2023 ஆம் ஆண்டில் கலாச்சார அமைச்சகத்தின்  முக்கிய முன்முயற்சிகள் / நிகழ்வுகள் / சாதனைகள் பின்வருமாறு:

சுதந்திர தின அமிர்தப் பெருவிழா

இந்தியாவின் சுதந்திரத்தின் 75 ஆண்டுகளை கௌரவிக்கும் வகையிலும், நினைவுகூரும் வகையிலும், சுதந்திர தின அமிர்தப் பெருவிழா(ஏ.ஏ.எம்) 2021  மார்ச் மாதம் பிரதமரால் தொடங்கப்பட்டது. இது மக்கள் இயக்கமாக மாறியது. முழு சமூக அணுகுமுறையின் மூலம் தேசத்தை ஒருங்கிணைத்துள்ளது.  சுதந்திரப் போராட்டத்துடன் தொடர்புடைய உள்ளூர் வரலாற்றை ஆவணப்படுத்துவதற்கும், அறியப்படாத மாவீரர்களை வெளிக் கொணறும் தொடர்ச்சியான முயற்சிகள் நடந்து வருகின்றன. இவை ஏ.ஏ.எம் இணையதளத்தில் காட்சிப்படுத்தப்படுகிறது. 2023 நவம்பர்  வரை 12 ஆயிரத்திற்கும் மேற்பட்ட கட்டுரைகள் தொகுக்கப்பட்டுள்ளன,  இந்த எண்ணிக்கை ஒவ்வொரு நாளும் அதிகரித்து வருகிறது

"நம் மண், நம் நாடு"; இரண்டு ஆண்டுகள் நீடித்த சுதந்திர தின அமுதப் பெருவிழாவின் இறுதி பிரச்சாரமாக, "நம் மண், நம் நாடு - மண்ணுக்கு வணக்கம், மாவீரர்களுக்கு வணக்கம்" என்பது இந்திய மண்ணின் மற்றும் வீரத்தின் ஒருங்கிணைந்த கொண்டாட்டமாகும். இது நாட்டின் 766 மாவட்டங்களில் இருந்து 7000 க்கும் மேற்பட்ட வட்டாரங்களுடன் மிகப்பெரிய பொதுமக்களின் பங்களிப்பைக் கண்டுள்ளது. இந்த பிரச்சாரத்தின் போது 2 லட்சத்துக்கும் மேற்பட்ட அடையாள கற்கள் நிறுவப்பட்டன. 3 கோடிக்கும் அதிகமான மக்கள் ஐந்து வாழ்க்கை உறுதிமொழியை மேற்கொண்டு தேசத்திற்கான தங்கள் அர்ப்பணிப்பை வெளிப்படுத்தினர். 2 லட்சத்துக்கும் மேற்பட்ட அமிர்த தோட்டங்கள் உருவாக்கப்பட்டன, மேலும் நாடு முழுவதும் 2 கோடிக்கும் மேற்பட்ட மரக்கன்றுகள் நடப்பட்டன. 2,18,856 சுதந்திர போராட்ட தியாகிகளுக்கு விழாக்களுக்கு மற்றும் நினைவேந்தல்களும் ஏற்பாடு செய்யப்பட்டுள்ளன. நம் மண், நம் நாடு பிரச்சாரத்தின் கீழ் 4 கோடிக்கும் அதிகமான மக்கள் தங்கள் செல்ஃபிக்களை பதிவேற்றியுள்ளனர். நாட்டின் 7000க்கும் மேற்பட்ட வட்டாரங்களிலிருந்து 8500 க்கும் மேற்பட்ட கலசங்கள் தில்லிக்கு கொண்டு வரப்பட்டன.

2023 அக்டோபர் 30, அன்று, அமிர்தக் கலச யாத்திரையில், அனைத்து மாநிலங்கள் மற்றும் யூனியன் பிரதேசங்கள் அந்தந்த வட்டாரங்கள் மற்றும் நகர்ப்புற உள்ளாட்சி அமைப்புகளை பிரதிநிதித்துவப்படுத்தி, ' ஒரே பாரதம் உன்னத பாரதம் ' என்ற உணர்வில் தங்கள் கலசத்திலிருந்து மண்ணை ஒரு பெரிய அமிர்த கலசத்தில் வைத்தனர். 2023 அக்டோபர் 31, அன்று கடமை பாதையில் நம் மண், நம் நாடு பிரச்சாரத்தின் கீழ் அமிர்த கலச யாத்திரையின் நிறைவைக் குறிக்கும் நிகழ்வில் பிரதமர் கலந்து கொண்டார். இந்த நிகழ்ச்சி சுதந்திர தின அமுதப்பெருவிழா நிறைவு விழாவைக் குறிக்கிறது. இந்நிகழ்ச்சியின் போது அமிர்த தோட்டம் மற்றும் அமுத பெருவிழா நினைவுச்சின்னத்திற்கு பிரதமர் அடிக்கல் நாட்டினார். இந்த நிகழ்ச்சியில் நாடு முழுவதிலுமிருந்து கலந்து கொண்ட ஆயிரக்கணக்கான அமிர்த கலச யாத்ரீகர்கள் மத்தியில் அவர் உரையாற்றினார். இந்நிகழ்ச்சியின் போது, நாட்டின் இளைஞர்களுக்காக நமது இளையபாரதம் (மை பாரத்) தளத்தையும் பிரதமர் தொடங்கி வைத்தார்.

