ହର ହର ମହାଦେବ ! ୱଣକମ କାଶୀ   । ୱଣକମ ତାମିଲନାଡୁ  !

ଯେଉଁମାନେ ତାମିଲନାଡୁରୁ ଆସିଛନ୍ତି, ମୁଁ ସେମାନଙ୍କୁ ଏଆଇ ଟେକ୍ନୋଲୋଜି ବ୍ୟବହାର କରି ପ୍ରଥମ ଥର ପାଇଁ ଇୟରଫୋନ୍ ବ୍ୟବହାର କରିବାକୁ ଅନୁରୋଧ କରୁଛି।

ମଞ୍ଚରେ ଉପସ୍ଥିତ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଜୀ, ମୋର କ୍ୟାବିନେଟ୍ ସହଯୋଗୀଗଣ, କାଶୀ ଓ ତାମିଲନାଡୁର ପଣ୍ଡିତ, ତାମିଲନାଡୁରୁ କାଶୀକୁ ଆସିଥିବା ମୋର ଭାଇ ଭଉଣୀମାନେ, ଅନ୍ୟ ସମସ୍ତ ମାନ୍ୟଗଣ୍ୟ ବ୍ୟକ୍ତି, ମହିଳା ଓ ଭଦ୍ରବ୍ୟକ୍ତି! ଆପଣମାନେ ସମସ୍ତେ ଶହ ଶହ କିଲୋମିଟର ଯାତ୍ରା କରି ଏତେ ବହୁ  ସଂଖ୍ୟାରେ କାଶୀ ଆସିଛନ୍ତି । ଆପଣମାନେ ସମସ୍ତେ ଅତିଥି ଅପେକ୍ଷା ମୋ ପରିବାରର ସଦସ୍ୟ ଭାବରେ କାଶୀକୁ ଅଧିକ ଆସିଛନ୍ତି । ମୁଁ କାଶୀ-ତାମିଲ ସଙ୍ଗମମରେ ଆପଣମାନଙ୍କୁ ସ୍ୱାଗତ କରୁଛି ।

ମୋ ପରିବାର ସଦସ୍ୟମାନେ,

ତାମିଲନାଡୁରୁ କାଶୀ ଆସିବା ଅର୍ଥ ମହାଦେବଙ୍କ ଗୋଟିଏ ଘରୁ ଅନ୍ୟ ଘରକୁ ଆସିବା! ତାମିଲନାଡୁରୁ କାଶୀ ଆସିବାର ଅର୍ଥ ହେଉଛି ମଦୁରାଇ ମିନାକ୍ଷୀରୁ କାଶୀ ବିଶାଳାକ୍ଷୀକୁ ଆସିବା । ସେଥିପାଇଁ ତାମିଲନାଡୁବାସୀ ଓ କାଶୀବାସୀଙ୍କ ହୃଦୟରେ ଯେଉଁ ସ୍ନେହ ଓ ବନ୍ଧନ ରହିଛି ତାହା ଭିନ୍ନ ଓ ନିଆରା। ମୁଁ ନିଶ୍ଚିତ ଯେ, କାଶୀବାସୀ ଆପଣସମସ୍ତଙ୍କ ସେବା କରିବାରେ କୌଣସି କସରତ ଛାଡ଼ିବେ ନାହିଁ। ଆପଣ ଏହି ସ୍ଥାନ ଛାଡିବା ପରେ ବାବା ବିଶ୍ୱନାଥଙ୍କ ଆଶୀର୍ବାଦ ବ୍ୟତୀତ କାଶୀର ସ୍ୱାଦ, କାଶୀର ସଂସ୍କୃତି ଏବଂ କାଶୀର ସ୍ମୃତିକୁ ମଧ୍ୟ ସାଙ୍ଗରେ ନେଇଯିବେ । ଆଜି ଆର୍ଟିଫିସିଆଲ ଇଣ୍ଟେଲିଜେନ୍ସ ଜରିଆରେ ଏଠାରେ ଟେକ୍ନୋଲୋଜିର ଏକ ନୂତନ ବ୍ୟବହାର ମଧ୍ୟ ହୋଇଛି । ଏହା ଏକ ନୂତନ ଆରମ୍ଭ ଏବଂ ଆଶା କରୁଛି ଏହା ଆପଣଙ୍କ ପାଇଁ ଏବଂ ମୋ କଥାବୁଝିବା ପାଇଁ ସହଜ କରିଛି |

