ঙসি প্রধান মন্ত্রী শ্রী নরেন্দ্র মোদীনা উত্তরখন্দগী দেহরাদুন্দা লৈবা ফোরেস্ত রিছার্স ইন্সতিতুৎতা পাংথোকপা ‘উত্তরখন্দ গ্লোবেল ইনভেস্তরস সম্মিৎ ২০২৩’ হৌদোকখ্রে। শ্রী মোদীনা একজিবিসন অমসু য়েংখি অমসুং গ্রাউন্দ ব্রিক্কিং ৱাল মাইখুম হাংদোকখি। প্রধান মন্ত্রীনা সশক্তা উত্তরখন্দ কৌবা লাইরিক অমসু ফোঙখি অমসুং হাওস ওফ হিমালয়াস ব্রান্দ হাংদোকখি। সম্মিৎ অসিগী থিমদি ‘ পিছ তু প্রোসপরিতি’ হায়বি।

থৌরম অদুদা উদোগকী লুচিংবশিংনা মখোয়গী ওইবা ৱাখল্লোনশিংসু ফোঙদোকখি। দিরেক্তর অদানি গ্রুপ অমসুং মেনেজিং দিরেক্তর (এগ্রো, ওইল অমসুং গ্যাস) শ্রী প্রনাব অদানিনা হায়খি মফম অমদা অয়াবা খুদিংমক পীবা, লমগী মমল হোঙবা, মৈ হোংনা ফংবা অমসুং ফজনা ফংহনবা, মতিক চানা হৈথোই-শিংথোইবা শিন্মীশিং লৈবা অমসুং লৈবাক্কী কোনুংগা নক্নবা অমসুং তুংদু লৈতাবা লো অমসুং ওর্দরগী ফিবম অমা লৈদুনা অমসুং চাউখৎ-থৌরাংগী লমদা রাজ্য অসিগী মীৎয়েংনা মরম ওইদুনা উত্তরখন্দ অসি প্রাইভেদ সেক্তরনা খ্বাইদগী পাম্নবা শেন থাদফম অমা ওইবনি। রাজ্য অসিদা শেন হেন্না থাদনবা অমসুং থবক হেন্না পীনবা মহাক্কী থৌরাংশিং শ্রী অদানিনা ফোঙদোকখি। উত্তরখন্দ শৌগৎপগীদমক প্রধান মন্ত্রী মোদী থাগৎপা ফোঙদোক্লদুনা মহাক্না হায়খি মমাঙদা অমুক্তা ওইখিদ্রিবা মওংদা ভারতকী মীয়াম্না মহাক্কী মফমদা থাজবা থম্লে।

জে.এস.দব্লিউগী চিয়ারমেন অমসুং মেনেজিং দিরেক্তর শ্রী সাজন জিন্দালনা হায়খি কেদরনাথ অমসুং বদ্রিনাথতা চাউখৎ-থৌরাংগী প্রোজেকশিং পায়খৎলিঙৈ মনুংদা প্রধান মন্ত্রীগা উত্তরখন্দ রাজ্যগা লৈনবা মরী অদু উবা ফংখি। লৈবাক অসিদা অহোংবা পুরক্নবা অমসুং জি.দি.পি হেনগৎহন্নবা থবক কয়া প্রধান মন্ত্রীনা পায়খৎখি অমসুং অথুবা মতমদা ভারত মালেমদা অহুমশুবা খ্বাইদগী চাউবা ইকোনোমি ওইরগনি। মালেমগী সুপরপৱার অমা ওইরক্নবা ভারতকী খোঙচত্তা মহাক্না লুচিংবগীদমক শ্রী জিন্দালনা প্রধান মন্ত্রী থাগৎপা ফোঙদোকখি। মহাক্না হায়খি লৈবাক অসি লাইফমশিংগী লম্বী-থোং ফগৎহন্নবা সরকারনা থবক পায়খৎলে। উত্তরখন্দা লুপা করোর ১৫,০০০ থাদনবা কম্পেনিগী থৌরাং লৈরে অমসুং নবেম্বর থাদগী ‘ক্লিন কেদরনাথ প্রোজেক’ থবক হৌরে। ভারতকী চাউখৎপগী খোঙচত্তা মখা তানা কম্পেনি অসি শৌগৎপগীদমক মহাক্না উত্তরখন্দ সরকার অমসুং প্রধান মন্ত্রী থাগৎপা ফোঙদোকখি।

