খুরুমজরি,

ভিকসিৎ ভারত সঙ্কল্প য়াত্রাগা ইরৈবাকচাশিংবু শম্নহনবগী কেম্পেন অসি লেপ্পা লৈতনা পাকথোক চাউথোরক্লি, মনুং হঞ্জিনবা খুঙ্গংশিং শম্নহল্লি অমসুং লায়রবশিংগী খ্বাইদগী লায়রবশিং শম্নহল্লি। খুঙ্গংগী নহারোল, নুপী, সিনিয়র সিতিজেনশিং ওইরবসু ঙসি মীপুম খুদিংমক্না মোদীগী গারী ঙাইরি অমসুং মোদীগী গারীগী প্রোগ্রামগীদমক শেম-শারি। অমসুং মসিনা মরম ওইরগা ঐহাক্না ইরৈবাকচা পুম্নমক্তা, মরু ওইনা ইমাশিং অমসুং ইচে-ইচলশিংদা কেম্পেন অসি চাউনা মাইপাকহনবগীদমক তৌবীমল খঙবা উৎচরি। মসিদা য়ুবা শক্তি য়াওরি, মসিদা য়ুবা শক্তি য়াওরি। নহারোল পুম্নমকপু প্রোগ্রাম অসি মাইপাকহনবগীদমক থাগৎচরি। মফম খরদা লৌমীশিংনা লৌবুক্তা থবক তৌদুনা লৈ অদুবু গারী অসিনা মখোয়গী মনাক্তা লাকপদা মখোয়না পুং মরি-মঙা লৌউ-শিংউগী থবক অদু থাদোক্তুনা লাকখি অমসুং প্রোগ্রাম অসি য়াওখি। অমরোমদা খুঙ্গং খুদিংমক্তা চাউখৎ-থৌরাংগী অচৌবা কুহ্মৈ অমা পাঙথোক্লি।

ভিকাস ভারত সঙ্কল্প য়াত্রা হৌখিবা নুমিৎ 50 ফাওবা শুদ্রি, অদধবু খোঙচৎ অসিনা খুঙ্গং লাখ কয়া য়ৌশিনবা ঙমখ্রে। মসিমক রেকোর্দ অমা ওইরি। ভিকাস ভারত সঙ্কল্প য়াত্রাগী পান্দম অসি মরম খরদগী ভারত সরকারগী স্কিমশিং ফংদনা লৈরিবা  মীওইশিংদা য়ৌশিনবনি। করিগুম্বদা মীয়াম্না খল্লি খুঙ্গংদা মীওই অনি উনবা মতমদা মখোয়না খঙনা চানবা লৈরমগনি, শেল পীরবা য়াগনি খন্নৈ। মরম অসিনা গারী অসিগা লোয়ননা ঐহাক্না খুঙ্গং অমদগী খুঙ্গং অমদা চৎতুনা মীয়ামদা মসিদা শেল চাবগী থবক লৈতে হায়জনীংই; মসিদা নেপোতিজম লৈতে; মসিদা মরী লৈতে। মসিদা পুকচেল শেংনা অমসুং কত্থোকপগা লোয়ননা থবক তৌরি। ফংহৌদবা মীওইশিং অদু থীদুনা ঐহাক্না নখোয়গী খুঙ্গংশিংদা লাক্লি। হেক খঙবগা ঐহাক্না গরেন্তীগা লোয়ননা তুংদা লাক্কদবা মতমশিংদা মখোয়দা য়ৌশিননবা চৎকনি। য়ুম লৈতবা মীওইনা য়ুম ফংগনি। গ্যাস ফংবদা মীওইনা গ্যাস ফংগনি। আয়ুশ্মান কার্দ পাইদবা মীওইনা আয়ুশ্মান কার্দ পাইগনি। নখোয়গী য়াইফনবা চত্থরিবা স্কিমশিং অসিনা নখোয়দা য়ৌরক্লগনি। মরম অসিনা লৈবাক অসিদা কন্না থবক পাইখৎলি।

