سینئر افسران اور میرے پریوار جنوں!

نمسکارم!

لکشدیپ بہت سے امکانات سے بھرا ہوا ہے۔ لیکن آزادی کے بعد طویل عرصے تک لکشدیپ کے بنیادی ڈھانچے پر زیادہ توجہ نہیں دی گئی۔ اگرچہ شپنگ یہاں لائف لائن رہی ہے۔ لیکن یہاں بندرگاہ کا بنیادی ڈھانچہ بھی کمزور ہی رہا۔ تعلیم ہو، صحت ہو، یہاں تک کہ  پیٹرول اور ڈیزل کے لیے بھی کافی پریشانی کا سامنا کرنا پڑتا تھا۔ ان سب چنوتیوں کو ہماری حکومت اب دور کر  رہی ہے۔ لکشدیپ کی پہلی پی او ایل بلک اسٹوریج کی سہولت کورَتّی اور منیکوئے جزیرے میں بنائی گئی ہے۔ اب یہاں کئی شعبوں میں روزگار کے نئے مواقع پیدا ہو رہے ہیں۔

اینڈے کڈمب- آنگنڈے،

اگتی میں گزشتہ ایک  دہائی کے دوران کئی ترقیاتی منصوبے مکمل کیے گئے ہیں۔ ہم نے یہاں خاص طور پر اپنے ماہی گیر دوستوں کے لیے جدید سہولیات پیدا کی ہیں۔ اب اگتی کے پاس ہوائی اڈے کے ساتھ ساتھ آئس پلانٹ بھی موجود  ہے۔ جس کی وجہ سے سی فوڈ ایکسپورٹ اور سی فوڈ پروسیسنگ سے متعلق شعبے کے لیے یہاں  نئے امکانات پیدا ہو رہے ہیں۔ اب یہاں سے ٹونا مچھلی بھی برآمد ہونے لگی ہے۔ اس سے لکشدیپ کے ماہی گیر ساتھیوں  کی آمدنی میں اضافہ کی راہ بھی ہموار ہوئی ہے۔

اینڈے کڈمب- آنگنڈے،

بجلی اور توانائی کی دیگر ضروریات کو پورا کرنے کے لیے یہاں ایک بڑا سولر پلانٹ اور ایوی ایشن فیول ڈپو بھی بنایا گیا ہے۔ اس سے بھی آپ کو کافی سہولت ملی ہے۔ مجھے بتایا گیا ہے کہ اگتی جزیرے کے تمام گھروں میں نل کے پانی کی سہولت بھی دستیاب ہے۔ حکومت کی کوشش ہے کہ غریبوں کے پاس مکان، بیت الخلاء، بجلی، گیس ہو اور کوئی بھی ایسی سہولتوں سے محروم نہ رہے۔ حکومت ہند اگتی سمیت پورے لکشدیپ کی ترقی کے لیے پورے عزم کے ساتھ کام کر رہی ہے۔ میں کل کوَرتّی میں لکشدیپ کے آپ سبھی ساتھیوں کو ایسی بہت سی ترقیاتی اسکیمیں حوالے کرنے جا رہا ہوں۔ یہ اسکیمیں  لکشدیپ میں انٹرنیٹ کی رسائی کو بہتر بنائیں گی۔ یہاں کے سیاحت کے شعبے کو کافی طاقت ملے گی۔ میں آج رات لکشدیپ میں آپ کے درمیان آرام بھی کرنے جا رہا ہوں۔ کل صبح دوبارہ آپ سب سے ملاقات ہوگی، لکشدیپ کے لوگوں سے بات چیت ہوگی۔ اتنی بڑی تعداد میں میرے استقبال  اور عزّت افزائی کے لیے آنے کے لیے میں آپ کا بہت بہت شکریہ ادا کرتا ہوں۔

************

ش ح۔ ا ک ۔  ر ب

 (U: 3189)