আই.তি.সিগী মেনেজিং দিরেক্তর শ্রী সঞ্জিব পুরিনা হায়খি জি-২০ মীফম মাইপাক্না পাংথোক্তুনা প্রধান মন্ত্রীনা গ্লোবেল সাউথকী খোল্লাউ মালেমদা তাহনখ্রে। খুদোংচাদবা কয়া লৈরবসু হৌখিবা চহি খর অসিদা কান্নরবা থৌশিল কয়া পায়খৎপনা মরম ওইদুনা মালেমদা ভারতনা মরুওইবা মফম অমা কনবা ঙম্লে। শেন্মিৎলোনগী হিরম কয়াদা অওনবা কয়া লৈরে অমসুং মসি জি.দি.পি মশিংনা তাক্লে। লুচিংবগী থবকশিং অসিনা মরম ওইদুনা চৎলিবা চহিচা অসি কনাগুম্বা খরনা ভারতকী চহিচানি হায়নরে।

পতাঞ্জালিগী ফাউন্দর অমসুং য়োগা গুরু শ্রী বাবা রামদেবনা হায়খি প্রধান মন্ত্রী চাউখৎলবা ভারত অমগী মঙলান মঙলিবা অমনি অমসুং ভারতকী মীওই করোর ১৪০গী ইমুং-মনুংগী মীওই অমনি অমসুং মালেমগী ইমুং-মনুংগী মীওই অমনি। দোল্লার ত্রিল্লিয়ন ৫গী ইকোনোমি অমা লৈনবা প্রধান মন্ত্রীগী পান্দম ফংনবা পাতাঞ্জলিনা শেন থাদরি অমসুং থবক কয়া পীরি। তুংদা কম্পেনি অসিনা লুপা করোর ১০,০০০ হেন্না থাদনবা অমসুং থবক ১০,০০০ হেন্না পীনবা পান্দম থম্লি।

অনৌবা ভারত অমা শেম্বগীদমক মহাক্না প্রধান মন্ত্রীগী অচেৎপা ফিরেপ অমসুং খাংবা কনবা থাগৎখি। রাজ্য অসিদা লো অমসুং ওর্দর ফজনা ঙাকপগীদমক মহাক্না উত্তরখন্দগী চীফ মিনিস্তর থাগৎপা ফোঙদোকখি অমসুং রাজ্য অসিদা য়ুনিত অমা লিংখৎনবা কোর্পোরেত হাওসশিংদা তকশিনখি। প্রধান মন্ত্রীগী লমজিং মখাদা রাজ্য অসিদা তুরিজম, হকশেল, লাইরিক-লাইশু, লৌউ-শিংউ, লম্বী-থোং অমসুং ইনফ্রাস্ত্রকচর সেক্তরশিং চাউখৎলকপদা থাগৎপা ফোঙদোকখি। ভারত মালেমগী ইকোনোমিক পৱারহাওস অমা ওইনবা অমসুং চাউখৎলবা ভারত অমা ওইনবা প্রধান মন্ত্রীগী পান্দম ফংনবা হোৎনবদা থৌনা হাপ্নবা মহাক্না ইনভেস্তরশিংদা হায়জখি।

লৈবাক অসি  চাউখৎনবা লমজিংবা অমসুং মাইকৈ তাকপগীদমক ইমার ইন্দিয়াগী সি.ই.ও শ্রী কলয়ান চক্রবর্তিনা প্রধান মন্ত্রী থাগৎপা ফোঙদোকখি। মহাক্না হায়খি চাউখৎলবা ভারত অমা ওইনবা খোঙচৎতা মরুপ অমা ওইনবা কোর্পোরেতশিংনা থাজবা পীরি। ভারত-য়ু.এ.ইগী মরীদা অনৌবা মশক অমা উবা ফংলে। ইমারগী হেদক্বাতরস য়ু.এ.ইদা লৈরি। মালেমনা ভারত্তা য়েংলিবা মীৎয়েং অসিদা অফবা অহোংবা অমা লাকপা উরে। জি.এস.তিগুম্বা অওনবশিং অমসুং ফিনতেক্কী অওনবশিংনা উদোগকী মালেমদা অনৌবা খুদোংচাবা কয়া পীরে।

তি.ভি.এস সপ্লাই চেন সোলুসন্সকী চিয়ারমেন শ্রী আর দিনেসনা হায়খি মীৎয়েং শানবা প্রধান মন্ত্রীগী লুচিংবদা কম্পেনি অসিনা থাজবা থম্লি। কম্পেনি অসিনা উত্তরখন্দগী চাউখৎপগী ৱারিদা মতেং পাংলি অমসুং তয়ার অমসুং গারিগী পার্তশিং শাবা, লোজিস্তিক্স অমসুং ওতো সেক্তরদা থবক কয়া পায়খৎলি। মেনুফেকচরিং সেক্তর অমসুং ৱায়রহাওস কেপাসিতিদা মখা তানা শেন থাদনবা অমসুং ফেমিলি কম্পেনিশিংদা থবক ৭,০০০ হেন্নবা পীনবা কম্পেনিগী থৌরাং লৈরে। মালেমগী হোংলক্লিবা ফিবমশিংনা মরম ওইদুনা দিজিতেল অমসুং স্তেনেবিলিতিগী অওনবদা শেন্থং পীদুনা অমসুং স্কিল হেনগৎহন্দুনা ওতো মার্কেত সেক্তরগা পুন্না থবক তৌমিন্ননবা কম্পেনিনা থৌরাং তৌদুনা লৈরে। সি.আই.আইগী প্রসিদেন্ত ওইনা মহাক্না হায়খি মীওই লাখ ১ হেনবদা কাউন্সেল্লিং পীনবা মোদেল কেরিয়র সেন্তর ১০ লিংখৎলগনি। হোস্পিতালিতি, অনা-লায়য়েং অমসুং এদভান্স মেনুফেকচরিং সেক্তরশিংদা মীওই ১০,০০০ ত্রেনিং পীবা ঙমগদবা অখন্নবা মল্তি স্কিল দিবলপমেন্ত সেন্তর অমা লিংখৎপা অহানবা রাজ্য উত্তরখন্দনা ওইরগনি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি দেবভুমি উত্তরখন্দা লাকপদা মহাক হরাওই আমসুং চহিচা অসিগী অহুমশুবা দিকেদ অসি উত্তরখন্দগী দিকেদশিংনি। ৱাফম অসি তশেংনা থবক ওইনা উবদা মহাক অপেনবা ফাওই। সিলকিয়ারাদা তন্নেলদগী শিন্মীশিং মাইপাক্না কনখিবদা শরুক য়াখিবশিং অমসুং রাজ্য সরকার প্রধান মন্ত্রীনা থাগৎপা ফোঙদোকখি।

উত্তরখন্দগা অচেৎপা মরী লৈনবা অদু নৌহৌনা নিংশিংলদুনা, প্রধান মন্ত্রীনা হায়খি উত্তর অসি কনাগুম্বা অমনা মতম অমতদা লাইরৈবাক অমসুং চাউখৎপা থেংনবা রাজ্য অমনি। মহাক্কী ৱাখল্লোন মখা তানা ফোঙদোক্নবা প্রধান মন্ত্রীনা মহাক্কী শৈরেং অমা পাথোকখি।