ঐগী ইচিল-ইনাওশিং,

মমাংদা খোঙচৎ অসি য়াওনবা ঐহাক্না খুদোংচাবা ফংবা খুদিংদা ঐহাক্না ৱাফম অমা শোইদনা ফোঙদোকখি। লৈবাক অসিগী লায়রবা, ঐখোয়গী লৌমী ইচিল-ইনাওশিং অমসুং ইচে-ইচলশিং, ঐখোয়গী নহারোল, ঐখোয়গী নুপীশিংনা থাজবগা লোয়ননা মখোয়গী ৱাখল্লোনশিং থমখিবগী মওং অসি তাবা মতমদা ঐহাক ইশামক থাজবনা থনখি। মখোয়না ফাওরিবা অদু তাবা মতমদা অঙকপা পোকখি! লৈবাক অসিদা অঙকপা শক্তি লৈ, মসিদা শক্তিনা থল্লি। মীওইশিং অসিনা লৈবাক অসি শেম্মি। মসিগী এক্সপরিয়েন্স অসি অঙকপনি। লৈবাক শিনবা থুংবদা বেনিফিসরী খুদিংমক্কী ৱারী অসি থৌনা, অপেনবা পোকপনি থল্লি অমসুং মসিগা লোয়ননা হৌখিবা চহি 10 অসিদা মখোয়গী পুন্সিদা থোকখিবা অহোংবশিংগী মঙলানশিংনা থনখি। অমসুং নুংঙাইরিবদি মখোয়না লৈবাক্কা লোয়ননা মখোয়গী খোঙচৎ অদু শিয়র তৌবা পাম্মি। মীকুপ খরগী মমাংদা ঐহাক্না ৱারী শাবগী খুদোংচাবা ফংখি, ঐহাক্না খঙখি মদুদি নখোয়না ফোঙদোক্কদবা ৱাৱফম কয়া লৈ, নখোয়দা অফবা এক্সপরিয়েন্সশিং লৈরমগনি।

ঐগী ইমুং-মনুংশিং,

ঙসি লৈবাক্কী বেনিফিসরী করোর কয়ানা সরকারগী স্কিমশিং মাংদা পুখৎনবা মেদিয়ম ওইরি। মখোয়না মতম চুপ্পগী ওইবা য়ুম, মৈ, ঈশিং, গ্যাস, অনা লায়েং, মহৈ-শিং ফংবা খক্তা নত্তনা পুম্নমক ফংলি, হৌজিক্তি তৌনীংঙাই লৈত্রে। মখোয়না মতেং অসি ফংলবা মতুংদা লেপ্পা নত্তে, মসিনা ঐগীদমক নুংঙাইবা ৱাফম অমা ওইরি। মখোয়না মসিদগী অনৌবা শক্তি অমা ফংলি, অমসুং মখোয়গী তুংলমচৎ ফগৎহন্নবা থবক কন্না তৌরি। মসিমক য়াম্না নুংঙাইবা ৱাফম অমা ওইরি। তশেংবদি মসি মোদীগী গরেন্তীগী নুংদা লৈরিবা খ্বাইদগী চাউবা পান্দম অদুনি। অমসুং মসি ঐগী ইমিৎ অসিনা মপুং ফাবা উবা ফংবা মতমদা ঐঙোন্দা নুংঙাইবা ফাওখি, অপেনবা পোকখি, ঐগী পুন্সিগী অৱাবা পুম্নমক মাংখি।  অমসুং মসিগী নুংঙাইবা অসিনা চাউখৎপা ভারত অমা ওইহন্নবগী শক্তিসু ওইরি।

মরুপশিং,

মোদীগী গরেন্তীগী লাকপা মফম খুদিংমক্তা মীয়ামগী থাজবা হেনগৎলক্লি অমসুং মীয়ামগী অনীংবশিং থুংহল্লি। খোঙচৎ অসি হৌখিবদগী অনৌবা বেনিফিসরী লাখ 4.5না উজ্জ্বলা গ্যাস কন্নেক্সনগীদমক এপ্লাই তৌরকখি। ঐহাক্না মঙোন্দা –করম্না লাকখিবনো হায়না হংবা মতমদা মহাক্না হায়খি, ‘ইমুং অসি চাউখৎলক্লে, ইচানুপানা তোখাইনা লৈখ্রে, অনৌবা য়ুম অমা শাখ্রে, অনৌবা ইমুং অমা লৈরে মরম অসিনা মহাক্না স্তোব মথৌ তারে। ফরে মদুদি মীপুম খুদিংমক মাংদা চংশিল্লি হায়বগী অফবা খুদম অমনি হায়না ঐহাক্না ফোঙদোকখি।

