হয়েং ঐনা লক্ষদ্বিপকী মীয়ামগীদমক কাবারাত্তিদা চাউখৎ-থৌরাংগী প্রোজেকশিং হৌদোক্কনি।

হায়রিবা প্রোজেকশিং অসিনা লক্ষদ্বিপতা ইন্তরনেত য়াংখৎহনগনি। মফম অসিগী তুরিজমগী সেক্তরশু ফগৎহনগনি। অদোমগা লোয়ননা ঐ লক্ষদ্বিপতা অহিং লেক্কনি। ঐনা হয়েং অয়ুক অদোমগা লোয়ননা অমুক হন্না উনগনি, ঐনা লক্ষদ্বিপকী মীয়ামদা ৱা ঙাংগনি। ঐ তরাম্না ওক্নবগীদমক মশিং য়াম্না লাকপগীদমক ঐনা অদোম থাগৎচরি।

*****