ଏହା ଠିକ୍ ଅଛି କି? ତାମିଲନାଡୁର ବନ୍ଧୁଗଣ, ଠିକ୍ ଅଛି କି? ଆପଣ ଏହାକୁ ଉପଭୋଗ କରୁଛନ୍ତି କି?  ଏହା ମୋର ପ୍ରଥମ ଅନୁଭୂତି  । ଭବିଷ୍ୟତରେ ମୁଁ ଏହାକୁ ବ୍ୟବହାର କରିବି। ଆପଣଙ୍କୁ ମୋତେ ପ୍ରତିକ୍ରିୟା ଦେବାକୁ ପଡିବ । ଏବେ ସବୁଦିନ ଭଳି ମୁଁ ହିନ୍ଦୀରେ କଥା ବାର୍ତ୍ତା କରୁଛି; ସେ ମୋତେ ତାମିଲରେ ବ୍ୟାଖ୍ୟା କରିବାରେ ସାହାଯ୍ୟ କରିବେ ।

ମୋ ପରିବାର ସଦସ୍ୟମାନେ,

ଆଜି ଏଠାରେ କନ୍ୟାକୁମାରୀ-ବାରାଣାସୀ ତାମିଲ ସଙ୍ଗମମ୍ ଟ୍ରେନ୍ କୁ ସବୁଜ  ପତାକା ଦେଖାଯାଇଛି। ତିରୁକୁରାଲ, ମଣିମେକାଲାଇ ଏବଂ ଅନେକ ତାମିଲ ଗ୍ରନ୍ଥର ଅନୁବାଦକୁ ବିଭିନ୍ନ ଭାଷାରେ ମୁକ୍ତିଲାଭ କରିବାର ସୌଭାଗ୍ୟ ମଧ୍ୟ ପାଇଛି । ଏକଦା କାଶୀର ଛାତ୍ରଥିବା ସୁବ୍ରମଣ୍ୟମ ଭାରତୀ ଜୀ ଲେଖିଥିଲେ “ କାଶୀ ନଗର ପୁଲୱର ପେସୁମ ଓରୋତାମ କାଞ୍ଜିୟଲ କେଟପଦକୁ ଔର କରୱ୍ ସେୱମ ସେ କହିବାକୁ ଚାହୁଁଥିଲେ ଯେ ଯଦି ବ୍ୟବସ୍ଥା କରାଯାଏ ତେବେ ଏହା ଚମତ୍କାର ହେବ ଯେପରି ତାମିଲନାଡୁର କାଞ୍ଚି ସହରର ଲୋକମାନେ କାଶୀରେ ଏହି ମନ୍ତ୍ର ଜପ ହେଉଥିବା ଶୁଣିପାରିବେ । ଆଜି ସୁବ୍ରମଣ୍ୟମ ଭାରତୀଙ୍କ ଇଚ୍ଛା ପୂରଣ ହେଉଛି। କାଶୀ-ତାମିଲ ସଙ୍ଗମମର ସ୍ୱର ସାରା ଦେଶ ତଥା ସମଗ୍ର ବିଶ୍ୱରେ ପହଞ୍ଚୁଛି । ଏହି କାର୍ଯ୍ୟକ୍ରମ ଆୟୋଜନ କରିଥିବାରୁ ମୁଁ ସମସ୍ତ ସଂପୃକ୍ତ ମନ୍ତ୍ରଣାଳୟ, ୟୁପି ସରକାର ଏବଂ ତାମିଲନାଡୁର ସମସ୍ତ ଲୋକଙ୍କୁ ଅଭିନନ୍ଦନ ଜଣାଉଛି ।

