नवी दिल्‍ली, 21 डिसेंबर 2023 

26 लाखांहून अधिक तरुणांनी 'माय भारत' पोर्टलवर नोंदणी केली आहे. माय भारतच्या माध्यमातून राज्ये/केंद्रशासित प्रदेशांच्या पोलीस विभागांशी सल्लामसलत करून युवा पोलीस अनुभवात्मक शिक्षण कार्यक्रम आयोजित केला जात आहे. आतापर्यंत यासाठी कोणताही निधी मंजूर करण्यात आलेला नाही.

माय भारताची कल्पना युवा विकास आणि युवकांभिमुख विकासासाठी एक महत्त्वपूर्ण, तंत्रज्ञान-चालित सुलभकर्ता म्हणून केली गेली आहे. यात तरुणांना त्यांच्या आकांक्षा पूर्ण करण्यासाठी सक्षम करण्यासाठी आणि सरकारच्या संपूर्ण क्षेत्रात 'विकसित भारत' निर्मितीसाठी योगदान देण्यासाठी न्याय्य संधी प्रदान करण्याचे व्यापक उद्दिष्ट आहे. 

देशभरातील युवक माय भारत पोर्टलवर (https://www.mybharat.gov.in/) नोंदणी करू शकतात आणि त्याच संकेतस्थळावर उपलब्ध करून दिल्या जाणाऱ्या विविध संधींसाठी नोंदणी करू शकतात. मेरा युवा भारत मंचाचे उद्दिष्ट तरुण व्यक्तींना समुदाय परिवर्तनासाठी उत्प्रेरक बनण्यासाठी सक्षम करण्यासाठी एक संमिश्र (भौतिक + डिजिटल) परिसंस्था तयार करणे हे आहे. डिजिटल जाळे उपलब्ध झाल्याने आणि स्वयंसेवी संधींशी जोडले गेल्याने, युवक हे समुदाय परिवर्तनाचे प्रतिनिधी आणि राष्ट्रनिर्माते बनतील. त्यामुळे ते सरकार आणि नागरिकांमध्ये युवा सेतू म्हणून काम करू शकतील.

केंद्रीय युवा व्यवहार आणि क्रीडा मंत्री अनुराग सिंग ठाकूर यांनी आज राज्यसभेत बी. लिंगय्या यादव यांनी विचारलेल्या प्रश्नाच्या लेखी उत्तरात ही माहिती दिली.

* * *

S.Bedekar/V.Ghode/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai