سٹرک ٹرانسپورٹ اور شاہراہوں کی وزارت
این ایچ اے آئی نے دھند کی وجہ سے مرئیت میں کمی کو روکنے کے لیے سڑک کے تحفظ سے متعلق اقدامات کیے
Posted On:
30 DEC 2023 3:02PM by PIB Delhi
سردیوں کے موسم کے آغاز کی وجہ سے قومی شاہراہوں پر کم مرئیت سے نمٹنے کے لیے این ایچ اے آئی کے چیئرمین جناب سنتوش کمار یادو نے این ایچ اے آئی کے علاقائی دفاتر کو مختلف تخفیف کے اقدامات کرنے کی ہدایت دی ہے۔ قومی شاہراہوں کے صارفین کی حفاظت کے لیے دھند کی وجہ سے مرئیت میں کمی کے ساتھ، یہ اقدامات شاہراہوں کااستعمال کرنے والوں کی حفاظت کو خطرے میں ڈالنے والے ممکنہ حادثات سے بچنے میں مدد کریں گے۔
دھند کے موسم میں سڑک کی حفاظت کو بڑھانے کے لیے، دو عنوان کے تحت تخفیف کے اقدامات کو انجینئرنگ کے اقدامات اور حفاظتی آگاہی کے اقدامات کی درجہ بندی کی گئی ہے۔ 'انجینئرنگ کے اقدامات' میں گمشدہ/ خراب شدہ سڑک کے نشانات کی دوبارہ تنصیب ، دھندلا یا نامناسب فرش کے نشانات کو درست کرنا، عکاس مارکر، میڈین مارکر وغیرہ فراہم کرکے حفاظتی آلات کی نمائش کو بڑھانا، رہائش گاہوں اور حادثاتی مقامات پر ٹرانسورس بار مارکنگ فراہم کرنا، زیر تعمیر علاقوں اور خطرناک مقامات پر درمیانی سوراخوں پر بلنکر، ڈائیورجن اور ضم ہونے والے مقامات پر نقصان دہ خطرے کے نشانات کی تبدیلی کو یقینی بنانا شامل ہیں۔
اسی طرح، 'حفاظتی آگاہی' کے اقدامات میں شاہراہوں کا استعمال کرنے والوں کو کم بصارت والے حالات سے آگاہ کرنے کے لیے اقدامات کو شامل کیا گیا ہے۔ ان اقدامات میں ویری ایبل میسج سائنز (وی ایم ایس) یا 'دھند بھرے موسم کے انتباہات' کی نمائش کے لیے الیکٹرانک اشارے کا استعمال اور رفتار کی حد کے پیغامات کو ظاہر کرنے کے لیے شامل ہے۔ پبلک ایڈریس سسٹم کا استعمال مسافروں کو دھند والے علاقوں میں 30 کلومیٹر فی گھنٹہ کی رفتار کی حد کے بارے میں آگاہ کرنا ہے۔ ٹول پلازوں پر عوامی خدمت کے اعلانات کے لیے الیکٹرانک بل بورڈ، ریڈیو اور سوشل میڈیا کا استعمال، دھند کے موسم میں راستے کی سہولیات اور شاہراہوں پر گاڑیوں کی پوری چوڑائی پر عکاس ٹیپ کی تنصیب وغیرہ شامل ہے۔
رہنما خطوط این ایچ اے آئی کے اہلکاروں کوشاہراہوں کا استعمال کرنے والوں میں بلنکر استعمال کرنے اور ٹریفک قوانین پر عمل کرنے کے لیے بیداری پیدا کرنے کی بھی ترغیب دیتے ہیں۔ اس کے علاوہ ٹول پلازہ سے گزرنے والے مسافروں میں حفاظتی آگاہی سے متعلق کتابچے بھی تقسیم کیے جائیں گے جن میں رابطہ نمبر کے ساتھ دھند کے حالات کے بارے میں معلومات شیئر کی جا ئیں گی اور حادثات کی صورت میں مدد کی جا ئے گی۔
علاوہ ازیں ، این ایچ اے آئی کے علاقائی دفاتر کو ہدایت کی گئی ہے کہ وہ این ایچ اے آئی کے عہدیداروں، آزاد انجینئروں ، کنسیشنیئر/ٹھیکیدار پر مشتمل ٹیم کے ذریعہ ہفتہ وار بنیادوں پر رات کے وقت شاہراہوں کا معائنہ کریں تاکہ شاہراہوں پر مرئیت کا اندازہ لگایا جا سکے اور ضرورت کے مطابق اضافی پروویژنس لگانے کے لیے مقامات کی نشاندہی کی جا سکے۔ اس کے علاوہ، ہائی وے پٹرولنگ گاڑیاں بھی گھنے دھند والے علاقوں کے قریب کھڑی کی جائیں گی۔ ہائی وے آپریشن اور انتظامات کرنے والی ٹیم حادثے کی صورت میں ٹریفک کی رہنمائی کے لیے سرخ/سبزبلنکر ڈنڈا لے کر جائے گی اور مقامی قانون نافذ کرنے والے اداروں، ایمبولینس سروسز، اور میونسپل حکام کے ساتھ تعاون قائم کرے گی۔ این ایچ اے آئی ٹیم دھند سے متعلق ہنگامی حالات کے دوران موثر تال میل کو یقینی بنانے کے لیے مشترکہ مشقیں بھی کرے گی۔
این ایچ اے آئی سردیوں کے موسم میں قومی شاہراہوں پر سفر کے خطرات کو کم کرنے اور قومی شاہراہوں کا استعمال کرنے والوں کے لیے ایک محفوظ اور بغیر کسی رکاوٹ کے سفر کے تجربے کو یقینی بنانے کے لیے تمام ضروری اقدامات کرنے کے لیے پرعزم ہے۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ت ع(
3114
(Release ID: 1991759)
Visitor Counter : 116