থৌরম অসিদা শরুক য়াখিবা ইনভেস্তরশিং ইন্দস্ত্রিগী হেভিৱেতশিংনা হায়না পল্লদুনা প্রধান মন্ত্রীনা হায়খি মল্তিনেসনেলশিংনা এস.দব্লিউ.ও.তি এনালাইসিস অমা পাংথোকখ্রে অমসুং ভারতকী এস.দব্লিউ.ও.তি নৈনবা অসিদা অপাম্বশিং, থাজবা, মশানা মশাবু থাজবা, ইন্নোবেসন অমসুং খুদোংচাবা কয়া মরাংকাইনা লৈবগী মমি অমা তাগনি। হন্দক পাংথোকখিবা এশেমব্লি মীখলশিং অমসুং অফবা লৈঙাক অমা পুরক্নবা মীয়ামনা ভোৎ পীখিবা অদুগা মরী লৈননা প্রধান মন্ত্রীনা হায়খি এস্পিরেসনেল ইন্দিয়ানা মরা চেৎপা তংদু লৈতাবা সরকার অমা পাম্লি। কোবিদ লাইচৎ অমসুং মালেমগী রাজনিতিগী ওইরিক্লিবা ফিবমশিং লৈরবসু লৈবাক অসিনা মাঙলোমদা চঙশিনখি। কোরোনাগী তিকাশিং ওইগেরা নত্ত্রগা শেন্মিৎলোনগী থৌশিলশিং ওইগেরা, ভারতনা লৈবাক অসিগী তৌবা ঙম্বশিং অমসুং থৌশিলশিংদা থাজবা থম্লি।  মসিগী ফল ওইনা, মালেমগী অচৌবা ইকোনোমিশিংগা চাংদম্নবদা ভারতনা মশাগী ওইনা কাংলুপ অমদা মশা মরোমদোম লেপচবা ঙম্লে। উত্তরখন্দ য়াওনা ভারতকী রাজ্য খুদিংমক থৌনা অসিগী কান্নবশিং ফংলে।

প্রধান মন্ত্রীনা হায়খি দবল-ইঞ্জিন সরকারনা শরুক অনি থোক্না হোৎনবগী কান্নবশিং মফম খুদিংমক্তা উবা ফংলে। রাজ্য সরকারনা লমদম অসিগী দরকার ওইবশিং খঙনা থবক পাংথোক্লিঙৈদা, ভারত সরকারনা মমাঙদা অমুক্তা ওইখিদ্রিবা মওংদা উত্তরখন্দা শেন থাদরে। সরকার অনিমক্না অমনা অমগী থবকশিংদা মতেং পাংনরি। খুঙ্গংগী লমশিংদগী হৌরগা চার ধাম ফাওবা থবক কয়া পায়খৎলে। দিল্লি-দেহরাদুগী মরক্কী অরাপ্পা পুং ২:৩০দা হন্থরক্কদবা মতম অদু ইকুই কুইদ্রে। দেহরাদুন অমসুং পন্তনাগর এয়রপোর্ত পাকথোক-চাউথোকপা অসিনা মথক্তা চৎথোক-চৎশিনগী থবক ফগৎহল্লগনি। রাজ্য অসিদা হেলি-তেক্সি সর্বিস অমসুং রেলগী খুদোংচাবা হেনগৎহল্লে। পায়খৎলিবা থবকশিং অসিনা লৌউ-শিংউ, উদোগ, লোজিস্তিক্স, স্তোরেজ, তুরিজম অমসুং হোস্পিতেলিতিদা অনৌবা খুদোংচাবা কয়া পীরে।

মমাঙগী সরকারশিংনা ঙমখৈগী লমশিংদা অকক্নবা মীওইশিং খক চঙহল্লম্বা অদু পল্লদুনা প্রধান মন্ত্রীনা হায়খি ঙমখৈগী লমশিং লৈবাক অসিগী অহানবা খুঙ্গং ওইনা শেমগৎনবা দবল-ইঞ্জিন সরকারনা থবক পায়খৎলে। চাউখৎপা থিন্থরবা খুঙ্গংশিং অমসুং লমদমশিং মীৎয়েং চঙনবা এস্পিরেসনেল দিস্ত্রিক অমসুং এস্পিরেসনেল ব্লোকস প্রোগ্রাম পায়খৎলে। শীজিন্নদনা লৈরিবা উত্তরখন্দগী কান্নবশিং লৌনবা ইনভেস্তরশিংনা হোৎনগদবনি। উত্তরখন্দগী তুরিজম সেক্তরনা দবল-ইঞ্জিন সরকারগী কান্নবশিং ফংলিবা অসিগী মতাংদা প্রধান মন্ত্রীনা হায়খি মালেমগী মীয়াম্না ভারত্তা কোয়বা চৎনিংবগী অপাম্বা লৈরি। লমকোয়বা মীওইশিং মহৌশা অমসুং ভারতকী হেরিতেচ মশক খঙহন্নবা থিম-বেজ তুরিস্ত সর্কুইতশিং শেমগৎকদবনি। মহৌশা, নাৎ অমসুং হেরিতেচনা পুন্না শেম্বা উত্তরখন্দ অসি ব্রান্দ অমা ওইনা শেমগৎকদবনি।

মহাক্না হায়খি য়োগা, অয়ুর্বেদা, তির্থ অমসুং এদভেঞ্চর স্পোর্তস সেক্তরশিংদা লৈরিবা খুদোংচাবশিং খঙদোক্নবা অমসুং খুদোংচাবশিং লৌনবা ইনভেস্তরশিংনা হোৎনগদবনি। মেক ইন ইন্দিয়া’গা লোয়ননা ‘ৱেদ ইন ইন্দিয়া’ খোঙজং হৌনবা লৈবাক অসিগী ইনাকখুনবশিং অমসুং নহারোলশিংদা প্রধান মন্ত্রীনা অপীল তৌখি। মথং চহি মঙাদা উত্তরখন্দদা য়ামদ্রবদা লুহোংবগী থৌরম অমা পাংথোক্নবা মহাক্না মখোয়দা হায়জখি। প্রধান মন্ত্রীনা হায়খি করিগুম্বা চহি অমদা উত্তরখন্দদা লুহোংবা ৫০০০ পাংথোক্লবদি, অনৌবা ইনফ্রাস্ত্রকচর শেমগৎলক্কনি অমসুং রাজ্য অসি মালেমদা লুহোংফম অমা ওইরক্কনি।

প্রধান মন্ত্রীনা হায়খি অহোংবগী অকনবা নুংশিৎ অমা ভারত্তা শিৎলি। হৌখিবা চহি ১০দা এস্পিরেসনেল ভারত অমা শেম্লে। হান্না লায়রনা লৈরম্বা অচৌবা কাংলুপ অমা স্কিমশিং অমসুং খুদোংচাবশিং ফংলে। মীওই করোর কয়া লায়রবা কোক্তুনা ইকোনোমিদা অনৌবা ইনোৎ অমা পীরে। নিও মিদল ক্লাস অমসুং মিদল ক্লাস অনিমক হেন্না চাদিং তৌরে। ঐখোয়না ভারতকী মিদল ক্লাসকী তৌবা ঙম্বশিং খঙগদবনি। উত্তরখন্দা মসিগী শক্তি লৈরিবা কাংবু অসিনা অদোমগী অচৌবা কৈথেল অমা শেম্লে।

হাওস ওফ হিমালয়াস ব্রান্দ হৌদোকপগীদমক উত্তরখন্দ সরকার থাগৎপা ফোঙদোক্লদুনা প্রধান মন্ত্রীনা হায়খি মসি উত্তরখন্দগী পোৎথোকশিং মপান লৈবাকশিংগী কৈথেলশিংদা য়ৌহন্নবা অনৌবা থবক অমনি। হাওস ওফ হিমালয়াসনা মখা তানা ভোকেল ফোর লোকেল অমসুং লোকেল ফোর গ্লোবেলগী ঐখোয়গী ৱাখল্লোনশিং মপাঙ্গল কনখৎহনগনি। ভারতকী জিলা খুদিংমক অমসুং ব্লোক খুদিংমক্কী পোৎথোকশিং মালেমদা য়ৌবা ঙম্বগী ওইথোকপা লৈরি। মমল য়াম্লবা ক্লে য়ুতেন্সিলশিং শারে অমসুং অখন্নবা মওং অমদা মপান লৈবাকশিংদা ফংহল্লে। অসিগুম্বা পোৎথোকশিং মালেমগী কৈথেলশিংদা ফংহনবা হায়বসি য়াম্না মরুওই অমসুং তোঙান-তোঙানবা জিলাশিংগী অসিগুম্বা পোৎথোকশিং ইনভেস্তরশিংনা মশক খঙদোক্কদবনি।

মহাক্না হায়খি ইনভেস্তরশিংনা নুপীশিংগী হেল্ফ হেল্প গ্রুপশিং অমসুং এফ.পি.ওশিংগা থবক তৌমিন্নগদবনি। মসি লোকেল-গ্লোবেল শাম্নবা অঙকপা মরী অমা ওইগনি। লৈবাক অসিগী খুঙ্গংশিংদা লাখপতি দিদি করোর অনি পুথোক্নবা লাখপতি দিদি অভিয়ান পায়খৎলে অমসুং থবক অসিনা হাওস ওফ হিমালয়াসগী ব্রান্দদা অচৌবা ইনোৎ অমা পীরগনি।

নেসনেল কেরক্তর ফগৎহন্নবা লাল কিলাদা ফোঙদোকখিবা মহাক্কী ৱাফম পল্লদুনা প্রধান মন্ত্রীনা হায়খি ঐখোয়না পাংথোক্লিবা থবক খুদিংমক মালেমদা খ্বাইদগী ফবা ওইগদবনি। ঐখোয়গী স্তেন্দার্দশিং মালেম্না তুংইনগদবনি। ঐখোয়গী মেনুফেকচরিং অসি জিরো ইম্পেক,জিরো দিফেক্কী ৱাখল্লোন্দা য়ুম্ফম ওইগদবনি। ঐখোয়না হৌজিক কমদৌনা এক্সপোর্ত-ওরিয়েন্তেদ মেনুফেকচরিং হেনগৎহনগদগে হায়বদা মীৎয়েং চঙলে। পি.এল.আই কেম্পেন্না মরুওইবা সেক্তরশিংগী ফিবম অমা শেমগৎনবা ৱারেপ অমা লৌরে। নৌনা শেন থাদদুনা লোকেল সপ্লাই চেনশিং অমসুং এম.এস.এম.ইশিং মপাঙ্গল কনখৎহনবা দরকার ওইরে।

প্রধান মন্ত্রীনা হায়খি অহোংবা পোৎশিং মপান্দা থাদোকপগী ৱাখল্লোন থাদোকপা দরকার ওই অমসুং কেপাসিতি হেনগৎহনবদা পুক্নিং চঙগদবনি। মপান্দগী পেত্রোলিয়ম লৈবগী লুপা করোর লাখ ১৫গী বিল অমসুং কোয়লা পুশিল্লকপগী লুপা করোর লাখ ৪গী বিল লৈরি। ঙসি ভারতনা লুপা করোর লিশিং ১৫গী হৱায় মখল কয়া মপান লৈবাকশিংদগী লৈরি অমসুং মপান লৈবাকশিংদা হৱায়শিং লৈবা হন্থহন্নবা থবক পায়খৎকদবনি।

প্রধান মন্ত্রীনা হায়খি ভারত্তা মচি য়াম্না ওইবা মিল্লেতশিংগুম্বা চীঞ্জাকশিং মরাং কাইনা লৈরিঙৈদা মচি ওইবগী মিংদা পেকেজ ফুদ চারিবা অসি চেকশিনগদবনি। অয়ুসকা মরী লৈনবা ওর্গনিক ফুদ কয়া লৈরি অমসুং রাজ্য অসিগী লৌমীশিং অমসুং ওন্ত্রেপ্রেনিউয়রশিংদা মখোয়না কান্নবা কয়া পীরি। লমদম অসিগী পোৎথোকশিং মালেমগী কৈথেলশিংদা য়ৌহন্নবা মতেং পাংগদবনি।