ମୋ ପରିବାର ସଦସ୍ୟମାନେ,

ଗତବର୍ଷ କାଶୀ-ତାମିଲ ସଙ୍ଗମମ୍ ଆରମ୍ଭରୁ ଦିନକୁ ଦିନ ଲକ୍ଷ ଲକ୍ଷ ଲୋକ ଏହି ଯାତ୍ରାରେ ସାମିଲ ହେଉଛନ୍ତି। ବିଭିନ୍ନ ମଠର ଧାର୍ମିକ ନେତା, ଛାତ୍ରଛାତ୍ରୀ, ଅନେକ କଳାକାର, ସାହିତ୍ୟିକ, କାରିଗର, ବୃତ୍ତିଜୀବୀ, ବିଭିନ୍ନ କ୍ଷେତ୍ରର ଲୋକମାନେ ଏହି ସଙ୍ଗମମ ମାଧ୍ୟମରେ ପାରସ୍ପରିକ ଯୋଗାଯୋଗ ଏବଂ ଯୋଗାଯୋଗ ପାଇଁ ଏକ ପ୍ରଭାବଶାଳୀ ମଞ୍ଚ ପାଇଛନ୍ତି । ମୁଁ ଖୁସି ଯେ ବନାରସ ହିନ୍ଦୁ ବିଶ୍ୱବିଦ୍ୟାଳୟ ଏବଂ ଆଇଆଇଟି ମାଡ୍ରାସ ମଧ୍ୟ ଏହି ସଙ୍ଗମମକୁ ସଫଳ କରିବା ପାଇଁ ଏକାଠି ହୋଇଛନ୍ତି । ଆଇଆଇଟି ମାଡ୍ରାସ ବନାରସର ହଜାର ହଜାର ଛାତ୍ରଛାତ୍ରୀଙ୍କୁ ବିଜ୍ଞାନ ଏବଂ ଗଣିତରେ ଅନଲାଇନ୍ ସହାୟତା ପ୍ରଦାନ କରିବା ପାଇଁ ବିଦ୍ୟାଶକ୍ତି ପଦକ୍ଷେପ ଆରମ୍ଭ କରିଛି। ଗୋଟିଏ ବର୍ଷ ମଧ୍ୟରେ ନିଆଯାଇଥିବା ଅନେକ ପଦକ୍ଷେପ ପ୍ରମାଣ କରୁଛି ଯେ କାଶୀ ଏବଂ ତାମିଲନାଡୁ ମଧ୍ୟରେ ସମ୍ପର୍କ ଉଭୟ ଭାବନାତ୍ମକ ଏବଂ ସୃଜନଶୀଳ ମଧ୍ୟ ଅଟେ  ।

ମୋ ପରିବାର ସଦସ୍ୟମାନେ,

'କାଶୀ ତାମିଲ ସଙ୍ଗମମ୍' ହେଉଛି ଏଭଳି ଏକ ଅନନ୍ତ ଧାରା ଯାହା 'ଏକ ଭାରତ, ଶ୍ରେଷ୍ଠ ଭାରତ'ର ଭାବନାକୁ କ୍ରମାଗତ ଭାବରେ ସୁଦୃଢ଼ କରୁଛି। ସେହି ଚିନ୍ତାଧାରାରେ କିଛି ସମୟ ତଳେ କାଶୀରେ ଗଙ୍ଗା-ପୁଷ୍କରଲୁ ଉତ୍ସବ ଅର୍ଥାତ୍ କାଶୀ-ତେଲୁଗୁ ସଙ୍ଗମର ମଧ୍ୟ ଆୟୋଜନ କରାଯାଇଥିଲା। ଗୁଜରାଟରେ ସୌରାଷ୍ଟ୍ର-ତାମିଲ ସଙ୍ଗମମ୍ ର ସଫଳ ଆୟୋଜନ ମଧ୍ୟ ହୋଇଥିଲା। ଆମ ରାଜଭବନଗୁଡ଼ିକ ମଧ୍ୟ 'ଏକ ଭାରତ, ଶ୍ରେଷ୍ଠ ଭାରତ' ପାଇଁ ଚମତ୍କାର ପଦକ୍ଷେପ ନେଇଛନ୍ତି। ଏବେ ରାଜଭବନରେ ଅନ୍ୟ ରାଜ୍ୟର ପ୍ରତିଷ୍ଠା ଦିବସ ଧୁମଧାମରେ ପାଳନ କରାଯାଉଛି। ଅନ୍ୟ ରାଜ୍ୟରୁ ଲୋକଙ୍କୁ ନିମନ୍ତ୍ରଣ କରି ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥାଏ। ନୂଆ ସଂସଦ ଭବନରେ ପ୍ରବେଶ କରିବା ପରେ 'ଏକ ଭାରତ, ଶ୍ରେଷ୍ଠ ଭାରତ'ର ଏହି ଭାବନା ମଧ୍ୟ ଦୃଶ୍ୟମାନ ହୋଇଥିଲା। ନୂଆ ସଂସଦ ଭବନରେ ପବିତ୍ର ସେଙ୍ଗୋଲ ସ୍ଥାପନ କରାଯାଇଛି। ଅଧୀନାମର ଋଷିମାନଙ୍କ ମାର୍ଗଦର୍ଶନରେ ଏହି ସେଙ୍ଗୋଲ ୧୯୪୭ ମସିହାରେ କ୍ଷମତା ହସ୍ତାନ୍ତରର ପ୍ରତୀକ ପାଲଟିଥିଲା । 'ଏକ ଭାରତ ଶ୍ରେଷ୍ଠ ଭାରତ'ର ଆତ୍ମାର ଏହି ପ୍ରବାହ ହିଁ ଆଜି ଆମ ଦେଶର ଆତ୍ମାକୁ ସୂଦୃଢ କରୁଛି।

