नवी दिल्‍ली, 21 डिसेंबर 2023 

भारतात, 2014-2022 या कालावधीत डी. एल. सी. म्हणजेच डिजिटल जीवन प्रमाणपत्र जमा करणाऱ्या निवृत्तीवेतनधारकांची संख्या 128 पटीने वाढली आहे.  2021 मध्ये, डी. एल. सी. च्या निर्मितीसाठी चेहरा प्रमाणीकरण तंत्र विकसित केले गेले. 2022 आणि 2023 मध्ये निवृत्तीवेतनधारकांचे डिजिटल सक्षमीकरण सुनिश्चित करण्यासाठी सरकारने देशव्यापी डी. एल. सी. जागरूकता मोहिमा राबवल्या आहेत. केंद्रीय विज्ञान आणि तंत्रज्ञान राज्यमंत्री (स्वतंत्र कार्यभार); पंतप्रधान कार्यालय, कार्मिक, सार्वजनिक तक्रारी, निवृत्तीवेतन, अणुऊर्जा आणि अंतराळ राज्यमंत्री डॉ. जितेंद्र सिंह यांनी आज राज्यसभेत लेखी उत्तरात ही माहिती दिली. सरकारने वरिष्ठ निवृत्तीवेतनधारकांना वार्षिक डी. एल. सी. सादर करण्यासाठी घरोघरी सेवा पुरवली आहे, असे डॉ. जितेंद्र सिंह  म्हणाले. देशात निर्माण झालेल्या डी. एल. सी. च्या संख्येचा तपशील खालीलप्रमाणे आहेः

तक्ताः 2014-2023 पासून भारतातील डी. एल. सी.

* 30 नोव्हेंबर 2023 पर्यंतची प्रगती, 31 मार्च 2023 पर्यंत निवृत्तीवेतनधारक जागरूकता कार्यक्रम,

बँकर्स जागरूकता कार्यक्रम आणि निवृत्तीपूर्व समुपदेशन कार्यशाळा नियमितपणे आयोजित केल्या जातात, डी. एल. सी. आणि चेहरा प्रमाणीकरण तंत्र परिचित करण्यासाठी आणि लोकप्रिय करण्यासाठी प्रत्यक्ष आणि ऑनलाइन दोन्ही प्रकारे आयोजित केल्या जातात, असे ते म्हणाले.

निवृत्तीवेतनधारकांना निवृत्तीवेतन सुरू ठेवण्यासाठी दरवर्षी 1 ते 30 नोव्हेंबर याकाळात जीवन प्रमाणपत्र सादर करावे लागते. 2014 मध्ये सरकारने आधार माहितीवर आधारित डिजिटल जीवन प्रमाणपत्र (जीवन प्रमाण) सुरू केले.

* * *

S.Bedekar/V.Ghode/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai