جان بچانے کے لیے اپنے اٹل عزم کو جاری رکھتے ہوئے، حکومت اترکاشی کی سلکیارا سرنگ میں جاری بچاؤ کارروائیوں میں سرگرم عمل ہے، جہاں 41 کارکن پھنسے ہوئے ہیں۔ سرنگ کا 2 کلومیٹر کا حصہ بچاؤ کی کوششوں کا مرکزی نقطہ ہے جس پر مزدوروں کی حفاظت کو یقینی بنانے کے لیے ٹھوس کام مکمل ہو چکا ہے۔

کارکنوں کے محفوظ انخلا کو یقینی بنانے کے لیے مختلف سرکاری ادارے ہر تفویض کردہ مخصوص کام پر انتھک محنت کر رہے ہیں۔ قومی اور بین الاقوامی ماہرین ریسکیو آپریشن پر مشورہ دینے کے لیے جائے وقوعہ پر موجود ہیں۔ حکومت پھنسے ہوئے لوگوں کے حوصلے بلند کرنے کے لیے ان سے مسلسل رابطے میں ہے۔

بچاؤ کارروائیوں پر اہم اپ ڈیٹس:

1. این ایچ آئی ڈی سی ایل لائف لائن کوششیں:

• سیکنڈ لائف لائن (150 ملی میٹر قطر) سروس کا استعمال کرتے ہوئے باقاعدہ وقفوں پر تازہ پکا ہوا کھانا اور تازہ پھل ٹنل کے اندر پہنچائے جا رہے ہیں۔
• ایس ڈی آر ایف کے ذریعہ معیاری افرادی قوت کے ساتھ ویڈیو کمیونیکیشن قائم کی گئی ہے اور این ڈی آر ایف کے ذریعہ ڈائریکٹ لائن کمیونیکیشن قائم کی گئی ہے۔

2. این ایچ آئی ڈی سی ایل کی طرف سے افقی بورنگ

• 22.11.2023 کو 0045 بجے شروع ہونے والی ڈرلنگ کو پائپ کے سامنے کسی دھاتی چیز (لیٹیس گرڈر رب) کے سامنے آنے کی وجہ سے روک دیا گیا تھا اور پائپ کو مزید نہیں ڈالا جا سکتا تھا۔ گیس کٹر کا استعمال کرتے ہوئے دھاتی آبجیکٹ (لیٹیس گرڈر رب) کی کٹائی 23.11.2023 کو 0230 بجے مکمل ہو چکی ہے۔
• کنکریٹ کو تیزی سے سخت کرنے کے لیے ایکسلریٹنگ ایجنٹ کا استعمال کرتے ہوئے آگر مشین کے لیے پلیٹ فارم کی مضبوطی مکمل ہو گئی ہے۔
• آگر مشین کے پلیٹ فارم کو اینکرنگ، بولٹنگ، کنکریٹنگ فاؤنڈیشن وغیرہ کے ذریعے مضبوط کیا گیا ہے۔
• آگر کو دوبارہ جوڑنے کا کام مکمل ہو گیا اور 1430 بجے تک تمام آگر دوبارہ داخل کر دیے گئے۔
• 24.11.2023 کو 1625 بجے 10ویں پائپ (4.7 میٹر لمبائی) کی پشنگ شروع ہوئی اور 24.11.2023 کو 1750 بجے تک 2.2 میٹر لمبا پائپ ڈالا گیا جس کے نتیجے میں کل ڈالے گئے پائپ کی لمبائی 46.9 میٹر ہو گئی۔
• 10ویں پائپ کو دھکا دینے کے دوران مزید رکاوٹ دیکھی گئی اور پائپ کو دھکا دینا بند کرنا پڑا۔ اس کے بعد آگر کو پیچھے ہٹانے کا عمل شروع کیا گیا۔
• اس کے بعد، 27.11.2023 کو آگر کی واپسی شروع کی گئی جو 0300 بجے مکمل ہوئی۔ کل کاٹنے کی لمبائی 46.90 میٹر حاصل کی گئی ہے۔
• ویلڈرز کے بصری معائنے کے بعد پتہ چلا ہے کہ آگر کا کٹر جالی دار باروں سے الجھ گیا ہے جس سے 800 ملی میٹر گزرنے والے پائپ کی 1.5 میٹر لمبائی کو نقصان پہنچا ہے۔ مزید، ان جالی سلاخوں کی کٹائی کا کام جاری ہے۔
• 800 ملی میٹر ریسکیو پائپ کو تمام رکاوٹوں سے صاف کرنے کے بعد جس میں پھنسے ہوئے آگر شامل ہیں، دوسری طرف تک رسائی کے لیے آخری چند میٹروں کو صاف کرنے کے لیے دستی ڈرفٹ کا طریقہ کار لاگو کیا جائے گا۔