ମୋ ପରିବାର ସଦସ୍ୟମାନେ,

ଆମେ ଭାରତୀୟମାନେ ଏକ ହୋଇଥିଲେ ମଧ୍ୟ ଉପଭାଷା, ଭାଷା, ବେଶ-ଭୂଷା , ଖାଦ୍ୟ, ଜୀବନଶୈଳୀ  ଅନେକ ବିବିଧତାରେ ପରିପୂର୍ଣ୍ଣ । ଭାରତର ଏହି ବିବିଧତା ସେହି ଆଧ୍ୟାତ୍ମିକ ଚେତନାରେ ରହିଛି, ଯେଉଁଥିପାଇଁ ତାମିଲ ଭାଷାରେ କୁହାଯାଇଛି- “ ନିରେଲାମ ଗଙ୍ଗେ, ନୀଳମେ ଲ୍ୟାମ କାଶୀ । ଏହି ବାକ୍ୟ ମହାନ ପଣ୍ଡିତ ରାଜା 'ପରାକ୍ରମ ପାଣ୍ଡିଆନ'ଙ୍କ ଠାରୁ ଆସିଛି। ଏହାର ଅର୍ଥ ହେଉଛି - ସମସ୍ତ ଜଳ ହେଉଛି ଗଙ୍ଗା ଜଳ, ଭାରତର ପ୍ରତ୍ୟେକ ଖଣ୍ଡ ହେଉଛି କାଶୀ ଅଟେ ।

ଯେତେବେଳେ ଆମର ଆଧ୍ୟାତ୍ମିକ କେନ୍ଦ୍ର ଏବଂ କାଶୀ ଉପରେ ଉତ୍ତରର ଆକ୍ରମଣକାରୀମାନେ ଆକ୍ରମଣ କରୁଥିଲେ, ସେତେବେଳେ ରାଜା ପରାକ୍ରମ ପାଣ୍ଡିଆନ୍ ତେନକାସି ଏବଂ ଶିବକାଶୀରେ ମନ୍ଦିର ନିର୍ମାଣ କରି କହିଥିଲେ ଯେ କାଶୀକୁ ନଷ୍ଟ କରାଯାଇପାରିବ ନାହିଁ । ପୃଥିବୀର କୌଣସି ସଭ୍ୟତାକୁ ଦେଖିଲେ ଆଧ୍ୟାତ୍ମିକତାରେ ବିବିଧତାର ଏତେ ସରଳ ଓ ଉତ୍କୃଷ୍ଟ ରୂପ କେଉଁଠି ବି ଦେଖିବାକୁ ମିଳିବ ନାହିଁ। ନିକଟରେ ଜି-୨୦ ଶିଖର ସମ୍ମିଳନୀ ସମୟରେ ଭାରତର ଏହି ବିବିଧତା ଦେଖି ସାରା ବିଶ୍ୱ ଆଶ୍ଚର୍ଯ୍ୟ ହୋଇଯାଇଥିଲା।