য়াত্রা মনুংদা, ওন দি স্পোৎ আয়ুশ্মান কার্দ করোর অমা পীখি। অহানবা ওইনা লৈবাক শিনবা থুংবদা হেল্থ চেকঅপ পাঙথোক্লি। মীওই করোর 1.25 গী হেল্থ চেকঅপ পাঙথোকখ্রে। TBগা মরী লৈনবা তেস্ত মীওই লাখ 70দা পাঙথোকখ্রে। মীওই লাখ 15 সিক্কল সেল এনেমিয়াগীদমক স্ক্রীন তৌখি। অমসুং হৌজিক মতম অসিদা আয়ুশ্মান ভারত কার্দকা লোয়ননা ABHA কার্দশিংসু খোঙজেল য়াংনা শেম্মি। মীয়াম্না আধার কার্দকী মরমদা খঙলবদু অভা কার্দকী মরমদা খঙবা ৱাৎলি।

অভা কার্দ হায়বদি আয়ুশ্মান ভারত হেল্থ একাউন্ত অসিগী কান্নবা কয়া লৈ। মসিদা মেদিকেল রিপোর্তশিং, মেদিসিন স্লিপশিং, ব্লদ গ্রুপকী মরমদা, দোক্তর অদু কনানো, পুম্নমক অসি রেকোর্দ তৌদুনা পুন্না থম্মি। মসিদি চহি কয়াগী মতুংদা ফাওবা করিগুম্বা অদোম্না দোক্তর অমদা চৎপা মতমদা মমাংগী মরমদা হংলকপদা পুম্নমক মসিদগী ফংগনি। মেদিকেল হিস্তরী থীনবগী অৱাবা লৈররোই। মসিনা তাকপদি অদোম্না নারকপদা তানরিবা দোক্তর, তৌখিবা তেস্তশিং, চাখিবা হীদাক-লাংথক, পুম্নমক অদু দোক্তরনা লাইনা খঙবা ঙম্লগনি। মসিনা লৈবাক পুম্বদা হকশেলগী মরমদা অনৌবা এৱের্নেস অমা পীরগনি।

মরুপশিং,

ঙসি মরুপ কয়ানা মোদীগী গরেন্তীগী গারীদগী কান্নবশিং ফংলি। মরুপশিং অসিদগী কয়ানদি মখোয় অসি সরকারগী স্কিমগী কান্নবা লৌবা য়াই হায়বা ফাওবা খঙলমলোই। মখোয়গী হান্নগী হৈনবীশিংনা মরম ওইরগা মখোয়না খঙনা চানবা অমত্তা লৈতে মখোয়না করম তৌগনি হায়না খল্লমগনি। হে, মোদী অসি নখোয়গী ইমুং মনুংনি, কনাগুম্বা অমা খঙনবগী মথৌ তাদে। নখোয় অসি ঐগী ইমুংগী মীওইনি। ফীভম অসি চহি 10গী মমাংদা ওইরম্বা তারবদি মরুপ কয়ানা সরকারগী লোইশঙশিংদা চৎপদা থাজবা মাংলমদবা য়াই।

ঐহাক্না মীয়ামগী মীহুৎশিং অমসুং গ্রাম পঞ্চায়ৎ অমসুং অতৈ লোকেল বোদীশিংগী কর্মচারীদা হায়জগে মদুদি মখোয়দা অচৌবা থৌদাং অমা লৈ। নখোয়না খুঙ্গংশিং, ৱার্দশিং, সহরশিং, লৈকাইদা লায়রবা মীওইশিং থমোয় শেংনা মশক খঙদোকউ। মরুপ কয়া কয়াদা মোদীগী গরেন্তীগী গারীনা য়ৌহন্নবা অমসুং ওন দি স্পোৎ স্কিমশিং য়াওহন্নবা, মখোয়গা শম্নহন্নবা অমসুং মখোয়দা কান্নবশিং শোইদনা ফংহন্নবা খোঙথাংশিং লৌখৎপীয়ু।

