প্রধানমন্ত্রীগী লোইশঙ
পি.এম.না বেনিফিশরী লৌমীশিংদা ‘জয় জগন্নাথ’ হায়না কৌখ্রে
ওরিশাগী লৌমীশিংনা মখোয়গী অঙাংশিংনা তুংগী অফবা মতম অমদা হিংলগনি হায়বগী থাজবা লৈরে
Posted On:
30 NOV 2023 1:25PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিকশিৎ ভারত সঙ্কল্প য়াত্রাগী বেনিফিশরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হৌদোকখ্রে। থৌরম মনুংদা, প্রধান মন্ত্রীনা 10,000শুবা জন ঔশধী কেন্দ্রবু এমসকী দেওঘরদা মীয়ামদা খুৎশিন্নখ্রে। মখা তারকপদা, শ্রী মোদীনা লৈবাক্কী জন ঔশধী কেন্দ্র মশিংনা 10,000দগী 25,000 ফাওবা হেনগৎহন্নবা প্রোগ্রাম অমসু হৌদোকখি। নুপী SHGশিংদা দ্রোন পীথবা অমসুং জন ঔশধী কেন্দ্র মশিংবু 10,000দগী 25,000 ফাওবা হেনগৎহনবগী খোঙথাং অনিমক প্রধান মন্ত্রীনা চহিসিগী মতম খরগী মমাংদা, মহাক্কী নিংতম্বা নুমিৎকী লৈবাক মীয়ামদা থম্বা ৱারোলদা লাউথোকখিবনি। থৌরম অসিনা মহাক্কী ৱাশক মপুং ফাহল্লে হায়না পাউদম্লি।
ওরিশাগী রাইগরগী লৌমী, পুর্না চান্দ বেনিয়াবু প্রধান মন্ত্রীনা ‘জয় জগন্নাথ; হায়না কৌখি। শ্রী বেনিয়াজীনা সরকারগী স্কিম কয়াগী বেনিফিশরী ওইরি। বেনিফিশরী অসিনা মহাক্কী পুন্সিনা উজ্বালাগী মতুংদগী করম্না হোংখি হায়না পাউদমখি। মহাক্কী অঙাংশিংগী তুংগী মতমগী মতাংদা মহাক্না থাজবা লৈরে হায়না মহাক্না প্রধান মন্ত্রীগী মফমদা পাউদমখি। মহাক্না কান্নবা ফংগদবা করি স্কিম লৈরিবগে খঙনবগীদমক্তা য়াত্রা অসিদা শরুক য়ারিবা ওফিসরশিংগী মফমদা হংবীয়ু হায়না প্রধান মন্ত্রীনা মহাক্কী মফমদা হায়খি।
***
(Release ID: 1981115)
Visitor Counter : 111
Read this release in:
Kannada
,
Odia
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam