సుపరిపాలన దినోత్సవం సందర్భంగా, కేంద్ర మంత్రి డాక్టర్ జితేంద్ర సింగ్ ఈరోజు న్యూఢిల్లీలో జరిగిన కార్యక్రమంలో మిషన్ కర్మయోగి యొక్క అదనపు వెర్షన్‌ను ప్రారంభించారు.

ఐగోట్ కర్మయోగి ప్లాట్‌ఫారమ్‌లో ప్రారంభించబడిన మూడు కొత్త ఫీచర్లు మై ఐగోట్, బ్లెండెడ్ ప్రోగ్రామ్‌లు మరియు క్యూరేటెడ్ ప్రోగ్రామ్‌లు.

కేంద్ర సహాయ మంత్రి (స్వతంత్ర బాధ్యత) సైన్స్ & టెక్నాలజీ; ఎం ఓ ఎస్ పీ ఎం ఓ, పర్సనల్, పబ్లిక్ గ్రీవెన్స్, పెన్షన్స్, అటామిక్ ఎనర్జీ మరియు స్పేస్  12 రంగాల సామర్ధ్య నిర్మాణ  ఇ-లెర్నింగ్ కోర్సులను ప్రారంభించింది. అంతేకాకుండా, డాక్టర్ జితేంద్ర సింగ్ వికాస్  పేరుతో కొత్త బ్లెండెడ్ లెర్నింగ్ ప్రోగ్రామ్‌ను కూడా ప్రారంభించారు.

ఈ సందర్భంగా డాక్టర్ జితేంద్ర సింగ్ మాట్లాడుతూ, సామాన్యులకు సకాలంలో సేవలు అందించేందుకు సాంకేతిక పరిజ్ఞానాన్ని సద్వినియోగం చేసుకోవాలని పిలుపునిచ్చారు. సివిల్ సర్వెంట్లు డిజిటల్ విప్లవం యొక్క సామర్థ్యాన్ని ఉపయోగించుకోవాలని మరియు డిజిటల్ గవర్నెన్స్‌ను ముందుకు తీసుకెళ్లే సాధనంగా సరికొత్త ఐ టీ ఆవిష్కరణలను స్వీకరించాల్సిన అవసరం ఉందని, ఇ-గవర్నెన్స్ మరియు పేపర్‌లెస్ ఆఫీస్‌కు ప్రాధాన్యత ఇవ్వడం వల్ల పరిపాలనలో నిర్ణయం తీసుకోవడం లో నిరంతర నిర్ణయ ప్రవాహం ఏర్పడిందని ఆయన అన్నారు. 

సాంకేతిక పరిజ్ఞానాన్ని ఉత్తమంగా ఉపయోగించడంపై డాక్టర్ జితేంద్ర సింగ్ మాట్లాడుతూ, సివిల్ సర్వెంట్లు డిజిటల్ విప్లవం యొక్క సామర్థ్యాన్ని ఉపయోగించుకోవాలని మరియు డిజిటల్ గవర్నెన్స్‌ను ముందుకు తీసుకెళ్లే సాధనంగా సరికొత్త ఐ టీ  ఆవిష్కరణలను స్వీకరించాలని అన్నారు.

డాక్టర్ జితేంద్ర సింగ్ మాట్లాడుతూ, మిషన్ కర్మయోగి భవిష్యత్తులో పౌర సేవకులను మరింత సాంకేతికతతో, వినూత్నంగా, ప్రగతిశీలంగా మరియు పారదర్శకంగా తీర్చిదిద్దడంపై దృష్టి పెడుతుంది.

డాక్టర్ జితేంద్ర సింగ్ మాట్లాడుతూ, 'గరిష్ట పాలన మరియు కనిష్ట ప్రభుత్వం' ప్రధాన మంత్రి ప్రస్తావన ను ఉద్ఘాటించారు.

“సుపరిపాలనకు సాంకేతికత కీలకం. సాంకేతికత పారదర్శకత మరియు జవాబుదారీతనాన్ని పెంపొందిస్తుంది, ఇది సుపరిపాలన యొక్క ప్రాథమిక లక్షణం, ”అని ఆయన అన్నారు.

‘సంపూర్ణప్రభుత్వం’ విధానం అనే ప్రధాని మోదీ సూత్రాన్ని నొక్కిచెప్పిన డాక్టర్ జితేంద్ర సింగ్, ఇది అందరినీ కలుపుకొని, అందరినీ ఆవరించే, అందరి సమ్మిళిత, అందరి భాగస్వామ్యంతో అభివృద్ధి వైపు సాగిపోతుందని అన్నారు.

"గత తొమ్మిదేళ్లలో ప్రధానమంత్రి ప్రారంభించిన పౌర కేంద్రీకృత సంస్కరణలు 'సులభతర పాలన'కు దారితీశాయి, చివరికి పౌరులకు ' సులభ జీవనానికి' దారితీశాయి," అని ఆయన చెప్పారు.

ప్రభుత్వ ఉద్యోగాల్లో చేరుతున్న మహిళల సంఖ్య పెరుగుతుండడం పట్ల కేంద్ర మంత్రి ప్రశంసలు కురిపిస్తూ, ప్రభుత్వంలో మహిళలు నాయకత్వ బాధ్యతలు చేపట్టడం ప్రారంభించారని అన్నారు.

మహిళా ఉద్యోగులకు ‘సులభ జీవనం’ కల్పించేందుకు ప్రధాని మోదీ వరుస కార్యక్రమాలను ప్రవేశపెట్టారని డాక్టర్ జితేంద్ర సింగ్ అన్నారు. వీటిలో కేంద్ర ప్రభుత్వ ఉద్యోగులకు 60-రోజుల ప్రత్యేక ప్రసూతి సెలవులు మంజూరు చేయడంతోపాటు, పుట్టిన కొద్ది రోజుల్లోనే శిశువు చనిపోయినా లేదా మరణించినా; 730 రోజుల సి సి ఎల్ మంజూరు; ఒక ఉద్యోగి సి సి ఎల్ లో ఉన్నప్పుడు లీవ్ ట్రావెల్ కన్సెషన్ (సౌకర్యం; చైల్డ్ కేర్ లీవ్ మరియు స్పెషల్ అలవెన్స్ నెలకు రూ. 3000/-  పొందుతున్న ప్రభుత్వ ఉద్యోగి ప్రయోజనం కోసం వికలాంగ పిల్లల విషయంలో 22 సంవత్సరాల పరిమితిని తీసివేయడం పిల్లల సంరక్షణ కోసం వికలాంగ మహిళా ఉద్యోగులకు అందిస్తున్నామని ఆయన అన్నారు.

పౌర-కేంద్రీకృత, సమర్థవంతమైన మరియు పారదర్శకమైన పాలనను ప్రోత్సహించడానికి మరియు సేవా బట్వాడాను మెరుగుపరచడానికి మన ప్రియతమ మాజీ ప్రధాన మంత్రి శ్రీ అటల్ బిహారీ వాజ్‌పేయి గౌరవార్థం 2014 నుండి కేంద్ర ప్రభుత్వం దేశవ్యాప్తంగా 'సుపరిపాలన వారోత్సవం/దినాన్ని' జరుపుకుంటుంది.

మిషన్ కర్మయోగి ప్లాట్‌ఫారమ్‌లో ప్రారంభించబడిన కొత్త ఫీచర్ల వివరాలు:

మై ఐగోట్ మంత్రిత్వ శాఖలు/డిపార్ట్‌మెంట్‌ల కోసం కెపాసిటీ-బిల్డింగ్ ప్లాన్‌లో గుర్తించిన విధంగా అధికారి యొక్క ప్రత్యేక సామర్థ్య నిర్మాణ అవసరాలను నేరుగా పరిష్కరించే వ్యక్తిగత అధికారి హోమ్ పేజీలో లక్ష్య శిక్షణా కోర్సులను అందజేస్తుంది, తద్వారా అత్యంత వ్యక్తిగతీకరించిన, కేంద్రీకృతమైన మరియు లక్ష్య సామర్థ్య-నిర్మాణ అనుభవాన్ని సులభతరం చేస్తుంది. వ్యక్తిగత మరియు సంస్థాగత అభ్యాస అవసరాల మధ్య ఖచ్చితంగా సరిపోతుందని నిర్ధారణ తో ప్లాట్‌ఫారమ్‌లో దాదాపు 830 అత్యుత్తమ నాణ్యమైన ఇ-లెర్నింగ్ కోర్సులు అందుబాటులోకి రావడంతో ఇప్పటి వరకు 28 లక్షల మంది వినియోగదారులు ప్లాట్‌ఫారమ్‌ను ఆన్‌బోర్డ్ చేశారు.

