ইনফোর্মেসন অমসুং ব্রোদকাস্তিং মন্ত্রালয়
বিকসিত ভারত সংকল্প যাত্রানা খুদোংচাবশিং থোঙজিলদা ফংহল্লে
চীফ মিনিস্তর তেজপুরদা বিকসিত যাত্রা শরুক য়াখ্রে
Posted On:
22 DEC 2023 4:17PM by PIB Imphal
সরকারগী থবক-থৌরমশিং মীয়ামদা ফংহন্দুনা খ্বাইদগী লাপ্পা মফমশিং ফাওবা য়ৌদুনা বিকসিত ভারত সংকল্প যাত্রানা মসিগী মাইপাক্লবা খোঙচৎ অসাম শীনবা থুংনা পাংথোক্লি।
ঙসি চীফ মিনিস্তর দোক্তর হিমান্ত বিশ্বা শর্মনা সোনিতপুর জিলাগী উসাপুর গ্রাম পঞ্চায়ত্তা হৌজিক চৎথরিবা বিকসিত ভারত সংকল্প যাত্রা শরুক য়াখি। থৌরম অদুদা হাওসিং অমসুং অর্বান এফেয়ার্স অমসুং ইরিগেসনগী মিনিস্তর শ্রী অশোক শিঙ্গাল অমসুং তেজপুরগী এম.পি শ্রী পাল্লাব লোচান দাস শরুক য়াখি।
থৌরম অদুদা চীফ মিনিস্তরনা বেনিফিসরিশিংগা ৱারি শানখি অমসুং সরকারগী তোঙান-তোঙানবা চাউখৎ-থৌরাংগী স্কিমশিং শরুক য়ানবা মীয়ামদা তকশিনখি। মহাক্না হায়খি সরকারগী তোঙান-তোঙানবা য়াইফ-থৌরাংশিংগী মরমদা মীয়ামদা খঙহন্নবা বিকসিত ভারত সংকল্প যাত্রানা পান্দম থম্লি অমসুং মীয়াম্না হায়রিবা স্কিমশিং অসিদা মিং চনগদবনি অমসুং খুদোংচাবশিং লৌগদবনি।
বিকসিত ভারত সংকল্প যাত্রা অসি লখিম্পুর, ধেমাজি অমসুং নালবারিদা পাংথোকখি অমসুং মফম অদুগী মীয়াম থৱায় য়াওনা শরুক য়াখি। কেন্দ্র সরকারগী তোঙান-তোঙানবা স্কিমশিংগী কান্নবা ফংলবা বেনিফিসরিশিং ঙসিগী থৌরম অদুদা থৱায় য়াওনা শরুক য়াখি। মীয়ামদা হেন্না মমুৎ তানা খঙহন্নবা পান্দমদা থৌরম মনুংদা মীয়ামদা সরকারগী স্কিমশিংগা মরী লৈনবা চে-চাংশিং য়েন্থোকখি।
দিশেম্বর ২২,২০২৩ ফাওবদা বিকসিত ভারত সংকল্প যাত্রা জি.পি অমসুং সহরগী মফম ১,৮০২ রোম য়ৌখ্রে অমসুং লনাই মীওই ১৯,৯১,৯৪৭ রোম শরুক য়াখি। যাত্রা মনুংদা হেল্থ কেম্পশিং পাংথোক্তুনা মীওই ৩,৩১,৮৬০ রোম লায়য়েংখি।
****
(Release ID: 1989787)
Visitor Counter : 96