پارلیمنٹ کے سرمائی اجلاس 2023 کے آغاز سے قبل آج یہاں وزیر دفاع جناب راج ناتھ سنگھ کی صدارت میں تمام سیاسی جماعتوں کے فلور لیڈروں کے ساتھ حکومت کی ایک میٹنگ منعقد ہوئی۔ اپنے افتتاحی خطاب میں پارلیمانی امور کے مرکزی وزیر جناب پرہلاد جوشی نے مطلع کیا کہ پارلیمنٹ کا سرمائی اجلاس 4 دسمبر 2023 بروز پیر شروع ہوگا اور سرکاری کاموں کی ضرورتوں کے پیش نظر یہ اجلاس جمعہ 22 دسمبر 2023 کو ختم ہو سکتا ہے۔ اس سرمائی اجلاس میں 19 دنوں کی مدت میں 15 نشستیں ہوں گی۔ انہوں نے یہ بھی بتایا کہ اس سیشن کے دوران عارضی طور پر قانون سازی کے کاروبار کے 19 آئٹم اور مالیاتی کاروبار کے 2 آئٹم کی نشاندہی کی گئی ہے جن پر بحث کی جائے گی۔

پارلیمانی امور کے مرکزی وزیر نے مزید کہا کہ حکومت ایوان میں متعلقہ پریذائیڈنگ افسران کی طرف سے ضابطوں کے طریقہ کار کے تحت اجازت شدہ کسی بھی مسئلے پر بحث کرنے کے لیے ہمیشہ تیار ہے۔ انہوں نے تمام پارٹی قائدین سے پارلیمنٹ کے دونوں ایوانوں کے کام کو بخوبی چلانے کے لیے فعال تعاون اور حمایت کی بھی درخواست کی۔ اجلاس میں وزارت قانون و انصاف کے وزیر مملکت (آزادانہ چارج)، پارلیمانی امور کی وزارت میں وزیر مملکت اور ثقافت کی وزارت میں وزیر مملکت جناب ارجن رام میگھوال نے بھی شرکت کی۔

میٹنگ کے اختتام پر، پارلیمنٹ کے دونوں ایوانوں میں مختلف سیاسی جماعتوں کے لیڈروں کی طرف سے اٹھائے گئے نکات کو سننے کے بعد، وزیر دفاع، جناب راج ناتھ سنگھ نے میٹنگ میں اہم مسائل اٹھانے کے لیے رہنماؤں کا شکریہ ادا کیا اور کہا کہ حکومت پارلیمنٹ کے متعلقہ ایوانوں کے قواعد کے مطابق اور متعلقہ پریذائیڈنگ افسران کی اجازت سے ان تمام مسائل پر بحث کے لیے تیار ہے۔

اجلاس میں مجموعی طور پر تئیس سیاسی جماعتوں کے تیس (30) رہنماؤں نے شرکت کی۔

17ویں لوک سبھا کے 14ویں سیشن اور راجیہ سبھا کے 262ویں اجلاس کے دوران پیش کئے جانے والے بلوں کی فہرست

I – قانون سازی کا عمل:-

1. منسوخی اور ترمیمی بل، 2023، جیسا کہ لوک سبھا سے منظور ہوا۔
2. ایڈووکیٹ (ترمیمی) بل، 2023، جیسا کہ راجیہ سبھا سے منظور ہوا۔
3. پریس اینڈ رجسٹریشن آف پیریڈیکل بل، 2023، جیسا کہ راجیہ سبھا نے منظور کیا ہے۔
4. آئین (جموں و کشمیر) شیڈول کاسٹ آرڈر (ترمیمی) بل، 2023
5. آئین (جموں و کشمیر) شیڈول ٹرائب آرڈر (ترمیمی) بل، 2023
6. جموں و کشمیر ریزرویشن (ترمیمی) بل، 2023
7. جموں و کشمیر تنظیم نو (ترمیمی) بل، 2023
8. بھارتی نیائے سنہتا، 2023
9. بھارتی ناگرک سرکشا سنہتا، 2023
10. بھارتیہ ساکشیہ ادھینیم، 2023
11. پوسٹ آفس بل، 2023
12. چیف الیکشن کمشنر اور دیگر الیکشن کمشنرز (تقرری، سروس کی شرائط اور عہدے کی مدت) بل، 2023
13. بوائلرز بل، 2023
14. ٹیکس بل، 2023 کا عارضی مجموعہ
15. سینٹرل گڈس اور سروسز ٹیکس (دوسری ترمیم) بل 2023
16. جموں و کشمیر تنظیم نو (ترمیمی) بل، 2023
17. مرکز زیر انتظام علاقوں کی حکومت (ترمیمی) بل، 2023
18. قومی دارالحکومت علاقہ دہلی قوانین (خصوصی دفعات) دوسرا (ترمیمی) بل، 2023
19. مرکزی یونیورسٹیاں (ترمیمی) بل، 2023

II – مالیاتی عمل:-

1. سال 2023-24 کے لیے گرانٹس کے ضمنی مطالبات کے پہلے بیچ پر پیشکش، بحث اور ووٹنگ اور متعلقہ مختص بل کا تعارف، غور اور منظوری۔
2. سال 2020-21 کے لیے اضافی گرانٹس کے مطالبات پر پیشی، بحث اور ووٹنگ اور متعلقہ مختص بل کا تعارف، غور اور منظوری۔

**************

ش ح۔ ف ش ع- م ف

U: 1697