মহাক্কী ৱারোল লোইশিল্লকপদা প্রধান মন্ত্রীনা হায়খি হৌজিক অসি ভারতকী ওইনা মমাঙদা অমুক্তা ওইখিদ্রিবা মতমনি অমসুং মসি ইনভেস্তরশিংগী মতমনি। মথং চহি মঙাদা ভারত মালেমদা অহুমশুবা খ্বাইদগী চাউবা ইকোনোমি অমা ওইরগনি। মসি মরা চেৎপা সরকার, মতেং পীবা থৌশিল, অওনবা পুরক্নবগী ৱাখল্লোন অমসুং চাউখৎপদা থাজবা থম্বগী অপুনবনা ওইহনবনি। হৌজিক চপ চারবা মতমনি। হৌজিক ভারতকী মতমনি। ইনভেস্তরশিংনা উত্তরখন্দদা লাক্কদবনি অমসুং রাজ্য অসিগী চাউখৎপগী খোঙচত্তা শরুক য়াগদবনি।

থৌরম অদুদা শরুক য়াখিবশিংগী মনুংদা উত্তরখন্দগী রাজ্যপাল লেপ্তনেন্ত জেনেরেল গুরমিত সিংহ(পোথারবা), উত্তরখন্দগী চীফ মিনিস্তর শ্রী পুস্কার সিংহ ধামি য়াওখি।

নুঙগীৱারোল

‘উত্তরখন্দ গ্লোবেল ইনভেস্তরস সম্মিৎ ২০২৩’ অসি উত্তরখন্দ শেন থাদবগী অনৌবা মফম অমা ওইনা মশক তাক্নবা মাইকৈদা থাংজিনবা খোঙথাং অমনি। দিশেম্বর ৮-৯, ২০২৩দা পাংথোক্কদবা মীফম অসিগী থিমদি “পিছ তু প্রোসপরিতি” হায়বনি।

মালেম শীনবা থুংবগী ইনভেস্তর অমসুং দেলিকেদ লিশিং কয়া সম্মিৎ অসিদা শরুক য়ারি। মসিদা য়ুনিয়ন মিনিস্তরশিং, তোঙান-তোঙানবা লৈবাকশিংগী এম্বেসেদরশিং অমসুং উদোগকী লুচিংবশিং শরুক য়ারি।

Delighted to see global investors converge at the Uttarakhand Investors' Summit. This will significantly contribute to the state's development journey. https://t.co/vP1P2K3hvB

— Narendra Modi (@narendramodi) December 8, 2023

Uttarakhand is a state where we experience both divinity and development together. pic.twitter.com/R3kCptgsAU

— PMO India (@PMOIndia) December 8, 2023

India is full of aspirations, brimming with hope, self-confidence, innovation and opportunities. pic.twitter.com/ALNHVzYSmW

— PMO India (@PMOIndia) December 8, 2023

Every Indian feels that it is his or her responsibility to build a developed India. pic.twitter.com/MVSWlADxqA

— PMO India (@PMOIndia) December 8, 2023

Developing border villages as first villages of the country. pic.twitter.com/j8zrdwn8fj

— PMO India (@PMOIndia) December 8, 2023

Local products of every district and block have the potential to go global. pic.twitter.com/cwbDvdw0Xj

— PMO India (@PMOIndia) December 8, 2023

Strengthening national character for building a developed India. pic.twitter.com/BYTxwqGMzS

— PMO India (@PMOIndia) December 8, 2023

Encouraging investments in India through PLI scheme. pic.twitter.com/QWIMcPoHGZ

— PMO India (@PMOIndia) December 8, 2023

Strengthening supply chains to become self-sufficient. pic.twitter.com/23Znv2bfF9

— PMO India (@PMOIndia) December 8, 2023

This is India's moment. pic.twitter.com/o2XTrTgENl

— PMO India (@PMOIndia) December 8, 2023

*****