ମୋ ପରିବାର ସଦସ୍ୟମାନେ,

ପୃଥିବୀର ଅନ୍ୟ ଦେଶମାନଙ୍କରେ ଗୋଟିଏ ରାଷ୍ଟ୍ରର ଏକ ରାଜନୈତିକ ସଂଜ୍ଞା ଅଛି, କିନ୍ତୁ ଏକ ରାଷ୍ଟ୍ର ଭାବରେ ଭାରତ ଆଧ୍ୟାତ୍ମିକ ବିଶ୍ୱାସକୁ ନେଇ ଗଠିତ । ଆଦି ଶଙ୍କରାଚାର୍ଯ୍ୟ ଓ ରାମାନୁଜାଚାର୍ଯ୍ୟଙ୍କ ଭଳି ଋଷିମାନେ ଭାରତକୁ ଏକାଠି କରିଛନ୍ତି, ଯେଉଁମାନେ ନିଜ ଯାତ୍ରା ମାଧ୍ୟମରେ ଭାରତର ଜାତୀୟ ଚେତନାକୁ ଜାଗ୍ରତ କରିଥିଲେ । ତାମିଲନାଡ଼ୁର ଆଦିନାମ ଋଷିମାନେ ମଧ୍ୟ ଶତାବ୍ଦୀ ଶତାବ୍ଦୀ ଧରି କାଶୀ ଭଳି ଶୈବ ସ୍ଥାନକୁ ଯାତ୍ରା କରି ଆସୁଛନ୍ତି। କୁମାରଗୁରୁପଡ଼ା କାଶୀରେ ମଠ ଓ ମନ୍ଦିର ପ୍ରତିଷ୍ଠା କରିଥିଲେ। ତିରୁପାନନ୍ଦଲ ଆଦିନାମ ଏହି ସ୍ଥାନ ସହିତ ଏତେ ଜଡ଼ିତ ଯେ ଆଜି ବି ଏହାର ନାମରେ 'କାଶୀ' ଯୋଡ଼ି ହୋଇ ରହିଛି। ସେହିପରି 'ପାଡାଲ୍ ପେଟ୍ରା ଥାଲମ୍' ବିଷୟରେ ତାମିଲ ଆଧ୍ୟାତ୍ମିକ ସାହିତ୍ୟରେ କୁହାଯାଇଛି ଯେ, ଯିଏ ଏପରି କରେ, ସେ କେଦାର କିମ୍ବା ଥିରୁକେଧାରାମ୍ ରୁ ତିରୁନେଲଭେଲି କୁ ଯାତ୍ରା କରିଥାଏ । ଏହି ଯାତ୍ରା ଓ ତୀର୍ଥଯାତ୍ରା ମାଧ୍ୟମରେ ଭାରତ ହଜାର ହଜାର ବର୍ଷ ଧରି ଏକ ରାଷ୍ଟ୍ର ଭାବରେ ସ୍ଥିର ଏବଂ ଅମର ରହିଆସିଛି ।

ମୁଁ ଖୁସି ଯେ କାଶୀ ତାମିଲ ସଙ୍ଗମମ୍ ମାଧ୍ୟମରେ ଦେଶର ଯୁବକମାନଙ୍କ ମଧ୍ୟରେ ଏହି ପ୍ରାଚୀନ ପରମ୍ପରା ପ୍ରତି ଉତ୍ସାହ ବୃଦ୍ଧି ପାଇଛି । ତାମିଲନାଡୁରୁ ବହୁ ସଂଖ୍ୟକ ଲୋକ ଓ ଯୁବକ କାଶୀକୁ ଆସୁଛନ୍ତି। ଏଠାରୁ ଆମେ ପ୍ରୟାଗ, ଅଯୋଧ୍ୟା ଏବଂ ଅନ୍ୟାନ୍ୟ ତୀର୍ଥଯାତ୍ରା ମଧ୍ୟ ଯାଉଛୁ । ମୋତେ କୁହାଯାଇଛି ଯେ କାଶୀ-ତାମିଲ ସଙ୍ଗମମକୁ ଆସୁଥିବା ଲୋକଙ୍କ ପାଇଁ ଅଯୋଧ୍ୟା ଦର୍ଶନ ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ରାମେଶ୍ୱରମର ଭିତ୍ତିପ୍ରସ୍ତର ସ୍ଥାପନ କରିଥିବା ଉଭୟ ମହାଦେବ ଓ ଭଗବାନ ରାମଙ୍କ ଦର୍ଶନ ପାଇବା ଅତ୍ୟନ୍ତ ସୌଭାଗ୍ୟର କଥା।