খুদম ওইনা হৌখিবা চহি 4 অসিদা তোতি ঈশিংনা অনৌবা খুঙ্গংগী ইমুং করোর 11 হেনবদা য়ৌখি। তোতি ঈশিং য়ৌরক্লে হায়না মসিদা লোইবা নত্তে। হৌজিক ঐখোয়না নীংথিনা ৱাতর মেনেজমেন্ত তৌবা, ঈশিংগী ক্বালিতী, অতোপ্পা সমস্যাশিংদা মীৎয়েং চংগনি। মসিগী থৌদাং ঐঙোন্দসু লৈ অমসুং খুঞ্জাশিংগী মতেংগা লোয়ননা মসিগী মাইপাকপা ঐহাক্না উবা ফংলি অমসুং খুঞ্জাশিংনা থৌদাং অসি লৌরবা মতমদা সরকারনসু ৱাখল ৱানীংঙাই ওইদে হায়বা ঐহাক্না উবা ফংখি। মরম অসিনা ঐখোয়না চেকশিনবা তাই অমসুং খুঙ্গংশিংদা ৱাতর কম্মিতি শেম্বগী থবক খোঙজেল য়াংনা পাইখৎতুনা ঐবু মতেং পাংবীয়ু।

মরুপশিং,

খুঙ্গংগী শেন্মীৎলোন্দা শাহৌ পীনবা ভারত সরকারনা খুঙ্গংশিংদা নুপীশিংদা মশানা মশাদা থবক পীজনবা অচৌবা কেম্পেন অমা চত্থরি। হৌখিবা চহিসিংদা ইচল-ইচে, ইচানুপী অমসুং দিদি করোর 10না সেল্ফ-হেল্প গ্রুপশিং শেমখি। বেঙ্কশিংগী খুত্থাংদা ইচে-ইচলশিং অমসুং ইচানুপীশিংদা লুপা করোর লাখ তরেৎ মখাই পীখি… নখোয়না মশিং অসি পাউচেদা থেংনরম্লোই…. লৈবাক অসিদা লৈরিবা সেল্ফ-হেল্প গ্রুপশিংগী দিদিশিংনা বেঙ্কশিংগী খুত্থাংদা মখোয়গী মখুৎতা লুপা করোর লাখ তরেৎ মখাই ফংখি, মতেং ফংলবদি অচৌবা অওনবগী থবক অমা তৌরি। সেল্ফ-হেল্প গ্রুপশিংদগী নুপী করোর কয়ানা কেম্পেন অসিগী খুত্থাংদা মাংদা থোরক্লি অমসুং ঐহাক্না হায়খ্রে, ঐগী পান্দম অসি লৈবাক অসিদা লৈরিবা নুপী করোর অনিবু লাখপতি ওইহনবনি। অমসুং কেম্পেন অসিগী খুত্থাংদা মসি ঐগী সেল্ফ-হেল্প গ্রুপকী ইচে-ইচলশিংগীদমক তৌনীংই। নখোয়না মাংদা থোরক্লিবা মখৈ কেম্পেন অসি পাকথোক চাউথোকপা ঙমগনি অমসুং নখোয়না কন্না হোৎনরিবা মখৈ ঐখোয়না করোর 2 লাখপতি দিদি ওইহনবগী পান্দম অসি লাইনা থুংহনবা ঙমগনি। কেম্পেন অসি ভিকাস ভারত সঙ্কল্প য়াত্রাগা লোয়ননা হেন্না খোঙজেল য়াংশিল্লি।

মরুপশিং,

সরকারনা লৌউ-শিংউদা তেক্নোলোজী প্রমোৎ তৌনবা অনৌবা অচৌবা কেম্পেন অমা হৌদোকখি অমসুং সেল্ফ-হেল্প গ্রুপশিংগী খুত্থাংদা ইচে-ইচলশিং অমসুং ইচানুপীশিংবু শক্তি পীরি। অমসুং মসিগা লোয়ননা মোদীগী কারীগী অচৌবা পুক্নিং চীংশিন্নিংঙাই ওইবা অমসু লৈরি। অমসুং মদু করিনো – নমো দ্রোন দিদি। মীওই খরনা মসি নমো দিদি হায়নসু কৌই। নমো দ্রোন দিদি স্কিম অসি হৌখ্রে। মসিগী মখাদা দ্রোন লিশিং 15 অহানবগী তাঙ্কক্তা সেল্ফ-হেল্প গ্রুপশিংগা মরী লৈনবা দিদিশিংদা পীথরগনি। নুপীশিংনা মখুৎতা দ্রোন পাইরগনি, হৌজিক কনা অমত্তনা ত্রেক্তর হংলরোই। নমো দ্রোন দিদিশিংগী ত্রেনিংশিং হোখ্রে। কেম্পেন অসিনা মরম ওইদুনা সেল্ফ-হেল্প গ্রুপশিংগী ইনকম অসিসু হেনগৎলগনি, খুঙ্গংগী ইচে-ইচলশিংনা অনৌবা থাজবা ফংলগনি অমসুং মসিনা ঐখোয়গী লৌমীশিংদসু মতেং পাংলগনি।

ঐগী ইমুং-মনুংশিং,

হৌজিক মতম অসিদা অপীকপা লৌমীশিংগীদমক লৈবাক পুম্বদা অচৌবা কেম্পেন অমা চত্থরি। ঐখোয়গী লৌমী অয়াম্বদা লম য়াম্না পীক্না লৈ। ঐখোয়গী লৌমীশিংগী চাদা 80-85গী লম একর অমা নত্ত্রগা অনি খক্তা লৈজৈ। অসিগুম্বা ফীভমদা লৌমী কয়া কয়ানা গ্রুপ অমদা পুনশিনবা মতমদা মখোয়গী শক্তি হেনগৎলক্কনি। মরম অসিনা ফার্মর প্রদ্যুর্স এসোসিএসনশিং অসি শেম্মি। PACS অমসুং অতোপ্পা কোওপরেতিব ভেঞ্চরশিং খুঙ্গংশিংদা মপাঙ্গল কনখৎহনখি।

কোওপরেসনশিংনা ভারতকী খুঙ্গংগী পুন্দিদা অচৌবা শক্তি অমা ওইহনবা হায়বা অসি ঐখোয়গী খোঙথাংনি। ঙসি ফাওবদা ঐখোয়না শঙ্গোম অমসুং চুগী সেক্তরদা কোওপরেসনগী কান্নবশিং উবা ফংখ্রে। হৌজিক মসি লৌউ-শিংউ অমসুং ঙা পুথোকপগী সেক্তরগুম্বা অতোপ্পা লমশিংদা পাকথোক চাউথোকহল্লি। ঐখোয়না তুংদা খুঙ্গং লাখ 2দা অনৌবা PACS শেম্নবা পান্দমগা লোয়ননা মাংদা চংশিল্লি। দাইরীগা মরী লৈনবা কোওপরেতিবশিং লৈতবা মফমদা মসি পাকথোক চাউথোকহল্লি। অদুনা ঐখোয়গী শা-শন লৌরিবা লৌমীশিংনা শঙ্গোমগী মমল নীংথিনা ফংবা ঙমগনি।

মরুপশিং,

ঐখোয়গী খুঙ্গংশিংদা লৈরিবা অতোপ্পা সমস্যা অসি স্তোরেজ ফেসিলিতীশিংগী অৱাৎপা লৈরিবা অসিনি। মসিনা মরম ওইরগা অপীকপা লৌমীশিংনা মখোয়গী পোত্থোক নমদুনা য়োনবা তারি। মসিনা মরম ওইরগা কয়ারক হন্না মখোয়গী পোত্থোক্কী মতিক চাবা মমল ফংবা ঙমখিদে। মসিগী চৈথেং অসিদগী অপীকপা লৌমীশিংবু কোকহন্নবা লৈবাক শিনবা  থুংবদা অচৌবা স্তোরেজ কেপাসিতী শারি। স্তোরেজ করোর কয়া কয়া শাখি। মসিগী থৌদাং PACSগুম্বা ফার্মর্স কোওপরেতিব ইন্সতিত্যুসনশিংদা পুহল্লি।

ফুদ প্রোসেসিং সেক্তরদা মাইক্রো ইন্দস্ত্রীজ লাখ 2 হেন্না মপাঙ্গল কনখৎহন্নবা খোঙথাংশিংসু পাইখৎলি। নখোয়না ৱান দিস্ত্রিক্ত, ৱান প্রদক্ত কেম্পেনগী মরমদসু তারমলগনি। মসিগী পান্দমদি ঐখোয়না জিলা খুদিংমক্কী মমিং লৈবা পোত্থোক য়ামদ্রবদা অমতং ওইরবসু মালেমগী কৈথেলদা য়ৌহনবনি। মসিনা খুঙ্গং খুদিংমকপু শেন্মীৎলোন্দা মীপাল তাংদবা ওইহনবদা অচৌবা থৌদাং লৌবা য়াগনি।