3. ایس جے وی این ایل کے ذریعے بچاؤ کے لیے عمودی ڈرلنگ:

• ڈرلنگ مشینیں جائے وقوعہ پر پہنچ گئیں۔
• ڈرلنگ مشین کی لانچنگ کا پلیٹ فارم مکمل ہو چکا ہے۔
• جی ایس آئی، آر وی این ایل اور او این جی سی کے ساتھ بات چیت کے بعد سرنگ کے اوپر ڈرلنگ پوائنٹ کی مارکنگ کو حتمی شکل دے دی گئی ہے۔
• مین مشین ڈرلنگ سائٹ پر پہنچ گئی ہے۔ مشین کی ڈرلنگ رگ کو ٹنل پورٹل سے ڈرلنگ سائٹ تک پہنچا دیا گیا ہے۔ 26.11.23 کو 1205 بجے ڈرلنگ شروع کی گئی تھی اور رپورٹنگ کے وقت تک 30.80 میٹر ڈرلنگ مکمل ہو گئی تھی۔

4. ٹی ایچ ڈی سی کے ذریعہ بارکوٹ کی طرف سے افقی ڈرلنگ:

• ٹی ایچ ڈی سی نے بارکوٹ کے سرے سے ایک ریسکیو ٹنل کی تعمیر شروع کی ہے۔
• چھٹا دھماکہ 27.11.2023 کو 0615 بجے کیا گیا۔
• ڈرفٹ کی کل لمبائی 12 میٹر ہے۔

5. آر وی این ایل کے ذریعے عمودی-افقی ڈرلنگ:

• مزدوروں کو بچانے کے لیے افقی ڈرلنگ کے لیے درکار مائیکرو ٹنلنگ کا سامان ناسک اور دہلی سے سائٹ پر پہنچ گیا ہے۔
• پلیٹ فارم بنانے  کا کام جاری ہے۔

6. سلکیارا سرے پر آر وی این ایل کے ذریعے عمودی ڈرلنگ (6 انچ):

• 1150 میٹر تک رسائی والی سڑک کو بی آر او نے مکمل کر کے آر وی این ایل کے حوالے کر دیا ہے۔ ڈرلنگ کے لیے مشین کو بی آر او کے ذریعے مقام پر لایا گیا۔
• آر وی این ایل کو الیکٹرک کنکشن فراہم کر دیا گیا ہے۔
• عمودی ڈرلنگ کے لیے پلیٹ فارم مکمل ہو چکا ہے۔
• ڈرلنگ 26.11.2023 کو 0400 بجے شروع ہوئی اور 72 میٹر مکمل ہو گئی۔

7. او این جی سی کے ذریعہ بارکوٹ کی طرف سے عمودی ڈرلنگ

• او این جی سی ڈرلنگ ٹیم نے 20.11.2023 کو سائٹ کا دورہ کیا۔
• اندور سے ایئر ڈرلنگ رگ مشین سائٹ پر پہنچ گئی ہے۔
• او این جی سی کے ذریعہ متحرک ایئر ہیمر ڈرلنگ رگ کا تمام متعلقہ مواد رشی کیش میں اسٹینڈ بائی میں ہے کیونکہ بی آر او کے ذریعہ ڈرلنگ کے لیے رگ کی جگہ کے لیے سڑک اور مقام تیار کیا جارہا ہے۔

8. ٹی ایچ ڈی سی ایل/آرمی/کول انڈیا اور این ایچ آئی ڈی سی ایل کی مشترکہ ٹیم کے ذریعہ دستی-سیمی میکانائزڈ طریقہ سے ڈرفٹ ٹنل:

• ڈرفٹ ڈیزائن مکمل۔
• سائٹ پر سامان دستیاب۔
• 21.11.2023 کو آرمی ویلڈرز کے ذریعے فیبریکیشن شروع کی گئی۔
• 22 فریم تیار کیے گئے ہیں

9. بی آر او کی طرف سے سڑک کی کٹائی اور معاون کام:

• بی آر او نے ایس جے وی این ایل اور آر وی این ایل کے ذریعے عمودی ڈرلنگ کے لیے اپروچ روڈ کی تعمیر مکمل کر لی ہے۔
• بی آر او او این جی سی کے ذریعہ کیے گئے جیولوجیکل سروے کے ساتھ او این جی سی کے لیے اپروچ روڈ بھی بنا رہا ہے۔ 5000 میٹر میں سے اب تک 1050 میٹر اپروچ روڈ تعمیر ہو چکی ہے۔

                                             **************

ش ح۔ ف ش ع- م ف

U: 1466