ମୋ ପରିବାର ସଦସ୍ୟମାନେ,

ଆମର ଏଠାରେ କୁହାଯାଇଛି – ଜାନେଂ ବିନୁ ନ ହୋଇ ପରତିତି। ବିନୁ ପରତିତି ହୋଇ ନାହି ପ୍ରୀତି ।।

ଅର୍ଥାତ୍ ଜାଣିବାରେ ବିଶ୍ୱାସ ବଢିଥାଏ ଓ ବିଶ୍ୱାସ ଦ୍ଵାର ପ୍ରେମକୁ ବଢ଼ାଇଥାଏ । ତେଣୁ ପରସ୍ପର ବିଷୟରେ, ପରସ୍ପରର ପରମ୍ପରା ଏବଂ ଆମର ମିଳିତ ଐତିହ୍ୟ ବିଷୟରେ ଜାଣିବା ଜରୁରୀ । ଉତ୍ତର ଓ ଦକ୍ଷିଣରେ କାଶୀ ଓ ମଦୁରାଇର ଉଦାହରଣ ଆମ ପାଖରେ ରହିଛି। ଉଭୟ ମହାନ ମନ୍ଦିରର ସହର ଅଟେ । ଉଭୟ ମହାନ ତୀର୍ଥସ୍ଥଳୀ ଅଟେ । ମଦୁରାଇ ବୈଗାଇ କୂଳରେ ଏବଂ କାଶୀ ଗଙ୍ଗା କୂଳରେ ଅବସ୍ଥିତ । ତାମିଲ ସାହିତ୍ୟରେ ଉଭୟ ବୈଗାଇ ଏବଂ ଗଙ୍ଗା ବିଷୟରେ କୁହାଯାଇଛି । ଯେତେବେଳେ ଆମେ ଏହି ଐତିହ୍ୟ ବିଷୟରେ ଜାଣିଥାଉ, ଆମେ ଆମ ସମ୍ପର୍କର ଗଭୀରତାକୁ ମଧ୍ୟ ଅନୁଭବ କରିଥାଉ |

ମୋ ପରିବାର ସଦସ୍ୟମାନେ,

ମୋର ବିଶ୍ୱାସ ଯେ କାଶୀ-ତାମିଲ ସଙ୍ଗମମର ଏହି ସଙ୍ଗମ ଆମଐତିହ୍ୟକୁ ସୁଦୃଢ଼ କରିବା ସହ 'ଏକ ଭାରତ, ଶ୍ରେଷ୍ଠ ଭାରତ'ର ଭାବନାକୁ ସୁଦୃଢ଼ କରିବ । ମୁଁ ଆପଣମାନଙ୍କୁ କାଶୀରେ ସୁଖଦ ରହଣିର କାମନା କରି ମୋର ଭାଷଣ ଶେଷ କରୁଛି ଏବଂ ଏହା ସହିତ ମୁଁ ତାମିଲନାଡୁର ପ୍ରସିଦ୍ଧ ଗାୟକ ଶ୍ରୀରାମଙ୍କୁ କାଶୀ ଆସି ଆମ ସମସ୍ତଙ୍କୁ ଭାବପ୍ରବଣ କରିଥିବାରୁ ହୃଦୟରୁ ଧନ୍ୟବାଦ ଜଣାଉଛି । ମୁଁ ତାଙ୍କୁ ଅଭିନନ୍ଦନ ଜଣାଉଛି। ଏବଂ କାଶୀବାସୀ ମଧ୍ୟ ତାମିଲ ଗାୟକ ଶ୍ରୀରାମଙ୍କ କଥା ଯେଉଁ ଭକ୍ତିରେ ଶୁଣୁଥିଲେ ସେଥିରେ ଆମର ଏକତାର ଶକ୍ତି ଦେଖୁଥିଲେ । କାଶୀ-ତାମିଲ ସଙ୍ଗମମର ଏହି ନିରନ୍ତର ଯାତ୍ରା ପାଇଁ ମୁଁ ପୁଣି ଥରେ ଶୁଭେଚ୍ଛା ଜଣାଉଛି । ଏବଂ ଆପଣ ସମସ୍ତଙ୍କୁ ବହୁତ ବହୁତ ଧନ୍ୟବାଦ!

ଅସ୍ୱୀକାର: ଏହା ହେଉଛି ପ୍ରଧାନମନ୍ତ୍ରୀଙ୍କ ଭାଷଣର ଆନୁମାନିକ ଅନୁବାଦ । ମୂଳ ଭାଷଣ ହିନ୍ଦୀରେ ଦିଆଯାଇଥିଲା।

******

NS/SLP