ঐগী ইমুং-মনুংশিং,

ভিকাস ভারত সঙ্কল্প য়াত্রা মনুংদা, ঐখোয়না ৱাফম অমা খঙজিনবা তাই। ভোকেল ফোর লোকেলগী পাউজেল অসি খুঙ্গং অমসুং লৈরক-খুলক খুদিংমক্তা শন্দোক্কদবনি। হৌজিক ঐখোয়না কোতাদা লৈবা ঐখোয়গী ইচল অমদগী তাবা ফংখ্রে, মতুংদা দেৱসতগী রুবিকাজীদগী তাবা ফংখ্রে, মখোয়না ভোকেল ফোর লোকেলগী মরমদসু ঙাংখি। ভারতকী লৌমীশিং অমসুং ভারতকী নহারোলগী অৱামন য়াওবা, ভারতকী লৈহাওগী মনম নম্বা পোৎলমশিং খক্তা লৈবা অমসুং থৌগৎকদবনি। য়ুমদা লৈরিবা শান্নপোৎশিং অসি লৈবাক অসিদা শাগদবনি। অঙাংশিংনা ভারত্তা শান্নরিবা শান্নপোৎশিং অসি ভারত্তা শাজবা ওইগদবনি।

ঐঙোন্দা তাকপীরকখি মদুদি ভিকাস য়াত্রানা স্তোলশিং, লোকেল প্রদক্তকী দুকানশিংদা য়ৌশিল্লি অমসুং মসিগা মরী লৈনবা ই-পাউ পীরি। সেল্ফ-হেল্প গ্রুপশিংনা শাবা প্রদক্তশিং অসি মফম অসিদা উৎলি। মখোয়দা GeM পোর্তেলদা রেজিস্তর করম্না তৌগনি হায়বগী মতাংদা সরকারগী কর্মচারীশিংগী খুত্থাংদা ইপাউ পীরি। অসিগুম্বা অপীকপা খোঙথাংশিং অসি খক্তনা খুঙ্গং খুদিংমক্তা, ইমুং খুদিংমক্তা মীয়াম্না মসি য়াওশিনবা ঙমহনগনি, লৈবাক অসিনা অসুম্না চাউখৎপা ভারত অমা ওইনা ওইনবা অচৌবা ফিরেপ অসি থুংহনগনি।

মোদীগী গরেন্তীগী গারীনা অসুম্না মখা তান চৎখিগনি অমসুং মরুপ কয়া কয়াদা য়ৌশিনখিগনি। খোঙচৎ অসিদা অদোম্না হেন্না মাইপাক্লিবা মখৈ, মীওই কয়া কয়াগা কন্নেক্ত তৌরিবা মখৈ মীওই কয়ানা ই-পাউ ফংবা হেনগৎকনি, মীওই কয়ানা ফংফম থোকপা ফংবা ঙমগনি। মসি য়াম্না ফবা খোঙথাং অমনি। অমসুং ঐহাক্না ফংফম থোকপা মীওইদা ফংহনবা অসি ঐহাক্কী অপাম্বনো। অমসুং কন্না থবক কয়া পাইখৎলি, মসিগী খুদোংচাবা নখোয়না লৌবীয়ু। নখোয়না থাজবা থম্মি অমসুং লেপ্পা লৈতনা সপ্পোর্ত পীরিবা অসিনা মরম ওইরগা ঐহাক্না নখোয়গীদমক অনৌবা করিগুম্বা অমা তৌবদা মতম চুপ্পদা নুংঙাইবা পোকই। ঐগী থবক্তা ঐহাক্না পন্দুনা লৈহল্লোই হায়না গরেন্তীসু পীরি। নখোয়গী য়াইফনবা মথৌ তাবা খুদিংমক তৌগনি হায়বা অসি ঐগী গরেন্তী। থাজবা অসিগা লোয়ননা ঐহাক্না য়াইফ-মঙ্গোল পীজরি।

থাগৎচরি!

***