ఐగోట్-కర్మయోగి ప్లాట్‌ఫారమ్‌లోని బ్లెండెడ్ ప్రోగ్రామ్‌లు అధికారుల డైనమిక్ శిక్షణ అవసరాలను తీర్చడానికి అన్ని స్థాయిలలో శిక్షణా పద్ధతులకు సమానమైన ప్రాప్యతను సులభతరం చేస్తాయి. బ్లెండెడ్ ప్రోగ్రామ్‌లు ఆన్‌లైన్ లెర్నింగ్ కాంపోనెంట్‌లతో సాంప్రదాయ ఆఫ్‌లైన్ (వ్యక్తిగతంగా) క్లాస్‌రూమ్ కోర్సులను ఏకీకృతం చేస్తాయి. ఇది ముఖాముఖి తరగతి గది పరస్పర సంభాషణ యొక్క అమూల్యమైన ప్రయోజనాలను నిలుపుకుంటూ ఆన్‌లైన్ కోర్సుల  సౌలభ్యాన్ని ఉపయోగించుకోవడానికి అధికారులు మరియు అధ్యాపకులను అనుమతిస్తుంది.

ఐగోట్, కర్మయోగిపై క్యూరేటెడ్ ప్రోగ్రామ్‌లు మంత్రిత్వ శాఖలు/విభాగాలు మరియు శిక్షణా సంస్థల యొక్క విభిన్న అభ్యాస అవసరాలను తీర్చడానికి రూపొందించబడ్డాయి. కోర్సు ప్రొవైడర్లు అనుకూలమైన అభ్యాస ప్రయాణాన్ని అందించడానికి ప్రోగ్రామాటిక్ విధానంతో ఐగోట్ యొక్క రిపోజిటరీ నుండి సంబంధిత కంటెంట్, వనరులు మరియు అసెస్‌మెంట్‌లను క్యూరేట్ చేయగలరు.

డీ ఓ పీ టీ యొక్క కర్మయోగి డిజిటల్ లెర్నింగ్ ల్యాబ్ (కే డీ ఎల్ ఎల్) ద్వారా డీ ఓ పీ టీ యొక్క వార్షిక కెపాసిటీ బిల్డింగ్ ప్లాన్ లో భాగంగా రెండు నెలల వ్యవధిలో 12 డొమైన్ నిర్దిష్ట కెపాసిటీ బిల్డింగ్ ఇ-లెర్నింగ్ కోర్సులు అభివృద్ధి చేయబడ్డాయి. సివిల్ సర్వెంట్ల సామర్థ్యాన్ని పెంపొందించడానికి ఇ-లెర్నింగ్ కోర్సులను అభివృద్ధి చేయడానికి కే డీ ఎల్ ఎల్ ని డాక్టర్ జితేంద్ర సింగ్ ఆగస్టు 2021లో ప్రారంభించారు. డీ ఓ పీ టీ కోసం వార్షిక కెపాసిటీ బిల్డింగ్ ప్లాన్‌ను 27 సెప్టెంబర్ 2023న డాక్టర్ జితేంద్ర సింగ్ ప్రారంభించారు. ఈ 12 కోర్సులు డీ ఓ పీ టీ లో పనిచేస్తున్న సివిల్ సర్వెంట్ల డొమైన్ యోగ్యత అవసరాలను నేరుగా పరిష్కరించడమే కాకుండా, ఇతర ప్రభుత్వ సంస్థలకు రోజువారీ ప్రాతిపదికన ఫంక్షనల్ విషయాలను సమర్థవంతంగా నిర్వహించడంలో సహాయపడతాయి.

వికాస్ (వేరియబుల్ & ఇమ్మర్సివ్ కర్మయోగి అడ్వాన్స్‌డ్ సపోర్ట్) అనేది సెంట్రల్ సెక్రటేరియట్‌లోని మిడిల్ మేనేజ్‌మెంట్ సివిల్ సర్వెంట్ల సామర్థ్యాన్ని పెంపొందించడానికి ఉద్దేశించిన కొత్త బ్లెండెడ్ లెర్నింగ్ ప్రోగ్రామ్. వికాస్ అనేది ఐగోట్. తో కూడిన ఒక బ్లెండెడ్ ప్రోగ్రామ్, ఐ ఎస్ టీ ఎం లో 30 గంటల ఆఫ్‌లైన్ శిక్షణతో పాటు కేంద్ర ప్రభుత్వంలో అవసరమైన క్రియాత్మక, ప్రవర్తనా మరియు సాంకేతిక సామర్థ్యాల అభివృద్ధిపై దృష్టి సారిస్తుంది.

***