প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা ২০২৪ লৌরোক্কী য়ুবী অকংবগী মিনিমম সপোর্ত প্রাইজ অয়াবা পীরে। লৌমীশিংদা চুনবা মমল ফংহন্নবা, ২০১৮-১৯গী কেন্দ্রগী বজেত্তা, ভারত পুম্নমক্কী ওইনা পোৎথোক পুথোকপদা চঙবা শেনফমগী য়ামদ্রবদা শরুক ১.৫গী চাং অমদা মহৈ-মরোংশিংগী মিনিমম সপোর্ত প্রাইজ পীনবা সরকারনা লাউথোকখিবনি। ২০২৪গী ওইনা মিলদা চপখায়রবা য়ুবী অকংবগী মিনিমম সপোর্ত প্রাইজ কুইন্তল অমদা লুপা ১১,১৬০ অমসুং য়ুবী অকংবা মপুম কুইন্তল অমদা লুপা ১২,০০০ দা লেপ্লে।  

মসিনা মিলদা চপখায়রবা য়ুবী অকংবগী শেন্দোং চাদা ৫১,৮৪ অমসুং য়ুবী অকংবা মপুমগী শেন্দোং চাদা ৬৩.২৬ ওইগনি অমসুং মসি ভারত পুম্নমক্কী ওইনা পোৎথোক পুথোকপদা চঙবা শেনফমগী য়ামদ্রবদা শরুক ১.৫ দগী হেল্লবনি। মিলদা চপখায়রবা য়ুবী অকংবা অসি থাউ শুংবদা শীজিন্নৈ অমসুং য়ুবী অকংবা মপুমনা চানবা অমসুং লাইনিং-লাইশোনগী থৌরমশিংগী শীজিন্নৈ। কেরলা অমসুং তামিল নাদুনা মিলদা চপখায়রবা য়ুবী অকংবা য়াম্না পুথোক্লি অমসুং কর্নাতকানা য়ুবী অকংবা মপুম মরাংকাইনা পুথোক্লি।

২০২৪গী ওইনা এম.এস.পি অসি মিলদা চপখায়রবা য়ুবী অকংবগী ওইনা কুইন্তল অমদা লুপা ৩০০ অমসুং য়ুবী অকংবা মপুমগী ওইনা কুইন্তল অমদা লুপা ২৫০ হান্নদগী হেনগৎলে। হৌখিবা চহি ১০দা সরকারনা মিলদা চপখায়রবা য়ুবী অকংবা অমসুং য়ুবী অকংবা মপুমগী এম.এস.পি কুইন্তল অমদা লুপা ৫,২৫০ অমসুং ৫,৫০০দগী (২০১৪-১৫) দগী কুইন্তল অমদা লুপা ১১,১৬০ অমসুং লুপা ১২,০০০(২০২৪-২৫) দা হেনগৎলে অমসুং মসি চাদা ১১৩ অমসুং চাদা ১১৮ হেনগৎপনি।

এম.এস.পি ৱাংনা পীবা অসিনা য়ুবী থাবা লৌমীশিংগী শেন্থোক হেনগৎহনবতা নত্তনা লৈবাক মনুং অমসুং মালেমগী ওইনা দরকার ওইবা পীবা ঙম্নবা য়ুবী অকংবা পুথোকপা হেনগৎহন্নবা লৌমীশিংদা মতেং পাংগনি।

চৎলিবা চহি ২০২৩গী ওইনা, সরকারনা লৌমী ৯০,০০০ রোমদগী লুপা করোর ১,৪৯৩ গী য়ুবী অকংবা মেত্রিক তন লাখ ১.৩৩ হেন্না লৈরে। মমাঙ চহি ২০২২দগী হন্দক্কী চহি ২০২৩দা পোৎথোক লৈশিনবা চাদা ২২৭ হেনগৎলে।

প্রাইজ সপোর্ত স্কিম(পি এস এস)গী মখাদা য়ুবী অকংবা অমসুং মকু খোক্লবা য়ুবী লৈশিন্নবা সেন্ত্রেল নোদেল এজেন্সি ওইনা নেসনেল এগ্রিকলচরেল কোওপরেতিপ মার্কেতিং ফেদেরেসন ওফ ইন্দিয়া লিমিতেদ(নাফেদ) অমসুং নেসনেল কোওপরেতিপ কঞ্জুমর্স ফেদেরেসন(এন সি সি এফ)না মখা তানা থবক তৌগনি।

*****