ஜி 20 செயல்பாடுகள்

2023 ஜனவரி 21, அன்று நடைபெற்ற 'உலக அமைதிக்கான ஜி -20 அணிவகுப்பு' நிகழ்ச்சியில் ஜி -20 நாடுகள், தில்லி மற்றும் என்.சி.ஆரின் கல்லூரிகள் மற்றும் பள்ளிகளைச் சேர்ந்த ஆயிரத்திற்கும் மேற்பட்ட மாணவர்கள், இளைஞர்கள் மற்றும் குழந்தைகள் பங்கேற்றனர்.

இந்திய தலைமைத்துவத்தின் கீழ் ஜி-20 இந்தியாவில் நடைபெற்றபோது, மத்தியப் பிரதேசத்தின் கஜுராஹோவில் 2023 பிப்ரவரி 22 முதல்25 வரை  ஜி -20 கலாச்சார பணிக்குழு கூட்டத்தை கலாச்சார அமைச்சகம் நடத்தியது.

புதுடெல்லி, ராஜ்காட்டில் உள்ள காந்தி தர்ஷனில் 2023 மார்ச் 5ஆம்தேதி நடைபெற்ற "மகளிர் சக்திக்கான ஜி -20 ஓட்டத்தில்" தில்லி, குஜராத், ஹரியானா மற்றும் உத்தரபிரதேசத்தின் பல்வேறு பகுதிகளைச் சேர்ந்த வயது வித்தியாசத்தைக் கடந்து கிட்டத்தட்ட 1000 ஆர்வமுள்ள ஓட்டப்பந்தய வீரர்கள் பங்கேற்றனர்.

இந்தியாவின் ஜி 20 தலைமைத்துவத்தின் போது, கலாச்சார அமைச்சகம் இரண்டாவது கலாச்சார பணிக்குழு கூட்டத்தை ஒடிசாவின் புவனேஸ்வரில் 2023 மே 15 முதல்17வரைநடத்தியது.

கர்நாடக மாநிலம் ஹம்பியில் 2023 ஜூலை 9 முதல் 12 வரை ஜி-20 நாடுகளின்3-வதுகலாச்சார பணிக்குழு கூட்டம் நடைபெற்றது. காமன்வெல்த் போட்டியின் போது லம்பானி எம்பிராய்டரி வேலைபாடுகளைக் கொண்ட கண்காட்சி ஏற்பாடு செய்யப்பட்டது, இது லம்பானி எம்பிராய்டரி திட்டுகளின் மிகப்பெரிய காட்சிக்காக கின்னஸ் உலக சாதனைக்கான சான்றிதழைப் பெற்றது. கண்காட்சியின் கருப்பொருள் 'கலாச்சாரம் அனைவரையும் ஒன்றிணைக்கிறது' என்பதாகும்.

இந்தியாவின் ஜி 20 தலைமைத்துவத்தின் போது, 2023 ஆகஸ்ட் 24-25 தேதிகளில் வாரணாசியில் 4வது ஜி 20 கலாச்சார பணிக்குழு கூட்டத்தை கலாச்சார அமைச்சகம் நடத்தியது.

1.  'காசி கலாச்சார பாதை' என்ற தலைப்பிலான முடிவு ஆவணம் மற்றும் தலைவரின் சுருக்கம் அனைத்து ஜி 20 நாடுகளாலும் ஏற்றுக்கொள்ளப்பட்டது.

2. 'ஜி 20 கலாச்சாரம் ஒரு அறிக்கை: 26.8.2023 அன்று ஜி20 கலாச்சார அமைச்சர்கள் கூட்டத்தில் உலகளாவிய கருப்பொருள் வலைப்பக்கங்கள் அடிப்படையிலான உள்ளடக்கிய வளர்ச்சிக்கான உலகளாவிய கதையை வடிவமைத்தல் தொடங்கப்பட்டது.

iii.  இந்தியாவின் ஜி 20 தலைமைத்துவத்தின் காமன்வெல்த் விளையாட்டுப் போட்டிகளின் விவாதங்கள் வெற்றிகரமாக நிறைவடைந்ததைக் குறிக்கும் வகையில், ஜி 20 உறுப்பு நாடுகள் மற்றும் அழைப்பு நாடுகளின் கலாச்சார அமைச்சர்கள் 2023 ஆகஸ்ட்26  அன்று வாரணாசியில் சிறப்பு பதிப்பு தபால்தலையை வெளியிட்டனர்

*******

ANU/PKV/BS/DL